_ مەملەكەتتىك ەكى ٴماجىلىستىڭ ۋاكىلدەرى مەن مۇشەلەرىنىڭ جۇرەك ٴۇنى
□ شينحۋا اگەنتتىگىنىڭ تىلشىلەرى
قامال الىپ قيىندىقتى جەڭۋدەگى كۇرەس ىزدەرىنە قايىرىلا قاراپ، حالىق بۇقاراسىنىڭ ىقىلاستى تىلەگىن جەتكىزىپ، جوعارى ساپالى دامۋدىڭ جاڭا كارتيناسىن سىزىپ، ۇلتتى گۇلدەندىرۋدىڭ جالىندى سۇيىسپەنشىلىگىن قاۋلاتتى... 3 ـ ايدا استانا بەيجيڭدە تىرشىلىك تىنىسى جالىندادى، مەملەكەتتىك ەكى ماجىلىسكە قاتىناساتىن ۋاكىلدەر مەن مۇشەلەر كوكتەمگى سالتاناتتى باس قوسۋعا بىرگە اتتاندى.
ادامنىڭ قاسيەتى قيىن كۇندە بىلىنەر، تاۋلاردىڭ اسقاقتىعى قۇزار شىڭىنان كورىنەر. تاياۋدا كوپتەگەن ۋاكىل جانە مۇشەلەر شينحۋا اگەنتتىگىنىڭ تىلشىلەرىمەن اڭگىمەلەسىپ، وزدەرىنىڭ مىندەت وتەۋ حيكايالارىن بايانداپ، جۇرەك جاردى ورتاق ۇندەرىن جەتكىزدى _ باس شۋجيدىڭ تاپسىرماسى ٴبىزدى تىنباي العا ىلگەرىلەۋگە شابىتتاندىردى!
(1)ٴبىر نيەتپەن ارمانعا قانات قاعىپ، سۇبەلى تابىسقا قول جەتكىزدى
2 ـ ايدىڭ 9 ـ كۇنى جاڭا جىلعا قاراعان ٴتۇن، ”جۇڭگو تيانيان“ ستانسيا ورنى باس مەڭگەرۋ كەڭسەسىنىڭ ٴىشى قاربالاستىققا شومدى. عىلمي زەرتتەۋ قىزمەتكەرلەرى الەمنىڭ تەرەڭ قويناۋىنان كەلگەن راديو سيگنالىنىڭ قۇپياسىن اشۋ الدىندا تۇرعان ـ دى.
”باس شۋجي ’ىلەسە جۇگىرۋدەن قاتارلاسا جۇگىرۋگە، ارى قاراي كوش باستاپ جۇگىرۋگە قاراي بۇرىلىس جاساۋدى جەدەلدەتىپ، ٴىشىنارا سالالاردا كوش باستايتىن باسىمدىقتى ساقتاۋدى‘ العا قويدى، ٴبىر ٴسات تە بويكۇيەزدىككە سالىنىپ، سالعىرتسۋىمىزعا بولمايدى.“ 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، جۇڭگو عىلىم اكادەمياسى مەملەكەتتىك استرونوميا ستانسياسى ”جۇڭگو تيانياننىڭ“ باس ينجەنەرى جياڭ پىڭ بىلاي دەدى: اسا جوعارى سەزگىشتىگىنىڭ ارقاسىندا ”جۇڭگو تيان ـ يانى“ لىپىلداۋىق جۇلدىز، تەز قارقىندى راديولىق داۋىل، سونداي ـ اق تارتىلىس تولقىنىن بارلاۋ سياقتىلاردا الەمدىك دەڭگەيدەگى ٴبىر قىدىرۋ جەتىستىكتەرگە قول جەتكىزدى.
2021 ـ جىلى 2 ـ ايدا گۇيجوۋدا قىزمەت تەكسەرىپ، تەكسەرۋ ـ زەرتتەۋ جۇرگىزگەن باس شۋجي شي جينپيڭ ”جۇڭگو تيانيان“ نىسانىنىڭ جاۋاپتىلارىمەن جانە عىلمي زەرتتەۋ تىرەكتىلەرىمەن كەزدەستى ٴارى ”جۇڭگو تيانيان“ باس مەڭگەرۋ كەڭسەسىنىڭ عىلىم ـ تەحنيكا قىزمەتكەرلەرىنىڭ ۋاكىلدەرىمەن بەينەبايلانىسقا شىقتى.
3 جىل ارالىعىندا ”جۇڭگو تيانيان“ ارعى كەڭىستىككە كوز تىككەن قارقىنمەن ۇدەي ٴجۇرىپ، ەلىمىزدىڭ ادامزات ”كوز اياسىنىڭ“ ەڭ الدىڭعى لەگىندە جۇرۋىنە مۇمكىندىك جاسادى.
جۇلدىز سامسىعان اسپانعا كوز جىبەردى، تاباندىلىقپەن ىستەدى.
جياڭسۋ ولكەسى جىنجياڭ قالاسىنىڭ ياۋچياۋ قالاشىعىندا، كوكتەمنىڭ باس كەزى ٴبيداي اتىزىندا مايسالار جايقالىپ وسە باستاعان. شوفەرسىز وزدىگىنەن ٴجۇرىپ بۇركەتىن وسىمدىك قورعاۋ ماشيناسى ”قوس بىلەگىن“ جايىپ، ٴدارى بۇركۋدە، شارۋالار ەكىلىكتى جايمالاۋ ارقىلى ەگىنجايدى الىس ارالىقتان باسقارۋدا.
20 مىڭ مۋدان اساتىن ەگىنجايدا وزىق عىلىم ـ تەحنيكانىڭ بار الاپقا قۋات ۇستەگەندىگىن كورۋگە بولادى. 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، جياڭسۋ ولكەسى جىنجياڭ قالاسى جىنجياڭ جاڭا رايونىنىڭ يۇڭشيڭ اۋىل شارۋاشىلىق ماشينالارىن ماشينالاندىرۋ كاسىپتىك سەلبەستىك كووپەراتيۆىنىڭ القا باستىعى ۋي چياۋدىڭ اۋىلىنا ورالىپ، شارۋاشىلىق قۇرۋ ارمانى وسى ارادا تامىر تارتىپ، وركەن جايدى.
”ۋي چياۋ سياقتى وسىنداي جولداستاردىڭ اۋىل ـ قىستاققا بارۋى وتە جاقسى!“ 2023 ـ جىلى 3 ـ ايدىڭ 5 ـ كۇنى جياڭسۋ ۋاكىلدەر ۇيىرمەسىنىڭ باياندامانى قاراۋ ٴماجىلىس الاڭىندا باس شۋجي شي جينپيڭ ”80 ـ جىلداردىڭ تۇلەگى“ بولعان وسى جاڭا ەگىنشىنى وسىلاي دەپ شابىتتاندىردى.
