شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى قارادى، جوسپار بايانداماسىن، مەجە ەسەپ بايانداماسىن قاراپ تەكسەردى
ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن، لي يفي باياندامانى قاراۋعا قاتىناستى، ۋاڭ گۋاڭحۋا جيىنعا قاتىناسىپ پىكىر تىڭدادى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 6 ـ كۇنى بەيجيڭنەن حابارلايدى. 3 ـ ايدىڭ 6 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناسقان شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى، جوسپار بايانداماسىن جانە مەجە ەسەپ بايانداماسىن قاراپ تەكسەردى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن، لي يفي باياندامانى قاراۋعا قاتىناستى. جاراتىلىستىق بايلىق مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ گۋاڭحۋا، ەكولوگيالىق ورتا مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر گو فاڭ، قازىنا مينيسترلىگى پارتيا باسشىلىق گرۋپپاسىنىڭ مۇشەسى، مينيستردىڭ كومەكشىسى سۇڭ چيچاۋ جيىنعا قاتىناسىپ پىكىر تىڭدادى.
مەملەكەتتىك كەڭەس كەڭسەسىنىڭ، مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ، جاراتىلىستىق بايلىق مينيسترلىگىنىڭ، ەكولوگيالىق ورتا مينيسترلىگىنىڭ جانە ٴماجىلىس حاتشىلار باسقارماسىنىڭ قاتىستى جولداستارى جيىنعا قاتىناسىپ پىكىر تىڭدادى.
شينجياڭ ۋاكىلدەر ۇيىرمەسىندەگى ۋاكىلدەر جابال ٴسوز سويلەپ، ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن قۇپتايتىندىقتارىن ٴبىلدىردى ٴارى مەملەكەتتىڭ دامۋ جالپى جاعدايىنا قىزمەت وتەۋدى، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتى ىلگەرىلەتۋدى ارقاۋ ەتە وتىرىپ ۇسىنىس قويدى.
ۋاكىل شاۋكەت يمىن بىلاي دەدى: ۇكىمەت قىزمەتىنەن باياندامانىڭ ساياسي دەڭگەيى جوعارى، ستراتەگيالىق جوسپارى تەرەڭ، جۇيە كوزقاراسى كۇشتى، ساياسات ـ شاراسى ناقتى. وتكەن ٴبىر جىلداعى ناتيجەلەر وڭاي ـ وسپاق كەلگەن ەمەس، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، تۇتاس جىلدىق ەكونوميكانىڭ ارتۋىن، ورنىقتى بولۋىن، قايتا ورلەۋىن، ەكونوميكالىق، قوعامدىق دامۋدىڭ باستى نىسانالارىنىڭ تابىسپەن ورىندالۋىن ىلگەرىلەتتى. شينجياڭنىڭ دامۋى، العا باسۋى _ ەلىمىزدىڭ ەكونوميكالىق، قوعامدىق دامۋىنىڭ ىقشام كورىنىسى، اۆتونوميالى رايوندىق پارتكوم ٴار ۇلت كادر ـ بۇقاراسىن ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعامدىق كەلەلى جاعداي ورنىقتى بولعان، ەكونوميكا ورنىقتى اقاۋسىز دامىعان، حالىق تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى ساقتادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ٴارقايسى جاقتىڭ بەلسەندىلىگىن، ىرىقتىلىعىن جانە جاسامپازدىعىن تولىق جۇمىلدىرىپ، بيىلعى ٴتۇرلى نىسانا ـ مىندەتتەردى ورىنداۋعا شىنايى كەپىلدىك ەتۋ كەرەك.
