ىنتىماق ارقىلى كۇش ـ قۋاتتى ۇيىستىرايىق، كۇرەس ارقىلى ۇلى ىستەردى تىندىرايىق
_ مەملەكەتتىك ساياسي كەڭەس 14 ـ كەزەكتى كوميتەتى 2 ـ ٴماجىلىسىنىڭ اشىلعاندىعىن قىزۋ قۇتتىقتايمىز
حالىق گازەتى باسماقالاسى
جاڭا جىل باستالىسىمەن، بار الاپ شىت جاڭا تۇسكە ەندى. 3 ـ ايدىڭ 4 ـ كۇنى مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ٴماجىلىسى بەيجيڭدە اشىلدى. بەتتى وپكەن كوكتەم سامالىندا مەملەكەتتىك ساياسي كەڭەستىڭ 34 سالادان كەلگەن 2100دەن استام مۇشەسى ٴبىر ارادا باس قوسىپ، مەملەكەت ٴىسىن بىرگە اقىلداسىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە سىندارلى اقىل ـ كەڭەس بەردى.ٴبىز ٴماجىلىستىڭ اشىلعاندىعىن قىزۋ قۇتتىقتايمىز!
تاريح كوورديناتاسىنا كۇرەس ىزدەرى ورنەكتەلىپ، جاپپاي سوتسياليستىك وسىزاماندانعان مەملەكەت قۇرۋدىڭ نىق قادامىنا كۋا بولدى. 2023 ـ جىل _ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدەگى باستاما جىل. ەرەكشە كۇردەلى حالىقارالىق ورتا جانە جاپالى دا اۋىر رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، سىرتقى قىسىمعا توتەپ بەرىپ، ىشكى جاقتاعى قيىنشىلىقتى جەڭىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، رەفورما جاساۋدى، ەسىك اشۋدى جاپپاي تەرەڭدەتىپ، ەكونوميكانىڭ قالپىنا كەلۋىن، دامۋىن بار كۇشپەن ىلگەرىلەتىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا ـ مىندەتتەرىن تابىسپەن ورىنداپ، وڭاي ـ وسپاق قول جەتە بەرمەيتىن، ادامدى جەلپىندىرەتىن ناتيجەلەرگە قول جەتكىزدى. ٴبىر جىلدان بەرى حالىق ساياسي كەڭەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، نازاردى وزەكتى قىزمەتكە شوعىرلاندىرىپ، ىشكەرىلەي تەكسەرۋ ـ زەرتتەۋ جۇرگىزىپ، ۇكىمەت ٴىسىن كەڭەسىپ، دەموكراتيالىق باقىلاۋ جۇرگىزىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
بيىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، سونداي ـ اق حالىق ساياسي كەڭەسى قۇرىلعاندىعىنىڭ 75 جىلدىعى. 75 جىلدىق اماليات حالىق ساياسي كەڭەسى جۇڭگو كوممۋنيستىك پارتياسىنىڭ ماركسيزم ـ لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ٴىس جۇزىندىك جاعدايىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا ـ توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ٴار ۇلت، ٴار سالاداعى قايراتكەرلەرگە باسشىلىق ەتىپ ساياسي ٴتۇزىم جاعىندا جۇرگىزگەن ۇلى جاسامپازدىعى ەكەندىگىن دالەلدەدى. بىرلىكساپ ۇيىمىنىڭ، كوپ پارتيا سەلبەستىگىنىڭ جانە ساياسي كەڭەس قۇرىلىمىنىڭ، حالىق دەموكراتياسىنىڭ ماڭىزدى جۇزەگە اسۋ فورماسى رەتىندە، حالىق ساياسي كەڭەسى _ مەملەكەتتى باسقارۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ. جاڭا تاريحي باستامادا حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتىپ، پارتيانىڭ باسشىلىعىن، بىرلىكساپ شەبىن، كەڭەستىك دەموكراتيانى ورگانيكالى ۇشتاستىرۋعا تاباندى بولعاندا عانا، ٴسوز جوق، جاڭا داۋىردەگى ساياسي كەڭەس قىزمەتىنىڭ جاڭا جاعدايىن ۇزدىكسىز اشۋعا، جۇڭحۋا ۇلتى ۇلى گۇلدەنۋىنىڭ شۇعىلالى داستانىن بىرگە جازۋعا بولادى.
باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ _ جاڭا ٴداۋىردىڭ جاڭا جورىعىنداعى پارتيا مەن مەملەكەتتىڭ وزەكتى مىندەتى“. جۇڭگو ۇلگىسىندەگى وسىزامانداندىرۋ سىندى وسى داڭعىل جولمەن ەرلىكپەن العا باسقانىمىزدا، ٴبىز بولاشاقتىڭ نۇرلى بولاتىندىعىن ابدەن بىلەمىز، الايدا، تابانىمىزدىڭ استىنداعى جول جاپ ـ جازىق بولا بەرمەيدى، مەجەلەۋگە بولاتىن جانە مەجەلەۋ قيىن ٴتۇرلى حاۋىپ ـ قاتەر مەن سايىستارعا، جاپاعا، قيىندىققا، قاتەرگە، كەدەرگىگە، اۋەلى، داۋىلدى تولقىندارعا جولىعاتىندىعىمىز تابيعي. جۇڭگو كوممۋنيستىك پارتياسىنىڭ باسشىلىعى سىندى ساياسي ابزالدىلىق پەن جۇڭگوشا سوتسياليزمنىڭ ٴتۇزىم ابزالدىلىعىن ساۋلەلەندىرىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەردى ىنتىماقتاستىرىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساعاندا عانا، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ تاريحي ۇلى ٴىسىن جەڭىسپەن ىلگەرىلەتۋگە بولادى. العا باسۋ جولىندا ٴبىز تەك پارتيا تۋى استىندا ”بەرىك قۇرىش“ بولىپ ىنتىماقتاسىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن ويداعىداي سىزىپ، ىنتىماق ارقىلى كۇش ـ قۋاتتى ۇيىستىرىپ، كۇرەس جاساۋ ارقىلى ۇلى ىستەردى تىندىرساق عانا، ٴارقانداي داۋىل ٴبىزدىڭ قۇرىشتاي بەرىك ەرىك ـ جىگەرىمىزدى مۇقالتا المايدى، ٴارقانداي قيىنشىلىق ٴبىزدىڭ ەكپىندى اياق الىسىمىزدى بوگەي المايدى، جۇڭحۋا ۇلتىنىڭ ۇلى گۇلدەنۋى اتتى الىپ كەمە، ٴسوز جوق، تولقىن جارا العا ىلگەرىلەيدى، جەلكەن جايىپ الىسقا ساپار شەگە الادى.
كەڭەستىك دەموكراتيا _ پارتيانىڭ حالىققا باسشىلىق ەتىپ، مەملەكەتتى ٴونىمدى باسقارۋىنىڭ، حالىقتىڭ قوجايىن بولۋىنا كەپىلدىك ەتۋدىڭ ماڭىزدى تۇزىمدىك جوباسى، حالىق ساياسي كەڭەسى _ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى. جۇڭگو كوممۋنيستىك پارتياسىنىڭ جالپى بەتتىك باسشىلىعىنا تيتتەي دە بۇلجىماي تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدى ٴوزارا ساباقتاستىرۋعا، ۇسىنىس قويىپ، ۇكىمەت ىسىنە ارالاسىپ اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، ۇلى ىنتىماققا، ۇلى بىرلىككە تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتى جونىندەگى تالاپتارىن اناعۇرلىم ويداعىداي تياناقتاندىرىپ، ەل ٴىشى ـ سىرتىنداعى جۇڭحۋا پەرزەنتتەرىنىڭ اقىل ـ پاراساتىن جانە كۇش ـ قۋاتىن ۇيىستىرعاندا عانا، حالىق ساياسي كەڭەسى، ٴسوز جوق، جاڭا ٴداۋىر بورىشى مەن مىندەتىن اناعۇرلىم ويداعىداي ارقالاپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە تەلەگەي ۇلى كۇش ۇيىستىرا الاتىن بولادى.
كوپتىڭ كۇشى جۇمىلسا، ٴارقانداي قيىنشىلىقتى جەڭۋگە بولادى، تىلەك توعىسسا، تايشان تاۋىن دا كوشىرۋگە بولادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 ـ قۇرىلتايىنىڭ ستراتەگيالىق ورنالاستىرۋلارىنىڭ دايەكتىلەنۋىن، تياناقتانۋىن ۇزدىكسىز ويداعىداي يگەرىپ، جۇڭگو ۇلگىسىندەگى وسىزامانداندىرۋدىڭ ۇلى جوباسىن نىق قاداممەن تاماشا رەالدىققا اينالدىرۋىمىز كەرەك. داڭق پەن ارمانعا تولى جاڭا جورىقتا ەكپىندەي ىلگەرىلەۋدە حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. ساياسي كەڭەس مۇشەلەرىنىڭ ”مەملەكەتتىڭ زور ٴىسىن“ ەستە بەرىك ساقتاپ، مۇقياتتىلىقپەن مىندەتىن اتقارىپ، جاۋاپكەرشىلىگىن ادا ەتىپ، شىنايى ۇسىنىس بەرىپ، تاماشا شارا قاراستىرىپ، مىعىم شارا شىعارىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتەمىز.
ٴماجىلىستىڭ تولىق تابىستى بولۋىن تىلەيمىز!
(شينحۋا اگەنتتىگىنىڭ 3 ـ ايدىڭ 3 ـ كۇنى بەيجيڭنەن بەرگەن حابارى)
