_ شي جينپيڭ مادەنيەت يدەياسىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (11)
□ شينحۋا اگەنتتىگىنىڭ تىلشىلەرى جۋ چاۋ، فىڭ شينران، شاۋ يبو
”ٴار ەلدىڭ بولاشاق تاعدىرى تىعىز بايلانىسقان قازىرگى تاڭدا، تۇرلىشە وركەنيەتتەردىڭ سيىسىمدى بولىپ قاتار ٴومىر ٴسۇرۋى، اۋىس ـ كۇيىس جاساپ ٴوزارا ۇلگى الۋى ادامزات قوعامىنىڭ وسىزاماندانۋ ٴۇردىسىن ىلگەرىلەتۋ، دۇنيە ٴجۇزى وركەنيەتىنىڭ گۇلزارىن گۇلدەندىرۋ بارىسىندا ورنىن باسا المايتىن رولعا يە“.
پارتيا 18 ـ قۇرىلتايىنان بەرى باس شۋجي شي جينپيڭ تۇرلىشە وركەنيەتتەردىڭ اۋىس ـ كۇيىس جاساۋىن، ٴوزارا ۇلگى الۋىن ىلگەرىلەتۋدى بەلسەنە دارىپتەپ، بۇكىل ادامزاتتىڭ ورتاق قۇندىلىعىن اسقاقتاتۋدى دارىپتەپ، الەمدىك وركەنيەت باستاماسىن العا قويىپ، ادامزات وركەنيەتىنىڭ العا باسۋىن ىلگەرىلەتۋ، الەمدىك ورتاق سىن ـ سايىستارعا توتەپ بەرۋ ٴۇشىن جۇڭگو اقىل ـ پاراساتىن ارناپ، رۋحاني كۇش ـ قۋاتتى قاۋلاتتى.
وركەنيەت اۋىس ـ كۇيىس ارقىلى الۋان ٴتۇرلى بولادى، وركەنيەت ٴوزارا ۇلگى الۋ ارقىلى باييدى.
شي جينپيڭ مادەنيەت يدەياسىن ۇيرەنۋدە، دايەكتىلەندىرۋدە، ٴسوز جوق، ادامزاتتىڭ تاڭداۋلى وركەنيەت جەتىستىكتەرىنەن اناعۇرلىم بەلسەندى دە ىرىقتى تۇردە ۇلگى الىپ، جۇڭحۋا ۇلتىنىڭ وسى زامانعى وركەنيەتىن كوركەيتۋگە مول ٴنار ازىرلەپ، ادامزاتتىڭ تاعدىرلاس ورتاق تۇلعاسىن قۇرۋعا تيەسىلى ۇلەس قوسۋ كەرەك.
”جۇڭحۋا وركەنيەتىنىڭ دارقان بەينەسى جۇڭحۋا مادەنيەتىنىڭ ەجەلدەن بەرگى اشىق اۋقىمىنىڭ، سيىسىمدىلىعىنىڭ ارقاسى“
2022 ـ جىلى 2 ـ ايدىڭ 20 ـ كۇنى 24 ـ كەزەكتى قىسقى وليمپيادا سپورت جارىسىنىڭ اياقتاۋ سالتى بەيجيڭدەگى مەملەكەتتىك دەنە تاربيە الاڭىندا وتكىزىلدى. وت شاشۋ ارقىلى ”قۇس ۇياسىنىڭ“ اسپان كەڭىستىگىندە حانزۋشا، اعىلشىنشا ”الەم اياسى ٴبىر شاڭىراق“ دەگەن جازۋ بەينەلەنگەندە بايىرعى جۇڭگو اقىل ـ پاراساتى مەن وليمپيادا رۋحى مۇلتىكسىز توعىسىپ، دۇنيە جۇزىنە تەرەڭ اسەر سيلادى.
بايتاق جۇڭحۋانىڭ تاريحى ۇزاق، وركەنيەتى دارقان.
