شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جاڭا ساپالى وندىرگىش كۇشتەردى جەرگىلىكتى جاعدايعا قاراي دامىتۋ كەرەك
3 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءوزى قۇرامىندا بولعان 14 - كەزەكتى مەملەكەتتىك حالىق قۇرىلتايى 2 - ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.
□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن
شينحۋا اگەنتتىگىنىڭ 3 ـ ايدىڭ 5 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 3 ـ ايدىڭ 5 ـ كۇنى تۇستەن كەيىن ٴوزى قۇرامىندا بولعان 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: جوعارى ساپالى دامۋ سىندى وسى ماڭداي الدى مىندەتتى مىقتاپ يگەرىپ، جاڭا ساپالى وندىرگىش كۇشتەردى جەرگىلىكتى جاعدايعا قاراي دامىتۋ كەرەك. جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى الدىندا، ٴبىز، ٴسوز جوق، ورايدى مىقتى يگەرىپ، جاڭالىق اشۋ سەرپىنىن ارتتىرىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالاسىن الدىن الا ورنالاستىرىپ، قۇرىپ، وسىزاماندانعان كاسىپ سالاسى جۇيەسىن كەمەلدەندىرۋىمىز كەرەك. جاڭا ساپالى وندىرگىش كۇشتەردى دامىتۋ ٴداستۇرلى كاسىپ سالاسىن ەلەۋسىز قالدىرۋ، ودان باز كەشۋ ەمەس، دۇرمەككە اينالۋدان، جەلكەۋەكتەنۋدەن ساقتانۋ ٴارى ٴبىر تۇردەگى ۇلگىمەن عانا جۇرگىزبەۋ كەرەك. جەر ـ جەر ٴىس جۇزىندىكتى شىعار ٴتۇيىن ەتۋگە تاباندى بولىپ، الدىمەن ورناتىپ، سوڭىنان كۇشىنەن قالدىرىپ، جەرگىلىكتى جاعدايعا قاراي ىستەپ، تۇرلەر بويىنشا جەتەكشىلىك ەتىپ، ٴوز جەرىنىڭ بايلىق ارتىقشىلىعى، كاسىپ سالاسى نەگىزى، عىلمي زەرتتەۋ شارت ـ جاعدايى، ت . ب لارعا نەگىزدەلىپ، جاڭا كاسىپ سالاسىنىڭ، جاڭا ۇلگىنىڭ، جاڭا قوزعاۋشى قۋاتتىڭ دامۋىن تالعامپازدىقپەن ىلگەرىلەتىپ، جاڭا تەحنيكالار ارقىلى ٴداستۇرلى كاسىپ سالالارىن جاڭالاپ جانە دەڭگەيىن جوعارىلاتىپ، كاسىپ سالاسىنىڭ جوعارى دەڭگەيلى، زەردەلى، جاسىل بولۋىن بەلسەنە جەبەۋ كەرەك.
جياڭسۋ ۋاكىلدەر ۇيىرمەسى باياندامانى ىقىلاسپەن قارادى، ورتا ەرەكشە دۋماندى بولدى. سۇي تيەجۇن، گاۋ جيفان، سۇڭ يان، ۋ حۇيفاڭ، ۋ شينميڭ، سۇن جيڭنان قاتارلى 6 ۋاكىل جەكە ـ جەكە جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋ، جۇڭگونىڭ فوتوۆولت كاسىپ سالاسىنىڭ جوعارى ساپالى دامۋىن ىلگەرىلەتۋ، مادەنيەت مۇرالارىن قورعاۋدى، جالعاستىرۋدى كۇشەيتۋ، بىرگە باييتىن باقىتتى قىستاق قۇرۋ، چاڭجياڭ اتىراۋىن ٴبىر تۇلعالاندىرا دامىتۋعا قىزمەت وتەۋ، ۇستا رۋحىن اسقاقتاتۋ سياقتى ماسەلەلەر جونىندە ٴسوز سويلەدى. شي جينپيڭ ٴالسىن ـ ٴالى ٴسوز قىستىرىپ، كوپشىلىكپەن پىكىر اۋىستىردى.
