شينحۋا اگەنتتىگىنىڭ 2 ـ ايدىڭ 28 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى جۋىقتا «شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى جەتىستىگىن بەكەمدەۋ، كەڭەيتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتتى.
«پىكىردە» مىنالار اتاپ كورسەتىلدى: شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى جەتىستىگىن بەكەمدەپ، كەڭەيتىپ، ۇيرەنۋ ارقىلى رۋحتى سومداۋدىڭ، ۇيرەنۋ ارقىلى پاراساتتى ارتتىرۋدىڭ، ۇيرەنۋ ارقىلى ستيلدى دۇرىستاۋدىڭ، ۇيرەنۋ ارقىلى ىستەۋدى جەبەۋدىڭ ۇزاق ۋاقىتتىق ٴونىمدى مەحانيزمىن ورناتىپ، اقاۋسىزداندىرىپ، قالىڭ پارتيا مۇشەلەرىنىڭ، كادرلاردىڭ ”ەكىنى تۇراقتاندىرۋدىڭ“ شەشۋشى ٴمانىن اناعۇرلىم تەرەڭ ٴتۇسىنىپ، اناعۇرلىم سانالى تۇردە ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، قاشاندا شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ بەرىك سەنۋشىلەرى جانە ادالدىقپەن امالياتتا ايگىلەۋشىلەرى بولۋىن ىلگەرىلەتۋ ٴۇشىن، پارتيا ورتالىق كوميتەتىنىڭ ماقۇلداۋىمەن قاتىستى پىكىر العا قويىلدى.
«پىكىر» جيىنى 4 بولىكتەن قۇرالعان: ٴبىرىنشى، ۇيرەنۋ ارقىلى رۋحتى سومداۋعا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كادەگە جاراتۋ قىزمەتىن ۇزدىكسىز ويداعىداي ىستەۋ كەرەك. ”ٴبىرىنشى كەڭەستىك تاقىرىپ“ ٴتۇزىمىن ورناتىپ، كەمەلدەندىرىپ، نازاريا ۇيرەنۋ ٴتۇزىمىن كەمەلدەندىرىپ، پارتيالىق تاربيەسىن كۇشەيتۋ كەرەك.
ەكىنشى، ۇيرەنۋ ارقىلى پاراساتتى ارتتىرۋعا تاباندى بولىپ، پارتيانىڭ جاسامپاز نازارياسىنان ۇزدىكسىز قاعيدانى ٴتۇسىنىپ، باعداردى ايقىنداپ، ٴادىستى ۇيرەنىپ، اقىل ـ پاراساتتى ارتتىرۋ كەرەك. پارتيا مۇشەلەرىنىڭ، كادرلاردىڭ ساياسي تاربيەسىن جانە ساياسي شىڭدالۋىن كۇشەيتىپ، پارتيا مۇشەلەرىن، كادرلاردى مىندەت وتەۋ قابىلەتى بويىنشا باۋلۋدى مىقتى يگەرۋ كەرەك.
ٴۇشىنشى، ۇيرەنۋ ارقىلى ستيلدى دۇرىستاۋعا تاباندى بولىپ، بۇكىل پارتيانىڭ پارتيا ستيلى جاعىنداعى كورنەكتى ماسەلەلەردى وزىنە ـ ٴوزى توڭكەرىس جاساۋ رۋحىمەن شەشۋىن ىلگەرىلەتۋ كەرەك. پارتيانىڭ بۇقارالىق لۋشيانىن امالياتتا ايگىلەپ، ”ٴتورتتى نەگىزگى ساتىعا ٴتۇسىرۋ“ ٴتۇزىمىن تياناقتاندىرىپ، باسشىلىق القالارىنىڭ ساياسي جاقتاعى دەنساۋلىق تەكسەرۋىن ۇدايى ورىستەتىپ، ٴتارتىپ تاربيەسىن تىڭعىلىقتى ورىستەتىپ، فورماشىلدىقتى، تورەشىلدىكتى تاباندىلىقپەن تۇزەتۋ كەرەك.
ٴتورتىنشى، ۇيرەنۋ ارقىلى ىستەۋدى جەبەۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز ـ قالپىندا دايەكتىلەندىرۋ، تياناقتاندىرۋ كەرەك. دۇرىس ناتيجە كوزقاراسىن ورناتىپ جانە ونى امالياتتا ايگىلەپ، جوعارى ساپالى دامۋدى ىلگەرىلەتىپ، كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرىپ، پارتيا مۇشەلەرىنىڭ اۆانگاردتىق، ونەگەلىك رولىن تولىق ساۋلەلەندىرىپ، كورنەكتى ماسەلەلەردى وڭاۋدى ۇدايى ورىستەتۋ كەرەك.