2023 ـ جىلى ۋي چياۋ تۇرعان سەلبەستىك كووپەراتيۆى 10 مىڭنان استام شارۋانى باستاپ تەحنيكانىڭ دارەجەسىن ٴوسىرۋ ارقىلى كىرىستى ارتتىردى، ”تاعى اۋىل شارۋاشىلىعى ەكولوگياسىن كاسىپ سالالاندىرۋ جۇيەسى قۇرىلىسىن ىلگەرىلەتىپ، اناعۇرلىم كوپ ’90 ـ جىلداردىڭ تۇلەكتەرىن‘، ’2000 ـ جىلداردىڭ تۇلەكتەرىن‘ اۋىل ـ قىستاقتى گۇلدەندىرۋگە ات سالىسۋعا باستاۋ كەرەك“.
ۇزاق بولاشاقتىق جوسپارلار ايبىندى كۇرەس جۇرگىزۋ كارتيناسىنا اينالدى
2024 ـ جىلى 1 ـ ايدا وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ تۇڭعىش كەلەلى نىسانى رەتىندە، چاڭجياڭنىڭ سۋىن باستاپ، حانجياڭنىڭ سۋىن تولىقتاۋ ينجەنەرياسى جاپپاي قۇرىلىس جۇرگىزۋ كەزەڭىنە ٴوتىپ، ورتا جەلى ينجەنەرياسىنىڭ جىلدىق جەتكىزىلگەن سۋ مولشەرى بۇرىنعى 9 ميلليارد 500 ميلليون تەكشەمەتردەن 11 ميلليارد 510 ميلليون تەكشەمەترگە ارتتى.
”باس شۋجيدىڭ تىكە ورنالاستىرۋىنداعى چاڭجياڭ ەكونوميكالىق بەلدەۋىن دامىتۋ كەلەلى ستراتەگياسى وزەننىڭ ەكى جاعالاۋىنداعىلاردى، سان ميلليونداعان حالىقتى باقىتقا كەنەلتتى.“ 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، سۋ يگىلىگى مينيسترلىگى چاڭجياڭ سۋ يگىلىگى كوميتەتىنىڭ ورىنباسار باس ينجەنەرى حۋاڭ يان مەملەكەتتىك ەكى ماجىلىستە ”سيفرلى ەگىز حانجياڭنىڭ“ ەڭ جاڭا جەتىستىكتەرىن كورسەتۋدى جوسپارلاپ وتىر.
”ٴبىزدىڭ ۇجىمىمىز زەرتتەپ اشقان سيفرلى ەگىز جۇيە فيزيكالىق ارنانى ناقتى ۋاقىتتا باقىلاۋ ـ مەڭگەرۋ، قاداعالاۋ جورامالىن جۇرگىزىپ، ماسەلەنى دەر كەزىندە بايقاپ ٴارى ينجەنەريالىق رەتتەۋدى ساپالىلاندىرىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم دەر كەزىندە، دالمە ـ ٴدال بولعان سۋ حاۋىپسىزدىگى قامتاماسىزدىعىن ازىرلەيدى“، ـ دەدى حۋاڭ يان.
مەملەكەتتىك ەكى ٴماجىلىستىڭ اشىلاتىن ۋاقىتى تاياپ قالدى، شۇيگۇڭ توبىنان كەلگەن ۋاكىل شان زىڭحايدىڭ ەسىنە 2017 ـ جىلدىڭ 12 ـ ايى ورالدى، سول شاقتا باس شۋجي شي جينپيڭ شۇيگۇڭ توبىنا كەلىپ قىزمەت تەكسەرىپ، ”جاڭالىق اشۋ _ كاسىپورىنداردىڭ وزەكتى باسەكەلىك قۋاتىنىڭ قاينارى، كوپتەگەن وزەكتى تەحنيكالاردى ٴوتىنىپ سۇراپ الا المايسىڭ، ساتىپ الا المايسىڭ“ دەپ قاداعالادى، سوزدەرىنەن شىن ىقىلاستى قامقورلىق اڭعارىلدى.
جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى باس شۋجي ەسىنەن شىعارمادى
2023 ـ جىلى 14 ـ كەزەكتى مەملەكەتتىك حالىق قۇرىلتايىنىڭ 1 ـ ماجىلىسىندەگى العاشقى ”ۋاكىلدەر ارناسىندا“ شان زىڭحاي ”مەملەكەتتىڭ ماڭىزدى جابدىعىنىڭ“ تەگەرۋىندى ناقتى قۋاتىن ماقتانىشپەن باياندادى _
كاتار الەم ساۋىتىنا تالاسۋ فۋتبول جارىسى وتكىزىلگەن الاڭ ـ سارايىنىڭ كەز كەلگەن جەرىنەن جۇڭگودا جاسالعان دەگەندى كەزىكتىرۋگە بولادى؛ «سەرگەلدەڭ جەر شارى 2» كينو فيلمىندەگى ”الەمدىك دەڭگەيدەگى“ قۇرىلىس جۇرگىزۋ كورىنىسىندە وتاندىق ٴونىم ينجەنەريا ماشينالارى ”ەرەكشە ارتيست“ رولىن اتقاردى...
تەلەۆيزور تىكە تاراتىلىمى ارقىلى باس شۋجي شي جينپيڭ شان زىڭحايدىڭ بايانداعاندارىنا دەن قويا نازار اۋداردى. سول كۇنى تۇستەن كەيىن باس شۋجي جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى. باس شۋجيدىڭ قارسى الدىندا وتىرعان شان زىڭحاي ٴسوز كەزەگىن العان زامان باس شۋجي شي جينپيڭ ونى بىردەن تاني كەتتى.
شان زىڭحايدىڭ مالىمەتى ەرەكشە اسقاق بولدى: ”ٴسىز سول كەزدە وتىرعان تۇتاس جەر بەتىندىك دوڭگەلەكتى كراننىڭ شەشۋشى كورسەتكىشى قازىر الەم بويىنشا ٴبىرىنشى بولۋداي دەڭگەيگە جەتتى“.
