شينجياڭ ۋاكىلدەر ۇيىرمەسى جالپـى جيىن وتكىزىپ، ۇكىمەت قىزمەتىنەن باياندامانى قارادى
ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن، لي يفي باياندامانى قاراۋعا قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 5 ـ كۇنى بەيجيڭنەن حابارلايدى. 3 ـ ايدىڭ 5 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناسقان شينجياڭ ۋاكىلدەر ۇيىرمەسى جالپى جيىن وتكىزىپ، ۇكىمەت قىزمەتىنەن باياندامانى قارادى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، شوكىرات زاكىر، ەركىن تۇنياز، شاۋكەت يمىن، لي يفي باياندامانى قاراۋعا قاتىناستى، ٴزۇمىرات وبۇل باسقاردى.
مەملەكەتتىك كەڭەس كەڭسەسىندەگى، مەملەكەتتىك ۇلت ىستەرى كوميتەتىندەگى، قازىنا مينيسترلىگىندەگى، مەملەكەتتىك دامۋ جانە رەفورما كوميتەتىندەگى جانە ٴماجىلىس حاتشىلار باسقارماسىنداعى قاتىستى جولداستار جيىنعا قاتىناسىپ، پىكىرلەردى تىڭدادى.
ۋاكىل ما شيڭرۇي بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. باياندامادا قورىتىندىلانعان ناتيجەلەر ادامدى جەلپىندىرەدى، العا قويىلعان نىسانالار عىلمي، ۇيلەسىمدى، ورنالاستىرىلعان قىزمەتتەر ايقىن، ناقتى بولىپ، ٴبىزدىڭ جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭ قۇرۋداعى سەنىمىمىزدى جانە بەكىمىمىزدى اناعۇرلىم بەكەمدەدى. وتكەن ٴبىر جىلدا باس شۋجي شي جينپيڭ مەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ايبىندى نىساناسىن كوزدەپ، وزگەرىسكە پارمەندى، ٴونىمدى تۇردە توتەپ بەرىپ، داعدارىستى شەشىپ، قيىن وتكەلدەن ٴوتىپ، جاڭا جاعداي اشىپ، پارتيا مەن مەملەكەت ىستەرىندە تىڭ دا ۇلى تابىستارعا قول جەتكىزۋدى ىلگەرىلەتتى. باس شۋجي ٴوزى ٴۇرتىس 2 جىل بويى شينجياڭعا كەلىپ، ماڭىزدى ٴسوز سويلەپ، شينجياڭ قىزمەتىنە باعدار كورسەتىپ، جوبا جاسادى. بۇكىل شينجياڭدا جوعارىدان تومەنگە دەيىن تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتتى، رەفورما، دامۋ، ورنىقتىلىق ىستەرىندە نىق قادام تاستادى. اماليات مىنانى تولىق دالەلدەدى: ”ەكىنى تۇراقتاندىرۋ“ _ بارلىق قيىنشىلىقتار مەن كەدەرگىلەردى جەڭىپ، بارلىق ايقىنسىزدىققا توتەپ بەرۋدەگى ەڭ ۇلكەن ايقىندىلىق، ەڭ ۇلكەن جىگەر، ەڭ ۇلكەن كەپىلدىك. ٴبىز ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، باس شۋجي مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن مىقتاپ كوزدەپ، جاڭا ٴداۋىر، جاڭا جورىقتاعى جاڭا ورايدى يگەرىپ، جاڭا ىسكەرلىك كورسەتىپ، جوعارى ساپالى دامۋدىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋگە اناعۇرلىم كوپ شينجياڭ ۇلەسىن قوسۋىمىز كەرەك.
ۋاكىل شوكىرات زاكىر بىلاي دەدى: ۇكىمەت قىزمەتىنەن بايانداما ەلىمىزدىڭ ەكونوميكالىق، قوعامدىق دامۋ تابىستارىن ايگىلەپ، جۇرت كوڭىلىن جەلپىندىرىپ، ٴتۇرلى نىسانا ـ مىندەتتەردى عىلمي، دالمە ـ ٴدال العا قويدى، بۇكىلدەي قۇپتايمىن. اۋمالى ـ توكپەلى، كۇردەلى حالىقارالىق ورتا جانە جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋدى ىلگەرىلەتۋدە نىق قادام تاستادى. تاريح پەن اماليات ٴبىزدىڭ قول جەتكىزگەن ناتيجەلەرىمىزدىڭ، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسىندا كەلگەندىگىن تولىق دالەلدەدى. وتكەن ٴبىر جىلدا شينجياڭنىڭ ەكونوميكالىق، قوعامدىق دامۋىندا كورنەكتى تابىستارعا قول جەتىپ، ٴار ۇلت كادرلارى مەن بۇقاراسىنىڭ سەنىمى مەن جىگەرى بارىنشا كۇشەيدى. ۇكىمەت قىزمەتىنەن باياندامانى قاراۋ ارقىلى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ۇيرەنۋىمىز، ٴتۇسىنۋىمىز، سونداي ـ اق ۇكىمەت قىزمەتىنەن باياندامادا العا قويىلعان نىسانا ـ مىندەتتەردى ايقىنداۋمەن بىرگە، شينجياڭنىڭ ەكونوميكالىق، قوعامدىق دامۋىنىڭ ٴىس جۇزىندىگىن دە تياناق ەتىپ، ٴبىر تۇتاس جوسپارلاپ ىلگەرىلەتىپ، ىنتىماقتاسا كۇرەس جاساۋىمىز، ”ىلگەرىلەۋ“ دابىلىن قاعىپ، ”شىنايىلىق“ تالابىن دايەكتىلەندىرىپ، ”قاتاڭدىق“ نەگىزگى اۋەنىنەن جازباي، جوعارى ساپالى دامۋدىڭ جاڭا ناتيجەلەرىمەن جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قارسى الۋىمىز كەرەك.