2023 ـ جىلى 6 ـ ايدىڭ 2 ـ كۇنى باس شۋجي شي جينپيڭ مادەنيەتتى جالعاستىرۋ، دامىتۋ اڭگىمە ماجىلىسىندە بىلاي دەپ تەرەڭدەي اتاپ كورسەتتى: جۇڭحۋا وركەنيەتىنىڭ كورنەكتى سيىسىمدىلىققا يە بولۋى، تۇبىرىنەن العاندا، جۇڭحۋا ۇلتىنىڭ ارالاسۋ، ىشتەسۋ، توعىسۋ سىندى تاريحي بەتالىسىن بەلگىلەگەن، جۇڭگوداعى ٴارقايسى ٴدىني سەنىمنىڭ كوپ نەگىزدى قاتار ٴومىر سۇرگەن جاراسىمدى جاعدايىن بەلگىلەگەن، جۇڭحۋا مادەنيەتىنىڭ دۇنيە ٴجۇزى وركەنيەتىنە بىردەي قۇشاق اشاتىن اشىق پەيىلىن بەلگىلەگەن.
جۇڭحۋا ۇلتى بۇرىننان ٴبارىن بىردەي ٴسۇيۋدى، بارلىق ەل تاتۋ ـ ٴتاتتى ٴوتۋدى، الەمنىڭ ۇلى بىرلىگىن دارىپتەپ، ”ادىلەتتىڭ داڭعىل جولىمەن جۇرگەندە عانا، دۇنيە كوپكە ورتاق بولاتىن“ تاماشا دۇنيەنى اڭسادى.
جاڭ چيان باتىس وڭىرگە ەلشىلىككە باردى، شۋانزاڭ باتىسقا ساپار جاسادى، جيانجىن جاپونياعا ساپار شەكتى... تاريحتا جۇڭحۋا ۇلتى سەنىمدى ٴارى كەڭ پەيىل تۇردە شەتەل ۇلتتارىمەن بارىس ـ كەلىس جانە مادەنيەت اۋىس ـ كۇيىسىن ورىستەتىپ، 10 مىڭ شاقىرىم جولداعى تۇيەلى كەرۋەن قوڭىراۋى 10 مىڭ شاقىرىم جەرگە تارالعان ايبىندى جىبەك جولىنىڭ شالقىعان جىرىن جازىپ، بارلىق ەلدىڭ بىلىكتىلەرى چاڭ ـ انعا جينالعان شالقىعان تاڭ پاتشالىعىنىڭ سالتاناتتى بەينەسىن جارىققا شىعاردى.
2019 ـ جىلى 5 ـ ايدا باس شۋجي شي جينپيڭ ٴوزى باستاما باستاپ اشقان ازيا وركەنيەتتەر تىلدەسۋ جينالىسى بەيجيڭدە وتكىزىلدى.
”جۇڭحۋا وركەنيەتى باسقا دا وركەنيەتتەرمەن ۇزدىكسىز اۋىس ـ ٴتۇيىس جاساۋ، ۇلگى الۋ بارىسىندا قالىپتاسقان اشىق جۇيە“. ”ەرتەدەن بەرى جۇڭحۋا وركەنيەتى مۇراگەرلىك ەتۋ، جاڭالىق اشۋ بارىسىندا ۇزدىكسىز دامىپ، جاعدايعا ۇيلەسىپ، وزگەرىسكە توتەپ بەرۋ بارىسىندا دەڭگەيىن ۇزدىكسىز ٴوسىردى“. ”ەسكىلىكتى تاستاپ، جاڭالىققا كوشۋ، داۋىرمەن بىرگە ىلگەرىلەۋ جۇڭحۋا وركەنيەتىنىڭ ماڭگىلىك رۋحاني قاسيەتى“... اشىلۋ سالتىنداعى ارقاۋ سوزىندە باس شۋجي شي جينپيڭ جۇڭگونىڭ وركەنيەت كوزقاراسىن تەرەڭدەي ٴتۇسىندىرىپ، جۇڭحۋا وركەنيەتىنىڭ ارىدان جالعاسىپ كەلە جاتۋىنىڭ رۋحاني قۇپياسىن ايتتى.
جۇڭحۋا مادەنيەتى تاريحتىكى ٴارى قازىرگى زاماندىكى، ۇلتتىكى ٴارى الەمدىكى.
جاڭا داۋىردەگى جاڭا جورىقتا جۇڭحۋا وركەنيەتى اناعۇرلىم دارقان پەيىلمەن دۇنيە جۇزىنە قۇشاعىن اشادى.
دۇنحۋاڭ _ الەم وركەنيەتىنىڭ ۇزاق كوشىندەگى جارقىراعان مەرۋەرت. 2019 ـ جىلى 8 ـ ايدا باس شۋجي شي جينپيڭ گانسۋدا قىزمەت تەكسەرگەندە ەڭ الدىمەن دۇنحۋاڭنىڭ موگاۋ ۇڭگىرىنە كەلدى.
