انار بۇلت \ شينجياڭ گازەتىنىڭ ٴتىلشىسى ۋاڭ يۇڭفي 2 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايون ساياسات شىعارىپ، فينانس كاپيتالىنان شامامەن 21 ميلليارد 500 ميلليون يۋان قارجى شىعارىپ، كۇشتى شوعىرلاندىرا وتىرىپ استىق، ماقتا، جەمىس ـ جيدەك، مال سياقتى اۋىل شارۋاشىلىعىنا ساياتىن كاسىپ سالاسى شوعىرىنىڭ دامۋىن قولدادى؛ قورعاستاعى شەتەلدىك ساۋداگەرلەردىڭ زات اقشاسى بىردەمدە ەسەپتەرىنە كىردى... جىل باسىنان بەرى شينجياڭنىڭ بانكە سالاسى ۇلگىدە ىركەس ـ تىركەس جاڭالىق اشىپ، قارجى قۇراۋمەن بىرگە، اقىل ـ پاراسات توعىستىرىپ، شينجياڭنىڭ ناقتى ەكونوميكاسىنىڭ جوعارى ساپالى دامۋىن قولدادى.
شينجياڭنىڭ ەسىكتى ايقارا اشۋىنا قولداۋ كورسەتۋدە شينجياڭنىڭ بانكە سالاسى جابال اتتانىسقا كەلدى. بىلتىر جىل سوڭىندا جۇڭگو بانكەسىنىڭ شينجياڭ بولىمشە بانكەسى 80 ميلليارد يۋان ارناۋلى سەنىمدى امانات ـ قارىز قارجىسىن ورنالاستىرىپ، الداعى بىرنەشە جىلدا جۇڭگو (شينجياڭ) ەركىن ساۋدا سىناق رايونى قۇرىلىسىن قولداۋعا جۇمسايدى. بيىل 1 ـ ايدا بۇل بانكە شەكارا اتتاپ 108 ميلليون دوللار قارجى قوسۋدى، قۇراۋدى جەبەدى. ”بيىل ٴبىز ەركىن ساۋدا سىناق رايونىن قولداۋ سەرپىنىن ارتتىرىپ، ارناۋلى سەنىمدى امانات ـ قارىز قارجىسىن بىرتىندەپ ناقتى ارەكەتتە تياناقتاندىرامىز“، ـ دەدى جۇڭگو بانكەسى شينجياڭ بولىمشە بانكەسى ساۋدا بانكەسى ٴبولىمىنىڭ باس ديرەكتورى لي جيڭ.
تاياۋدا قۇرىلىس بانكەسىنىڭ شينجياڭ بولىمشە بانكەسى جەكەلەردىڭ جاڭالىق اشۋ ەسەبىن اتقارۋ ناقتى ەرەجەسىن شىعاردى، بۇل جۇڭگو _ قازاقستان قورعاس حالىقارالىق شەكارا سەلبەستىك ورتالىعى مەن قورعاس شەكارا تۇرعىندارىنىڭ ٴوزارا بازارشىلاۋ ساۋدا رايونىنداعى شەتەلدىك ساۋداگەرلەردىڭ سول كۇننەن باستاپ قۇرىلىس بانكەسىنىڭ قورعاس حالىقارالىق شەكارا سەلبەستىك ورتالىعىنىڭ بولىمشە بانكەسىندە جەكەلەردىڭ حالىق اقشاسىمەن جاڭالىق اشۋ ەسەبىن ٴبىتىرۋدى ٴوتىنىش ەتۋىنە بولاتىندىعىن تۇسىندىرەدى.
شەتەلدىك ساۋداگەرلەر جەكەلەردىڭ حالىق اقشاسىندا جاڭالىق اشۋ ەسەبىن ٴبىتىرىپ ٴارى ەسەپتى POS ماشيناسىنا جۇكتەگەننەن كەيىن، جۇڭگو ساۋداگەرلەرى زات ساتىپ العاندا بانكە كارتچكاسىن تىكەلەي سۇركەۋ ارقىلى حالىق اقشاسىمەن زات سوماسىن تولەۋ بىرنەشە سەكۋند ىشىندە ەسەپكە كىرەدى. ”بۇل شەكارا تۇرعىندارىنىڭ ٴوزارا بازارشىلاۋ ساۋداسىنا بارىنشا قولايلىلىق تۋدىرادى“، ـ دەدى قۇرىلىس بانكەسى قورعاس حالىقارالىق شەكارا سەلبەستىك ورتالىعى بولىمشە بانكەسى قاريدارلار ٴبولىمىنىڭ باس ديرەكتورى فۋ بين.
2 ـ ايدىڭ 22 ـ كۇنى جۇڭگو يمپورت ـ ەكسپورت بانكەسىنىڭ شينجياڭ بولىمشە بانكەسى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىمەن ستراتەگيالىق سەلبەستىك كەلىسىمىنە قول قويدى. بيىل جۇڭگو يمپورت ـ ەكسپورت بانكەسىنىڭ شينجياڭ بولىمشە بانكەسى شينجياڭعا بەرىلەتىن قارىز اقشالاردىڭ 26 ميلليارد يۋاننان تومەن بولماۋدى جوسپارلادى.
