□ انار بۇلت \ شينجياڭ گازەتىنىڭ ٴتىلشىسى جاڭ لەي
تاياۋدا اۋىل شارۋاشىلىعى، اۋىل ـ قىستاق مينيسترلىگى قازىنا مينيسترلىگىمەن بىرلەسىپ 2023 ـ جىلعى مەملەكەتتىڭ وسى زامانعى اۋىل شارۋاشىلىق كاسىپ سالاسى باقشاسىنىڭ بەكىتىلگەن ٴتىزىمىن جاريالادى، قاراقاش اۋدانىنىڭ وسى زامانعى اۋىل شارۋاشىلىق كاسىپ سالاسى باقشاسى تاڭدالدى. مەملەكەتتىك حالىق قۇرىلتايىنىڭ ۋاكىلى، حوتان ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى ماحمۇت ٴومارجان قۋانا بىلاي دەدى: مەملەكەتتىڭ شينجياڭنىڭ اۋىل شارۋاشىلىعىن وسىزامانداندىرا دامىتۋىن قولداعانىن شىنايى سەزىندىم.
سوڭعى جىلدارى شينجياڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، اۋىل شارۋاشىلىق باقشا رايونى قۇرىلىسىن جانە ۇلگى كورسەتىپ قۇرۋدى كۇش سالا ورىستەتىپ، وسى زامانعى اۋىل شارۋاشىلىعىن دامىتۋدىڭ تۇعىر دانەكەرىن قالىپتاستىرىپ، اۋىل شارۋاشىلىعىن وسىزامانداندىرا دامىتۋدا ارشىندى قاداممەن العا باسۋدى ىلگەرىلەتتى.
14 ـ كەزەكتى مەملەكەتتىك حالىق قۇرىلتايىنىڭ 1 ـ ماجىلىسىندە ماحمۇت ٴومارجان شينجياڭنىڭ اۋىل شارۋاشىلىعىن وسىزامانداندىرا دامىتۋىن قولداۋ جونىندەگى ۇسىنىستى العا قويىپ، شينجياڭنىڭ مەملەكەتتىڭ وسى زامانعى اۋىل شارۋاشىلىق كاسىپ سالاسى باقشاسىن، مەملەكەتتىڭ اۋىل شارۋاشىلىعىن وسىزامانداندىرۋدان ۇلگى كورسەتۋ رايونىن جانە مەملەكەتتىڭ اۋىل شارۋاشىلىعىنىڭ جاسىل دامۋىن الدىمەن اتقاراتىن رايونىن قۇرۋدى ٴوتىنىش ەتۋى سياقتى جاقتارعا بەيىمدەلىپ قولداۋ كورسەتىپ، قۇرۋ سانى كورسەتكىشىن ارتتىرىپ، مامانداردىڭ سوڭىنا ٴتۇسىپ جەتەكشىلىك ەتۋىن كۇشەيتىپ، ادامداردىڭ اۋىس ـ كۇيىسىن، باۋلۋدى كۇشەيتۋدى ۇسىنىس ەتتى.
”اۋىل شارۋاشىلىعى، اۋىل ـ قىستاق مينيسترلىگى مەن العا قويعان ۇسىنىستارعا ٴبىر ـ بىرلەپ جاۋاپ بەردى ٴارى قازىرگى جاعدايدى جانە كەلەسى قادامداعى قىزمەت جوسپارىن تانىستىردى، مازمۇنى ەگجەي ـ تەگجەيلى بولدى“، ـ دەدى 2 ـ ايدىڭ 22 ـ كۇنى ماحمۇت ٴومارجان.
