تاريحتىڭ ۇتىلامالى تاياقشاسىن قۇلشىنا ويداعىداي جەتكىزەمىز
_ باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋى بايلانىسىمەن بەرگەن ماڭىزدى نۇسقاۋى شينجياڭداعى پارتيا مۇشەلەرى مەن كادرلارعا ايقىن بەتالىس كورسەتتى
□ انار بۇلت \ شينجياڭ گازەتىنىڭ تىلشىلەرى
”جاس كادرلار _ پارتيا مەن مەملەكەت ىستەرى دامۋىنىڭ جالىندى كۇشى، جۇڭگوشا سوتسياليزم ىستەرىنىڭ ٴىزباسارى.“ 2024 ـ جىلعى كوكتەمگى وقۋ ماۋسىمىنداعى ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋى بايلانىسىمەن باس شۋجي شي جينپيڭنىڭ بەرگەن ماڭىزدى نۇسقاۋى رايونىمىزداعى پارتيا مۇشەلەرى مەن كادرلار، اسىرەسە، جاس كادرلار اراسىندا قىزۋ اڭىس قوزعادى. كوپشىلىك مىنالاردى ٴبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتەكشى ەتىپ، اۋەلگى ماقساتتى، بورىشتى ەستە بەرىك ساقتاپ، قايسارلىقپەن ايانباي شايقاسىپ العا ىلگەرىلەپ، تاريحتىڭ ۇتىلامالى تاياقشاسىن قۇلشىنا ويداعىداي جەتكىزىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا تىڭ ۇلەس قوسامىز.
”باس شۋجيدىڭ ماڭىزدى نۇسقاۋىنىڭ ويى ورەلى، تولعامى تەرەڭ، ويلامى ۇلى بولىپ، ٴار دارەجەلى پارتيا مەكتەپتەرىنىڭ (اكىمشىلىك شۋەيۋاندارى) جاس كادرلاردى تاربيەلەۋ، باۋلۋ قىزمەتىن ويداعىداي ىستەۋىنە عىلمي جەتەكشىلىك ازىرلەدى“. اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار مەكتەپ (شۋەيۋان) باستىعى لي يان مىنالاردى ٴبىلدىردى: ٴبىز وسكەلەڭ ساياسي جاۋاپكەرشىلىك سەزىممەن، تاريحي بورىشتىلىق سەزىممەن تاربيەلەۋ، باۋلۋ ساپاسىن ٴوسىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن باستان ـ اياق تاربيەلەۋدىڭ، باۋلۋدىڭ وزەكتى قىزمەتى جانە ماڭداي الدى مىندەتى ەتىپ، ساياسي جاتتىعۋدى كۇشەيتۋدى كادرلاردىڭ تولىسۋ تۇتاس پەريودىمەن ساباقتاستىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، جاۋاپكەرشىلىك ارقالاۋ، ىسكەرلىك كورسەتۋ جاعىندا كۇش سالىپ، دالمە ـ ٴدال تاربيە جۇرگىزىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ اۋىر مىندەتىن ارقالاي الاتىن سەنىمدى ٴىزباسارلاردى قۇلشىنا باۋليمىز.
”باس شۋجيدىڭ ماڭىزدى نۇسقاۋىندا جاس كادرلارعا قامقورلىق جانە ٴۇمىت قامتىلىپ، جاس كادرلاردىڭ اقاۋسىز ٴوسىپ ـ جەتىلۋىنە قۇلشىنۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى“. قابا اۋداندىق پارتكوم ۇيىمداستىرۋ بولىمىندەگى كادر” 95 ـ جىلداردىڭ تۇلەگى“ دوۋ جيڭ مىنالاردى ٴبىلدىردى: داشۋە قۇشاعىنان شىعىپ، نەگىزگى ساتىنىڭ ٴبىرىنشى شەبىن ىشكەرىلەي ارالاپ، قىزمەت ورنىمدا 4 جىل شىڭدالۋ ارقىلى سەنىمدە بەكەم بولۋدىڭ، پارتياعا ادال بولۋدىڭ جاس كادرلاردىڭ ماڭىزدى ساياسي قاسيەتى ەكەندىگىن ٴتىپتى دە ايقىن تانىپ جەتتىم. بۇدان كەيىن قىزمەت ورنىمداعى مىندەت جاۋاپكەرشىلىگىمدى تياناق ەتىپ، پارتيانىڭ جاسامپاز نازارياسىمەن قارۋلانۋدى ٴۇرتىس تەرەڭدەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، سانالى تۇردە پارتيانىڭ جاسامپاز نازارياسىنىڭ شىنايى سەنۋشىسى، ادال اتقارۋشىسى بولامىن، پارتياعا ادال بولۋدىڭ، شىنايى بولۋدىڭ ۇلگىلى امالياتتا ايگىلەۋشىسى بولامىن.