ۋاكىل لي شيانفا بىلاي دەدى: ۇكىمەت قىزمەتىنەن بايانداما ٴارى قورجىنى توق ناتيجە ٴتىزىمى، ٴارى جۇرتتى شابىتتاندىراتىن جۇمىلدىرۋ بۇيرىعى بولىپتى. جوسپار بايانداماسى، مەجە ەسەپ بايانداماسى ۇكىمەت قىزمەتىنەن باياندامامەن ساباقتاسقان. وتكەن ٴبىر جىلدا، جۇڭگونىڭ ەكونوميكالىق، قوعامدىق دامۋىندا وڭايلىقپەن قول جەتە بەرمەيتىن تىڭ ناتيجەلەرگە قول جەتكىزىلدى. باس شۋجي شي جينپيڭ اراعا ٴبىر جىل سالىپ شينجياڭعا ٴوزى تاعى كەلىپ، ماڭىزدى ٴسوز سويلەدى، مەملەكەت شينجياڭدا ەركىن ساۋدا سىناق رايونىن قۇردى، شينجياڭ بۇرىن بولماعان تاريحي ورايدى قارسى الدى، تىنىش، بەرەكەلى، گۇلدەنىپ ـ كوركەيگەن، ەسىك اشقان، وزىنە سەنىمدى جاڭا بەينە جارىققا شىقتى. الداعى جەردە مەملەكەتتىك ەكى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، مىندەت وتەپ، جاۋاپكەرشىلىكتى ادا ەتىپ، شىنايى يگەرىپ، ناقتى ىستەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇلەس قوسامىز.
ۋاكىل تيان شياڭلي بىلاي دەدى: ۇكىمەت قىزمەتىنەن بايانداما ”ەكىنى تۇراقتاندىرۋدى“ باتىل قولداۋداعى، ”ەكىنى قورعاۋدى“ باتىل ورىنداۋداعى وسكەلەڭ سانالىلىقتى تولىق ايگىلەدى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدەگى سەنىمدى، بەكىمدى تولىق ايگىلەدى، حالىقتى بارىنەن جوعارى قويۋعا، بيلىكتى حالىق ٴۇشىن جۇرگىزۋگە تاباندى بولۋ سىندى باس ماقساتتى، تۇرعىنى تولىق ايگىلەدى. وتكەن ٴبىر جىل _ شينجياڭنىڭ دامۋ تاريحىنداعى بەلەستىك مانگە يە جىل، شينجياڭ قىزمەتىندە قول جەتكەن ناتيجەلەر جالپىعا ايان، اۋىز تولتىرىپ ايتارلىقتاي، قول جەتۋ وڭايعا تۇسكەن جوق. تۇتاس رايونداعى ٴتارتىپ تەكسەرۋ، باقىلاۋ ـ تەكسەرۋ جۇيەسى فۋنكتسيالىق ورنىنان باستان ـ اياق بۇلجىماي، قاتاڭ نەگىزگى اۋەن، قاتاڭ شارا، قاتاڭ راي ارقىلى ساياسي باقىلاۋدى كۇشەيتىپ، ستيلدى دۇرىستاپ، ٴتارتىپتى قاتايتىپ، مەملەكەتتىك ەكى ٴماجىلىستىڭ رۋحىن تياناقتاندىرۋدى، ناقتىلاندىرۋدى ىلگەرىلەتۋدى قامتاماسىز ەتەدى.
