ۋاكىل جۋ گۋاڭلان :
اۋىلداستاردى باستاپ تۇرمىسىمىزدى ونان ارى شالقىتا تۇسەمىز
انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر
”مىندەت اتقارۋ نەعۇرلىم تەرەڭدەگەن سايىن، جاۋاپكەرشىلىك جونىندەگى تۇسىنىك تە سولعۇرلىم تەرەڭدەيدى.“ 2 ـ ايدىڭ 21 ـ كۇنى مەملەكەتتىك حالىق قۇرىلتايىنىڭ ۋاكىلى، شينجياڭ ٴوندىرىس ـ قۇرىلىس بيڭتۋانى 13 ـ شىسى حۋاڭتيان ەگىس الاڭى 5 ـ ليانىنىڭ قىزمەتكەرى جۋ گۋاڭلان ٴتىلشىنىڭ سۇحباتىن قابىلداعاندا وسىلاي دەدى. اتىز باسىنا، الەۋمەتتىك اۋماق ليان ـ دۇيلەرىنە بارىپ تەكسەرۋ ـ زەرتتەۋ جۇرگىزىپ، ٴار جاقتىڭ پىكىرىن كەڭىنەن جيناپ، بۇقارانىڭ قيىنشىلىقتارى مەن تالاپ ـ تىلەكتەرىنە قۇلاق اسۋ ونىڭ كۇندەلىكتى تۇرمىسىنىڭ ٴبىر بولەگىنە اينالدى.
بىلتىر جۋ گۋاڭلان مەملەكەتتىك ەكى ٴماجىلىستىڭ رۋحى جونىندە 20 نەشە رەت ۇگىت، لەكسيا جاساپ، پارتيانىڭ حالىققا تيىمدىلىك جاساۋ ساياساتىن كوپشىلىككە ٴبىر ـ بىرلەپ ٴتۇسىندىردى، سونداي ـ اق ٴوزىنىڭ بەيجيڭدە ماجىلىسكە قاتىناسقان كەزدەگى كورگەن ـ بىلگەندەرىن جانە اسەرىن اۋىلداستارىمەن ٴبولىستى، كوپشىلىكتى پارتيانىڭ ابزال ساياساتىنا ٴۇن قوسۋعا، تۇرمىستارىن شالقىتا تۇسۋگە ۇندەدى. ”كوپشىلىكتىڭ جىگەرى تاسقىنداپ، كىرىسى دە مولايدى“، ـ دەدى جۋ گۋاڭلان. ول كوتەرمەگە العان 3 جىلىجايدان 160 مىڭ يۋاننان استام كىرىس كىردى، اۋىل شارۋاشىلىق ماتەريالدارى دۇكەنىنەن دە 100 مىڭ يۋان اينالاسىندا كىرىس كىردى.
جۋ گۋاڭلان تۋان الاڭى بويىنشا ٴبىرىنشى بولىپ پارنيكتە كوكونىس ەككەن قىزمەتكەر. وسى بىرنەشە جىلدا ول اۋقاتتانۋ جولىن اشىپ قانا قويماي، ٴوزىنىڭ كوپ جىلدان بەرى قورىتىندىلاعان تاجىريبەسىن دە ٴاربىر جۇمىسشى ـ قىزمەتشىگە قالتقىسىز ارنادى. ونىڭ باستاۋىندا كوپتەگەن ادام قۇرىلعىلى اۋىل شارۋاشىلىعىن دامىتۋ قوسىنىنا قاتىناسىپ، اۋقاتتانۋ جولىنا ٴتۇستى. جۋ گۋاڭلان ٴوزىنىڭ ”بيڭتۋاننىڭ 2 ـ ۇرپاعى“ ەكەنىن، قارشادايىنان تۋان الاڭىندا ەرجەتكەندىگىن، اۋىلداستارىمەن قۇددى ٴبىر وتباسىنىڭ ادامىنداي بولىپ كەتكەندىگىن، ەگىمشىلىك تاجىريبەسىن سۇراي كەلگەندەرگە ول بارلىعىن ۇيرەتىپ قوياتىنىن ايتتى.