وسى بىرنەشە كۇندە اقسۋ قالاسى ىگەرشى قالاشىعى سورتتى تۇقىم جوعارعى چوقتال قىستاعىندا 29 جاستاعى قىستاق پارتيا ياچەيكاسىنىڭ شۋجيى يىلحام توحتىيۇسۇپ قولى بوساي قالسا بولعانى قىستاق تۇرعىندارىنىڭ قاسىنا بارىپ، قىستاق تۇرعىندارىنىڭ كوكتەمگى وندىرىستەگى قيىن ماسەلەلەرىن شەشۋىنە كومەكتەسىپ ٴجۇردى. ”باس شۋجي سانالى تۇردە حالىقتى باقىتقا كەنەلتۋدى مۇرات ەتكەن قالتقىسىز ۇلەس قوسۋشىلار بولۋدى باسا دارىپتەدى. بۇل ماعان كۇش ـ قايرات بەردى“. ول بىلاي دەدى: بيىل تۇتاس قىستاقتىڭ ٴىس جۇزىندىگىن تياناق ەتىپ، پارتيا مۇشەلەرى مەن كادرلاردى باستاپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشىپ، ”جەردى اينالىمعا سالۋ + بازادا جۇمىس ىستەۋ“ سىندى دامۋ ۇلگىسىنەن ونان ارى پايدالانىپ، جەردى ”اينالىمعا سالۋعا“، قۇرىلىمدى رەتتەۋدى ”جانداندىرۋعا“، قىستاق تۇرعىندارىنىڭ قالتاسىن ”قامپايتۋعا“ مۇمكىندىك جاسايمىن.
”باس شۋجي ايتقانداي، جاڭا جورىقتا جاس كادرلار ماڭىزدى مىندەت ارقالاپ وتىر، بولاشاعى نۇرلى“. تورعات كەدەنى تەكسەرۋ ـ كارانتيندەۋ 1 ـ ٴبولىمىنىڭ ورىنباسار باستىعى ساۋۇت ٴنابي بىلاي دەدى: نەگىزگى ساتى كەدەنىنىڭ جاس كادرى رەتىندە، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ناقتى تياناقتاندىرىپ، زەردەلى كەدەن قۇرىلىسىن تۇتقا ەتىپ، ”زەردەلى كەدەن جاعىندا قۋاتتى ەل“ ارەكەتىنە بەلسەنە ات سالىسامىن جانە ونى ىلگەرىلەتەمىن. بيىل شەكارا وتكەلى ”تاس جول شەكارا وتكەلى + قاراستى جەرلەرگە تىكە جەتكىزۋ“ رەفورماسى شاراسىن ىلگەرىلەتەدى، ٴبىز كاسىپورىندارعا كەدەننەن ٴوتۋ جاڭا ۇلگىسىنىڭ ٴتارتىبى جونىندە ويداعىداي ۇگىت لەكسيا جاساپ، زاتتاردىڭ كەدەننەن ٴوتۋ ونىمدىلىگىن جوعارىلاتىپ، جۇڭگو شينجياڭى مەن ورتا ازياداعى ٴارقايسى ەل اراسىنداعى ەكونوميكا ـ ساۋدا بارىس ـ كەلىسىنىڭ كەدەننەن ٴوتۋ قاجەتىن قاناعاتتاندىرىپ، شينجياڭنىڭ جوعارى دەڭگەيدەگى ىشكە ـ سىرتقا ەسىك اشۋىنا كۇش قوسامىز.
جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىنىڭ اعا زەرتتەۋشىسى گاۋ شين قۇمدى بوران جەر بەدەرى جانە قۇمدى بوران فيزيكالىق زەرتتەۋىمەن ۇزاق ۋاقىت شۇعىلدانىپ، ٴشول جازيرادا قىزمەت ىستەۋگە شاراسىز قالاتىن جوعارى تەمپەراتۋراعا ۇنەمى جولىقسا دا، عىلمي زەرتتەۋ بارىسىندا تاعى وتە كوپ قيىن ماسەلەلەرگە جولىقسا دا، باستان ـ اياق العان بەتىنەن قايتپادى. ”باس شۋجي: قايراتتانا رەفورما جاساپ، جاڭالىق اشىپ، باتىلدىقپەن، شەبەرلىكپەن كۇرەس جۇرگىزىپ، ەڭ اۋىر جۇكتى ارقالاۋعا پەيىل بولۋدى، ەڭ قيىن ماسەلەلەردى شەشۋدى، كۇردەلى ماسەلەلەردى قابىلداۋعا شەبەر بولۋدى باسا دارىپتەدى. بۇل جاس عىلمي زەرتتەۋ قىزمەتكەرلەرىنىڭ، ٴسوزسىز، ازىرلەيتىن جاۋاپكەرشىلىگى جانە قاسيەتى“. ول بىلاي دەدى: تاپسىرمانى ەستە بەرىك ساقتاپ، عىلمي زەرتتەۋدى كاسىپ ەتىپ، ۇيرەنۋ بارىسىندا دەڭگەيىمدى جوعارىلاتىپ، اماليات بارىسىندا شىڭدالىپ، ٴبىر كاسىپ ىستەۋدى، ٴبىر كاسىپتى ٴسۇيۋدى، ٴبىر كاسىپكە توسەلۋدى باستان ـ اياق ورىنداپ، سانالى تۇردە جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتەتىن قاجىماس كۇرەسكەر بولامىن.
بايىنعولين موڭعۇل اۆتونوميالى وبلىستىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى 1 ـ باقىلاۋ ـ تەكسەرۋ كەڭسەسىنىڭ مەڭگەرۋشىسى دۋان شىپىڭ مىنالاردى ٴبىلدىردى: ٴتارتىپ اتقارۋدىڭ، زاڭ اتقارۋدىڭ ٴبىرىنشى شەبىندەگى ٴتارتىپ تەكسەرۋ، باقىلاۋ ـ تەكسەرۋ كادرى رەتىندە، وزىنە ـ ٴوزى تۇبەگەيلى توڭكەرىس جاساۋ رۋحىن ساۋلەلەندىرىپ، ”تومەنگە ٴتۇسۋ فورماسىنداعى“ باقىلاۋدى تىڭعىلىقتى ورىستەتىپ، ”ٴتورت بۇرىس ستيلدى“ تۇزەتۋدى، جاڭا سالت ورناتۋدى قاتار جۇرگىزۋگە تاباندى بولىپ، قالىڭ پارتيا مۇشەلەرىن، كادرلاردى ”ٴۇش ٴسوز جوقتى“ ەستە بەرىك ساقتاۋعا تاربيەلەپ، جەتەكتەپ، ستيل قۇرىلىسىنىڭ ۇدايىلانۋىن، ۇزاق ٴونىمدى بولۋىن تىڭعىلىقتى ىلگەرىلەتىپ، سانالى تۇردە تاماشا ساياسي ەكولوگيانىڭ پارمەندى جەبەۋشىسى بولامىن.
(ٴتىلشى جاڭ يانفاڭ، قاتىناسقان تىلشىلەر شيە حۇيبيان، جاڭ لەي، جاڭ جىلي، جاڭ تيڭ، چىن چياڭۋي، ەرىكتى ٴتىلشى ي جيڭ)
