ورتالىق كوميتەت ۇگىت ٴبولىمى مەملەكەتتىك 9 ـ توپتاعى لەي فىڭنان ۇيرەنۋ قيمىلىنداعى ۇلگى كورسەتۋ تۇيىندەرى مەن قىزمەت ورنىندا لەي فىڭنان ۇيرەنۋ ۇلگىلەرىنە اتاق بەردى
شينجياڭنان 2 كوللەكتيۆ، 2 ادام تاڭدالدى
شينحۋا اگەنتتىگىنىڭ 3 ـ ايدىڭ 5 ـ كۇنى بەيجيڭنەن بەرگەن حابارى. جۋىقتا ورتالىق كوميتەت ۇگىت ٴبولىمى مەملەكەتتىك 9 ـ توپتاعى لەي فىڭنان ۇيرەنۋ قيمىلىندعى ۇلگى كورسەتۋ تۇيىندەرى مەن قىزمەت ورنىندا لەي فىڭنان ۇيرەنۋ ۇلگىلەرىنە اتاق بەرىپ بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ لەي فىڭنان ۇيرەنۋ قيمىلىن ىشكەرىلەي ورىستەتۋ جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن قاينار ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، لەي فىڭنان ۇيرەنۋ قيمىلىنىڭ كۇندەلىكتى تۇرمىسپەن توعىسۋىن ۇنەمىلىك ىسكە اينالدىرۋدى ۇزدىكسىز ىلگەرىلەتىپ، لەي فىڭ رۋحىنىڭ جاڭا داۋىردە اناعۇرلىم شۇعىلا شاشۋىنا مۇمكىندىك جاساۋ كەرەك.
بۇل جولى اتاق بەرىلگەن مەملەكەتتىك 9 ـ توپتاعى لەي فىڭنان ۇيرەنۋ قيمىلىنداعى ۇلگى كورسەتۋ تۇيىندەرى مەن قىزمەت ورنىندا لەي فىڭنان ۇيرەنۋ ۇلگىسى جەكە ـ جەكە 50، نەگىزىنەن كاسىپورىن، اۋىل ـ قىستاق، ورگان، مەكتەپ، الەۋمەتتىك اۋماق، شيپاحانا، اسكەري ٴبولىم سياقتى نەگىزگى ساتىنىڭ ٴبىرىنشى شەبىنەن كەلىپ، ٴار كاسىپتى، ٴار سالانى، ٴار شەپتى قامتىدى. ولار ٴوز قىزمەتىن تياناق ەتىپ، قىزمەت ورىندارىندا ۇلەس قوسىپ، لەي فىڭ رۋحىن زور كۇشپەن اسقاقتاتىپ، قاراپايىم قىزمەت بارىسىندا ەرەكشە ناتيجە جاراتىپ جانە ۇلەس قوسىپ، ٴىس جۇزىندىك ارەكەتتەرى ارقىلى جاڭا داۋىردەگى لەي فىڭ حيكاياسىن جازدى، ولار لەي فىڭ رۋحىنىڭ ادال جالعاستىرۋشىلارى، سوتسياليستىك وزەكتى قۇن كوزقاراسىنىڭ ۇلگىلى اتقارۋشىلارى.
ورتالىق كوميتەت ۇگىت ٴبولىمى مىنالاردى تالاپ ەتتى: ٴارقايسى وڭىرلەر، تاراۋلار شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ٴمانىن جەتە ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، مەملەكەتتىك 9 ـ توپتاعى لەي فىڭنان ۇيرەنۋ قيمىلىنداعى ۇلگى كورسەتۋ تۇيىندەرى مەن قىزمەت ورنىندا لەي فىڭنان ۇيرەنۋ ۇلگىلەرىنە اتاق بەرۋدى وراي ەتىپ، ۇيىمدىق باسشىلىقتى ۇزدىكسىز كۇشەيتىپ، جاڭا داۋىردەگى لەي فىڭنان ۇيرەنۋ قيمىلىن ۇزدىكسىز تەرەڭدەتىپ، كەڭەيتىپ، لەي فىڭ رۋحىنىڭ ۇرپاقتان ـ ۇرپاققا جالعاسۋىن ىلگەرىلەتىپ، قالىڭ كادر ـ بۇقارانى قايراتتانا العا ىلگەرىلەۋگە، ىنتىماقتاسا كۇرەس جۇرگىزۋگە ىنتالاندىرىپ، لەي فىڭ رۋحىنىڭ جاڭا داۋىردە اناعۇرلىم شۇعىلا شاشۋىنا مۇمكىندىك جاساپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە قۋاتتى كۇش ۇيىستىرۋى كەرەك.
