14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى بەيجيڭدە اشىلدى
شي جينپيڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى لي چياڭ ۇكىمەت قىزمەتىنەن بايانداما جاسادى، جاۋ لىجي ٴماجىلىستى باسقاردى
مەملەكەتتىك كەڭەس ۇيىمدىق زاڭىنىڭ وزگەرىس ەنگىزىلگەن جوباسى جونىندەگى تۇسىنىك سياقتىلار تىڭدالدى
3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭ حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭ حالىق سارايىندا اشىلدى. مەملەكەتتىك كەڭەستىڭ زۇڭليى لي چياڭ ۇكىمەت قىزمەتىنەن بايانداما جاسادى.
□ سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن
3 - ايدىڭ 5 - كۇنى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭ حالىق سارايىندا اشىلدى. جاۋ لىجي اشىلۋ ءماجىلىسىن باسقاردى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 3 ـ ايدىڭ 5 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى 3 ـ ايدىڭ 5 ـ كۇنى تۇستەن بۇرىن بەيجيڭ حالىق سارايىندا اشىلدى. مەملەكەتتىك حالىق قۇرىلتايىنىڭ 3000عا جۋىق ۋاكىلى حالىقتىڭ ماڭىزدى تاپسىرماسىن ارقالاپ، ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرشىلىكتەرىن وتەدى.
حالىق سارايىنىڭ ۇلكەن زالى سالتاناتتى دا قىزۋ مەرەيگە شومدى، ٴتوراعالار مىنبەسىندەگى شىمىلدىقتىڭ ٴدال ورتاسىنداعى مەملەكەت گەربى نارت قىزىل تۋلار اراسىندا جايناي ٴتۇستى.
ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى جاۋ لىجي ٴماجىلىستى باسقاردى. ٴماجىلىس ٴتوراعالار القاسىنىڭ تۇراقتى ٴتوراعالارى، اتقارۋشى ٴتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي ٴتوراعالار مىنبەسىندەگى اتقارۋشى ٴتوراعالار ورنىنا جايعاستى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.
14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناسۋعا ٴتيىستى ۋاكىل 2956 ادام. 3 ـ ايدىڭ 5 ـ كۇنى تۇستەن بۇرىنعى ماجىلىسكە 2872 ادام قاتىناستى، 84 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9دا جاۋ لىجي جۇڭحۋا حالىق رەسپۋبليكاسى 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ اشىلعاندىعىن جاريالادى. ٴماجىلىس الاڭىنداعى بارلىق ادام ورىندارىنان تۇرىپ، مەملەكەت ٴانىن اسقاقتاتا شىرقادى.
ٴماجىلىستىڭ كەڭەس ٴتارتىبى بويىنشا، مەملەكەتتىك كەڭەستىڭ زۇڭليى لي چياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما جالپى ٴۇش بولىمنەن قۇرالعان: ٴبىرىنشى، 2023 ـ جىلعى قىزمەتتەرگە شولۋ؛ ەكىنشى، 2024 ـ جىلعى ەكونوميكالىق، قوعامدىق دامۋدىڭ جالپى تۇلعالىق تالابى جانە ساياساتتىق بەتالىسى؛ ٴۇشىنشى، 2024 ـ جىلعى ۇكىمەت قىزمەتىندەگى مىندەتتەر.
لي چياڭ باياندامادا بىلاي دەپ اتاپ كورسەتتى: وتكەن ٴبىر جىل _ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدەگى باستاما جىل، وسى كەزەكتى ۇكىمەتتىڭ زاڭ بويىنشا مىندەت وتەۋىندەگى ٴبىرىنشى جىل. توتەنشە كۇردەلى حالىقارالىق ورتا مەن جاپالى دا اۋىر رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتى جەڭىپ، قاجىرلى قۇلشىنىس جاسادى، جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋدىڭ ورنىقتى تۇردە جاڭا كەزەڭگە ٴوتۋىن جۇزەگە اسىرىپ، كەلەلى شەشۋشى سيپاتتى جەڭىسكە قول جەتكىزدى، تۇتاس جىلداعى ەكونوميكالىق، قوعامدىق دامۋدىڭ باستى نىسانالارى مەن مىندەتتەرى تابىسپەن ورىندالدى، جوعارى ساپالى دامۋ تىڭعىلىقتى ىلگەرىلەتىلدى، قوعامدىق كەلەلى جاعداي ورنىقتىلىقتى ساقتادى، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى.