ۋاكىل چىن ۋيجۇن بىلاي دەدى: ۇكىمەت قىزمەتىنەن بايانداما قىزمەتتەردى وبيەكتيۆ، جان ـ جاقتى قورىتىندىلادى، شىنايى اتقارۋعا بولاتىن نىسانالاردى ايقىندادى، دالمە ـ ٴدال، پارمەندى شارالاردى جاسادى، ساياسي سيپاتتىڭ، حالىقتىق سيپاتتىڭ، امالياتتىق سيپاتتىڭ، داۋىرلىك سيپاتتىڭ ورگانيكالى بىرلىگىن ايگىلەدى، ۇلى تۋدى بيىك ۇستاعان، ٴتۇزىم ابزالدىلىعىن ايگىلەگەن، حالىق تىلەگىن قاناعاتتاندىرعان، تەلەگەي كۇش ۇيىستىرعان تاماشا بايانداما بولدى. وتكەن ٴبىر جىلدا، اۆتونوميالى رايوندىق پارتكوم تۇتاس رايونداعى ٴار ۇلت كادر ـ بۇقاراسىن ىنتىماقتاستىرىپ جانە باستاپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، شينجياڭنىڭ جوعارى ساپالى دامۋىن ىلگەرىلەتۋدە كورنەكتى ناتيجەگە قول جەتكىزدى. ٴبىز ۇكىمەت قىزمەتىنەن بايانداما تۇراقتاندىرعان نىسانا ـ مىندەتتەردى مۇقيات تياناقتاندىرىپ، دامۋدىڭ ىلگەرىلەتۋ قۋاتىن، كاسىپ سالاسىنىڭ باسەكەلىك قۋاتىن، ەسىك اشۋدىڭ جەتەكشىلىك قۋاتىن، قورشاعان ورتانىڭ باۋراۋ قۋاتىن، حالىققا تيىمدىلىك جاساۋدىڭ ىقپال قۋاتىن جوعارىلاتىپ، شينجياڭنىڭ جوعارى ساپالى دامۋىنا جاڭا ۇلەس قوسۋىمىز كەرەك.
ۋاكىل سارقىت اقان بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە شۇعىلالى تابىسقا قول جەتتى، شينجياڭنىڭ رەفورما، دامۋ، ورنىقتىلىق ىستەرىندە جاڭا كورنەكتى ناتيجەگە قول جەتتى. ٴبىز ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىن مىقتاپ يگەرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، ورايدى يگەرىپ، ابزالدىلىقتى ساۋلەلەندىرىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ويداعىداي ىستەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋىمىز كەرەك.
ۋاكىل ٴمامتىمىن قادىر بىلاي دەدى: ۇكىمەت قىزمەتىنەن بايانداما تۋدى بيىك ۇستاپ، جۇرت تىلەگىن ۇيىستىردى، سەنىمدى سەرپىلتىپ، ەكپىندەي ىلگەرىلەۋگە جەلپىندىردى. جوسپار بايانداماسى، مەجە ەسەپ بايانداماسى ورنىقتىلىقتى ماڭداي الدى ورىنعا قويۋ، ورنىقتىلىق بارىسىندا ىلگەرىلەۋ تالابى مەن عىلمي، ناقتى بولۋ رۋحىن ايگىلەدى. وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭنىڭ باسىم كوپ ٴبولىم ەكونوميكالىق كورسەتكىشىنىڭ ارتۋ جىلدامدىعى بۇكىل ەل بويىنشا الدىڭعى قاتاردا تۇرىپ، بۇكىل ەلدىڭ ەكونوميكالىق دامۋ كەلەلى جاعدايىنا بەلسەندى ۇلەس قوستى. الداعى جەردە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ارقاۋ ەتىپ، ۇلت، ٴدىن جاعىنداعى شەتەلگە ساياتىن زاڭمەن باسقارۋ زەرتتەۋىن تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە ۇلەس قوسامىز.
ۋاكىل شۋە بين بىلاي دەدى: ۇكىمەت قىزمەتىنەن بايانداما ەلىمىزدىڭ ەكونوميكالىق، قوعامدىق دامۋىنىڭ ٴىس جۇزىندىگىنە بۇكىلدەي ۇيلەسەدى، ۇدىرە العا تارتىپ، بورىشتى، ٴسوزسىز، ورىنداۋ سىندى سەنىممەن، بەكىممەن جوسپار جاساپ، تۇتاس تۇلعالىق ورنالاستىرۋ سىندى كورەگەندىكتى، شىندىققا جۇگىنىپ ناقتى ٴىس ىستەۋ، عىلمي، دالمە ـ ٴدال بولۋ سىندى جول شاراسىن، حالىقتى بارىنەن جوعارى قويۋ، حالىقتى نەگىز ەتۋ سىندى شىنايى سۇيىسپەنشىلىكتى ايگىلەدى. الداعى جەردە ساياسي دەڭگەيدى اناعۇرلىم جوعارىلاتىپ، جاڭالىق اشۋ وي جەلىسىن بەرىك ورناتىپ، تىڭعىلىقتى ىستەۋ ستيلىن اسقاقتاتىپ، قىزمەت قابىلەتىن جوعارىلاتىپ، مەملەكەتتىك ەكى ٴماجىلىستىڭ رۋحىن تۇتاس جىلدىق نىسانا ـ مىندەتتەردى جوعارى ساپالى ورىنداۋدىڭ ناقتى ارەكەتىنە شىنايى اينالدىرامىز.