”دۇنحۋاڭ مادەنيەتى جۇڭحۋا ۇلتىنىڭ مادەنيەت سەنىمىن ايگىلەيدى، تەك سەنىمگە تولى وركەنيەت قانا ٴوزىنىڭ ەرەكشەلىگىن ساقتاي الۋمەن قاتار، سان الۋان وركەنيەتتىڭ تاڭداۋلى جەتىستىكتەرىمەن سيىسىمدى بولا الادى، ۇلگى الادى، سىڭىرە الادى“. باس شۋجي شي جينپيڭ بىلاي دەپ باسا دارىپتەدى: قازىر جۇڭحۋا مادەنيەتىنىڭ تىڭ شۇعىلاسىن سومداۋ ٴۇشىن، اناعۇرلىم دارقان قۇشاقپەن ٴار ەلمەن مادەنيەت اۋىس ـ كۇيىسىن اناعۇرلىم كەڭ كولەمدە ورىستەتىپ، دۇنيە جۇزىندەگى بارلىق تاڭداۋلى وركەنيەت جەتىستىكتەرىنەن اناعۇرلىم بەلسەندى، ىرىقتى تۇردە ۇيرەنۋىمىز، ۇلگى الۋىمىز كەرەك.
”وركەنيەتتە اۋىس ـ كۇيىس جاساپ، ٴوزارا ۇلگى الۋ _ ادامزات وركەنيەتىنىڭ العا باسۋىن جانە دۇنيە ٴجۇزىنىڭ بەيبىت دامۋىن ىلگەرىلەتەتىن ماڭىزدى قوزعاۋشى كۇش“
پارتيا 18 ـ قۇرىلتايىنان بەرى باس شۋجي شي جينپيڭ جان ـ جاقتى تولعانىپ، ٴوزى باس بولىپ، جۇڭحۋا وركەنيەتىنىڭ دۇنيە جۇزىندەگى باسقا وركەنيەتتەرمەن اۋىس ـ كۇيىس جاساۋىن، ٴوزارا ۇلگى الۋىن ىلگەرىلەتتى.
2014 ـ جىلى 4 ـ ايدىڭ 1 ـ كۇنى باس شۋجي شي جينپيڭ بەلگيانىڭ برۋگەسىندەگى ەۆروپا شۋەيۋانىندا لەكسيا سويلەگەندە ”شاي مەن سىرانى“ مىسالعا الىپ، وركەنيەتتىڭ الۋان ٴتۇرلى بولىپ بىرگە جاساسۋىن شەبەرلىكپەن ٴتۇسىندىردى:
”ٴدال جۇڭگولىقتاردىڭ شايدى، ال بەلگيالىقتاردىڭ سىرانى ۇناتاتىنىنداي، شايدا قامتىلعان ۇياڭدىق پەن سىراداعى پەيىلدەنە شالقۋ ومىرگە بويلاپ، دۇنيەنى ٴتۇسىنۋدىڭ ەكى ٴتۇرلى ادىسىنە ۋاكىلدىك ەتەدى. ايتسەدە شاي مەن سىرانى سايكەستىرۋگە كەلمەيدى ەمەس، سىرالعى دوسىڭىزبەن مىڭ رۋمكا ىشسەڭىز دە ازدىق ەتەدى، شاي ىشە وتىرىپ ٴومىر جايلى ويلانۋىڭىزعا دا بولادى“.
”پارىقتاردى ساقتاپ ورتاقتىققا ۇمتىلۋ“ سىندى وركەنيەتتە اۋىس ـ كۇيىس جاساۋ، ٴوزارا ۇلگى الۋ ولشەمىن شىن پەيىلمەن باستاماشىلدىقپەن دارىپتەۋ باس شۋجي شي جينپيڭنىڭ بارىنشا ٴمان بەرۋىنەن، سونداي ـ اق وركەنيەتتە اۋىس ـ كۇيىس جاساۋدىڭ، ٴوزارا ۇلگى الۋدىڭ كەلەلى ماڭىزىن انىق بىلۋىنەن بولدى.