بيىل شان زىڭحاي تاعى دا شات حابار الا كەلدى: جاڭا ۇرپاق الەمدەگى تونناجى ەڭ ۇلكەن دوڭگەلەكتى كراننان ۇزدىكسىز تىڭ رەكورد جاراتىلدى. وزەكتى تەحنيكا، شەشۋشى ۇساق بولشەك سياقتىلاردى دەربەس مەڭگەرۋ نەگىزىنەن جۇزەگە اسىرىلدى.
(2) قايراتتانا العا ۇمتىلۋدىڭ ٴدال ٴساتى كەلىپ جەتتى
جىجياڭنىڭ تيانمۋ تاۋىنىڭ سولتۇستىك بوكتەرىندە مەملەكەت اعىمىندىق ٴبىر رەتكى اۋىل ـ قىستاق شام ساۋىعى ادامدار ٴيىن تىرەسكەن يۇيسۇن قىستاعىنىڭ جولىن نۇرلاندىردى.
”ٴبىز ’ارمان زاۆودىن‘ قۇردىق، تاعى ’التىن استاۋعا‘ اينالدىرامىز! 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، جىجياڭ ولكەسى انجي اۋدانى يۇيسۇن قىستاعى پارتيا ياچەيكاسىنىڭ شۋجيى ۋاڭ يۇيچىڭ ”جاسىل تاۋ ادامنىڭ ٴۇمىتىن اقتايدى“ حيكاياسىن اڭگىمەلەدى _
20 نەشە جىلدىڭ الدىندا، يۇيسۇن قىستاعى ”تاس شارۋاشىلىعىن“ دامىتتى، ول شاقتا تاۋى تاقىر، سۋى قارا قوشقىل بولاتىن. جىجياڭ ولكەسىنىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجيەنەرياسىن“ ىلگەرىلەتۋىنە ساي، وتكەننەن ساباق العان يۇيسۇن قىستاعىنىڭ تۇرعىندارى كەندەردى جانە سەمەنت زاۆودتارىن ىركەس ـ تىركەس جابۋدى، توقتاتۋدى ۇيعاردى.
2005 ـ جىلى 8 ـ ايدا سول كەزدەگى جىجياڭ ولكەلىك پارتكومنىڭ شۋجيى شي جينپيڭ يۇيسۇن قىستاعىنا قىزمەت تەكسەرۋگە بارعاندا، يۇيسۇن قىستاعىنىڭ ٴادىسىن ”كورەگەن شارا“ دەپ باعالاپ، ”تۇنىق سۋ، جاسىل تاۋ _ باعالى بايلىق“ دەگەندى تۇڭعىش رەت ايقىن العا قويدى.
2020 ـ جىلى 3 ـ ايدا يۇيسۇن قىستاعىنا قايتا بارعاندا، باس شۋجي شي جينپيڭ سۇيىنە بىلاي دەدى: ”يۇيسۇن قىستاعىنىڭ قازىرگى قول جەتكىزگەن ناتيجەلەرى جاسىل دامۋ جولىنىڭ دۇرىس ەكەندىگىن، جولدى دۇرىس تاڭداعاننان كەيىن تاباندىلىقپەن جۇرە بەرۋ كەرەكتىگىن دالەلدەدى“.
”يۇيسۇن الەمدىك سەرىكتەسۋشىلەردى“ قابىلداپ، شارۋاشىلىق قۇرۋداعى جاڭا بۋىندى قابىلدادى. 2023 ـ جىلى يۇيسۇن قىستاعى جيىنى مولشەرمەن ٴبىر ميلليون 150 مىڭ ساياحاتشى (رەت) قابىلداپ، قىستاقتىڭ كوللەكتيۆ شارۋاشىلىق كىرىسى مولشەرمەن 22 ميلليون 470 مىڭ يۋان بولدى.
جاڭا ورنالاستىرۋعا تۋرالانعان تاۋلى قىستاقتار قۇلشىنا قۋىپ جەتىپ، جۇڭگو ۇلگىسىندەگى وسىزامانداندىرۋدى جۇزەگە اسىرۋ جورىعىنا قادام تاستادى؛ جاڭا جەتەكشىلىككە بويسۇنعان كاسىپورىندار باتىلدىقپەن جاڭالىق اشىپ، جاڭا ساپالى وندىرگىش كۇشتەردى دامىتۋدىڭ جەلكەنىن كوتەردى.
14 ـ كەزەكتى مەملەكەتتىك حالىق قۇرىلتايىنىڭ ۋاكىلى، حۋاگۇڭ عىلىم ـ تەحنيكا كاسىپ سالاسى شەكتى جارنا سەرىكتەستىگىنىڭ القا باستىعى ما شينچياڭ جانىندا الىپ جۇرگەن ەستەلىك داپتەردىڭ ىشكى مۇقاباسىنا باس شۋجي شي جينپيڭنىڭ 2022 ـ جىلى 6 ـ ايدا ۋحان حۋاگۇڭ لازەر ينجەنەرياسى شەكتى جاۋاپكەرشىلىك سەرىكتەستىگىنە بارىپ قىزمەت تەكسەرگەندە ايتقان عىلىم ـ تەحنيكانىڭ جان تامىرىن ٴوز قولىمىزدا ۇستاۋىمىز كەرەك دەگەن ٴسوزىن كوشىرىپ جازىپ قويعان ەدى.
”ەلىمىزدىڭ جاساۋ كاسىبىنىڭ تيبىن جاڭالاپ، دارەجەسىن ٴوسىرۋىن ىلگەرىلەتىپ، جاساۋ كاسىبىندە قۋاتتى ەل قۇرۋدا، ٴسوز جوق، تەحنيكانى زەرتتەۋ ـ اشۋدى كۇشەيتىپ، وتاندىق ونىمدەردىڭ ورىن باسۋ مولشەرىن جوعارىلاتىپ، عىلىم ـ تەحنيكانىڭ جان تامىرىن ٴوز قولىمىزدا ۇستايتىن بولساق، مەملەكەت سوندا عانا ناعىز قۇدىرەتتەنەدى“. باس شۋجيدىڭ وسى ٴسوزى ما شينچياڭنىڭ كاسىپورىننىڭ دامۋىن مەملەكەت ستراتەگياسىمەن توعىستىرىپ، زەرتتەۋ ـ اشۋ، جاڭالىق اشۋ ارقىلى قارقىندى ۇدەتۋىنە شابىت بەردى.
سوڭعى جىلدارى ما شينچياڭ 100گە جۋىق جاساۋ كاسىپورنىن ارالاپ، قايتكەندە اناعۇرلىم كوپ جەتەكشىلىك سيپاتتى، توڭكەرىستىك سيپاتتى تەحنيكا مەن ونىمدەردى جارىققا شىعارۋعا بولادى دەگەن ماسەلەگە ۇزدىكسىز وي جۇگىرتتى.
