3 ـ ايدىڭ 3 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناساتىن مەملەكەتتىك حالىق قۇرىلتايىنىڭ شينجياڭداعى ۋاكىلدەرى ۇشاقپەن بەيجيڭگە جەتتى.
□سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى گو ليڭ 3 ـ ايدىڭ 3 ـ كۇنى بەيجيڭنەن حابارلايدى. 3 ـ ايدىڭ 3 ـ كۇنى مەملەكەتتىك حالىق قۇرىلتايىنىڭ شينجياڭداعى ۋاكىلدەرى مەن مەملەكەتتىك ساياسي كەڭەستىڭ شينجياڭدا تۇراتىن مۇشەلەرى حالىقتىڭ ٴۇمىتىن ارقالاپ، كوكىرەك تولى مىندەت اتقارۋ ىستىق ىقىلاسىمەن استانا بەيجيڭگە جەكە ـ جەكە جەتتى، ولار اشىلۋ الدىندا تۇرعان 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە جانە مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسادى.
حالىق قۇرىلتايى ۋاكىلدەرى مەن ساياسي كەڭەس مۇشەلەرىنىڭ مىندەت جاۋاپكەرشىلىگىن شىن مانىندە ويداعىداي ورىنداۋ ٴۇشىن، بەيجيڭگە اتتاناردان بۇرىن ۋاكىلدەر، مۇشەلەر نەگىزگى ساتىنى ىشكەرىلەي ارالاپ تەكسەرۋ ـ زەرتتەۋ جۇرگىزىپ، قوعام جاعدايىن، حالىق تىلەگىن مۇقيات ۇعىسىپ، جوعارى ساپالى كەڭەستىك جوبا، ۇسىنىس جوبا، ۇسىنىس تاپسىرۋ ٴۇشىن ىجداعاتتىلىقپەن دايىندىق جاسادى.
”مەن حالىق سايلاپ شىققان ۋاكىلمىن، حالىق ٴۇشىن، ٴسوز جوق، مىندەتتى جاقسى اتقارۋىم، جاۋاپكەرشىلىكتى ويداعىداي ادا ەتۋىم كەرەك. مەملەكەتتىك حالىق قۇرىلتايىنىڭ ۋاكىلى، قاشقار ايماعى ياركەن اۋدانى باقاۋات اۋىلدىق پارتكومنىڭ شۋجيى پاڭ زىجيان بىلاي دەدى: ىشكەرىلەي ارالاپ تەكسەرۋ ـ زەرتتەۋ جۇرگىزۋ ارقىلى اۋىل ـ قىستاقتى گۇلدەندىرۋ، ەكونوميكانىڭ جوعارى ساپالى دامۋى، اۋىل ـ قىستاقتىڭ قونىس ورتاسىن رەتتەۋ ـ وڭاۋ، مال شارۋاشىلىق باعىمشىلىعى، جۇمىسقا ورنالاستىرۋ سياقتى جاقتارداعى بۇقارانىڭ 10 نەشە پىكىر ـ ۇسىنىسىن جيناپ رەتتەدىم.
ٴۇرتىس ەكى كەزەك مەملەكەتتىك ساياسي كەڭەستىڭ مۇشەسى بولىپ سايلانعان گۋان فاڭفاڭ قازىرگە دەيىن جيىنى 20 نەشە ۇسىنىس جوبا، ۇسىنىس تاپسىرىپ، حالىق تۇرمىسىنا جىلۋلىق سيلادى، ۇسىنىس جوباسى قاتىستى مينيسترلىكتەر مەن كوميتەتتەر جاعىنان باسا ٴمان بەرىلىپ، وتە جاقسى جاۋاپقا يە بولدى جانە تياناقتاندىرىلدى. گۋان فاڭفاڭ بىلاي دەدى: ”ٴوزىمنىڭ مىندەت وتەۋ قابىلەتىمنىڭ اناعۇرلىم جوعارىلاۋىن، حالىق جاعدايىن، حالىق رايىن اناعۇرلىم ويداعىداي سەزىنىپ، مۇشەلىك جاۋاپكەرشىلىگىمدى اناعۇرلىم ويداعىداي اتقارۋدى ٴۇمىت ەتەمىن“.
