انار بۇلت\شينجياڭ گازەتىنىڭ ٴتىلشىسى ساۋ حۋا 2 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، بيىل شينجياڭ مەملەكەت جەرىن جاسىلداندىرۋدى ۇزدىكسىز عىلمي ىلگەرىلەتىپ، تۇتاس جىلدا ٴبىر ميلليون 200 مىڭ مۋ جەرگە ورمان ٴوسىرۋدى جوسپارلاعان.
بيىل شينجياڭ سۋ ارقىلى كوگالدى بەلگىلەۋگە، جەرگىلىكتى جاعدايعا قاراي ىستەۋگە تاباندى بولىپ، سان مەن ساپاعا، ىركىندى مەن ارتۋ مولشەرىنە تەڭ ٴمان بەرىپ، اعاش، بۇتا ـ بۇرگەن، ٴشوپتى ٴوزارا ۇشتاستىرىپ، مەملەكەت جەرى كەڭىستىگىن جوبالاۋ، سۋ بايلىعىن باسقارۋ تالابىنا قاتاڭ بويسۇنىپ، مەملەكەتتىڭ ورمان ٴوسىرۋ تەحنيكالىق ەرەجەسىنە ساي، جوعارى ولشەمدى ەگىنجاي قۇرىلىسىمەن ۇشتاستىرىپ، ەگىستىك جەردەگى بۇرىننان بار ىقتاسىن ورماندى يەلەۋ مەن تولىقتاۋدى تەڭگەرۋدى ويداعىداي ىستەۋگە سايكەسىپ، شەگىنگەن ىقتاسىن ورماندى قالپىنا كەلتىرۋدى عىلمي ورىستەتەدى. سونىمەن بىرگە 116 قىستاقتىڭ اۋىل ـ قىستاقتى جاسىلداندىرۋ، كورىكتەندىرۋ جۇمىسىن ورىستەتۋىنە قولداۋ كورسەتىپ، قىستاقتاردى جاسىلمەن كومكەرۋ مولشەرىن %22تەن تومەندەتپەي، اۋىل ـ قىستاقتى جاسىلداندىرۋ ساپاسىن ۇزدىكسىز جوعارىلاتادى. جەرگىلىكتى ۇكىمەتتىڭ ەگىستىكتەن ورماندى، جايلىمدى قالپىنا كەلتىرۋ ينجەنەرياسىن اتقارۋ جانە باسقارۋ نىسانا جاۋاپكەرشىلىگىن دە قاتايتىپ، ەگىستىك جەردەن ورماندى، جايلىمدى قالپىنا كەلتىرۋ، شولەيتتەنگەن جانە قۇمايتتانعان جەر اۋدانىن ازايتۋ سىندى ”ەكى ازايتۋ“ جەتىستىكتەرىن ۇزدىكسىز بەكەمدەيدى.
2023 ـ جىلى شينجياڭ جيىنى ٴبىر ميلليون 658 مىڭ 100 مۋ جەرگە ورمان ٴوسىرىپ، جوسپارداعى مىندەتتى 6.4 پايىز اسىرا ورىندادى.
