”شينجياڭنىڭ كەرىم كەلبەتى مەنى وزىنە ٴتانتى ەتتى“
_ كوكتەم مەرەكەسىنىڭ ارنايى كونسەرتى_ «كوركەمدىك شينجياڭدا» بۇقارانىڭ قىزۋ القاۋىنا بولەندى
ارتيستەر”جاستار ۆاليسىن“ ورىنداۋدا. 2-ايدىڭ 10-كۇنى ورتالىق راديو-تەلەۆيزيا باس ستانسياسى 2024-جىلعى كوكتەم مەرەكەسى ساۋىق كەشى بولىمشە الاڭىنىڭ كوكتەم مەرەكەسى كەزىندەگى ارنايى كونسەرتى —”كوركەمدىك شينجياڭدا“ 1 ـCCTVدە تاراتىلدى.
سۋرەتتى اناربۇلت\ شينجياڭ گازەتىنىڭ ءتىلشىسى وتكىر نيجات تۇسىرگەن
□ انار بۇلت \ شينجياڭ گازەتىنىڭ ٴتىلشىسى يىن لۋ
مۋزيكا ٴۇنى جۇرەكتەردى ەلىتىپ، ٴبيى مۋزيكامەن ۇندەستى. 2 ـ ايدىڭ 10 ـ كۇنى ورتالىق راديو ـ تەلەۆيزيا باس ستانسياسىنىڭ 2024 ـ جىلعى كوكتەم مەرەكەسى بىرلەسكەن ساۋىق كەشىنىڭ بولىمشە الاڭىنداعى كوكتەم مەرەكەسى ارنايى كونسەرتى _ «كوركەمدىك شينجياڭدا» 1 ـCCTVدە قويىلىپ، شينجياڭدى جىرلاعان ەڭ تاماشا كۇيدى اسقاقتاتتى. ”شينجياڭنىڭ كەرىم كەلبەتى مەنى وزىنە ٴتانتى ەتتى“. كوكتەم مەرەكەسىنىڭ قۋانىشتى تا قۇتتى رايىندا كورەرمەندەر ٴان ـ ٴبي مەكەنى اكەلگەن اسەم ٴان ـ بيلەردى ٴلاززاتتانا تاماشالاپ، جاڭا داۋىردەگى شينجياڭنىڭ شەكسىز كوركىنە كۋا بولدى.
«كوركەمدىك شينجياڭدا» كورەرمەندەر شينجياڭداعى ادەبيەت ـ كوركەمونەر قىزمەتكەرلەرىنىڭ تاياۋ جىلداردان بەرى ساحنالىق كوركەمونەردىڭ جوعارى ساپالى دامۋ جولىنا قادام تاستاعان باتىل ۇمتىلىسىن، جۇرەكتىلىكپەن جاڭالىق اشۋىن، ەرىنبەي ـ جالىقپاي ىزدەنىس جاساعاندىعىن بايقادى. بۇل كونسەرت جۇڭحۋا ۇلتىنىڭ رۋحاني ەنەرگياسىنا تولدى، ەرەكشە جوعارى مادەنيەت مازمۇنىنا جانە كوركەمونەرلىك قۇنعا يە بولىپ، دۇنيە جۇزىنە جۇڭگونىڭ ٴان ـ ٴبي كوركەمونەرىنىڭ زامانىمىزداعى قاسيەتى مەن ناقتى قۋاتىن كورسەتتى.
اسقاق سەزىمى تاسقىنداعان جىگىتتەر 13 ـ كەزەكتى جۇڭگو ٴبيىنىڭ ”حىحۋا سيلىعى“ ۇلتتاردىڭ حالىقتىق ٴبيى التىن مەدالىن العان تۋىندى _ «شۇعىلاعا شومعان ماكىت» ٴبيىن تاعى ٴبىر رەت ساحناعا شىعاردى، سەرپىندى، ەرشىمدى ٴبي قيمىلى، اسەرلى، شىعانداعان ريتىم مۇنى سانسىز قايتالاي كورگەن كورەرمەندەردىڭ ٴوزىن ەرەكشە تەبىرەنىسكە بولەدى.