لي چياڭ باياندامادا بىلاي دەپ اتاپ كورسەتتى: ٴبىر جىلدان بەرى، ٴبىز پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، باستىسى، مىناداي قىزمەتتەر ىستەدىك: ٴبىرىنشى، ماكرولىق رەتتەۋ ـ مەڭگەرۋ تەبىنىن ارتتىرىپ، ەكونوميكالىق اينالىمنىڭ ٴۇرتىس جاقسارۋىن ىلگەرىلەتتىك؛ ەكىنشى، جاڭالىق اشۋعا سۇيەنىپ، كاسىپ سالالارىنىڭ دارەجەسىنىڭ وسۋىنە جەتەكشىلىك ەتىپ، قالا، اۋىل وڭىرلەرىنىڭ دامۋ جاڭا قوزعاۋشى قۋاتىن كۇشەيتتىك؛ ٴۇشىنشى، رەفورمانى تەرەڭدەتىپ، ەسىك اشۋدى كەڭەيتىپ، شارۋاشىلىق ـ ساۋدا ورتاسىن ٴۇرتىس جاقسارتتىق؛ ٴتورتىنشى، ەكولوگيالىق ورتانى قورعاۋدى، وڭاۋدى كۇشەيتىپ، دامۋ ٴتاسىلىنىڭ جاسىل تيپكە ويىسۋىن جەدەلدەتتىك؛ بەسىنشى، حالىق تۇرمىسىن قامتاماسىز ەتۋدى كۇش سالا ويداعىداي يگەرىپ، قوعامدىق ىستەردىڭ دامۋىن ىلگەرىلەتتىك؛ التىنشى، ۇكىمەت قۇرىلىسىن جاپپاي كۇشەيتىپ، باسقارۋ يقۋاتىن كۇش سالا جوعارىلاتتىق.
لي چياڭ باياندامادا بىلاي دەپ اتاپ كورسەتتى: ناتيجەنى تۇراقتاندىرۋمەن بىرگە، ٴدوپ كەلىپ وتىرعان قيىنشىلىقتار مەن سىن ـ سايىستاردى دا سەرگەكتىكپەن كورە ٴبىلۋىمىز كەرەك. ٴبىز، ٴسوز جوق، ماسەلەگە جانە سىن ـ سايىستارعا بەتپە ـ بەت كەلىپ، قىزمەتتەردى بار زەيىن ـ كۇشتى جۇمساي وتىرىپ جاقسى ىستەيمىز، حالىقتىڭ ٴۇمىتى مەن ماڭىزدى تاپسىرماسىن استە جەردە قالدىرمايمىز.
لي چياڭ باياندامادا بىلاي دەپ اتاپ كورسەتتى: بيىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، «14 ـ بەسجىلدىق» جوبانىڭ نىسانا ـ مىندەتتەرىن جۇزەگە اسىرۋداعى شەشۋشى ٴبىر جىل. بيىلعى دامۋدىڭ باستى مەجەلى نىسانالارى مىنالار: ىشكى ٴوندىرىستىڭ جالپى ٴونىم قۇنىن %5 شاماسىندا ارتتىرۋ؛ قالا ـ قالاشىقتاردا 12 ميلليوننان استام ادامدى تىڭنان جۇمىستاندىرۋ، قالا ـ قالاشىقتارداعى تەكسەرىپ انىقتالعان جۇمىسسىزدىق مولشەرىن %5.5 كولەمىندە مەڭگەرۋ؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرىن %3 كولەمىندە مەڭگەرۋ؛ تۇرعىندار كىرىسىنىڭ ارتۋى مەن ەكونوميكانىڭ ارتۋىن سايكەستىرۋ؛ حالىقارالىق كىرىس ـ شىعىستىڭ نەگىزگى تەپە ـ تەڭدىگىن ساقتاۋ؛ استىق ٴونىم مولشەرىن ٴبىر تريلليون 300 ميلليارد جىڭنان اسىرۋ؛ بىرلىك ىشكى ٴوندىرىس جالپى قۇنىنىڭ ەنەرگيا جۇمسالىمىن %2.5 شاماسىندا تومەندەتىپ، ەكولوگيالىق ورتا ساپاسىن ٴۇرتىس جاقسارتۋ.