ينجەنەريا جاعىنداعى ماگيستر، دوكتورلاردى باۋلۋ سالىستىرماسىن ونان ارى كەڭەيتىپ، مەملەكەتتىڭ دارىندىلار ساياساتىن ورتا، باتىس بولىكتەگى وڭىرلەرگە ونان ارى بەيىمدەۋ؛ مەملەكەت دارەجەلى عىلىم ـ تەحنيكا جەتىستىكتەرىمەن قامداۋ تىزبەگى تۇعىرىن قۇرىپ، ەلىمىزدىڭ تاۋارلاردىڭ ەلىمىزدە پايدالانىلۋىن جەبەۋ... بيىل ول ”مەملەكەت مەنشىگىندەگى كاسىپورىنداردىڭ جاڭا ساپالى وندىرگىش كۇشتەردى دامىتۋىن ىلگەرىلەتۋ“ جونىندەگى ۇسىنىستى ەكى ماجىلىسكە الا بارماقشى.
جاڭا ساپالى وندىرگىش كۇشتەردى دامىتىپ، جوعارى ساپالى دامۋدى ىلگەرىلەتتى، جاڭا داۋىردە بايتاق جۇڭگو دالاسىندا كوكتەم سامالى ەستى.
”باس شۋجيدى تاعى دا قوناق بولۋعا ۇسىنىس ەتكىم كەلەدى!“ 13 ـ كەزەكتى مەملەكەتتىك حالىق قۇرىلتايىنىڭ ۋاكىلى، چيڭحاي ولكەسى حايدۇڭ قالاسى حۋجۋ تۋزۋ اۆتونوميالى اۋداندىق ونەركاسىپ ـ ساۋدا بىرلەستىگىنىڭ ارنايى مىندەتتەگى ورىنباسار ٴتوراعاسى ا شىڭچيڭنىڭ ەسىنەن مىنا ٴبىر ٴىس كەتپەيدى: 2016 ـ جىلى 8 ـ ايدا باس شۋجي شي جينپيڭ جاۋىپ تۇرعان نوسەرگە قاراماي حۋجۋ اۋدانى بان ـ يان قىستاعىنا كەلىپ، كەدەي وتباسىلارىن ارالاپ، كوپشىلىكپەن بىرگە قونىس جاڭالاعاننان كەيىن كەدەيلىكتەن قالاي ارىلىپ، دوڭگەلەك داۋلەتتى ورەگە جەتۋگە بولاتىندىعىن جوسپارلادى.
2021 ـ جىلى 3 ـ ايدىڭ 7 ـ كۇنى باس شۋجي شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، ا شىڭچيڭ باس شۋجيگە بىلاي دەپ مالىمەت بەردى: بان ـ يان قىستاعىنىڭ جان باسىندىق جىلدىق كىرىسى 5 جىلدىڭ الدىنداعى 2600 يۋاننان قازىر 11 مىڭ 419 يۋانعا كوتەرىلدى.
باس شۋجي شي جينپيڭ مىنالاردى ەگجەي ـ تەگجەيلى سۇراپ ۇعىستى: ”قىستاق تۇرعىندارىنىڭ ەلەكترمەن جىليتىن ساكىسى قانداي“، ”كەستەشىلىك كاسىپ سالاسى كەدەيلىكتەن ارىلتۋعا قالاي دەم بەردى“، ”ميڭليۋ اراعىن كاسىپ سالاسىنا قايتىپ اينالدىردى“...
شىنايى قامقورلىق ادامدى العا باسۋعا جەبەيدى. قازىر بان ـ يان قىستاعى فوتوۆولتتىق ەلەكتر تاراتۋ، ەرەكشە باعىمشىلىق، ميڭليۋ اراعىن اشىتۋ، تۋزۋ كەستەشىلىگى سياقتى”8 ٴتۇرلى كاسىپتى“ العاشقى ادىمدا قالىپتاستىردى، 2023 ـ جىلى قىستاقتىڭ جان باسىندىق كىرىسى 2 جىلدىڭ الدىنداعىدان 2711 يۋان ارتتى.
”ٴبىز جوعارى مەكتەپتەرمەن قول ۇستاسىپ، تەحنيكالىق بوگەتتەردى شەشىپ، تاس ۇڭگىرلەردىڭ جەمىرىلۋىن ٴونىمدى تۇردە باسەيتتىك“. بۇل 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، يۇنگاڭ زەرتتەۋ ورنىنىڭ باستىعى حاڭ كاننىڭ باس شۋجيگە مالىمەت بەرۋدە ايتۋدى ٴۇمىت ەتىپ وتىرعان ەڭ جاڭا ىلگەرىلەۋشىلىگى.
”تاريحي مادەنيەت مۇرالارى قايتا تۋىندامايتىن، ورنىن وگەيسىتۋگە بولمايتىن باعالى بايلىق، قورعاۋدى قاشاندا ٴبىرىنشى ورىنعا قويۋ كەرەك“. ”ساياحاتتى ادامداردىڭ جۇڭحۋا مادەنيەتىن سەزىنۋ، مادەنيەت سەنىمىن كۇشەيتۋ بارىسىنا اينالدىرۋ كەرەك.“ 2020 ـ جىلى 5 ـ ايدا باس شۋجي شي جينپيڭنىڭ يۇنگاڭ تاس ۇڭگىرىنە بارعانداعى ىقىلاستى ٴتالىمى حاڭ كاننىڭ ٴالى ەسىندە.
3D باسپاسى، VR تەحنيكاسى ارقىلى ادەمى ويمالاردى ايگىلەپ، ٴبي قۇراستىرۋ ارقىلى تاس قابىرعالار اراسىنداعى عارىشقا ۇشۋ بەينەسىن بەينەلەپ، بەيزاتتىق مادەنيەت مۇرالارى كونسەرتى ارقىلى يۇنگاڭ تاس ۇڭگىرىنىڭ ”جان كۇيەرلەرىن“، ”اعىن مولشەرىن“ ارتتىردى... زامانىمىزداعى جۇڭگولىقتار ”جاندانعان“ مادەني ەسكەرتكىشتەردەن مادەنيەت تامىرىن جالعاستىرۋدى ٴتۇسىنىپ، مادەنيەت سەنىمىن بەكەمدەدى.
”باس شۋجي العا قويعان جاڭا داۋىردەگى جاڭا مادەنيەت بورىشىن ٴبىز، ٴسوز جوق، ويداعىداي ورىنداي الامىز!“ ـ دەدى حاڭ كان.
