انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 7 ـ كۇنى بەيجيڭنەن حابارلايدى، 3 ـ ايدىڭ 7 ـ كۇنى تۇستەن كەيىن مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسىپ جاتقان مەملەكەتتىك ساياسي كەڭەستىڭ شينجياڭدا تۇراتىن مۇشەلەرى سالالىق كەڭەس ماجىلىسىنە نەمەسە گرۋپپالار ماجىلىسىنە قاتىناسىپ، نازاردى ”مەملەكەتتىڭ ٴىرى ىستەرىنە“ شوعىرلاندىرىپ، ”حالىق ٴجىتى قاداعالاپ وتىرعان ىستەرگە“ جاۋاپ قايتارىپ، نازار اۋدارىپ وتىرعان قولامتالى ماسەلەلەر توڭىرەگىندە كەڭەس بەرىپ، ۇسىنىس قويدى. مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن گرۋپپا تالقىسىنا قاتىناستى.
جاڭا ساپالى وندىرگىش كۇشتەردى دامىتۋ مۇشەلەر قىزۋ تالقىلاعان ٴتۇيىن بولدى. ”جاڭا ساپالى وندىرگىش كۇشتەردى قالىپتاستىرۋدىڭ نەگىزى _ عىلىم ـ تەحنيكادا جاڭالىق اشۋ. شينجياڭدا كاسىپورىنداردىڭ، عىلمي زەرتتەۋ قۇرىلىمدارىنىڭ، جوعارى مەكتەپتەردىڭ عىلمي زەرتتەۋ قاراجاتى ۇسىنىلىمى سالىستىرمالى تۇردە جەتكىلىكسىز، عىلىم ـ تەحنيكا دارىندىلارى ٴبىرشاما تاپشى، عىلىم ـ تەحنيكادا جاڭالىق اشۋعا تۇساۋ بولاتىن ٴتۇزىلىس ـ مەحانيزم ماسەلەلەرى ٴالى دە ورىن تەۋىپ وتىر“. مۇشە مىڭ چيڭساي مىنالاردى ۇسىنىس ەتتى: دارىندىلاردى دامىتۋ قورىنان ويداعىداي پايدالانىپ، دارىندىلاردى سەپتەۋ، دارىندىلاردى ەنگىزۋ، دارىندىلار اينالىمى جانە سەلبەسىپ تاربيەلەۋ سياقتى مەحانيزمدەردى ساپالىلاندىرىپ، ينتەرنەت جەلىسىندە، جەلىدەن تىسقارىدا توعىسپالى تەحنيكا ساۋداسىنىڭ ٴىرى بازارىن قۇرىپ، كاسىپتىك جەتىلدىرۋ قۇرىلىمىن قۇرىپ، عىلىم ـ تەحنيكا جەتىستىكتەرىن كوشىرۋدى، كادەگە جاراتۋدى كۇشەيتۋ كەرەك.
جۇڭحۋا ۇلتى ورتاق تۇلعا تانىمىن بەرىك ورناتۋدى ارقاۋ ەتە وتىرىپ، مۇشەلەر بەلسەنە اقىل ـ كەڭەس بەردى. ”قازىرگى كەزەڭدە جاستار مەن وسپىرىمدەر اراسىندا جۇڭحۋا ۇلتى ورتاق تۇلعا تانىمىن ناقتى، اسەرلى، ٴونىمدى تۇردە بەرىك ورناتۋ جاعىندا جاستار مەن وسپىرىمدەردىڭ ۇيرەنۋ ىنتاسى مەن تانىم ەرەكشەلىگىنە ۇيلەسەتىن وقۋ ـ اعارتۋ بايلىعى كوپ بولماۋ، قىزمەت ٴتاسىلى مەن ٴادىسى ٴبىرشاما ٴداستۇرلى بولۋ، جالاڭ بولۋ، سيفرلاندىرۋ تەحنيكاسىنان پايدالانۋ جەتكىلىكتى بولماۋ سياقتى ماسەلەلەر ٴالى دە ورىن تەۋىپ وتىر“. مۇشە لياڭ يۇڭ مىنالاردى ۇسىنىس ەتتى: جوعارى مەكتەپتەردىڭ، عىلمي زەرتتەۋ قۇرىلىمدارىنىڭ جانە اقىل ـ پاراسات قويمالارىنىڭ، ت.ب رولىن ساۋلەلەندىرىپ، جۇڭحۋا ۇلتى ورتاق تۇلعاسىنا قاتىستى كەلەلى نەگىزدىك ماسەلەلەردى زەرتتەۋدى تەرەڭدەتۋ كەرەك. سونىمەن بىرگە جاراتىلىستىق كورىنىس، ايگىلى ەسكەرتكىشتەر، كىتاپحانا، مادەنيەت سارايى، مەكتەپ، الەۋمەتتىك اۋماق سياقتىلارعا سۇيەنىپ، جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسى امالياتتىق بازاسىنان ٴبىر توبىن ماڭدايشالىق اسىپ قۇرىپ، قوعامداعى قاۋىمدى ۇلتتاردىڭ ارالاسۋىن، ىشتەسۋىن، توعىسۋىن جەبەيتىن اناعۇرلىم كوپ مادەنيەت بايلىعىمەن جانە قىزمەت وتەۋىمەن قامداۋ كەرەك.
جوعارى ساپالى دامۋ، اۋىل شارۋاشىلىعى، اۋىل ـ قىستاق، شارۋالار، وقۋ ـ اعارتۋ، ەمدەۋ، قورشاعان ورتانى قورعاۋ، مادەنيەت قۇرىلىسى... مۇشەلەر ەكونوميكالىق، قوعامدىق دامۋدىڭ ٴار جاعىنا نازار اۋدارىپ، ماسەلەنى باعدار ەتۋدەن جازباي، نازاردى حالىق تۇرمىسىنداعى ٴجىتى قاداعالاپ وتىرعان ىستەرگە شوعىرلاندىرىپ، جوعارى ساپالى ۇسىنىس بەرۋ جەتىستىكتەرى ارقىلى كەلەلى جاعدايعا قىزمەت وتەدى.