بىلتىر ٴۇرىمجى كەدەنى ”تاس جول شەكارا وتكەلى + قاراستى جەردە توتە قاتىناۋ ۇلگىسى“ رەفورماسىن زەرتتەپ العا قويىپ، شەكارا وتكەلدەرىنىڭ شەكارا اتتاعان ساۋداعا قولايلىلىق جاساۋ دەڭگەيىن جوعارىلاتتى. شەكارا وتكەلىنەن ٴوتۋ ٴتىپتى دە تەزدەگەننەن كەيىن، وسى باسىمدىقتان قايتكەندە ويداعىداي پايدالانىپ، جەرگىلىكتى ەكونوميكانى دامىتۋعا بولادى؟ مەملەكەتتىك حالىق قۇرىلتايىنىڭ ۋاكىلى لي لان وسى كەڭەستىك تاقىرىپ جونىندە ەگجەي ـ تەگجەيلى تەكسەرۋ ـ زەرتتەۋ جۇرگىزىپ، سوڭىندا شەكارا وتكەلىنىڭ ەكونوميكالىق قۇرىلىسى جونىندە ۇسىنىس ازىرلەدى. ”تەكسەرۋ ـ زەرتتەۋ بارىسىندا مەن تەرەڭ اسەر الدىم، جەرگىلىكتى ۇكىمەت، كاسىپورىنداردىڭ بارلىعى شەكارا وتكەلى ەكونوميكاسىنا قايراتتانا كۇش سالۋدا“. لي لان بىلاي دەدى: ”شەكارا وتكەلى ەكونوميكاسىن اناعۇرلىم ويداعىداي دامىتۋ ۇسىنىسىن مەملەكەتتىك ەكى ماجىلىستە ورتاعا قويىپ، شەكارا وتكەلى ەكونوميكاسىنىڭ جاقسى دامۋىنا دەم بەرىپ، شينجياڭنىڭ جوعارى دەڭگەيدە ەسىك اشۋىنا اقىل ـ كەڭەس بەرگىم كەلەدى“.
مەملەكەتتىك ساياسي كەڭەستىڭ مۇشەسى ليۋ ۋي مىنالاردى ٴبىلدىردى:”كاسىپورىننان كەلگەن ساياسي كەڭەس مۇشەسى رەتىندە، حالىقتىق كاسىپورىنداردىڭ جوعارى ساپالى دامۋى ٴۇشىن دابىل قاعۋ جانە ۇندەۋ تاستاۋ ٴارى جاۋاپكەرشىلىگىم، ٴارى بورىشىم. بىلتىر ول كوپتەگەن حالىقتىق كاسىپورىنداردى ارالاپ، كاسىپكەرلەردىڭ كوكەيگە تۇيگەندەرىن، سونداي ـ اق تۇرلىشە حالىقتىق كاسىپورىنداردىڭ تۇرلىشە كەزەڭدە جولىققان ماسەلەلەرىن ۇعىستى. ”سول جەردىڭ وزىندە ارالاۋ ارقىلى جاعدايدى اناعۇرلىم جان ـ جاقتى ٴتۇسىنىپ، اناعۇرلىم كوپ شىنايى سوزدەردى تىڭداپ، تەكسەرۋ ـ زەرتتەۋ ناتيجەسىن ۇسىنىس جوباعا، پىكىر، ۇسىنىسقا اينالدىرعاندا عانا، حالىقتىق كاسىپورىندار ٴۇشىن ٴۇن قاتا الامىز“، ـ دەدى ليۋ ۋي.
سالتاناتتى جينالىسقا بىرگە اتتانعان مەملەكەتتىك حالىق قۇرىلتايىنىڭ شينجياڭداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرىنىڭ كوكىرەگى سەنىمگە جانە ۇمىتكە تولى بولدى. كوپشىلىك مىنانى ٴبىلدىردى: بەلسەندى تۇردە مىندەت اتقارىپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، ٴىس جۇزىندىك ارەكەتىمىز ارقىلى جاڭا داۋىردەگى بورىشتى، جاۋاپكەرشىلىكتى ايگىلەپ، جاڭا ساپاردا جۇڭگو ۇلگىسىندەگى وسىزامانداندىرۋدىڭ جاڭا تاراۋىن قۇلشىنا جازۋعا كۇش ـ قۋاتىمىزدى ارنايمىز.