تىرشىلىك ورگانيكالىق تۇلعاسىنىڭ ٴبارى زات الماسۋدى قاجەت ەتەدى، ايتپەسە تىرشىلىگى توقتايدى. وركەنيەت تە ۇقساس، ەگەر ۇزاق ۋاقىت ٴوزىن ـ ٴوزى تۇمشالاسا، قۇلدىراۋعا بەت الۋى داۋسىز. اۋىس ـ كۇيىس جاساۋ، ٴوزارا ۇلگى الۋ _ وركەنيەت دامۋىنىڭ ماندىك تالابى.
2023 ـ جىلى 5 ـ ايدىڭ 18 ـ كۇنىنەن 19 ـ كۇنىنە دەيىن تۇڭعىش كەزەكتى جۇڭگو _ ورتا ازيا تالقى مىنبەرى شي ـ اندا وتكىزىلدى. مىڭ جىلدىق بايىرعى قالا ٴبىر رەتكى تاريح پەن بولاشاق توعىسقان سالتاناتتى قارسى الدى.
”شانشي _ بايىرعى جىبەك جولىنىڭ شىعىستاعى باستالعان جەرى، ول جۇڭگونىڭ ورتا ازيا ەلدەرىمەن 2000 جىلدان استام تەرەڭ دوستىعىنىڭ كۋاسى. سان عاسىردان بەرى جۇڭگو ورتا ازياداعى حالىقتارمەن بىرگە ٴبىرىنىڭ جوعىن ٴبىرى تولىقتاپ، ٴوزارا ۇيرەنىپ، ٴوزارا ۇلگى الىپ، بايىرعى جىبەك جولىنىڭ نۇر ـ شۇعىلاسىن جاراتىپ، ادامزات وركەنيەتى اۋىس ـ كۇيىس تاريحىنىڭ ايشىقتى پاراعىن جازدى“، ـ دەدى باس شۋجي شي جينپيڭ.
چاڭ ـ اندا تاعى دا كەزدەستى، بۇل رەتكى اڭگىمە التىننان دا قىمبات بولدى.
بۇرىن بايىرعى جىبەك جولى ازيا _ ەۆروپا ۇلى قۇرلىعىنداعى ٴار ەلدىڭ ۇلاسۋىن، تۇتاسۋىن جەبەپ، شىعىس، باتىس وركەنيەتىنىڭ اۋىس ـ كۇيىس جاساۋىن، ٴوزارا ۇلگى الۋىن ىلگەرىلەتتى؛ بۇگىن ”ٴبىر بەلدەۋ، ٴبىر جولدى“ بىرگە قۇرۋ باستاماسى بايىرعى جىبەك جولىنان جانە جىبەك جولى رۋحىنان اقىل ـ پاراسات جانە كۇش ـ قۋات قابىلداپ، ”قاتتى بولشەكتەردى ۇلاستىرۋدان“ ”جۇمساق بولشەكتەردى جالعاستىرۋعا“، ”كوڭىلدەردى توعىستىرۋعا“ دەيىن ٴار ەل وركەنيەتىنىڭ توعىسىپ، بىرگە جاساسۋىنىڭ داۋىرلىك تىڭ تاراۋىن اشتى.
بۇگىنگى دۇنيە ٴجۇزى 100 جىلدا بولماعان ۇلكەن وزگەرىسكە ٴدوپ كەلدى، ادامزات ٴدوپ كەلگەن كورنەكتى قايشىلىقتار مەن ماسەلەلەردى شەشۋ زاتتىق ٴتاسىل ارقىلى قيىندىقتاردى جەڭىپ قامال الۋدى، سونداي ـ اق رۋحاني كۇشكە سۇيەنىپ شىنايى، تۋراشىل بولۋدى قاجەت ەتەدى. تۇرلىشە وركەنيەتتەر اراسىنداعى تەڭ تۇرعىدا اۋىس ـ كۇيىس جاساۋ، ٴوزارا ۇيرەنۋ، ٴوزارا ۇلگى الۋ ادامزاتتىڭ داۋىرلىك قيىن ماسەلەلەردى شەشۋىنە، بىرگە دامۋدى جۇزەگە اسىرۋىنا قۇدىرەتتى رۋحاني جەتەكشىلىك ازىرلەيدى.
2023 ـ جىلى 2 ـ ايدىڭ 20 ـ كۇنى جۇڭگو _ گرەتسيا وركەنيەتتە ٴوزارا ۇلگى الۋ ورتالىعىنىڭ قۇرىلۋ سالتى گرەتسيانىڭ افيناسىندا وتكىزىلدى.