(3) حالىقتى بارىنەن جوعارى قويۋدى كوكەيگە ۇيالاتتى
”ۇستىڭگى قاباتتا ٴار كۇنى دابىرلاعان داۋىس ەستىلەدى، قايتسەك بولار ەكەن!“
”ابىرجىماڭىز، الدىمەن وتىرىپ، ماعان ٴىستىڭ ٴمان ـ جايىن ايتىڭىز...“
چۇڭچيڭ قالاسى جياڭبەي رايونى گۋانيىنچياۋ مالىسىندە ”لاۋما قىزمەت كەڭسەسى“ دىر ـ دۋمانعا بولەندى. بۇقارادا قايشىلىق بولسا، ما شانشياڭدى ىزدەپ كەلىپ وسى جايىندا اڭگىمەلەسكەندى جاقسى كورەدى.
ما شانشياڭ 13 ـ كەزەكتى مەملەكەتتىك حالىق قۇرىلتايىنىڭ ۋاكىلى. مىندەت وتەگەن كەزىندە، ول بۇقارانى 2000 نەشە رەت قابىلداپ، 50 نەشە قىزمەت ەستەلىك داپتەرىن جازدى.
2018 ـ جىلى 3 ـ ايدىڭ 10 ـ كۇنى باس شۋجي شي جينپيڭ 13 ـ كەزەكتى مەملەكەتتىك حالىق قۇرىلتايىنىڭ 1 ـ ماجىلىسىندەگى چۇڭچيڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، ما شانشياڭ قىزمەت كەشىرمەلەرىمەن بىرلەستىرىپ، پارتيا 19 ـ قۇرىلتايىنىڭ رۋحىن نەگىزگى ساتىدا ناقتاپ تياناقتاندىرۋدىڭ ادىستەرىن جانە اسەرلەرىن باياندادى.
”نەگىزگى ساتىدا پارتيا ياچەيكاسى بولعاندىقتان دا، مىڭ ٴجىپتىڭ باسىن ٴبىر ينە بىرىكتىردى، ٴسوز جوق، نەگىزگى ساتىنى بەكەمدەۋ كەرەك“. ما شانشياڭنىڭ ٴسوزىن تىڭداعاننان كەيىن، باس شۋجي شي جينپيڭ بىلاي دەدى: ”ٴبىز لاۋما جولداس سياقتى سانسىزداعان نەگىزگى ساتى كادرلارىنىڭ كوممۋنيستىك پارتيا مۇشەلەرىنىڭ ۇلگىلىك، باستاماشىلدىق رولىن ساۋلەلەندىرۋىنە مۇقتاجبىز“.
”باس شۋجيدىڭ وبرازدى تۇردە ’نەگىز مىقتى قالانباسا، جەر ـ دۇنيە ٴدۇر سىلكىنەدى‘ دەپ ايتقان ٴسوزى مەنىڭ جۇرەگىمە جەتتى“، ـ دەدى ما شانشياڭ.
2023 ـ جىلى ”لاۋما قىزمەت كەڭسەسى“ جاڭا ۇيگە كوشىپ كىردى، كولەمى كەڭەيدى، ەكسكۋرسيالاۋشىلار، ۇيرەنۋشىلەر اناعۇرلىم كوبەيدى، تاجىريبەنىڭ تارالۋى اناعۇرلىم كەڭەيدى. تۇتاس چۇڭچيڭدە ”لاۋما“ جەتەلەگەن ”شياۋمالار“ ارىنداي العا تارتتى.
بۇقارانىڭ مۇددەسىن شىنايى كوزدەپ، باستان ـ اياق حالىقپەن تىلەكتەس بولدى.
2021 ـ جىلى 3 ـ ايدىڭ 6 ـ كۇنى باس شۋجي شي جينپيڭ مەملەكەتتىك ساياسي كەڭەس 13 ـ كەزەكتى كوميتەتىنىڭ 4 ـ ماجىلىسىنە قاتىناسىپ جاتقان ەمدەۋ، ٴدارى ـ دارمەك، دەنساۋلىق ساقتاۋ سالاسىنداعى، وقۋ ـ اعارتۋ سالاسىنداعى مۇشەلەرگە امانداسا باردى. ۋ حاۋ ٴبىرىنشى بولىپ ٴسوز سويلەپ، ٴوزىنىڭ نەگىزگى ساتى دەنساۋلىق ساقتاۋ جۇيەسىن كەمەلدەندىرۋ جونىندەگى ويىن ٴبولىستى.
”ۇكىمەتتىك ەمدەۋ ـ دەنساۋلىق ساقتاۋ قۇرىلىمدارىنىڭ قۇرىلىس تەبىنىن كۇشەيتۋ كەرەك“، ”نەگىزگى ساتىنىڭ اۋرۋدان ساقتانۋ، اۋرۋدى ەمدەۋ جانە سالاماتتىق باسقارۋ قابىلەتىن جوعارىلاتۋ كەرەك“، ”ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتۋ كەرەك“...
باس شۋجي شي جينپيڭ ورتاعا قويعان وسى ماڭىزدى تۇيىندەر ۋ حاۋعا تەرەڭ اسەر قالدىردى: ”باس شۋجي ماسەلەگە بۇقارا تۇرعىسىنان وي جۇگىرتتى“.
بەيجيڭ قالاسى فىڭتاي رايونى فاڭجۋاڭ الەۋمەتتىك اۋماعى دەنساۋلىق ساقتاۋ بويىنشا قىزمەت وتەۋ ورتالىعىنىڭ مەڭگەرۋشىسى بولۋدان استانا مەديتسينا داشۋەسى ۋنيۆەرسالدى مەديتسينا جانە ۇنەمىلىك تاربيە شۋەيۋانىنىڭ باستىعى بولۋعا دەيىن ۋ حاۋ تۇرعىندار سالاماتتىعىنىڭ ”قورعاۋشىسى“ بولاتىن ىستەرگە باستان ـ اياق كوڭىل ٴبولدى.
”مەنىڭ قىزمەت ورنىم جانە سالاۋاتىم وزگەرگەنىمەن، باس شۋجيدىڭ تالابى، بۇقارانىڭ ٴۇمىتى وزگەرگەن جوق، تاعى بەساسپاپ مەديتسينا دارىندىلارىن تاربيەلەۋدى ىلگەرىلەتىپ، ’ەمدەۋ قۋاتى كۇشتى، ساقتانۋ ٴالسىز‘ بولۋداي قازىرگى جاعدايدى وزگەرتۋ كەرەك“.
حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرى تۇگەلدەي باس شۋجيدىڭ كوكەيىندەگى ”مەملەكەتتىڭ زور ٴىسى“.
سىچۋاندا ورمە ساتىعا قوش ايتقان ”جار باسىنداعى قىستاق“ تۇرعىندارى حالىقتىق تۇسەلحانا اشتى؛ نيڭشيادا مەملەكەتتىك ”ينتەرنەت + وقۋ ـ اعارتۋ“ ۇلگى كورسەتۋ رايونى اناعۇرلىم كوپ تاۋلى وڭىردەگى باستاۋىش مەكتەپتەردىڭ الىس ارالىقتى ايگىلى ۇستازىنا يە بولۋىنا مۇمكىندىك جاسادى؛ شاندۇڭدا ورتا، شاعىن كاسىپورىنداردىڭ سالىعىن ازايتۋ، كەشىرىم ەتۋ سىندى ٴتيىمدى ساياساتتار ىركەس ـ تىركەس شىعارىلدى...
ۋاكىلدەر مەن مۇشەلەردىڭ مىندەت وتەۋ حيكاياسى دەموكراتيا مەن حالىق تۇرمىسىنىڭ توعىسۋىنا، ۇندەسۋىنە كۋا بولدى.
بيىل كوكتەم مەرەكەسى كەزىندە شاندۇڭ ولكەسى حىزى قالاسى ساۋشيان اۋدانى پانشى ٴمالىسى ۋليدۇن قىستاعى پارتيا ياچەيكاسىنىڭ شۋجيى ۋاڭ يىنشياڭ اۋىلىنا قايتقان قىستاق تۇرعىندارىن جيناپ، 2018 ـ جىلى 3 ـ ايدا باس شۋجي شي جينپيڭنىڭ 13 ـ كەزەكتى مەملەكەتتىك حالىق قۇرىلتايىنىڭ 1 ـ ماجىلىسىندەگى شاندۇڭ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى كورىنىسىن تىلگە تيەك ەتتى _
”قىستاق دارەجەلى ۇيىمداردىڭ قۇرىلىسى جاقسارسا، قىستاق كادرلارى جاقسى باستاماشى بولسا عانا، كوپشىلىك ٴبىر نيەتپەن كۇش بىرىكتىرىپ دامۋعا تالپىنادى“. ۋاڭ يىنشياڭ ٴومىرىنىڭ كوپ ۋاقتىندا ”سەركە“ بولۋدان العان اسەرىن تەبىرەنە باس شۋجيگە ايتىپ بەردى.
باس شۋجي ەرەكشە اسەرمەن بىلاي دەدى: ”كەلەشەكتە قالا ـ قالاشىقتانۋ سالىستىرماسى %70كە جەتسە دە، بۇكىل ەلدە ٴالى دە 400 ميلليوننان استام حالىق اۋىل ـ قىستاقتا تۇرمىس كەشىرەدى... تەاتردىڭ جاقسى ورىندالۋى تەاتردى ورىنداۋشىعا بايلانىستى، ادامدار كەتىپ، قىستاقتار قاڭىراپ، جەر بوس قالسا، اۋىل ـ قىستاقتى گۇلدەندىرۋ قۇر ٴسوز بولىپ قالادى“.
”باس شۋجيدىڭ الاڭدايتىنى ٴدال اۋىل ـ قىستاقتارىمىزدىڭ ٴدوپ كەلىپ وتىرعان ەڭ ۇلكەن ماسەلەسى. ول ايتىپ ـ ايتپاي اۋىلداستاردىڭ بولاشاعىن قاراستىردى ەمەس پە!“ ـ دەدى ۋاڭ يىنشياڭ.
سول رەتكى مەملەكەتتىك ەكى ماجىلىستەن كەيىن باس شۋجي ايقىن كەسكىندەگەن اۋىل ـ قىستاقتى گۇلدەندىرۋ جول كارتاسى بويىنشا، ۋاڭ يىنشياڭ اۋىلداستارىن باستاپ تەز ارادا قىستاقتا وراسان زور وزگەرىس تۋدىردى.
2023 ـ جىلى قىستاق بويىنشا قوراداعى ساۋىن سيىر 30 مىڭعا، ەگىمشىلىك بازاسى 50 مىڭ مۋعا جەتىپ، جىلدىق ساتىلىم سوماسى 600 ميلليون يۋانعا تايادى.
”سونىمەن بىرگە دارىندىلار جاعىنا كۇش سالۋ كەرەك“. ٴۇرتىس 4 كەزەك مەملەكەتتىك حالىق قۇرىلتايىنا ۋاكىل بولعان ۋاڭ يىنشياڭ: ”ٴتۇرلى سالالارداعى دارىندىلاردى اۋىل ـ قىستاقتا قابىلەتىن ايگىلەۋگە، دارىنىن ايگىلەۋگە، ونەرىن كورسەتۋگە شابىتتاندىرامىن“، ـ دەدى.
(4) ەشقاشان بوگەلمەستەن العا تارتتى
ۋاقىتتى ۇتا كوكتەم مەرەكەسىندە جەڭىسكە جەتتى!
جۇڭگو عىلىم ـ تەحنيكا داشۋەسى شاڭحاي زەرتتەۋ ورنى سترونتسي اتومدىق وپتيكالىق كريستالدى ساعاتتى ٴساتتى زەرتتەپ جاسادى، سان ميلليارد جىلدىق پارىق ٴبىر سەكۋندتان اسپادى.
بۇل ”جاڭا داۋىردەگى ۋاقىت ولشەمىن“ ورناتۋعا نەگىز قالادى ٴارى ەلىمىز دەربەس زەرتتەپ جاساعان كەلەر ۇرپاق كۆانتتىق جاساندى سەرىكتىڭ شەشۋشى عىلىم ارقاۋى.
”بىلتىر نىسانعا رەسمي ەنگىزىلدى، بۇل جاڭا جاساندى سەرىك نىسانىندا بيىل شەشۋشى تەحنيكالاردان قامال الۋدان جانە ينجەنەريالىق ۇلگى ماشينا وندىرۋدەن ٴۇمىت بار.“ 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، جۇڭگو عىلىم ـ تەحنيكا داشۋەسى حىفي ميكرو ولشەمدى زاتتار عىلىمى مەملەكەتتىك زەرتتەۋ ورتالىعىنىڭ پروفەسسورى يىن جۋان ۇجىمدى باستاپ زەرتتەپ جاساعان كۆانتتىق كۇردەلى قاينار ينجەنەريالىق ۇلگى ماشيناسى سىناق ساتىسىنا ٴوتتى.