لي چياڭ باياندامادا بىلاي دەپ اتاپ كورسەتتى: ٴبىز ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن ورناتىپ، سوڭىنان كۇشىنەن قالدىرۋعا تاباندى بولۋىمىز كەرەك. بيىلعى دامۋدىڭ نىسانا ـ مىندەتتەرىن ورىنداۋدا، ٴسوز جوق، شي جينپيڭ ەكونوميكا يدەياسىن ىشكەرىلەي دايەكتىلەندىرىپ، جوعارى ساپالى دامۋدى زەيىن ـ زەردەنى شوعىرلاندىرا وتىرىپ ىلگەرىلەتۋ كەرەك. اناعۇرلىم زور بەكىم مەن تەبىن ارقىلى رەفورما جاساۋدى، ەسىك اشۋدى تەرەڭدەتىپ، ٴونىمدى بازار مەن ىسكەر ۇكىمەتتى اناعۇرلىم ويداعىداي ۇشتاستىرۋدى جەبەپ، قوعامدىق ومىرشەڭدىك كۇشتەردى ٴۇرتىس قاۋلاتىپ جانە كۇشەيتىپ، جوعارى ساپالى دامۋدى ىلگەرىلەتۋدە تىڭ دا اناعۇرلىم زور تابىسقا قول جەتكىزۋ كەرەك.
لي چياڭ باياندامادا مىنالاردى ورتاعا قويدى: پارتيا ورتالىق كوميتەتى بيىلعى قىزمەتتەرگە جاپپاي ورنالاستىرۋ جاسادى، ٴبىز ىشكەرىلەي دايەكتىلەندىرىپ، تياناقتاندىرىپ، باستى قايشىلىقتاردى مىقتاپ يگەرىپ، بوگەتتەردى، تەجەمدەردى كۇش سالا جويىپ، ٴتۇرلى قىزمەتتەردى تىڭعىلىقتى ويداعىداي ىستەيمىز: وسىزاماندانعان كاسىپ سالاسى جۇيەسى قۇرىلىسىن زور كۇشپەن ىلگەرىلەتىپ، جاڭا ساپالى وندىرگىش كۇشتەردى جەدەل دامىتامىز؛ عىلىم ـ تەحنيكا، وقۋ ـ اعارتۋ ارقىلى مەملەكەتتى گۇلدەندىرۋ ستراتەگياسىن ىشكەرىلەي اتقارىپ، جوعارى ساپالى دامۋدىڭ نەگىزدىك تىرەگىن كۇشەيتەمىز؛ ىشكى سۇرانىستى كۇش سالا كەڭەيتىپ، ەكونوميكانىڭ ۇتىمدى اينالىمدى جۇزەگە اسىرۋىن ىلگەرىلەتەمىز؛ رەفورمانى بۇلجىماي تەرەڭدەتىپ، دامۋدىڭ ىشكى قوزعاۋشى كۇشىن كۇشەيتەمىز؛ جوعارى دەڭگەيدەگى سىرتقا ەسىك اشۋدى كەڭەيتىپ، ٴوزارا پايدا جەتكىزىپ، تەڭ يگىلىككە كەنەلۋدى جەبەيمىز؛ دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ٴتۇيىندى سالالارداعى حاۋىپ ـ قاتەرلەردەن ٴونىمدى ساقتانامىز جانە ونى جويامىز؛ اۋىل شارۋاشىلىعى، اۋىل ـ قىستاق، شارۋالار قىزمەتىن قاجىماس تاباندىلىقپەن ويداعىداي يگەرىپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتەمىز؛ قالا مەن اۋىلدىڭ توعىسۋىن جانە وڭىرلەردىڭ سايكەستى دامۋىن ىلگەرىلەتىپ، ەكونوميكانىڭ ورنالاسىمىن بار كۇشپەن ساپالىلاندىرامىز؛ ەكولوگيالىق وركەنيەت قۇرىلىسىن كۇشەيتىپ، جاسىل، تومەن كومىر قىشقىل گازدى دامۋدى ىلگەرىلەتەمىز؛ شىن مانىندە حالىق تۇرمىسىن قامتاماسىز ەتىپ جانە جاقسارتىپ، قوعامدىق باسقارۋدى كۇشەيتەمىز جانە وندا جاڭالىق اشامىز.
