ۋاكىل قۇربان نياز:
سيفرلى تەحنيكا ارقىلى مەملەكەتتە ٴبىر تۇتاس قولدانىلاتىن ٴتىل ـ جازۋدى اناعۇرلىم ويداعىداي جالپىلاستىرايىق
□ انار بۇلت \ شينجياڭ گازەتىنىڭ ٴتىلشىسى ليۋ شياڭ
”جاستار _ قوعام دامۋىنىڭ تىرەكتى كۇشى، مەملەكەتتە ٴبىر تۇتاس قولدانىلاتىن ٴتىل ـ جازۋدى ويداعىداي ۇيرەنگەندە عانا، قوعامنىڭ دامۋىنا اناعۇرلىم زور ۇلەس قوسۋعا بولادى.“ 2 ـ ايدىڭ 24 ـ كۇنى ٴۇشتۇرپان اۋدانى يماملىرىم قالاشىعى مەملەكەتتە ٴبىر تۇتاس قولدانىلاتىن ٴتىل باستاۋىش مەكتەبىن قۇرۋشى، مەملەكەتتىك حالىق قۇرىلتايىنىڭ ۋاكىلى قۇربان نياز بىلاي دەدى: ”پۋتۇڭحۋانى جاتىق سويلەپ، كوركەم جۇڭگو جازۋىن جازا بىلگەندە، ءار ۇلت جاستارىنىڭ ٴومىرى ٴتىپتى دە ارلەنە تۇسەدى!“
ٴداۋىر العا باسۋدا، وقۋ ـ اعارتۋ ۇلگىسى دە سوعان ساي بولۋى كەرەك. قازىرگى تاڭدا ينتەرنەت، جاساندى زەردە، ۇلكەن ساندى مالىمەت سياقتى جاڭا تەحنيكالار ۇزدىكسىز دامۋدا، سيفرلى تەحنيكادان قايتكەندە اناعۇرلىم ويداعىداي پايدالانىپ مەملەكەتتە ٴبىر تۇتاس قولدانىلاتىن ٴتىل ـ جازۋ وقۋ ـ وقىتۋىن ىلگەرىلەتۋگە بولادى دەگەن ماسەلە قۇربان نيازدىڭ ويلانىپ ـ تولعاناتىن ماسەلەسىنە اينالدى.
2023 ـ جىلى قۇربان نياز شينجياڭ داشۋەسى كومپيۋتەر عىلىمى جانە تەحنيكاسى شۋەيۋانىمەن سەلبەسىپ، ”ينتەرنەت جەلىسىنەن تىس شوعىرلى باۋلۋ + جەلىدە ۇيرەنۋ جانە جاتتىعۋ + قىزىقتىرۋ ارقىلى تاربيە بەرۋ“ ٴوزارا ۇشتاستىرىلعان وقىتۋ ۇلگىسىن قولدانىپ، جاس، ورتا جاس ەگىنشى ـ مالشىلارعا مەملەكەتتە ٴبىر تۇتاس قولدانىلاتىن ٴتىل ـ جازۋ باۋلۋىن جۇرگىزدى. ەكى جاق سەلبەسىپ اشقان زەردەلى ۇيرەنۋ جۇمساق بولشەگى رەسمي جەلىگە كوتەرىلىپ ىسكە قوسىلدى، قازىر بۇكىل شينجياڭدا 870 مىڭ ەگىنشى ـ مالشى مۇنى ٴتۇسىرىپ تىركەلدى.
”بۇل ۇيرەنۋ جۇمساق بولشەگى اناعۇرلىم كوپ ادامنىڭ قول تەلەفون كورۋ ارقىلى مەملەكەتتە ٴبىر تۇتاس قولدانىلاتىن ٴتىل ـ جازۋدى جانە جۇڭحۋانىڭ تاڭداۋلى ٴداستۇرلى مادەنيەتىن ۇيرەنۋىنە مۇمكىندىك جاسادى، مەملەكەتتە ٴبىر تۇتاس قولدانىلاتىن ٴتىل ـ جازۋدى جانە شينجياڭدى مادەنيەتپەن نارلەندىرۋدى جالپىلاستىرۋعا سيفرلى تىرەك ازىرلەدى“، ـ دەدى قۇربان نياز.