جۇڭگو يمپورت ـ ەكسپورت بانكەسى شينجياڭ بولىمشە بانكەسى پارتكومىنىڭ شۋجيى، بانكە باستىعى شۇي حايتاۋ بىلاي دەدى: بۇل بانكە ناقتى جاعدايعا قاراي جىلدىق سەنىمدى امانات ـ قارىز جوسپارىن جاساپ، جىلدىق ٴتۇيىندى قولداۋ كورسەتەتىن كاسىپورىندار مەن نىساندار ٴتىزىمىن العا قويىپ، كاسىپورىندارعا قارجى قۇراۋ جاعىنان قولداۋ كورسەتەدى.
نازاردى اۆتونوميالى رايوننىڭ ”سەگىز ٴىرى كاسىپ كاسىپ شوعىرىنداعى“ باستاماشى كاسىپورىندارعا جانە قامداۋ تىزبەگىنىڭ، كاسىپ سالاسى تىزبەگىنىڭ جوعارعى ـ تومەنگى بۋىنىنداعى كاسىپورىندارعا شوعىرلاندىردى، 2 ـ ايدىڭ 25 ـ كۇنىنە دەيىن شينجياڭ بانكەسى بيىل جىل باسىنان بەرى ”سەگىز ٴىرى كاسىپ سالاسى شوعىرى“ ورىندارىنداعى قاريدارلارعا جيىنى 3 ميلليارد 462 ميلليون يۋان قارىز اقشا تاراتتى؛ تاراتىلاتىن 65 نىساندى تەكسەرىپ بەكىتتى، جالپى قارىز اقشا سوماسى 5 ميلليارد 800 ميلليون يۋانعا جەتتى.
بيىل اۆتونوميالى رايون ورتالىق پەن اۆتونوميالى رايوننىڭ ٴتۇرلى قازىنالىق قارجىسىنان شامامەن 53 ميلليارد يۋاندى ٴبىر تۇتاس جوسپارلايدى ٴارى فينانس كاپيتالىنان شامامەن 21 ميلليارد 500 ميلليون يۋاندى ىسكە قوسىپ، كۇشتى شوعىرلاندىرا وتىرىپ استىق، ماقتا، جەمىس ـ جيدەك، مال سياقتى اۋىل شارۋاشىلىعىنا ساياتىن كاسىپ سالاسى شوعىرىنىڭ جوعارى ساپالى دامۋىن قولدايدى.
اۋىل شارۋاشىلىعى سالاسىنداعى ساياساتتىق بانكە رەتىندە، اۋىل شارۋاشىلىعىن دامىتۋ بانكەسىنىڭ شينجياڭ بولىمشە بانكەسى الدىن الا جوسپارلاپ، ىرىقتىلىقپەن ٴىس تىندىردى، 2 ـ ايدىڭ 21 ـ كۇنىنە دەيىن بيىل جيىنى 9 ميلليارد 727 ميلليون يۋان قارىز اقشا تاراتىپ، اۋىل ـ قىستاق جەرى، اۋىل ـ قىستاق اينالىم جۇيەسى قۇرىلىسى، اۋىل شارۋاشىلىق عىلىم ـ تەحنيكاسى، اۋىل شارۋاشىلىق ٴوندىرىس قۇرال ـ جابدىقتارى، قالا مەن اۋىلدى ٴبىر تۇلعالاندىرۋ قۇرىلىسى، سۋ يگىلىگى قۇرىلىسى سياقتى سالالارعا ٴتۇيىندى تۇردە جۇمسادى.
باس بانكەدەن بايلىق قاينارىنا بەيىمدەلۋدى ٴوتىنىش ەتىپ، اۋىل شارۋاشىلىعىنا، اۋىل ـ قىستاققا، شارۋالارعا فينانستىق قىزمەت وتەۋ ۇلگىسى مەن فينانس ونىمدەرىندە جاڭالىق اشىپ، قارىز اقشا بەرۋ ٴتارتىبىن ساپالىلاندىردى... اۋىل شارۋاشىلىق بانكەسىنىڭ شينجياڭ بولىمشە بانكەسى بيىل جىل باسىنان بەرى ٴتۇرلى شارالار قولدانىپ، اۋىل شارۋاشىلىعىنا ساياتىن قارىز اقشا بەرۋ تەبىنىن ارتتىرىپ، 1 ـ ايدا جيىنى اۋىل شارۋاشىلىعىنا ساياتىن 10 ميلليارد 400 ميلليون يۋان قارىز اقشا تاراتتى.
ەكونوميكانىڭ جاسىل تيپ جاڭالاۋ بويىنشا دامۋىن جەبەۋ ٴۇشىن، 2 ـ ايدىڭ 20 ـ كۇنىنە دەيىن شيڭيە بانكەسىنىڭ ٴۇرىمجى بولىمشە بانكەسى بيىل ٴتۇرلى جاسىل قارجى قۇراۋ بويىنشا 3 ميلليارد 772 ميلليون يۋان قۇرادى. مۇنىڭ ىشىندە بۇل بانكە 3 دۇركىندە جيىنى 61 ميلليون 90 مىڭ يۋان كومىر قىشقىل گازىن ىعىستىرۋدى ازايتۋمەن بايلانىستىرىلعان قارىز اقشانى تىڭنان تاراتىپ، جينفىڭ عىلىم ـ تەحنيكا شەكتى جارنا سەرىكتەستىگىنىڭ ەل ىشىندەگى 3 جەل ەلەكتر، فوتوۆولت نىسانى قۇرىلىسىنا ارناۋلى قولداۋ كورسەتتى.