”زەردەلى اۋىل شارۋاشىلىعى ٴداستۇرلى اۋىل شارۋاشىلىعىنىڭ وسى زامانعى اۋىل شارۋاشىلىعىنا بۇرىلىس جاساۋىن ىلگەرىلەتۋدىڭ ماڭىزدى تۇتقاسى رەتىندە، سوڭعى جىلدارى تەز قارقىنمەن دامىعانىمەن، جالپى تۇلعالىق جاقتان ٴالى دە العاشقى ساتىدا تۇر“. مۇشە جاڭ حۇي بىلاي دەدى: قازىر اۋىل ـ قىستاق ينتەرنەتى سياقتى ينفورماتسيا نەگىزدىك قۇرىلعىلارىنىڭ قامتۋ مولشەرىن ٴالى دە جوعارىلاتۋعا تۋرا كەلىپ وتىر. زەردەلى اۋىل شارۋاشىلىعىنىڭ سيفرلى نەگىزدىك قۇرىلعى قۇرىلىسىن كۇشەيتىپ، سيفرلاندىرۋ ارقىلى اۋىل شارۋاشىلىعىنىڭ دامۋىنا كۇش قوسۋدى ۇسىنىس ەتەمىن.
”سانجى حۇيزۋ اۆتونوميالى وبلىسىندا ماۋسىمدىق جەل كۇشتى، كۇن نۇرى جەتكىلىكتى، جەل، جارىق بايلىعى ايرىقشا مول، الايدا 750 كيلوۆولتتىق ەلەكتر جەتكىزۋ، كەرنەۋ وزگەرتۋ پۋنكتى جانە قاتىستى ەلەكتر جەتكىزۋ تورى جەتكىلىكسىز بولعاندىقتان، قازىر جەلىگە قوسۋعا بولاتىن جاڭا ەنەرگيا ەلەكتر كۇشى ۇشتەن ٴبىر بولىمگە دە جەتپەيدى“. سوندىقتان مۇشە ياڭ جيە سانجى وبلىسىنىڭ ”موريدىڭ وڭتۇستىگى، جياڭجۇنمياۋ، ۋسايۋاننىڭ سولتۇستىگى“ سىندى 750 كيلوۆولتتىق ەلەكتر جەتكىزۋ، كەرنەۋ وزگەرتۋ 3 ينجەنەرياسى مەن سايكەستى ەلەكتر تورابى قۇرىلىسىن قولداۋ تەبىنىن ارتتىرىپ، سانجى وبلىسىنىڭ شينجياڭنىڭ ەلەكترىن سىرتقا جەتكىزۋ تالابىن قاناعاتتاندىرۋعا ۇندەدى.
”سۋلياۋ جارعاق قالدىعىنىڭ لاستاۋىنان قايتكەندە ٴونىمدى تۇردە ساقتانۋعا، تىزگىندەۋگە بولادى _ بۇل رايونىمىز اۋىل شارۋاشىلىعىنىڭ جاسىل، باياندى دامۋىنداعى شەشۋشى ماسەلە، سونداي ـ اق رايونىمىزدىڭ اۋىل ـ قىستاقتى گۇلدەندىرۋىنە جانە ەكولوگيالىق وركەنيەت قۇرىلىسىنا ساياتىن ماڭىزدى ماسەلە“. مۇشە ۋاڭ ۋي بىلاي دەپ ۇندەدى: بيولوگيالىق ىدىرايتىن سۋلياۋ جارعاق رەتسەبىن زەرتتەپ اشۋ، ۇلگى كورسەتۋ، جالپىلاستىرۋ نىساندارىن قولداۋ تەبىنىن ارتتىرىپ، بيولوگيالىق ىدىرايتىن سۋلياۋ جارعاقتىڭ ماقتا، جۇگەرى، كوكونىس ەگۋدە قولدانىلۋىن جەبەۋ كەرەك.
مۇشە ساڭجيە جياسو ۇزاق ۋاقىت تەكسەرۋ ـ زەرتتەۋ جۇرگىزۋ ارقىلى نەگىزگى ساتىداعى مادەني ەسكەرتكىشتەردى قورعاۋدا كاسىپتىك دارىندىلاردىڭ جەتكىلىكسىز ەكەندىگىن بايقادى. ”ساياساتپەن جانە قارجىمەن قامتاماسىز ەتۋدى اناعۇرلىم كۇشەيتىپ، نەگىزگى ساتىداعى مادەني ەسكەرتكىشتەردى قورعاۋشىلاردىڭ مامىلەسىن شىنايى جوعارىلاتىپ، كاسىپتىك، باعىتتامالى باۋلۋ جانە ۇيرەنۋ ورىستەتىپ، نەگىزگى ساتىنىڭ مادەني ەسكەرتكىشتەردى قورعاۋ قىزمەتىنە قۋاتتى دارىندىلار تىرەگىن ازىرلەۋدى ۇسىنىس ەتەمىن“، ـ دەدى ول.
مەملەكەتتىك ساياسي كەڭەستىڭ مۇشەلەرى ليۋ ۋانلۇڭ، ەلزات احمەتجان، قادىلبەك قامزا، جاروللا يسامدين، ابدۇرىقىپ ٴتومۇرنياز، ليۋ جيانميڭ، حالمۇرات ابدىراحمان قاتارلىلار تالقىعا قاتىناستى.