ٴبىر جىلدان بەرى، جۋ گۋاڭلان ۋاكىلدەردىڭ كوزدەن كەشىرۋ، تەكسەرۋ ـ زەرتتەۋ قيمىلدارىنا كوپ رەت قاتىناستى، سونداي ـ اق بەيجيڭ سياقتى جەرلەرگە بارىپ ۇيرەنۋگە، باۋلۋعا قاتىناستى. نىلقى اۋدانى قاراسۋ اۋىلى سالمون بالىعى باعىمشىلىق بازاسىن ەكسكۋرسيالاۋ، ۇيرەنۋدە بولعان كەزىندە ول جاڭادان سۋدان الىنعان سالمون بالىعىن 24 ساعات ىشىندە مانەرلەۋ، قوراپتاۋ، تاسىمالداۋ سياقتى جالپى بارىستى ورىنداپ، تۇتىنۋشىلاردىڭ اس ۇستەلىنە جەتكىزۋگە بولاتىندىعىن ۇعىستى. ”وتە كەرەمەت ەكەن!“ ول ٴسۇيىنىپ بىلاي دەدى: بايلىق، قورشاعان ورتا باسىمدىعىنان سىرت، عىلىم ـ تەحنيكا تىپتەن شينجياڭنىڭ بالىق شارۋاشىلىعىن دامىتۋداعى وزەكتى قوزعاۋشى كۇشى بولماق.
سوڭعى جىلدارى بيڭتۋاننىڭ قۇرىلعىلى اۋىل شارۋاشىلىعى كوكونىس، جەمىس ـ جيدەك ەگۋدەن ٴۇي قۇستارى، بالىق شارۋاشىلىعى، مال سياقتى باعىمشىلىق كاسىپتەرىنە قاراي كەڭەيدى ٴارى جەدەل دامۋ ارىنىن قالىپتاستىردى. جۋ گۋاڭلان بىلاي دەپ قارادى: عىلىم ـ تەحنيكادا جاڭالىق اشۋ دامۋدىڭ جاڭا قوزعاۋشى قۋاتىن تۋىنداتىپ، اۋىل شارۋاشىلىعىنىڭ وسىزاماندانۋعا قادام تاستاۋىن جەدەل ىلگەرىلەتىپ، اۋىل ـ قىستاقتى گۇلدەندىرۋدىڭ قوزعاۋشى كۇشىن، ومىرشەڭدىك كۇشىن تاسقىنداتتى، سونداي ـ اق ٴتىپتى دە كوپ بۇقارانى اۋقاتتانۋ جولىنا باستادى، ونىڭ قۇرىلعىلى اۋىل شارۋاشىلىعى سىندى جولدا ٴتىپتى دە الىسقا جۇرۋگە سەنىمى كامىل.
قازىر كاسىپ سالاسى بارعان سايىن گۇلدەنىپ، ليان ـ دۇيلەردىڭ وزگەرىسى ٴتىپتى دە كۇن سايىن جاڭالانىپ، جۇمىسشى ـ قىزمەتكەرلەر قالا مەن اۋىل جاراسىم تاپقان اۋىل ـ قىستاق ۇلگىسىندەگى مەكەندە باقىتتى تۇرمىس كەشىرۋدە.
بيىلعى مەملەكەتتىك ەكى ماجىلىستە جۋ گۋاڭلان جۇڭحۋا ۇلتى ورتاق تۇلعا تانىمىن ناقتى، اسەرلى، ٴونىمدى تۇردە بەكەمدەۋ، ٴار ۇلت جۇمىسشى ـ قىزمەتكەرلەرىن وسى زامانعى وركەنيەتتى تۇرمىسقا ونان ارى توعىسۋعا جەتەكتەۋ سياقتى جاقتارداعى ۇسىنىستاردى تاپسىرماقشى. ”تاعى دا قۇلشىنا ىستەپ، اۋىلداستاردى تۇرمىستارىن شالقىتا تۇسۋگە باستايمىن“. جۋ گۋاڭلان بىلاي دەدى: ”باستاۋشى قاز“ رولىمدى ۇزدىكسىز ويداعىداي ساۋلەلەندىرىپ، جۇمىسشى ـ قىزمەتكەرلەردىڭ، بۇقارانىڭ جان باسىندىق ورتاشا كىرىس دەڭگەيىن ۇزدىكسىز جوعارىلاتۋ جاعىندا تىنباي قۇلشىنامىن.