”بۇل ٴبيدى قانشا رەت كورگەنىم ەسىمدە قالماپتى، ٴار رەت كورگەنىمدە ىشكى تەبىرەنىسىمدى باسا الماي قالامىن، بۇل ٴبيدى جاڭا ٴبىر توپ جاس جىگىتتەردىڭ بيلەگەندىگىن كورىپ وتىرمىن، الايدا سول كوتەرىڭكى ارىن تيتتەي دە وزگەرمەپتى“. كورەرمەن ۋ يىنگى: بۇل ٴبيدىڭ «كوركەمدىك شينجياڭدا» ساحناسىنا كوتەرىلۋى ونىڭ سارا تۋىندى قۇنىنىڭ ۋاقىتتىڭ سىنىنان سۇرىنبەي وتكەندىگىن كورسەتەدى، ـ دەدى.
500 ٴانشى، ٴبيشى، اسپاپتىق مۋزيكا ورىنداۋشىلاردان قۇرالعان شينجياڭ ۇيعۇر مۇقام كوركەمونەر كونسەرتى «ماحابباتىمدى وتان اناما ارنايمىن» كورەرمەندەردى تامساندىردى، ٴان، ٴبي، مۋزيكانىڭ مۇلتىكسىز قابىسۋى مۇقامنىڭ امبەباپ كوركەمونەر فورماسى رەتىندەگى ماڭىزدى مادەنيەت قۇنىن ايگىلەدى.
”وسى شەپتىڭ ٴوزى مەنى قاتتى تاڭ قالدىردى، ونان كەيىنگى اشىق تا تۇنىق، الىستان شىعانداپ جەتكەن ٴان اۋەنى جان دۇنيەمدى ٴتىپتى دە ەلىتتى، سونشاما باي مازمۇندى مۋزيكا اسپاپتارى، سونشاما بۇراتىلعان ٴبي قيمىلى ماعان نە ٴۇشىن مۇقام كوركەمونەرىنىڭ جۇڭحۋا مادەنيەتىنىڭ، اۋەلى، دۇنيە مادەنيەتىنىڭ جاۋھارى دەپ اتالعاندىعىن شىنايى ۇعىندىردى“، ـ دەدى كورەرمەن فان ميڭ.
كوپتەگەن كورەرمەن: ”كونسەرتتىڭ ۋاقىتى قىسقا بولدى، ابدەن قانىپ كورە المادىق“، ـ دەستى، راۋاپ، چاڭ، سىرناي، بامبۋك سىبىزعى، عيجەك، دۋتار، تامبۇر، داپ سياقتى مۋزيكا اسپاپتارى ٴبىر ۋاقىتتا وينالعاندا كورەرمەندەر: ”مۇنداي شەپتى بۇرىن كورمەگەن ەكەنبىز، ٴبىزدى ەرەكشە تاڭ قالدىردى“، ”ايتسا ايتقانداي، بايتاق دا كورىكتى شينجياڭنىڭ كوركەمونەرلىك بەينەسى وسىنشاما ايبىندى ەكەن“، ـ دەستى.
حالىقتىق مۋزيكا مەن روك مۋزيكاسى ۇشتاستىرىلىپ ورىندالعان «ساحارا ٴتۇنى»، «گۇل نەگە سونشاما قىزىل» اندەرى ٴارى وسى زامانعى تىنىسقا يە بولدى، ٴارى جاس كورەرمەندەردىڭ كلاسسيكالىق كونە اندەردى جاڭا تۇرعىدان قابىلداۋىنا مۇمكىندىك جاسادى، كورەرمەن ما بەييۋان سولاردىڭ ٴبىرى، ول بىلاي دەدى: ”ٴمورىنقور، راۋاپ، ەلەكتروندى گيتار، قوندىرعى بارابان سياقتىلاردىڭ قوسىلا سۇيەمەلدەۋى وتە جاڭاشا بىلىنەدى ەكەن، تىڭداعاندا وتە تاماشا سەزىمدە بولادى ەكەنىسز، بىزگە وسىنداي ادەبيەت ـ كوركەمونەر تۋىندىلارى قاجەت“.