جاۋاپتا مىنالار اۋىزعا الىندى: سوڭعى جىلدارى اۋىل شارۋاشىلىعى، اۋىل ـ قىستاق مينيسترلىگى مەملەكەتتىك دامۋ جانە رەفورما كوميتەتى سياقتى تاراۋلارمەن بىرگە ٴبىر تۇتاس جوسپارلاپ سايكەستىرۋدى كۇشەيتىپ، جەتەكشىلىك ەتۋدى، قىزمەت وتەۋدى كۇشەيتىپ، باقشا رايونىن قۇرۋدى ورىستەتىپ، اۋىل شارۋاشىلىق ٴوندىرىسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، تۇتاس كاسىپ سالاسى تىزبەگىن قالىپتاستىرىپ، شينجياڭنىڭ 1 ـ، 2 ـ، 3 ـ كاسىپ سالاسىنىڭ توعىسا دامۋىن جەبەدى. اۋىل شارۋاشىلىعى، اۋىل ـ قىستاق مينيسترلىگى بۇراتالا قالاسى، بۋرىلتوعاي اۋدانى سياقتى 10 اۋداننىڭ (قالا) مەملەكەتتىڭ وسى زامانعى اۋىل شارۋاشىلىق كاسىپ سالاسى باقشاسىن قۇرۋىنا قولداۋ كورسەتتى، قاتىستى تاراۋلارمەن بىرگە ٴبىر تۇتاس جوسپارلاپ سايكەستىرۋدى كۇشەيتىپ، جەتەكشىلىك ەتۋ، قىزمەت وتەۋ سەرپىنىن ارتتىرىپ، ساياسات ـ شارالاردى كەمەلدەندىرىپ، باسىمدىعى، ەرەكشەلىگى كورنەكتى، كاسىپ سالاسى تىزبەگى كەمەلدى، شارۋالارمەن بىرلەسىپ، شارۋالاردى جەتەكتەۋى تىعىز اۋىل شارۋاشىلىق كاسىپ سالاسى باقشاسىنان ٴبىر توبىن جوعارى دەڭگەيدە قۇرادى.
جاۋاپتا ماناس اۋدانى، مارالباسى اۋدانى سياقتى 5 اۋداندى مەملەكەتتىڭ اۋىل شارۋاشىلىعىن وسىزامانداندىرۋدان ۇلگى كورسەتۋ رايونىن قۇرۋ تىزىمىنە ەنگىزۋ، تەكەس اۋدانىن، شونجى اۋدانىن، ٴدوربىلجىن اۋدانىن مەملەكەتتىڭ اۋىل شارۋاشىلىعىنىڭ جاسىل دامۋىن الدىمەن اتقاراتىن رايون ەتىپ قۇرۋدى بەكىتۋ ٴارى قاتىستى ساياساتتىق قولداۋ كورسەتۋ العا قويىلدى.
ماحمۇت ٴومارجان مىنالاردى ٴبىلدىردى: جاۋاپتى اۆتونوميالى رايوننىڭ قاتىستى تاراۋلارىنا اڭىس ەتتىم، جاۋاپتاعى ناقتى تالاپتار بويىنشا نىسان زاپاسىن الدىن الا ويداعىداي ىستەپ، ٴتارتىپ بويىنشا ٴوتىنىش ەتەمىز. ”ٴبىز اۋىل ـ قىستاقتى جاپپاي گۇلدەندىرۋدى ىلگەرىلەتۋدى جاڭا داۋىردەگى جاڭا جورىقتاعى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ باس تۇتقاسى ەتۋگە تاباندى بولىپ، حوتان ايماعىنىڭ وسى زامانعى اۋىل شارۋاشىلىعى كاسىپ سالاسى جۇيەسى قۇرىلىسىن جاپپاي ىلگەرىلەتىپ، شارۋالاردىڭ كىرىسىن ارتتىرۋىنا، اۋىل شارۋاشىلىعىنىڭ ونىمدىلىگىن ارتتىرۋعا دەم بەرىپ، شارۋالاردىڭ قالتاسىنىڭ بارعان سايىن قامپايىپ، تۇرمىسىنىڭ بارعان سايىن جاقسارتۋىنا شىن مانىندە مۇمكىندىك جاسايمىز“.
