اۆتونوميالى رايوننىڭ ارىز ـ ارمان قىزمەتى بىرلەسكەن ٴماجىلىسىنىڭ 2024 ـ جىلعى ٴبىرىنشى جالپى ٴماجىلىسى جانە بۇكىل رايوننىڭ ارىز ـ ارمان مەكەمە باستىقتارى ٴماجىلىسى اشىلدى
جاڭا داۋىردەگى شينجياڭ ارىز ـ ارمان قىزمەتىنىڭ جاڭا جاعدايىن قۇلشىنا اشۋ كەرەك
انار بۇلت\شينجياڭ گازەتىنىڭ ٴتىلشىسى ميھىرگۇل عوپۇر 2 ـ ايدىڭ 28 ـ كۇنى ۇرىمجىدەن حابارلايدى. 2 ـ ايدىڭ 28 ـ كۇنى اۆتونوميالى رايوننىڭ ارىز ـ ارمان قىزمەتى بىرلەسكەن ٴماجىلىسىنىڭ 2024 ـ جىلعى ٴبىرىنشى جالپى ٴماجىلىسى جانە بۇكىل رايوننىڭ ارىز ـ ارمان مەكەمە باستىقتارى ٴماجىلىسى اشىلدى. ٴماجىلىس پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ حالىق ارىز ـ ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەندى، دايەكتىلەندىردى، ورتالىقتىڭ ساياسي ـ زاڭ قىزمەتى ٴماجىلىسىنىڭ، مەملەكەتتىك قوعامدىق قىزمەت ٴبولىمى باستىقتارى، ارىز ـ ارمان مەكەمە باستىقتارى اڭگىمە ٴماجىلىسىنىڭ، مەملەكەتتىك ارىز ـ ارمان مەكەمە باستىقتارى ٴماجىلىسىنىڭ جانە اۆتونوميالى رايوندىق پارتكومنىڭ ساياسي ـ زاڭ قىزمەتى ٴماجىلىسىنىڭ رۋحىن، ت. ب دايەكتىلەندىردى، تياناقتاندىردى، 2023 ـ جىلعى بۇكىل رايوننىڭ ارىز ـ ارمان قىزمەتىن قورىتىندىلاپ، بيىلعى ٴتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى چىن ميڭگو ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ارىز ـ ارمان قىزمەتىن زاڭمەن باسقارۋ ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا قىزمەت وتەۋ ساياسي جاۋاپكەرشىلىگىن باتىل ارقالاۋ كەرەك. ارىز ـ ارمان قىزمەتىنىڭ جاڭا جاعدايىن، جاڭا مىندەتىن، جاڭا تالابىن دۇرىس يگەرىپ، شينجياڭ ارىز ـ ارمان قىزمەتىنىڭ جوعارى ساپالى دامۋىن ىلگەرىلەتۋدەگى ساياسي جاۋاپكەرشىلىك سەزىمدى جانە بورىشتىلىق سەزىمدى شىنايى كۇشەيتۋ كەرەك. كەزەكتەگى جاعدايدى، مىندەتتى جانە حاۋىپ ـ قاتەر، سىن ـ سايىستاردى ساياسي جانە جالپى جاعداي تۇرعىسىنان يگەرۋگە تاباندى بولىپ، ارىز ـ ارمان قىزمەتىندە ورىن تەۋىپ وتىرعان ولقىلىقتارعا، بوگەتتەرگە باتىلدىقپەن تۋرا قاراپ، ساياسي سەزگىرلىكتى، حاۋىپ ـ قاتەردى بولجاۋدى، ساقتانۋ ىرىقتىلىعىن كۇشەيتىپ، باعىتتامالى سيپاتتى شارا قولدانۋ ارقىلى شىن مانىندە شەشۋ، شىنايى يگەرىپ، ناقتى ىستەۋ بارىسىندا كەمشىلىكتەردى تەكسەرىپ، ولقىلىقتاردى تولىقتاۋ، زاڭ بويىنشا مىندەت وتەۋ بارىسىندا ساپا مەن ونىمدىلىكتى جوعارىلاتۋ، كەلەلى جاعدايعا قىزمەت وتەۋ بارىسىندا جاۋاپكەرشىلىك ارقالاۋدى ايگىلەۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ارىز ـ ارمان قىزمەتىن زاڭمەن باسقارۋدى جاپپاي ىلگەرىلەتىپ، جاڭا داۋىردەگى شينجياڭ ارىز ـ ارمان قىزمەتىنىڭ جاڭا جاعدايىن قۇلشىنا اشىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋعا بەرىك بۇقارالىق نەگىز قالاۋ كەرەك.
