شينحۋا اگەنتتىگىنىڭ 2 ـ ايدىڭ 17 ـ كۇنى حۇلۇنبەردەن بەرگەن حابارى. 2 ـ ايدىڭ 17 ـ كۇنى 14 ـ كەزەكتى مەملەكەتتىك قىسقى سپورت جارىسى ىشكى موڭعۇل اۆتونوميالى رايونىنىڭ حۇلۇنبەر قالاسىندا باستالدى. مەملەكەتتىك كەڭەستىڭ مۇشەسى چىن يچين باستالۋ سالتىنا قاتىناستى ٴارى جارىستىڭ باستالعاندىعىن جاريالادى.
2 ـ ايدىڭ 17 ـ كۇنى كەشتە ىشكى موڭعۇل مۇز ٴۇستى سپورتى جاتتىقتىرۋ ورتالىعى مۇزدا تەز سىرعاناۋ سارايىنىڭ ٴىشى جاستىق كوكتەمنىڭ ومىرشەڭ كۇشى مەن شات كۇلكى ۇنىنە تولدى. ساعات 20دا قىسقى سپورت جارىسىنىڭ باستالۋ سالتى باستالدى، ول باستالۋ سالتى، مادەنيەت ـ دەنە تاربيە قويىلىمى سىندى ەكى ۇلكەن بولىككە ٴبولىندى. باستالۋ سالتىندا ىشكى موڭعۇل اۆتونوميالى رايوندىق پارتكومنىڭ شۋجيى سۇن شاۋچىڭ قارسى الۋ ٴسوزىن سويلەدى، مەملەكەتتىك دەنە تاربيە باس مەكەمەسىنىڭ باستىعى گاۋ جىدان باستالۋ ٴسوزىن سويلەدى. باستالۋ سالتىن ىشكى موڭعۇل اۆتونوميالى رايوندىق ۇكىمەتتىڭ ٴتوراعاسى ۋاڭ ليشيا باسقاردى.
ساعات 20دان 36 مينۋت وتكەندە مەملەكەتتىك كەڭەستىڭ مۇشەسى چىن يچين: ”جۇڭحۋا حالىق رەسپۋبليكاسى 14 ـ كەزەكتى قىسقى سپورت جارىسى باستالدى!“ ـ دەپ جاريالادى. بۇكىل الاڭنان قىزۋ قول شاپالاق ٴۇنى كوتەرىلدى.
وسىدان كەيىن ”قىزۋ سۇيىسپەنشىلىككە تولى قار ـ مۇز، سولتۇستىك وڭىردە ارمانعا قانات قاعۋ“ نەگىزگى تاقىرىپ بولعان مادەنيەت ـ دەنە تاربيە قويىلىمى شىمىلدىعىن اشتى. مادەنيەت ـ دەنە تاربيە قويىلىمى بەتاشار «ورتاق مەكەن»، نەگىزگى تاراۋ «كەستەدەي كوركەم تاۋ ـ وزەن»، «قار ـ مۇزدا ورتاق ۋادەلەسۋ»، «قول ۇستاسا بىرگە ەكپىندەي ىلگەرىلەۋ» جانە سىرگە جيار «ورتاق بولاشاقتى» قامتىپ، قويىلىم جۇڭگو كەلبەتى، ۇلتتىق ەرەكشەلىك، سولتۇستىك ٴوڭىر كوركى جانە سپورت ومىرشەڭدىگىن عىلىم ـ تەحنيكالىق ٴتاسىل ارقىلى جاڭالىق اشا كورسەتىپ، جالعاستىرۋ مەن جاڭالىق اشۋدىڭ توعىسىندا ساحارا مادەنيەتى، قار ـ مۇز مادەنيەتى مەن ۇلت مادەنيەتىنىڭ الۋان ٴتۇرلى باۋراۋ قۋاتىن ايگىلەدى.
وسى كەزەكتى قىسقى سپورت جارىسى _ ٴار كەزەكتەگى مەملەكەتتىك قىسقى سپورت جارىستارىنىڭ ىشىندە كولەمى ەڭ ۇلكەن، سپورت تۇرلەرى ەڭ كوپ، ولشەمى ەڭ جوعارى ٴبىر كەزەكتى سپورت جارىسى. ىشكى موڭعۇلداعى ٴارقايسى جارىس اۋماقتارىنان سىرت، ٴبىر ٴبولىم جارىس تۇرلەرى بەيجيڭ يانچيڭ، حىبەي جاڭجياكوۋداعى بەيجيڭ قىسقى وليمپيادا الاڭ ـ سارايلارىندا وتكىزىلەدى، جيىنى 31 ولكە، اۆتونوميالى رايون، قالا، شينجياڭ ٴوندىرىس ـ قۇرىلىس بيڭتۋانى، شياڭگاڭ، اۋمىن رايوندارىنان كەلگەن 35 ۋاكىلدەر ۇيىرمەسىندەگى 3000نان استام سپورتشى باسەكەلىك دەنە تاربيە مەن بۇقارالىق تۇرلەردىڭ جارىسىنا قاتىناسىپ، 8 ۇلكەن ٴتۇر، 16 تارماق ٴتۇر، 180 شاعىن ٴتۇر بويىنشا باسەكە ورىستەتەدى.