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 3 ـ ايدىڭ 5 ـ كۇنى ۇرىمجىدەن حابارلايدى. جۋىقتا ورتالىق كوميتەت ۇگىت ٴبولىمى مەملەكەتتىك 9 ـ توپتاعى لەي فىڭنان ۇيرەنۋ قيمىلىنداعى ۇلگى كورسەتۋ تۇيىندەرى مەن قىزمەت ورنىندا لەي فىڭنان ۇيرەنۋ ۇلگىلەرىنە اتاق بەردى، شينجياڭنان 2 كوللەكتيۆ، 2 ادام تاڭدالدى.
شينجياڭنان مەملەكەتتىك 9 ـ توپتاعى لەي فىڭنان ۇيرەنۋ قيمىلىنداعى ۇلگى كورسەتۋ تۇيىندەرىنە تاڭدالعاندار: شيحۋ قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى مايتاۋ _ كۇشار ورتا اترەتى، شىحىزى قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ تارماق اترەتى نانزى ـ ۋ جولى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ پۋنكتى. مايتاۋ _ كۇشار ورتا اترەتى 2019 ـ جىلى قۇرىلعاننان بەرى بۇكىل ىنتا ـ پەيىلىمەن حالىق ٴۇشىن قىزمەت ىستەۋگە باستان ـ اياق تاباندى بولىپ، جيىنى ارلى ـ بەرلى وتكەن 2000نان استام اۆتوكولىككە (رەت) كومەك بەرىپ، وتكەن ـ كەتكەن جولاۋشىلاردى جوعالعان زاتتاردى تاۋىپ بەرۋ، شۇعىل قۇتقارۋ ـ كومەكتەسۋ سياقتى ٴتۇرلى قىزمەت وتەۋلەرمەن 20 مىڭنان استام ادام (رەت) قامدادى؛ نانزى ـ ۋ جولى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ پۋنكتى قۇرىلعاننان بەرى لەي فىڭ رۋحىن باستان ـ اياق امالياتتا ايگىلەپ، قاتەرلى ساتتە اتويلاپ الدا ٴجۇرىپ، 2500 رەتتەن استام ٴتۇرلى شۇعىل جاعدايعا توتەپ بەرۋ، قۇتقارۋ ـ كومەكتەسۋ جۇمىسىنا قاتىناسىپ، ٴار ۇلت بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قورعادى.
شينجياڭنان مەملەكەتتىك 9 ـ توپتاعى قىزمەت ورنىندا لەي فىڭنان ۇيرەنۋ ۇلگىلەرىنە تاڭدالعاندار مىنالار: اۆتونوميالى رايوندىق حالىق شيپاحاناسىنىڭ اعا شيپاگەرى ماينۇر نياز، ۋجياچۇي قالاسى قىزىلتۋ ەگىس الاڭى 3 ـ ليانىنىڭ زەينەتكە شىققان قىزمەتكەرى ما شيانمين. ماينۇر نياز جاتىر موينى راگىنەن ساقتانۋ، ەمدەۋ جانە زەرتتەۋگە ۇزاق ۋاقىت كۇش سالىپ، ۇجىمدى باستاپ جاپا ـ ماشاقاتتان قورىقپاي جاتىر موينى راگىن اداقتاپ تەكسەرۋ جانە ەرتە دياگنوز قويىپ، ەرتە ەمدەۋدى ورىستەتىپ، قاتەرلى وسپە وپەراتسياسىنان جانە كۇردەلى، قيىن وپەراتسيادان 20 مىڭنان استامىن ورىندادى، شينجياڭ جاتىر موينى راگى ساندى مالىمەت قويماسىن قۇرىپ، شينجياڭداعى ايەلدەردىڭ دەنساۋلىعىن قورعاۋعا كورنەكتى ۇلەس قوستى؛ ما شيانمين 2003 ـ جىلدان باستاپ قۇربان تۇڭعۇت شولىندە مىندەتتى تۇردە 2000 مۋدان استام جەرگە سەكسەۋىل اعاشىن ٴوسىرىپ، كەزىندەگى قىلتاناقسىز جەرلەردى ”جاساندى جاسىل القاپقا“ اينالدىردى.