”مەجەمەن تاعى 3 جىلدان كەيىن عارىشقا بارىپ سايىسقا تولى اناعۇرلىم كوپ تاجىريبە زەرتتەۋىن ورىستەتەمىز“. ول: ”ٴبىز ەلىمىزدىڭ كۆانتتىق ينفورماتسيا سالاسىنداعى ماڭداي الدى باسىمدىعىن ۇزدىكسىز ساقتاپ جانە كەڭەيتىپ، حالىقارالىق ٴىرى عىلىم جوسپارىنا اناعۇرلىم كوپ جۇڭگو اقىل ـ پاراساتىن ارنايمىز“، ـ دەدى.
مەملەكەتتى قۇدىرەتتەندىرۋ قۇرىلىسىندا ۋاقىتپەن جارىسۋ قاجەت.
”چاڭجىڭ 2 ـ ٴنومىرلى F تاسىمال راكەتاسى بارلىق عارىشكەرلى الەم كەمەلەرى مەن نىسانالى اسپاپتارىن ۇشىرۋ مىندەتىن ورىندادى، سەنىمدىلىگى 0.99“ _ وسى راكەتانىڭ باس جوبالاۋشىسى مىندەتىن ۇزاق ۋاقىت وتەپ كەلگەن مەملەكەتتىك ساياسي كەڭەستىڭ مۇشەسى رۇڭ ي وسى ”سيقىرلى راكەتانىڭ“ ”ناتيجە ٴتىزىمىن“ ٴمۇدىرىسسىز ايتىپ بەرە الادى.
زەرتتەپ جاساۋ قارقىنى ٴبىر ەسە ارتتى، 10 نەشە تۇردەگى شەشۋشى تەحنيكا سەرپىلىستى قاجەت ەتۋدە. سوڭعى جىلدارى رۇڭ ي جاڭا تۇرپاتتى تاسىمال راكەتاسىن زەرتتەپ جاساۋ قىزمەتىنە جاۋاپتى بولىپ، ۇزدىكسىز تۇردە ”مۇمكىنسىزدىكتى مۇمكىندىككە، قيىندى وڭايعا اينالدىردى“.
”باس شۋجي شي جينپيڭ جاڭا جىلدى قۇتتىقتاۋ سوزىندە شىنجوۋ الەم كەمەلەرىن تالاي رەت اۋىزعا الدى، ٴبىزدىڭ نىسانامىز _ شەكتىك حاۋىپسىزدىككە تالپىنىپ، جۇڭگونىڭ عارىشقا ادام الىپ ۇشۋىنىڭ كۇش جالعاپ دامۋىن قامتاماسىز ەتۋ.“
قاي جەردە كۇرەس بولادى ەكەن، سول جەردە جاسامپازدىق بولادى.
قارا جەردى قار ـ مۇز اۋەلگىدەي كومكەرىپ جاتىر، سىناق اتىزىنداعى ”شاعىن جاتاعان ۇيدە“ دابىرالى جۇمىس جۇرىلۋدە. 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، حيلۇڭجياڭ ولكەلىك اۋىل شارۋاشىلىعى عىلىم اكادەمياسى سۇيحۋا بولىمشە اكادەمياسىنىڭ ورىنباسار باستىعى نيە شوۋجۇن قىزمەتتەستەرىمەن بىرگە تاجىريبە ماتەريالدارىن ساراپتاپ، ٴبولىپ قوراپتاپ، جاڭا ٴبىر جىلداعى تۇقىم جەتىلدىرۋ قىزمەتىن باستادى.
تاڭداپ جەتىلدىرەتىن جاڭا سورتتىڭ ٴبىر ۋاقىتتا ەكى تاڭداۋلى سيپاتتى ازىرلەۋ ىقتيمالدىعى نەبارى 14 مىڭنىڭ بىرىندەي عانا. ”مىڭنىڭ ىشىنەن ٴبىرىن تاڭدايتىن“ بۇل قىزمەتتى نيە شوۋجۇن 30 جىلعا جۋىق ۋاقىت ىستەپ، شەتەلدىڭ تەحنيكالىق مونوپولداۋىن ٴساتتى تالقاندادى، جەرگىلىكتى كۇرىش ەگەتىن ديقاندار ونى ”نيە كۇرىش“ دەپ شاقىردى.
”كوزدەگەن نىسانادان جازباي، باتىلدىقپەن اتويلاپ، جۇرەكتىلىكپەن ىستەپ، شىنايى كۇش سالا ىستەپ، جوعارى ساپالى دامۋدىڭ، باياندى گۇلدەنۋدىڭ جاڭا جولىن قۇلشىنا اشىپ، شىعىس سولتۇستىكتى جاپپاي گۇلدەندىرۋدىڭ جاڭا تاراۋىن قۇلشىنا جازۋ كەرەك.“ 2023 ـ جىلى 9 ـ ايدا باس شۋجي شي جينپيڭنىڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ماجىلىسىندە سويلەگەن ماڭىزدى ٴسوزى نيە شوۋجۇن مەن كۇرىش ەگەتىن ديقانداردىڭ جاڭا ارماندارىن ۇشتادى.
”سورتاڭ جەر سىندى وسى زاپاس ەگىستىك جەر بايلىعىنان پايدالانىپ، ٴوزىمىزدىڭ تاماشا كۇرىش تۇقىمىمىزدى ەگىپ، جۇڭگولىقتاردىڭ اس كەسەسىن ٴوز قولىمىزدا مىقتى ۇستايمىز!“ ـ دەدى نيە شوۋجۇن تولىق سەنىممەن.
وسى كوكتەم مەرەكەسى دەمالىسىندا شاندۇڭنىڭ چۇيفۋىنداعى سانكۇڭ كورىنىس ٴوڭىرى 562 مىڭ 200 ساياحاتشى (رەت) قابىلداپ، قوعامدىق قارىم ـ قاتىناس مەديالارىنىڭ الدىڭعى قاتارىنان ورىن الدى. 2013 ـ جىلى باس شۋجي شي جينپيڭ شاندۇڭنىڭ چۇيفۋىندا جۇڭحۋانىڭ تاڭداۋلى ٴداستۇرلى مادەنيەتىن بار كۇشپەن اسقاقتاتۋدى العا قويعاننان 2023 ـ جىلى شي جينپيڭ مادەنيەت يدەياسىنىڭ رەسمي ورتاعا قويىلۋىنا دەيىن 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، شاندۇڭ داشۋەسى تاعىلىمشىلدىق جوعارى دارەجەلى زەرتتەۋ ورنىنىڭ ەرەكشە ۇسىنىس ەتىلگەن پروفەسسورى ياڭ چاۋميڭ مادەنيەت سەنىمىنىڭ اناعۇرلىم نەگىزگى، اناعۇرلىم تەرەڭ، اناعۇرلىم باياندى كۇشىن بارعان سايىن سەزىندى.