ۋاكىل جين جىجىن بىلاي دەدى: وتكەن ٴبىر جىلدا مەملەكەتتىڭ جوعارى ساپالى دامۋ نەگىزى اناعۇرلىم بەكەمدەلدى، سەنىمى اناعۇرلىم ايقىندالدى، تابىستار حالىققا اناعۇرلىم تيىمدىلىك جەتكىزدى. اۆتونوميالى رايوندىق پارتكوم تۇتاس رايونداعى ٴار ۇلت كادر ـ بۇقاراسىن ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ادامدى جەلپىندىرەتىن ناتيجە ٴتىزىمىن تاپسىردى. الداعى جەردە جۇڭگو ۇلگىسىندەگى وسىزامانداندىرۋدى ىلگەرىلەتۋدى ەڭ ۇلكەن ساياسي ەتۋگە تاباندى بولىپ، جوعارى ساپالى دامۋدىڭ تالاپتارىن جاپپاي تياناقتاندىرىپ، اۆتونوميالى رايون قاراستىلىعىنداعى مەملەكەت مەنشىگىندەگى كاسىپورىنداردىڭ كەلەلى ستراتەگيا، عىلىم ـ تەحنيكادا جاڭالىق اشۋ سياقتىلارعا قىزمەت وتەۋ قابىلەتىن جوعارىلاتىپ، ٴتۇرلى قىزمەتتەردە تىڭ تابىسقا قول جەتكىزۋدى ىلگەرىلەتەمىز.
ۋاكىل باتۋ بىلاي دەدى: ۇكىمەت قىزمەتىنەن باياندامانىڭ ساياسي دەڭگەيى جوعارى، قىزمەتتى جوسپارلاۋى ناقتى، حالىقتىق سۇيىسپەنشىلىگى تەرەڭ. الداعى جەردە ۇكىمەت قىزمەتىنەن باياندامانى ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋمەن تىعىز ۇشتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىن يگەرىپ، ۋاقىت كۇتىپ تۇرمايدى، ورايدى يگەرۋ كەرەك دەيتىن جىگەر ـ قايراتپەن تياناقتاندىرۋدى ويداعىداي يگەرىپ، تۇتاس جىلدىق ەكونوميكالىق، قوعامدىق دامۋدىڭ نىسانا ـ مىندەتتەرىن جوعارى ساپالى، جوعارى ٴونىمدى ورىنداپ، بايىنعولين وبلىسىنىڭ وڭتۇستىك شينجياڭنىڭ جوعارى ساپالى دامۋىندا تىرەك بولۋىن، ۇلگى كورسەتۋىن ىلگەرىلەتەمىز.
شى گاڭ، عۇلامجان رەيىم، ماحمۇت ٴومارجان، ەلشات تۇرسىنباي، شيڭ گۋاڭچىڭ، مۇساجان عايرات، ايدىن تولەۋقان، گو حۇڭچۋان، اجياكبار ايسا قاتارلى ۋاكىلدەر ٴسوز سويلەدى.
مەملەكەتتىك حالىق قۇرىلتايىنىڭ ۋاكىلدەرى ۋاڭ ميڭشان، ٴدىلشات سايىم، گاۋ جيميڭ قاتارلىلار جيىنعا قاتىناستى. جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.