”ٴبىز ادامزات قوعامىنىڭ دامۋىن جەبەۋدە، ادامزاتتىڭ تاعدىرلاس ورتاق تۇلعاسىن بىرگە قۇرۋدا، ٴسوز جوق، ٴتۇرلى وركەنيەتتىڭ ۇزاقتان كەلە جاتقان قاينارىن جانە باي مازمۇنىن ىشكەرىلەي ٴتۇسىنۋىمىز جانە يگەرۋىمىز، وركەنيەت اتاۋلىنىڭ جاۋھارىنىڭ بۇگىنگى زامانعا يگىلىك جاراتۋىنا، ادامزاتقا يگىلىك جاراتۋىنا مۇمكىندىك جاساۋىمىز كەرەك “. ”جۇڭگو _ گرەتسيا وركەنيەتىندە ساقتالعان قۇن كوزقاراسى، دۇنيە كوزقاراسى، عالام كوزقاراسى، ٴومىر كوزقاراسى، عىلىم كوزقاراسى، مادەنيەت كوزقاراسى سياقتىلاردىڭ مازمۇنى باي دا تەرەڭ، ۋاقىت وتكەن سايىن جاڭارىپ، ٴسوز جوق، ادامزاتتىڭ داۋىرلىك قيىن ماسەلەلەردى شەشۋىنە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ماڭىزدى رۋحاني جەتەكشىلىك ازىرلەيدى.“ قۇرىلۋ سالتىندا باس شۋجي شي جينپيڭنىڭ گرەتسيا وقىمىستىلارىنا جازعان جاۋاپ حاتى ٴار سالانى ايرىقشا جەلپىندىردى.
”دۇنيە جۇزىندەگى ٴار ەلدىڭ گۋمانيتارلىق اۋىس ـ كۇيىسىندە، مادەنيەت توعىسۋىندا، حالىق تىلەگىنىڭ توعىسۋىندا جاڭا جاعداي اشۋعا قۇلشىنىپ، دۇنيە ٴجۇزى وركەنيەت گۇلزارىنىڭ قۇلپىرا اشىلۋىنا، تىڭ تىرشىلىك تىنىسىنا يە بولۋىنا ۇزدىكسىز مۇمكىندىك جاسايىق“
2023 ـ جىلى 3 ـ ايدىڭ 15 ـ كۇنى باس شۋجي شي جينپيڭ جۇڭگو كوممۋنيستىك پارتياسى مەن دۇنيە ٴجۇزى ساياسي پارتيالارىنىڭ جوعارى جىكتەگىلەر كەڭەسىندە دۇنيە جۇزىنە الەمدىك وركەنيەت باستاماسىن سالتاناتپەن العا قويىپ، دۇنيە ٴجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەۋدى، بۇكىل ادامزاتقا ورتاق قۇندىلىقتى اسقاقتاتۋدى بىرگە دارىپتەۋدى، وركەنيەتتى جالعاستىرۋعا جانە وندا جاڭالىق اشۋعا باسا ٴمان بەرۋدى بىرگە دارىپتەۋدى، حالىقارالىق گۋمانيتارلىق اۋىس ـ كۇيىستى، سەلبەستىكتى كۇشەيتۋدى بىرگە دارىپتەۋدى باسا دارىپتەدى.
الەمدىك وركەنيەت باستاماسى _ الەمدىك دامۋ باستاماسىنان، الەمدىك حاۋىپسىزدىك باستاماسىنان كەيىن جاڭا داۋىردەگى جۇڭگونىڭ دۇنيە جۇزىنە بەرگەن تاعى ٴبىر ماڭىزدى حالىقارالىق الەۋمەتتىك ٴونىمى بولىپ، ادامزاتتىڭ تاعدىرلاس ورتاق تۇلعاسىن قۇرۋدىڭ امالياتتىق جولىن ونان ارى بايىتىپ جانە كەڭەيتىپ، ادامزات وركەنيەتى ٴدوپ كەلگەن ورتاق سىن ـ سايىستاردى شەشۋ، ادامزات وركەنيەتىنىڭ العا باسۋ جولىن كەڭەيتۋ ٴۇشىن ماڭىزدى ۇلەس قوستى.
