ۋاكىل لي لان:
سوڭعى كۇندەرى ۇسىنىس ساندى مالىمەتتەرىن كەمەلدەندىرۋمەن قاربالاس بولدىم
□انار بۇلت \ شينجياڭ گازەتىنىڭ ٴتىلشىسى چىن چياڭۋي
”سوڭعى كۇندەرى ۇسىنىس ساندى مالىمەتتەرىن اناعۇرلىم كەمەلدەندىرۋمەن قاربالاس بولدىم“، ـ دەدى 2 ـ ايدىڭ 22 ـ كۇنى مەملەكەتتىك حالىق قۇرىلتايى ۋاكىلى، ٴۇرىمجى كەدەنىنە قاراستى الاتاۋ ساعاسى كەدەنى تەحنيكا ورتالىعىنىڭ ورىنباسار مەڭگەرۋشىسى لي لان.
بىلتىر مەملەكەتتىك ەكى ماجىلىستە لي لان ٴوز قىزمەتىن ارقاۋ ەتىپ، قۇرلىق جولى شەكارا وتكەلى، جۇڭگو _ ەۆروپا كەزەكشى پويەزى، جىبەك جولى ەكونوميكالىق بەلدەۋى وزەكتى رايونى قۇرىلىسى سياقتى جاقتارعا ساياتىن 7 ۇسىنىس بەرگەن بولاتىن. ”وسى ۇسىنىستارعا تۇگەلدەي جاۋاپ قايتارىلدى. بۇل مەنى ۇيرەنۋدى، تەكسەرۋ ـ زەرتتەۋدى ۇزدىكسىز كۇشەيتىپ، بەلسەنە مىندەت وتەپ، جاۋاپكەرشىلىكتى ادا ەتۋگە شابىتتاندىردى“، ـ دەدى لي لان.
ٴبىر جىلدان بەرى لي لان كاسىپورىنداردى ارالاپ، كۋرستا، ۇيرەنۋدە بولدى، ىركەس ـ تىركەس 10 نەشە رەت ۇگىت لەكسيا ورىستەتتى، قامتۋ اۋماعى 2000 ادامنان (رەت) استى. لي لان 2023 ـ جىلدىڭ ٴوزىنىڭ ۇيرەنۋ ارقىلى دەڭگەيىن جوعارىلاتۋى ەڭ تەز بولعان ٴبىر جىل ەكەندىگىن، تەكسەرۋ ـ زەرتتەۋ جۇرگىزۋ، ارالاۋ ارقىلى كوز اياسى مەن وي ٴورىسىنىڭ ۇزدىكسىز كەڭەيگەندىگىن، شينجياڭنىڭ جوعارى دەڭگەيدە ەسىك اشۋىنا باعىتتاي وتىرىپ اناعۇرلىم باعىتتامالىلىققا يە ۇسىنىستاردى اناعۇرلىم ويداعىداي بەرە الاتىندىعىن ايتتى.
2023 ـ جىلى شينجياڭنىڭ سىرتقى ساۋداسىندا تاريحتاعى ەڭ تاماشا ناتيجە جاراتىلدى، يمپورت ـ ەكسپورت جالپى قۇنى 357 ميلليارد 330 ميلليون يۋانعا جەتىپ، سايكەس مەزگىلدەگىدەن %45.9 ارتىپ، ارتۋ جىلدامدىعى بۇكىل ەل بويىنشا 2 ـ ورىندى يەلەپ، تۇڭعىش رەت 350 ميلليارد يۋاننان استى. شينجياڭنىڭ ەسىك اشۋ قادامىنىڭ بارعان سايىن تەزدەۋىنە بايلانىستى، شەكارا وتكەلدەردە يمپورت ەتىلگەن زات تۇرلەرى قاۋىرت كوبەيدى. لي لان كاسىپورىنداردى ارالاپ تەكسەرۋ ـ زەرتتەۋ جۇرگىزۋ بارىسىندا اناعۇرلىم كوپ تاۋارلاردىڭ شەكارا وتكەلدەرىندە تەكسەرۋدەن ٴوتۋى جونىندە كاسىپورىنداردىڭ كۇشتى تالاپ ـ تىلەگى بار ەكەندىگىن ۇعىستى.