باياندامادا لي چياڭ تاعى ۇكىمەتتىڭ وزىندىك قۇرىلىسىن كۇشەيتۋ، ۇلت، ٴدىن جانە چياۋمين ىستەرى قىزمەتى، مەملەكەت قورعانىسى جانە ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قاتىناسى، سونداي ـ اق ەلىمىزدىڭ ديپلوماتيا ساياساتى سياقتىلار جونىندە دە بايىمداۋ جاسادى.
ٴماجىلىستىڭ كەڭەس ٴتارتىبى بويىنشا ٴماجىلىس مەملەكەتتىك كەڭەستىڭ 2023 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2024 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى بايانداماسىن، سونداي ـ اق 2024 ـ جىلعى حالىق شارۋاشىلىعى مەن قوعامدىق دامۋ جوسپارى جوباسىن، مەملەكەتتىك كەڭەستىڭ ورتالىق پەن جەرگىلىكتى ورىنداردىڭ 2023 ـ جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىنداردىڭ 2024 ـ جىلعى مەجە ەسەپ جوباسى جونىندەگى بايانداماسىن، سونداي ـ اق ورتالىق پەن جەرگىلىكتى ورىنداردىڭ 2024 ـ جىلعى مەجە ەسەپ جوباسىن قاراپ تەكسەردى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي حۇڭجۇڭ مەملەكەتتىك كەڭەس ۇيىمدىق زاڭىنىڭ وزگەرىس ەنگىزىلگەن جوباسى جونىندە تۇسىنىك جاسادى.
مەملەكەتتىك كەڭەس ۇيىمدىق زاڭىنىڭ وزگەرىس ەنگىزىلگەن جوباسى جونىندەگى تۇسىنىكتە بىلاي دەپ اتاپ كورسەتىلدى: مەملەكەتتىك كەڭەس ۇيىمدىق زاڭى _ مەملەكەتتىك كەڭەستىڭ ۇيىمدىق ٴتۇزىمى جانە قىزمەت ٴتۇزىمى جونىندەگى ٴتۇبىرلى زاڭ، مەملەكەتتىك كەڭەستىڭ نەگىزگى زاڭ، زاڭ بويىنشا قىزمەت جاۋاپكەرشىلىگىن وتەۋىن قامتاماسىز ەتۋ جونىنەن ماڭىزدى رول اتقاردى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت قۇرىلىمى رەفورماسى اياق الىسىن بار كۇشپەن ىلگەرىلەتىپ كەلەدى، پارتيا مەن مەملەكەت قۇرىلىمدارىنىڭ فۋنكتسياسىندا جۇيەلىك سيپاتتى، تۇتاس تۇلعالىق سيپاتتى قايتا قۇرۋدى جۇزەگە اسىرىپ، پارتيا مەن مەملەكەت قۇرىلىمدارىنىڭ جۇيەسى كەمەلدى، عىلمي ارناعا تۇسكەن، اينالىمى جوعارى ٴونىمدى فۋنكتسيالىق جۇيەسىن ورناتۋدا تىڭ ىلگەرىلەۋشىلىككە، تىڭ ناتيجەگە ۇزدىكسىز قول جەتكىزدى. جاڭا جاعدايعا، جاڭا مىندەتكە، جاڭا تالاپقا ۇيلەسۋ ٴۇشىن، امالياتتىق تاجىريبەلەردى مۇقيات قورىتىندىلاۋ نەگىزىندە مەملەكەتتىك كەڭەس ۇيىمدىق زاڭىنا وزگەرىس ەنگىزىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋ، پارتيانىڭ جالپى بەتتىك باسىشىلىعىنا تاباندى بولۋ سياقتى ماڭىزدى مازمۇنداردى مەملەكەتتىك كەڭەس ۇيىمدىق زاڭىنا ەنگىزۋ، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ رۋحى مەن جەتىستىگىن زاڭ ـ بەلگىلەمەلەر ارقىلى ايگىلەۋ قاجەت بولىپ وتىر. مەملەكەتتىك كەڭەس ۇيىمدىق زاڭىنا وزگەرىس ەنگىزۋ _ جاڭا داۋىردە مەملەكەتتىك كەڭەستىڭ پارتيانىڭ جالپى بەتتىك باسشىلىعىنا تاباندى بولۋدىڭ، ۇكىمەتتىڭ وزىندىك قۇرىلىسىن جاپپاي كۇشەيتۋدىڭ قاجەتتى تالابى، مەملەكەتتىك كەڭەستىڭ حالىقتى وزەك ەتۋگە تاباندى بولۋىنىڭ، بۇكىل ىنتا ـ پەيىلىمەن حالىق ٴۇشىن قىزمەت ەتۋ ٴتۇبىرلى باس ماقساتىنا تاباندى بولۋىنىڭ تۇزىمدىك قامتاماسىزدىعى، جاڭا داۋىردە نەگىزگى زاڭدى جاپپاي دايەكتىلەندىرۋدىڭ، اتقارۋدىڭ، زاڭمەن باسقارىلاتىن ۇكىمەتتى جاپپاي قۇرۋدىڭ ماڭىزدى جاعى، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ پارمەندى شاراسى. مەملەكەتتىك كەڭەس ۇيىمدىق زاڭىنىڭ وزگەرىس ەنگىزىلگەن جوباسى جالپى 20 تارماق، باستى وزگەرىس ەنگىزىلگەن مازمۇندارى: مەملەكەتتىك كەڭەستىڭ سيپاتى مەن ورنى جونىندەگى بەلگىلەمەلەردى قوسۋ، مەملەكەتتىك كەڭەس قىزمەتىنىڭ جەتەكشى يدەياسىن ايقىنداۋ، مەملەكەتتىك كەڭەستىڭ مىندەت ۇقىعى جونىندەگى بايىمداۋدى كەمەلدەندىرۋ، مەملەكەتتىك كەڭەستىڭ قۇرامىنداعىلار جونىندەگى قاتىستى بەلگىلەمەلەردى كەمەلدەندىرۋ، مەملەكەتتىك كەڭەس قۇرىلىمىنىڭ جانە ونىڭ مىندەت ۇقىعىنىڭ قاتىستى بەلگىلەمەلەرىن كەمەلدەندىرۋ، مەملەكەتتىك كەڭەستىڭ ٴماجىلىس ٴتۇزىمىن اقاۋسىزداندىرۋ، مەملەكەتتىك كەڭەستىڭ فۋنكتسيانى زاڭ بويىنشا، جاپپاي، دۇرىس اتقارۋىنا قاتىستى ٴتۇزىم ـ شارالارىن قوسۋ.
ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، شىن يچين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي ـ اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين قاتارلىلار دا ٴتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى حى يچىڭ ماجىلىسكە سىرتتاي قاتىناستى ٴارى ٴتوراعالار مىنبەسىنەن ورىن الدى.
مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ٴماجىلىستى سىرتتاي تىڭدادى.
شەتەلدەردىڭ جۇڭگودا تۇراتىن ەلشىلەرى ٴماجىلىستى سىرتتاي تىڭدادى.