ۋاكىل ەركىن تۇنياز بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. وتكەن جىلداعى قىزمەتتەرگە قايىرىلا قاراساق، باس شۋجي شي جينپيڭ مەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل بويىنشا جوعارىدان تومەنگە دەيىن حاۋىپ ـ قاتەر مەن سىن ـ سايىستارعا توتەپ بەرۋدىڭ پارمەندى، ٴونىمدى بولعاندىعىن، وسىزاماندانعان كاسىپ سالاسى جۇيەسىنىڭ جەدەل ورناعاندىعىن، دامۋعا جاڭالىق اشۋ ارقىلى دەم بەرۋ ستراتەگياسىنىڭ كۇش توپتاپ، قۋات ۇستەگەندىگىن، حالىق ٴۇشىن بيلىك جۇرگىزۋ ماندىك تالابىنىڭ باستان ـ اياق ساباقتاسقاندىعىن، جۇڭگونىڭ ٴىرى ەلدىك ىقپال قۋاتىنىڭ كۇن سايىن كورنەكتىلەنگەندىگىن تەرەڭ سەزىندىك. وتكەن ٴبىر جىل شينجياڭ جونىنەن اسا ەرەكشە، وزگەشە ٴبىر جىل بولدى، شينجياڭنىڭ ٴتۇرلى قىزمەتتەرىندە قىرۋار تىڭ ىلگەرىلەۋشىلىكتەرگە، تىڭ سەرپىلىستەرگە قول جەتتى. وسى بارىستا ٴبىز تەك ”ەكىنى تۇراقتاندىرۋدى“ ادالدىقپەن قورعاپ، ”ەكىنى قورعاۋدى“ باتىل ورىنداپ، باس شۋجي مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە ناقتاپ تياناقتاندىرساق عانا، جەڭبەيتىن قيىنشىلىق بولمايتىندىعىن تەرەڭ سەزىندىك. ٴبىز تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، باس شۋجيدىڭ كوڭىل ٴبولۋى مەن قامقورلىعىن شىن مانىندە قۇدىرەتتى قوزعاۋشى كۇشكە اينالدىرىپ، ۇكىمەت قىزمەتىنەن باياندامادا بەلگىلەنگەن ٴتۇرلى نىسانا ـ مىندەتتەردى مۇقيات تياناقتاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە تىڭ ۇلەس قوسۋىمىز كەرەك.
ۋاكىل ٴزۇمىرات وبۇل بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. وتكەن ٴبىر جىلدا باس شۋجي شي جينپيڭ مەن پارتيا ورتالىق كوميتەتىنىڭ دانىشپان باسشىلىعىندا، ەلىمىز ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ەكونوميكانىڭ قالپىنا كەلۋىن، دامۋىن بار كۇشپەن ىلگەرىلەتىپ، باستى مەجەلى نىسانالاردى تولىق جۇزەگە اسىردى، بۇل تابىسقا وڭاي ـ وسپاق قول جەتكەن جوق. باس شۋجي مەن پارتيا ورتالىق كوميتەتى شينجياڭعا ەرەكشە قامقورلىق جاساپ، شينجياڭنىڭ ”بەس ۇلكەن ستراتەگيالىق ورنىن“ تۇراقتاندىرىپ، جوعارى ساپالى دامۋدى تىڭعىلىقتى ىلگەرىلەتۋىنە بۇرىن بولماعان تاريحي وراي ازىرلەپ، رەفورمانى، دامۋدى، ورنىقتىلىقتى ىلگەرىلەتۋدە سۇبەلى تابىستارعا قول جەتكىزۋگە جەتەكشىلىك ەتتى، بۇل جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ باس شۋجيدىڭ، پارتيا ورتالىق كوميتەتىنىڭ بىزگە نۇسقاعان ٴبىر داڭعىل جولى ەكەندىگىن تولىق دالەلدەدى. ۇكىمەت قىزمەتىنەن باياندامادا بەلگىلەنگەن نىسانا ـ مىندەتتەردى ارقاۋ ەتىپ، شينجياڭنىڭ ٴىس جۇزىندىگىمەن ۇشتاستىرىپ، ىشكەرىلەي زەرتتەپ، جوبالاپ، جەرگىلىكتى زاڭ ەرەجە شىعارۋدىڭ اتقارۋ سيپاتتى، تولىقتاما سيپاتتى، ىزدەنۋ سيپاتتى رولىن اناعۇرلىم ويداعىداي ساۋلەلەندىرىپ، زاڭ بويىنشا ٴونىمدى باقىلاۋ جۇرگىزىپ، ۋاكىلدەردىڭ رولىن تولىق ساۋلەلەندىرىپ، حالىق تىلەگىنە قۇلاق اسىپ، حالىقتىڭ اقىل ـ پاراساتىن شوعىرلاندىرىپ، جۇرت تىلەگىن ۇيىستىرىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت وتەيمىز.
ۋاكىل لي يفي بىلاي دەدى: ۇكىمەت قىزمەتىنەن باياندامانى قاراپ، وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاپالى قۇلشىنىستار جاساپ، جاپپاي سوتسياليستىك وسىزاماندانعان مەملەكەت قۇرۋدى ىلگەرىلەتۋدە نىق قادام تاستاعانىن تەرەڭ سەزىندىم. جاڭا كەزەكتى ۇكىمەتتىڭ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ”جاقسى اتقارۋشى، ارەكەتتەنۋشى، ىسكەر“ بولۋدى باستان ـ اياق ساباقتاستىرىپ، قاجىرلىلىقپەن ىستەۋگە، ناقتى ىستەۋگە تاباندى بولىپ، جۇڭگو ۇلگىسىندەگى وسىزامانداندىرۋدى قۇلشىنا ىلگەرىلەتۋدەگى كۇشتى جاۋاپكەرشىلىكتى تەرەڭ سەزىندىم. بۇل باياندامانى تولىق قۇپتايمىن. باس شۋجي مەن پارتيا ورتالىق كوميتەتىنىڭ شينجياڭ قىزمەتى، بيڭتۋان قىزمەتى جونىندەگى شەشىمدەرى مەن ورنالاستىرۋلارىن مۇقيات تياناقتاندىرىپ، ۇكىمەت قىزمەتىنەن باياندامانىڭ جالپى تۇلعالىق تالابىن يگەرىپ، تۇتاس جىلدىق نىسانا ـ مىندەتتەردى كوزدەپ، ٴتۇيىندى كورنەكتىلەندىرىپ، تەتىكتى يگەرىپ، كۇشتى شوعىرلاندىرا قامال الىپ، جاڭا داۋىردەگى بيڭتۋاننىڭ ورنىقتىلىقتى قورعاپ، شەكارانى كۇزەتۋ مىندەتى مەن بورىشىن ادالدىقپەن اتقارۋ، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىن جوعارى ساپامەن ىلگەرىلەتۋ جاعىندا ۇزدىكسىز تىڭ ىلگەرىلەۋشىلىككە، تىڭ ونىمدىلىكتەرگە قول جەتكىزەمىز.
مەملەكەتتىك حالىق قۇرىلتايىنىڭ ۋاكىلدەرى ۋاڭ كۇيران، ٴانۋار تۇرسۇن، كۇڭ فيفي، اكرام ٴمامتىمىن جەكە ـ جەكە ٴسوز سويلەپ، ۇكىمەت قىزمەتىنەن باياندامانى بۇكىلدەي قۇپتادى. كوپشىلىك مىنالاردى ٴبىلدىردى: ۇكىمەت قىزمەتىنەن بايانداما ساياسي دەڭگەيى جوعارى، قىزمەتتى شىنايى قورىتىندىلاعان، كەلەلى اۋقىمدى دۇرىس يگەرگەن، وي جەلىسى ايقىن، سەنىمدى سەرپىلتەتىن، جۇرت كوڭىلىن جەلپىندىرەتىن، جۇرت جۇرەگىن جىلىتاتىن تاماشا بايانداما. باس شۋجي شي جينپيڭ مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ۇكىمەت قىزمەتىنەن باياندامادا بەلگىلەنگەن نىسانا ـ مىندەتتەردى ارقاۋ ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، باسىمدىقتىڭ كومەسكى كۇشىن ۇزدىكسىز ساۋلەلەندىرىپ، بوگەتتەردى، شەكتەمەلەردى جويىپ، شينجياڭنىڭ جوعارى ساپالى دامۋىن ىلگەرىلەتۋدە ۇزدىكسىز تىڭ ونىمدىلىكتەرگە قول جەتكىزەمىز.
مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، چىن ۋيجۇن، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ، ٴدىلشات سايىم، گاۋ جيميڭ باياندامانى قاراۋعا قاتىناستى. جياڭ شينجۇن، دۋ حۇڭيان قاتارلىلار سىرتتاي قاتىناستى.