بىلتىر قۇربان نياز اقسۋ ايماعى، بايىنعولين موڭعۇل اۆتونوميالى وبلىسى، تۇرپان قالاسى، قۇمىل قالاسى سياقتى جەرلەردە 40 رەتتەن استام ۇگىت لەكسيا قيمىلىن ورىستەتىپ، بۇقارانىڭ مەملەكەتتە ٴبىر تۇتاس قولدانىلاتىن ٴتىل ـ جازۋ قولدانۋ تانىمىن ۇزدىكسىز كۇشەيتتى. ول ەگىنشى ـ مالشىلارمەن اڭگىمەلەسكەندە، كوپتەگەن ادامنىڭ قاتە سويلەپ قويۋدان، باسقالاردىڭ سايقى ـ مازاق ەتۋىنەن جاسقانىپ، وزدەرىنە سەنىمى بولماي، مەملەكەتتە ٴبىر تۇتاس قولدانىلاتىن ٴتىلدى قولدانۋعا باتىلدىق ەتە المايتىندىعىن بايقادى.
”اۋىز ەكى ٴتىل قابىلەتى توتەنشە ماڭىزدى، تەك جاسقانباي سويلەي بىلگەندە عانا ناعىز ٴتىل شەبەرلىگىنە يە بولۋعا بولادى“، ـ دەدى قۇربان نياز. سوندىقتان ول ونسۋ اۋدانى ٴىشلامچى اۋىلىندا ٴبىر ايعا جالعاسقان مەملەكەتتە ٴبىر تۇتاس قولدانىلاتىن ٴتىل بويىنشا باۋلۋ كۋرسىن اشىپ، 45 _ 18 جاس ارالىعىندا 40 كۋرسانت قابىلداپ، تاسىلدە جاڭالىق اشىپ، ولاردىڭ مەملەكەتتە ٴبىر تۇتاس قولدانىلاتىن ٴتىلدى قولدانۋ قابىلەتىن جوعارىلاتتى.
”كىدىرمەي سويلەۋ _ تەتىك، سوندىقتان دامىل تاپپاي جاسقانباي سويلەي بەرۋ كەرەك“. باۋلۋ بارىسىندا، قۇربان نياز ٴوزىنىڭ وقىتۋ تاجىريبەسىنە بىرلەستىرە وتىرىپ، تىكە وقىتۋ جانە مەيلىنشە بەرىلۋ ۇلگىسىندەگى وقىتۋ فورمالارىن قولدانىپ، مەملەكەتتە ٴبىر تۇتاس قولدانىلاتىن ٴتىلدى ۇيرەنۋدىڭ قويۋ رايىن قالىپتاستىردى.
”ٴبىز ۇيرەنۋشىلەردى جۇرەكتىلىكپەن سويلەۋگە، باتىلدىقپەن قولدانۋعا شابىتتاندىردىق“. قۇربان نياز بىلاي دەدى: شوعىرلى كورىنىس تىلدەسۋى ارقىلى ۇيرەنگەن بىلىمدەرىن بەكەمدەپ، ەگىنشى ـ مالشى كۋرسانتتاردىڭ ٴتىل قولدانۋ قابىلەتىن شىنايى جوعارىلاتتىق.
”ٴبىزدىڭ نىسانامىز تەك ٴتىل ۇيرەتۋ عانا ەمەس، ونان دا ماڭىزدىسى، كوپشىلىكتىڭ ۇيرەنۋ بارىسىندا جۇڭحۋا مادەنيەتىن جالعاستىرۋىنا مۇمكىندىك جاساۋ“. قۇربان نياز بىلاي دەدى: ”مەملەكەتتە ٴبىر تۇتاس قولدانىلاتىن ٴتىل ـ جازۋ جۇڭحۋا مادەنيەتىنىڭ جاۋھارى، مەملەكەتتە ٴبىر تۇتاس قولدانىلاتىن ٴتىل ـ جازۋدى ويداعىداي ۇيرەنىپ، ويداعىداي قولدانىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ بىرگە ىنتىماقتاسا كۇرەس جۇرگىزۋىن، بىرگە گۇلدەنىپ ـ دامۋىن جۇزەگە اسىرۋ كەرەك“.