”دۇنيە ٴجۇزى وركەنيەتىنىڭ الۋان تۇرلىلىگىنە قۇرمەت ەتۋ“ تۇرلىشە وركەنيەتتىڭ سيىسىمدى، قاتار ٴومىر ٴسۇرۋىنىڭ، اۋىس ـ كۇيىس جاساپ، ٴوزارا ۇلگى الۋىنىڭ العى شارتى _
وركەنيەت جوعارى ـ تومەن، جاقسى ـ جامان دەپ بولىنبەيدى، وندا تەك قانا ەرەكشەلىك، وڭىرلىك پارىق بولادى. وركەنيەت پارقى دۇنيە ٴجۇزى قاقتىعىسىنىڭ قاينارى بولماۋى، قايتا ادامزات وركەنيەتىنىڭ العا باسۋىنىڭ قوزعاۋشى كۇشى بولۋى كەرەك.
ٴىشىنارا ەلدەردىڭ ”وركەنيەتتەر قاقتىعىسى ٴپاتۋاسى“، ”وركەنيەت مەنمەندىگى ٴپاتۋاسى“ سياقتى اۋەندەردى ويدان شىعارىپ، يدەولوگيالىق قارسىلاسۋمەن بارىنشا اينالىسۋىنا مەڭزەس، جۇڭگو وركەنيەتتىڭ الۋان تۇرلىلىگىنە قۇرمەت ەتۋدى باسا دارىپتەپ، تەرەزەسى تەڭ بولۋ، ٴوزارا ۇلگى الۋ، تىلدەسۋ، سيىسىمدى بولۋداي وركەنيەت كوزقاراسىن دارىپتەپ، ٴار جاقتىڭ وركەنيەت اۋىس ـ كۇيىسى ارقىلى وركەنيەت كىربەڭدىگىنەن، وركەنيەتتە ٴبىر ـ بىرىنەن ۇلگى الۋ ارقىلى وركەنيەتتەر ارا قاقتىعىستان، وركەنيەتتەردىڭ سيىسىمدىلىعى ارقىلى وركەنيەت مەنمەندىگىنەن اتتاپ ٴوتۋىن ىلگەرىلەتتى.
”بۇكىل ادامزاتقا ورتاق قۇندىلىقتى اسقاقتاتۋ“ _ وركەنيەتتەردىڭ اۋىس ـ كۇيىسىنىڭ، ٴوزارا ۇلگى الۋىنىڭ ۇستانىم جەتەكشىسى _
”بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك“ _ بۇكىل ادامزاتقا ورتاق قۇندىلىق، سونداي ـ اق بىرلەسكەن مەملەكەتتەر ۇيىمىنىڭ وسكەلەڭ نىساناسى. 2015 ـ جىلى 9 ـ ايدا باس شۋجي شي جينپيڭ 70 ـ كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا بۇكىل ادامزاتقا ورتاق قۇندىلىقتى تۇڭعىش رەت العا قويدى.
تۇرلىشە وركەنيەتتىڭ قۇن مازمۇنى جونىندەگى تانىمىن كەڭ پەيىلمەن ٴتۇسىنۋىمىز، ٴوزىمىزدىڭ قۇن كوزقاراسىمىز بەن ۇلگىمىزدى باسقالارعا زورلاپ تاڭباۋىمىز، يدەولوگيالىق قارسىلىق تۋدىرماۋىمىز كەرەك. بۇكىل ادامزاتقا ورتاق قۇندىلىق قازىرگى حالىقارالىق قارىم ـ قاتىناستاعى قايشىلىقتار مەن ماسەلەلەرگە بەتپە ـ بەت كەلىپ، پارىقتاردى ساقتاپ، ورتاقتىققا ۇمتىلۋ، تەڭ تۇرعىدا اۋىس ـ كۇيىس جاساۋ، ٴوزارا ۇلگى الۋ نەگىزىندە قۇنى ەڭ ۇلكەن ورتاق بولگىش قالىپتاستىرىپ، ادامزاتتىڭ دۇرىس جولدى تاڭداۋىنا عىلمي يدەيالىق جەتەكشىلىك ازىرلەپ، ادامزاتتىڭ تاعدىرلاس ورتاق تۇلعاسىن قۇرۋعا قۇن ورتاق تانىمىن ۇيىستىرادى.