كوپشىلىكتىڭ ٴسوزىن مۇقيات تىڭداعاننان كەيىن، شي جينپيڭ ٴسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىندىعىن ٴبىلدىردى، جياڭسۋدىڭ ەكونوميكالىق، قوعامدىق دامۋدا قول جەتكىزگەن جاڭا ىلگەرىلەۋشىلىكتەرىن، جاڭا تابىستارىن تولىق تۇراقتاندىردى، جياڭسۋدىڭ سەنىمدى بەكەمدەپ، قايراتتى تاسقىنداتىپ، باتىلدىقپەن اۋىر مىندەت ارقالاپ، بۇكىل ەلدىڭ كەلەلى جاعدايىنا اناعۇرلىم زور ۇلەس قوسۋىن ٴۇمىت ەتتى.
شي جينپيڭ بىلاي دەپ باسا دارىپتەدى: جياڭسۋ جاڭا ساپالى وندىرگىش كۇشتەردى دامىتۋدا تاماشا شارت ـ جاعدايعا جانە قابىلەتكە يە. وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن ورناتۋ سىندى وسى ٴتۇيىندى كورنەكتىلەندىرىپ، عىلىم ـ تەحنيكادا جاڭالىق اشۋدى جەتەكشى ەتىپ، ٴداستۇرلى كاسىپ سالاسىنىڭ دارەجەسىن جوعارىلاتۋدى، جاڭادان گۇلدەنگەن كاسىپ سالاسىن زورايتۋدى، بولاشاق كاسىپ سالاسىن جەتىلدىرۋدى ٴبىر تۇتاس جوسپارلاپ ىلگەرىلەتىپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن كۇشەيتىپ، ٴداستۇرلى كاسىپ سالاسىنىڭ ماڭداي الدى ورنىن بەكەمدەپ، حالىقارالىق باسەكەلىك قۋاتقا يە ستراتەگيالىق جاڭادان گۇلدەنگەن كاسىپ سالاسى شوعىرىن جەدەل تۇلعالاپ، جياڭسۋدى جاڭا ساپالى وندىرگىش كۇشتەردى دامىتۋداعى ماڭىزدى شەپكە اينالدىرۋ كەرەك.
شي جينپيڭ بىلاي دەپ اتاپ كورسەتتى: رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن جوسپارلاپ، جوعارى ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ٴۇرتىس قۋاتتى قوزعاۋشى كۇش ۇستەۋ كەرەك. جوعارى دەڭگەيلى سوتسياليستىك بازار شارۋاشىلىعى ٴتۇزىلىسىن ورناتۋدى ارقاۋ ەتىپ، مۇلىك ۇقىعىن قورعاۋ، بازارعا كىرۋ رۇقساتى، ٴادىل باسەكە، قوعامدىق سەنىمدىلىك سياقتى بازار شارۋاشىلىعى نەگىزگى ٴتۇزىمىن جەدەل كەمەلدەندىرۋ كەرەك. ”ەكىدەن استە اۋىتقىماۋدى“ تياناقتاندىرۋ ٴتۇزىلىس ـ مەحانيزمىن كەمەلدەندىرىپ، حالىقتىق شارۋاشىلىق پەن حالىقتىق كاسىپورىنداردىڭ دامۋىنا، زورايۋىنا قولداۋ كورسەتىپ، ٴتۇرلى تيجارات تۇلعالارىنىڭ ىشكى قوزعاۋشى كۇشى مەن جاڭالىق اشۋ ومىرشەڭدىك كۇشىن قاۋلاتۋ كەرەك. عىلىم ـ تەحنيكا ٴتۇزىلىسى، وقۋ ـ اعارتۋ ٴتۇزىلىسى، دارىندىلار ٴتۇزىلىسى، ت. ب رەفورمالارىن تەرەڭدەتىپ، جاڭا ساپالى وندىرگىش كۇشتەردىڭ دامۋىنا تۇساۋ بولاتىن بوگەتتى تۇيىندەردى، القىمداعان تۇيىندەردى اشۋ كەرەك. بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق ـ ساۋدا ورتاسىن ٴۇرتىس قۇرىپ، اناعۇرلىم جوعارى دەڭگەيلى اشىق شارۋاشىلىقتىڭ جاڭا باسىمدىعىن تۇلعالاۋ كەرەك.