تۇتاس ينتەرنەتتى قىزدىرعان حاربين قار ـ مۇز الەمىنەن ەندى عانا اشىلعان يىنشۇي مۇراجايىنىڭ جاڭا سارايىنا دەيىن جۇرتشىلىق مادەنيەت پەن ساياحاتتى توعىستىرۋ بارىسىنداعى ”ولەڭ مەن الىس اۋىلدى“ ىزدەستىردى...
”قانداي الەۋمەتتىك اۋماق مادەنيەت قيمىلدارىنا وتباسىڭىزداعىلارمەن بىرگە بارىپ قاتىناسۋدى قالايسىز؟ ارالاپ تەكسەرۋ ـ زەرتتەۋ جۇرگىزۋ ارقىلى ياڭ چاۋميڭ مەملەكەتتىك ەكى ماجىلىستە ۇسىنىس قويىپ، ”سەنىمدىلىكتى دارىپتەپ، تاتۋلىقتى جەتىلدىرۋ“ سياقتى جۇڭحۋانىڭ تاڭداۋلى ٴداستۇرلى مادەنيەتىن نەگىزگى ساتىنى باسقارۋمەن اناعۇرلىم توعىستىرۋدى جوسپارلادى.
”قىستاق ساۋىق كەشى“ اياقتالا سالا جياڭسۋ ولكەسى شۇيجوۋ قالاسى جيا ـ ۋاڭ رايونى چيشان قىستاعىنىڭ قىستاق زالى تاعى دۋمانعا بولەندى. قىستاق تۇرعىندارى وزدىكتەرىنەن ۇيىمداستىرعان ”حوحۋلۋ“ ادەبيەت ـ كوركەمونەر اترەتى ٴبىر ايدا ٴبىر رەت وتكىزىلەتىن ”ساۋگىن شوۋىنا“ جاڭا باعدارلاما دايىنداۋدا.
”اۋىلداستار جاڭا جىلدا جاقسى باستاما باستاۋدى ويلايدى.“ 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، چيشان قىستاعى پارتيا باس ياچەيكاسىنىڭ شۋجيى ياڭ يۇڭ جيا ـ ۋاڭ رايونىنداعى 130 نەشە قىستاقتىڭ ”مادەنيەت لەبىنىڭ جىلدان ـ جىلعا قويۋلاعاندىعىن“ سەزىندى.
2017 ـ جىلى 12 ـ ايدىڭ 12 ـ كۇنى باس شۋجي شي جينپيڭ جياڭسۋ ولكەسى شۇيجوۋ قالاسى جيا ـ ۋاڭ رايونى ماجۋاڭ قىستاعىندا قىزمەت تەكسەرگەندە بىلاي دەپ اتاپ كورسەتتى: اۋىل ـ قىستاقتى گۇلدەندىرۋ ستراتەگياسىن اتقارۋدا زاتتىق وركەنيەت پەن رۋحاني وركەنيەتتى بىرگە يگەرۋ، اسىرەسە، شارۋالاردىڭ رۋحاني بەت ـ بەينەسىن جوعارىلاتۋعا باسا ٴمان بەرۋ كەرەك.
”ٴبىز باس شۋجي شي جينپيڭنىڭ تاپسىرماسىن ەستە بەرىك ساقتاپ، قىستاق تۇرعىندارىنىڭ قالتاسىن قامپايتىپ، رۋحىن ونان ارى بايىتا تۇسەمىز“، ـ دەدى ياڭ يۇڭ نىق سەنىممەن.
سالىستىرىلعانى قىستاقتىڭ سالت ـ ساناسى، بەت ـ بەينەسى، ايگىلەنگەنى مادەنيەت سەنىمى.
بەيجيڭگە بارىپ ماجىلىسكە قاتىناسۋدان بۇرىن، 14 ـ كەزەكتى مەملەكەتتىك حالىق قۇرىلتايىنىڭ ۋاكىلى، شيزاڭ اۆتونوميالى رايونى لينجى قالاسى موتو اۋدانى موتو قىستاعى قىستاق تۇرعىندار كوميتەتىنىڭ ورىنباسار مەڭگەرۋشىسى لوبۋ ياڭزۇڭ مىنبا ۇلتىنىڭ كيىم ـ كەشەكتەرىن رەتتەپ، قورجىنىنا سالىپ، اق ەتتى پيپا جانە شاي سياقتى جەرگىلىكتى ەرەكشە ونىمدەردى دە سالىپ الدى.
”اناعۇرلىم كوپ ادامنىڭ كورىكتى مەكەنىمىزدى تۇسىنۋىنە مۇمكىندىك جاساۋىمىز كەرەك.“ 2013 ـ جىلعى مەملەكەتتىك ەكى ماجىلىستە باس شۋجي شي جينپيڭ شيزاڭ ۋاكىلدەر ۇيىرمەسىنىڭ ۋاكىلدەرىمەن اۋىس ـ كۇيىس جاساۋ بارىسىندا ”قازىر موتوعا باراتىن جول اشىلدى ما“؟ ـ دەپ سۇراعاندىعىن لوبۋ ياڭزۇڭ ەسىنەن شىعارعان ەمەس.
”بيىل مەن باس شۋجيگە تاعى ٴبىر جاڭا جول سالىنىپ بولۋ الدىندا تۇر دەگەن مالىمەت جاساعىم كەلەدى!“ ـ دەدى لوبۋ ياڭزۇڭ.
”باس شۋجيگە ىلەسىپ، جاقسى تۇرمىسقا ۇمتىلايىق!“
لوبۋ ياڭزۇڭنىڭ ٴسوزى ميلليونداعان حالىقتىڭ ورتاق جۇرەك ٴۇنىن بەينەلەپ، جويقىن كۇش توپتاپ، جاڭا ٴداۋىردىڭ كوكتەم سامالىندا تاسقىندادى!
(تىلشىلەر ۋ جيڭ، چىن سۇڭ، چۇي تيڭ، شۇي جۋاڭ، جاڭ حۇيحۇي)
(شينحۋا اگەنتتىگىنىڭ 3 ـ ايدىڭ 2 ـ كۇنى بەيجيڭنەن بەرگەن حابارى)