”وركەنيەتتى جالعاستىرۋعا جانە وندا جاڭالىق اشۋعا ٴمان بەرۋ“ _ وركەنيەتتىڭ دامۋىنىڭ، العا باسۋىنىڭ قوزعاۋشى كۇش قاينارى _
قىزىل تەڭىز جاعاسى، جۇڭگو _ ساۋد ارابياسى بىرلەسكەن ارحەولوگيالىق زەرتتەۋ اترەتى مىڭ جىلدان بەرى ۇيقىدا جاتقان تاريحي كونە جۇرتتى اشىپ، تەڭىزدەگى جىبەك جولى عىلمي زەرتتەۋى ٴۇشىن ارحەولوگيالىق زاتتىق ماتەريال ازىرلەدى؛ ەگيپەتتىڭ لۋكسور مونتۋ عيباداتحاناسىندا جۇڭگو _ ەگيپەت بىرلەسكەن ارحەولوگيالىق زەرتتەۋ اترەتى عيباداتحانانىڭ ناقتى كورىنىستەرى مەن قازىپ الىنعان مادەنيەت مۇرالارىن ادامدارعا قايتا كورسەتتى...
سوڭعى جىلدارى جۇڭگو ٴار ەلمەن بىرگە ٴار ەلدىڭ تاريحي مادەنيەتىنىڭ ٴداۋىر قۇنىن تولىق قاراستىرىپ، ٴار ەلدىڭ تاڭداۋلى ٴداستۇرلى مادەنيەتىنىڭ وسىزامانداندىرۋ ۇردىسىندە جاسامپازدىقپەن كادەگە جاراۋىن، جاڭالىق اشا دامۋىن جۇزەگە اسىرۋدى ىلگەرىلەتىپ، وركەنيەتتەر توعىسۋىنىڭ شۇعىلاسىن قول ۇستاسا نۇرلاندىردى.
”حالىقارالىق گۋمانيتارلىق اۋىس ـ كۇيىستى، سەلبەستىكتى كۇشەيتۋ“ تۇرلىشە وركەنيەتتەردىڭ ٴوزارا ۇشىراسۋىنا، ٴوزارا تۇسىنىسۋىنە ٴتاسىل مەن جول كورسەتتى _
باس شۋجي شي جينپيڭ بىلاي دەپ تەرەڭ اتاپ كورسەتتى: ”ادام _ وركەنيەتتەردىڭ اۋىس ـ كۇيىسىندەگى، ٴوزارا ۇلگى الۋىنداعى ەڭ جاقسى دانەكەر. گۋمانيتارلىق اۋىس ـ كۇيىستى، ٴوزارا ۇلگى الۋدى تەرەڭدەتۋ _ كىربەڭدىكتى جانە قاتە تۇسىنىكتى جويىپ، حالىق تىلەگىنىڭ ٴوزارا ٴتۇسىنىسۋىن، توعىسۋىن جەبەۋدەگى ماڭىزدى جول.“
چىڭدۋ جوعارى مەكتەپ وقۋشىلارى جازعى سپورت جارىسى، حاڭجوۋ ازيا سپورت جارىسى، ”بەيجيڭدە كەزدەسۋ“ وليمپيادا مادەنيەت مەرەكەسى سياقتى ٴبىر قىدىرۋ گۋمانيتارلىق اۋىس ـ كۇيىس قيمىلدارى دۇنيە جۇزىنە جۇڭگونىڭ الەمدىك وركەنيەت باستاماسىن امالياتتا ايگىلەۋدەگى، وركەنيەتتەردىڭ اۋىس ـ كۇيىسىن، ٴوزارا ۇلگى الۋىن ىلگەرىلەتۋدەگى ىزگى تىلەگى مەن شىنايى ارەكەتىن كورسەتتى.
بۇگىنگى تاڭدا جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە، جۇڭگونىڭ بولاشاق تاعدىرى مەن ادامزاتتىڭ بولاشاق تاعدىرى تىعىز بايلانىستىردى.
جۇڭحۋا ۇلتىنىڭ اناعۇرلىم شۇعىلالى وسى زامانعى وركەنيەتى، ٴسوز جوق، دۇنيە جۇزىندەگى الۋان ٴتۇرلى وركەنيەتتەرمەن ٴوزارا ٴبىرىن ـ ٴبىرى تابىسقا جەتكىزىپ، ادامزات وركەنيەتىنىڭ اناعۇرلىم كوركەم بولاشاعىن بىرگە اشادى.
(شينحۋا اگەنتتىگىنىڭ 2 ـ ايدىڭ 1 ـ كۇنى بەيجيڭنەن بەرگەن حابارى)