شي جينپيڭ بىلاي دەپ باسا دارىپتەدى: پارتيا 18 ـ قۇرىلتايىنان بەرى ٴبىز وڭىرلەردى سايكەستى دامىتۋ ستراتەگياسى، وڭىرلىك كەلەلى ستراتەگيا، نەگىزگى تۇلعالىق فۋنكتسيالىق ٴوڭىر ستراتەگياسى سياقتى ٴبىر قىدىرۋ ستراتەگيالاردى اتقارىپ، جاڭا دامۋ ارناسىن قالىپتاستىرۋدا، جوعارى ساپالى دامۋدى ىلگەرىلەتۋدە ماڭىزدى تىرەكتىك رولىن ساۋلەلەندىردىك. جياڭسۋ چاڭجياڭ ەكونوميكالىق بەلدەۋىن دامىتۋ جانە چاڭجياڭ اتىراۋىن ٴبىر تۇلعالاندىرا دامىتۋ ستراتەگياسىمەن جاپپاي توعىسىپ جانە وعان قىزمەت وتەپ، باسقا وڭىرلىك دامۋ ستراتەگيالارىمەن جانە وڭىرلىك كەلەلى ستراتەگيالارمەن ٴتۇيىلىسۋدى كۇشەيتىپ، اناعۇرلىم زور كولەمدە جاڭالىق اشۋ تىزبەگىن، كاسىپ سالاسى تىزبەگىن، قامداۋ تىزبەگىن بىرلەسە قيمىلداپ قۇرىپ، ەكونوميكادا ٴىرى ولكەنىڭ وڭىرلەردىڭ، اۋەلى، بۇكىل ەلدىڭ دامۋىنا ىقپال جاساۋ، باستاماشىلدىق ەتۋ قۋاتىن اناعۇرلىم ويداعىداي ساۋلەلەندىرۋى كەرەك.
شي جينپيڭ بىلاي دەپ اتاپ كورسەتتى: ەكونوميكانىڭ قايتا ورلەۋ، جاقسارۋ جاعدايىن ۇزدىكسىز بەكەمدەپ جانە ونى كۇشەيتىپ، تۇتاس قوعامنىڭ دامۋ سەنىمىن سەرپىلتۋدە پارتيا مۇشەلەرى، كادرلار الدىمەن سەنىمدى بەكەمدەپ، شىنايى يگەرىپ، ناقتى ىستەۋى كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، ۇزاق ۋاقىتتىق ٴونىمدى مەحانيزم ورناتىپ، فورماشىلدىقتى، تورەشىلدىكتى باتىل تۇزەتىپ، نەگىزگى ساتىنىڭ اۋىرتپالىعىن شىن مانىندە جەڭىلدەتىپ، بۇكىل پارتيانىڭ، بۇكىل قوعامنىڭ جاسامپاز ومىرشەڭدىك كۇشىن قاۋلاتىپ، پارتيا مۇشەلەرىنىڭ، كادرلاردىڭ ٴىس تىندىرىپ، ناتيجە شىعارۋ جىگەر ـ قايراتىن سەرپىلتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، دامۋدا حالىق تۇرمىسىن قامتاماسىز ەتۋ دەڭگەيىن ورنىقتى قاداممەن جوعارىلاتىپ، قالىڭ بۇقارانى قوس قولدارىنا سۇيەنىپ باقىتتى تۇرمىس جاراتۋعا جەتەكتەۋ، ىنتالاندىرۋ كەرەك.
شي جينپيڭ سوڭىندا بىلاي دەپ باسا دارىپتەدى: ٴوندىرىس حاۋىپسىزدىگىن ويداعىداي مىقتى يگەرىپ، حاۋىپسىزدىك كومەسكى كىناراتتارىن ٴبىر ـ بىردەن تەكسەرۋدى اناعۇرلىم ويداعىداي ىستەپ، ساقتاندىرۋدى ـ باقىلاۋدى كۇشەيتىپ، شۇعىل جاعدايعا توتەپ بەرۋ شارالارىن تياناقتاندىرىپ، حالىق بۇقاراسىنىڭ ٴومىرى مەن مال ـ مۇلىك حاۋىپسىزدىگىن قامتاماسىز ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قاتىناستى.
مۋ حۇڭ، جياڭ شينجى قاتارلىلار قاتىناستى.
