مۇشە يۇكساك شيجاات:
حالىق ٴۇشىن قىزمەت وتەۋ سىندى اۋەلگى ماقساتقا تاباندى بولامىن
□ انار بۇلت \ شينجياڭ گازەتىنىڭ ٴتىلشىسى جاڭ يۇنمەي
وسى 2 كۇندە مەملەكەتتىك ساياسي كەڭەستىڭ مۇشەسى، شينجياڭ كوركەنومەر تەاترحاناسى وپەرا ۇيىرمەسىنىڭ مەملەكەتتىك 1 ـ دارەجەلى ارتيسى يۇكساك شيجاات، ٴبىر جاعىنان، مەملەكەتتىك ەكى ماجىلىسىكە قاتىناسۋ ٴتۇرلى دايىندىق قىزمەتتەرىن ىستەسە، ەندى ٴبىر جاعىنان، وپەرا ۇيىرمەسىنىڭ 2024 ـ جىلعى ”انار ٴدانى“ مادەنيەت شاعىن اترەتىنىڭ نەگىزگى ساتىعا قىزمەت وتەۋ قيمىلىنا قاتىستى قىزمەتتەرگە ۋاقىتتى مىقتى ۇستاپ دايىندىق كورۋدە.
بيىل يۇكساك شيجااتتىڭ ٴۇرتىس 3 ـ جىل ”انار ٴدانى“ مادەنيەت شاعىن اترەتىنىڭ نەگىزگى ساتىعا قىزمەت وتەۋ قيمىلىنا قاتىناسۋى.
2022 ـ جىلى يۇكساك شيجاات شينجياڭ مادەنيەت سارايى ۇيىمداستىرعان ”انار ٴدانى“ مادەنيەت شاعىن اترەتىنە ىلەسىپ، اۋىلى تاشقورعان تاجىك اۆتونوميالى اۋدانىنا كەلىپ، قىستاق تۇرعىندارىن، نەگىزگى ساتى ادەبيەت ـ كوركەمونەر تىرەكتىلەرىن، اۋىل ـ قىستاق مادەنيەت كوشباسشىلارىن، اۋىلعا قايتقان داشۋە وقۋشىلارىن قامتىعان 120 ادامعا ٴبي، اسپاپتىق مۋزيكا، اندىك مۋزيكا، سۋرەت سالۋ، مەملەكەتتە ٴبىر تۇتاس قولدانىلاتىن ٴتىل ـ جازۋ جانە مانەرلەپ وقۋ سياقتى جاقتاردا باۋلۋ جۇرگىزدى. بىلتىر ول تاعى ”انار ٴدانى“ مادەنيەت شاعىن اترەتىن باستاپ اۋات اۋدانىنا بارىپ، بۇكىل اۋدانداعى 8 اۋىل ـ قالاشىقتاعى ديقاندارعا اندىك مۋزيكا، ٴبي، اسپاپتىق مۋزيكا، مانەرلەپ وقۋ سياقتى جاقتاردان باۋلۋ ورىستەتتى.
بىلتىر 12 ـ ايدان بيىل 1 ـ ايعا دەيىن يۇكساك شيجاات تاشقورعان تاجىك اۆتونوميالى اۋدانىنا تاعى باردى. ول وسى رەت اۋىلىنا 2 مىندەت ارقالاپ باردى، ٴبىرى، تەكسەرۋ ـ زەرتتەۋ جۇرگىزىپ، 3 ـ ايدا اشىلاتىن مەملەكەتتىك ەكى ماجىلىسكە ۇسىنىس جوبا ازىرلەۋ؛ ەكىنشىسى، اۋىلىنداعى حالىققا قولىنان كەلەتىن ناقتى ىستەر ىستەۋ.
تەكسەرۋ ـ زەرتتەۋ بارىسىندا يۇكساك شيجاات قازىرگى اۋىل ـ قىستاقتاردىڭ ەرەكشە كاسىپ سالاسى، ەرەكشەلىككە يە تۇرعىندار ٴۇيى سياقتى بايلىقتاردان پايدالانىپ حالىقتىق تۇسەلحانا شارۋاشىلىعىن دامىتىپ، بۇرىندارى ەشكىم ەلەمەيتىن قىستاقتارعا تىرشىلىك تىنىسىن سيلاپ، بۇقارا ٴۇشىن ٴۇيىنىڭ الدىندا كىرىستەرىن ارتتىرۋ ارناسىن كەڭەيتكەندىگىن بايقايدى. ٴبىر حالىقتىق تۇسەلحانادا تەكسەرۋ ـ زەرتتەۋ جۇرگىزگەندە، مول ساحنا تاجىريبەسى بار يۇكساك شيجاات ولاردىڭ تاجىك ۇلتىنىڭ حالىقتىق سالت ـ سانا ويىندارىن ورىنداۋمەن ساياحاتشىلاردى باۋراعان ٴادىسىن بارىنشا القاپ، ورىنداۋ جاعىنان ۇسىنىس بەرىپ قانا قالماستان، تاعى ولاردىڭ ساحنانى وزگەرتۋىنە كومەكتەستى.
ۇسىنىس جوبانى جاقسى جازۋ ٴۇشىن، يۇكساك شيجاات تاشقورعان تاجىك اۆتونوميالى اۋدانىن تەگىس ارالاپ، جەرگىلىكتى ورىنداعى كادرلاردىڭ، بۇقارانىڭ تالاپ ـ تىلەكتەرىن جانە جۇرەك ۇندەرىن تولىق ۇعىستى. ”مەن قولىمنان كەلىسىنشە بۇقاراعا ناقتى ٴىس ىستەپ، ماڭگى حالىق ٴۇشىن قىزمەت ەتەمىن!“ ـ دەدى يۇكساك شيجاات.
بۇل _ مەملەكەتتىك ساياسي كەڭەستىڭ مۇشەسى يۇكساك شيجااتتىڭ اۋەلگى ماقساتى.
يۇكساك شيجااتتىڭ اتاسى ساقا پارتيا مۇشەسى، كەزىندە امەريكا جيھانگەرلەرىنە قارسى تۇرىپ، چاۋشيانعا كومەكتەسۋ سوعىسىنا قاتىناسقان، ونىڭ اكەسى دە 60 جىلدىق پارتيا ستاجى بار ساقا پارتيا مۇشەسى. ولاردان ٴتالىم العان يۇكساك شيجاات بالا كەزىنەن ەرجەتكەندە ولار سياقتى ادام بولىپ، حالىق ٴۇشىن قىزمەت ەتىپ، مەملەكەتكە ۇلەس قوسۋ مۇراتىن ورناتتى.
2020 ـ جىلى مەملەكەتتىك ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ ”مۇشەلەر ارناسىندا“ يۇكساك شيجاات بۇكىل ەل حالقىنا ايبىندى سەرت بەردى: ”مەنىڭ قىزمەت نىسانام _ ’حالىق ٴۇشىن قىزمەت ەتۋ‘ “.
ال بۇل كۇندەرى يۇكساك شيجاات اۋەلگى ماقساتىنان جازباي، وسى جولدا قايراتتانا العا ۇمتىلۋدا.