2 ـ ايدىڭ باسىندا لي لان جانە ونىڭ ۇجىمىنداعىلار شەكارادان كىرگەن قىشى تۇقىمىنداعى دەرت ـ دەربەزدەردى كارانتيندەۋ سيپاتتى تەكسەرۋ بويىنشا الدىن الا تاجىريبە جاساۋ ٴتارتىبى مەن نازىك بۋىندارىن سوڭعى رەت سالالاۋمەن قاربالاس بولىپ جاتتى. ”قازىر شەكارادان كىرگەن قىشى تۇقىمىن كارانتيندەۋدىڭ قاتىستى تاجىريبە ٴتارتىبى تۇگەلدەي اياقتادى، كاسىپورىنداردىڭ يمپورت ەتۋىنە ٴاردايىم قىزمەت وتەي الامىز“، ـ دەدى لي لان.
قايتكەندە شينجياڭنىڭ جوعارى دەڭگەيدە ەسىك اشۋىن اناعۇرلىم ىلگەرىلەتىپ، دامۋ قوزعاۋشى كۇشى مەن باسەكەلىك قۋاتىن ارتتىرىپ، ٴتول جاسامپازدىق رەفورماسىن، جەتەكشى سيپاتتى ەسىك اشۋدى جان ـ جاقتى، زور سەرپىنمەن ىلگەرىلەتۋگە بولادى، مىنە بۇلار لي لان نازار اۋدارعان تۇيىنگە اينالدى.
2023 ـ جىلى ٴۇرىمجى كەدەنى ”تاس جول شەكارا وتكەلى + قاراستى جەر بويىنشا توتە جەتۋ ۇلگىسى“ رەفورماسىن اقىلداسىپ شىعارىپ، شەكارا وتكەلىنىڭ شەكارا اتتاعان ساۋداعا قولايلىلىق جاراتۋ دەڭگەيىن جوعارىلاتتى. لي لان مىنالاردى ٴبىلدىردى: شەكارا وتكەلىنەن ٴوتۋ ٴتىپتى دە تەزدەگەننەن كەيىن قايتكەندە وسى باسىمدىقتان ويداعىداي پايدالانىپ، جەرگىلىكتى ورىننىڭ شارۋاشىلىعىن دامىتۋعا بولادى، وسى كەڭەستىك تاقىرىپ جونىندە ول ىشكەرىلەي تەكسەرۋ ـ زەرتتەۋ جۇرگىزگەننەن كەيىن، سوڭىندا بيىل شەكارا وتكەلى ەكونوميكالىق قۇرىلىسى جاعىندا بەرەتىن ۇسىنىسىن تۇلعالادى.
”مەنىڭ شەكارا وتكەلىنەن العان اسەرىم تەرەڭ بولدى، جەرگىلىكتى ۇكىمەت، كاسىپورىندار بارلىعى دا شەكارا وتكەلى ەكونوميكاسى جونىندە ارىندى تەبىنمەن ٴىس تىندىرۋدا“. لي لان ٴوزىنىڭ مەملەكەتتىك ەكى ٴماجىلىس ارقىلى شەكارا وتكەلى ەكونوميكاسىن اناعۇرلىم ويداعىداي دامىتۋ جونىندە ۇسىنىستار الىپ بارىپ، شەكارا وتكەلى ەكونوميكاسىنىڭ جاقسارىپ دامۋىنا كومەكتەسۋدى، شينجياڭنىڭ جوعارى دەڭگەيدە ەسىك اشۋىنا اقىل قوسىپ، كەڭەس بەرۋدى ٴۇمىت ەتەتىندىگىن ايتتى.