يۇيديان نيڭمىڭ حور ۇيىرمەسىندەگى بالالار ورىنداعان «ارمان» اتتى ٴان سانسىزكورەرمەندى اسەرلەندىردى، ”ەل امان، تۇرمىس تىنىش، وسى ەدى سەنىڭ ارمانىڭ“... ولاردىڭ تۇنىق تا كىرشىكسىز ٴان اۋەنى كورىكتى تۇنگى كورىنىسكە وزگەشە اسەر سيلادى.
قاشقار بايىرىعى قالاسىندا شامدار جايناپ، سالتاناتتى ٴان شىرقالعاندا، وتانىمىزدىڭ بۇگىنگى بەيبىتشىلىگى، تىنىشتىعى ٴۇشىن قان ـ تەرى مەن ٴومىرىن ارناعان ادامدار ورالادى. بالالاردىڭ ٴانى ٴاربىر ادامنىڭ جۇرەگىنە ۇيالادى“، ـ دەدى كورەرمەن ەركىن تۇرسۇن تەرەڭ اسەرمەن.
”وسى زامانعى جوعارى عىلىم ـ تەحنيكانىڭ كومەگىندە جاسالعان ٴبيدىڭ قوسىلۋى شينجياڭ ٴان ـ ٴبي كوركەمونەرىنىڭ بەت ـ بەينەسىن ونان ارى جانداندىرىپ، تارتىمدى ەتە ٴتۇستى“. كورەرمەن سۇڭ رۇڭفي بىلاي دەدى: ”شينجياڭ ٴان ـ ٴبيىنىڭ بەينەلەۋ فورماسى كوپ نەگىزدى، جاسامپازدىق كەڭىستىگى وراسان زور، قوعامنىڭ نازار اۋدارۋ دەڭگەيى وتە جوعارى، ول ٴتىپتى دە كوپ وسىنداي ساحنانى قاجەت ەتەدى، ناقتى قۋاتى ارقىلى شينجياڭدى تانىستىراتىن مادەنيەت تانىسقىسىنا اينالدى“.
«كوركەمدىك شينجياڭدا» ساحنالىق كونسەرت پەن ناقتى تۇرمىس كورىنىسىنىڭ ىقپالداستىعىن جۇزەگە اسىرىپ، وسى ارقىلى دۋماندى جۇڭگو جىلىن ايگىلەدى. كونسەرتتە بۇكىل شينجياڭنىڭ جەر ـ جەرىندە كوكتەم مەرەكەسىن شات ـ شادىمان وتكىزگەن دۋماندى بەينەلەر ەكراننان كوپتەپ كورىندى، تارباعاتايداعى بەيزاتتىق مادەنيەت مۇرالارىن جالعاستىرۋشىلار جاساعان بالكۇلشەنى كوتەرىپ شىقتى، التاي ايماعى قوم قىستاعىنداعى قار ۇيلەردىڭ جانىنا ساياحاتشىلار قاردان ادام جاسادى، باركولدىڭ اۋىل ـ قىستاقتارى مەرەكەلىك تۇسكە بولەندى... وسى جاندى دا جالىندى كورىنىستەر كورەرمەندەرگە ىستىق ىقىلاستى، ەكپىندەي ىلگەرىلەگەن، كۇش ـ قۋاتقا تولى شينجياڭدى ٴتىپتى دە كوپ تۇرعىدان كورسەتتى.
