شينحۋا اگەنتتىگىنىڭ 3 ـ ايدىڭ 4 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايى تۇراقتى كوميتەتى 3 ـ ايدىڭ 4 ـ كۇنى تۇستەن بۇرىن بەيجيڭ حالىق سارايىندا 22 ـ رەتكى كوميتەت باستىقتارى ٴماجىلىسىن وتكىزدى. كوميتەت باستىعى جاۋ لىجي ٴماجىلىستى باسقاردى.
ٴماجىلىس مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چيدىڭ 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسى ٴتوراعالار القاسىنداعىلاردىڭ جانە باس حاتشىسىنىڭ ەسىمدىگى جوباسىن، كەڭەستىك ٴتارتىپ جوباسىن قاراۋ جاعدايى جونىندە جاساعان مالىمەتىن تىڭداپ، ەكى جوبانى جەكە ـ جەكە 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ دايىندىق جيىنىندا سايلاۋعا جانە داۋىسقا سالۋعا ۇسىنۋدى ۇيعاردى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر ماجىلىسكە قاتىناستى.
3 ـ ايدىڭ 3 ـ كۇنى تۇستەن كەيىن جانە كەشتە، 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناساتىن ٴارقايسى ۋاكىلدەر ۇيىرمەلەرى ٴماجىلىس اشىپ، 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسى ٴتوراعالار القاسىنداعىلاردىڭ جانە باس حاتشىسىنىڭ ەسىمدىگى جوباسىن، كەڭەستىك ٴتارتىپ جوباسىن قارادى.
