14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى ەكىنشى جالپى جيىنىن وتكىزدى
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار قاتىناستى
جاۋ لىجي مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
ەڭ جوعارى حالىق سوتى مەكەمەسىنىڭ قىزمەت بايانداماسىن جانە ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى
3 ـ ايدىڭ 8 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى بەيجيڭ حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى جاۋ لىجي جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.
□ سۋرەتتى شينحۋا اگەنتتىگىنىڭ ٴتىلشىسى ۋاڭ يە تۇسىرگەن
شينحۋا اگەنتتىگىنىڭ 3 ـ ايدىڭ 8 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى 3 ـ ايدىڭ 8 ـ كۇنى تۇستەن بۇرىن بەيجيڭ حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جيىنعا قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى جاۋ لىجي جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. جاۋ لىجي باياندامادا بىلاي دەپ اتاپ كورسەتتى: 2023 ـ جىل _ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدەگى باستاما جىل، 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ زاڭ بويىنشا مىندەت وتەۋىندەگى ٴبىرىنشى جىل. مەملەكەتتىك حالىق قۇرىلتايىنىڭ تۇراقتى كوميتەتى پارتيا 20 ـ قۇرىلتايىنىڭ رۋحىن جاپپاي ۇيرەنىپ، دايەكتىلەندىرىپ، جاڭا داۋىردەگى جاڭا جورىقتا حالىق قۇرىلتايىنا جۇكتەلگەن بورىشتى، مىندەتتى دالمە ـ ٴدال يگەرىپ، دامۋ اۋقىمىنا جانە ٴداۋىر تالابىنا ىرىقتىلىقپەن سايكەسىپ، ”ەكىنى تۇراقتاندىرۋدىڭ“ شەشۋشى ٴمانىن ىشكەرىلەي ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىق قۇرىلتايى قىزمەتىنىڭ ۇلكەن بەتالىسىنان، ۇلكەن پرينسيبىنەن، ۇلكەن قيسىنىنان جازباي، ورنىقتىلىق بارىسىندا ىلگەرىلەۋ ارقىلى حالىق قۇرىلتايى قىزمەتىنىڭ جوعارى ساپالى دامۋىن جەبەدى.
جاۋ لىجي باياندامادا بىلاي دەپ اتاپ كورسەتتى: ٴبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى ورتالىقتىڭ حالىق قۇرىلتايى قىزمەتى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، حالىق قۇرىلتايى قىزمەتىنىڭ تىڭ ىلگەرىلەۋشىلىككە، جاڭا ناتيجەلەرگە قول جەتكىزۋىن ىلگەرىلەتىپ، تاماشا باستامانى جۇزەگە اسىردى. ٴبىرىنشى، نەگىزگى زاڭ رۋحىن اسقاقتاتىپ، نەگىزگى زاڭداعى بورىشتى اتقارىپ، نەگىزگى زاڭنىڭ اتقارىلۋ جانە باقىلاۋ دەڭگەيىن جوعارىلاتتى. نەگىزگى زاڭنىڭ اتقارىلۋىنا كەپىلدىك ەتەتىن زاڭ ـ تۇزىمدەردى اقاۋسىزداندىرىپ، وتانشىلدىق تاربيە زاڭىن جاسادى، مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىن 2 رەت قارادى ٴارى وسى رەتكى ٴماجىلىستىڭ قاراۋىنا ۇسىنۋدى ۇيعاردى. ەكىنشى، زاڭ شىعارۋ ساپاسىن جوعارىلاتۋ سىندى تەتىكتى مىقتى ۇستاپ، جۇڭگوشا سوتسياليستىك زاڭ جۇيەسىنىڭ اناعۇرلىم عىلمي دا كەمەلدى، ٴبىر تۇتاس، قۇزىرلى بولۋىن ىلگەرىلەتتى. ٴبىر جىلدان بەرى جيىنى 34 زاڭ جوباسىن قارادى، 21 زاڭ جوباسىن ماقۇلدادى. مۇنىڭ ىشىندە 6 زاڭ شىعارۋ، 8 زاڭعا وزگەرىس ەنگىزۋ، زاڭدىق ماسەلەلەر مەن كەلەلى ماسەلەلەرگە قاتىستى 7 قاۋلى جاساۋ قامتىلعان. ٴۇشىنشى، نەگىزگى زاڭ مەن زاڭداردا حالىق قۇرىلتايىنا جۇكتەلگەن باقىلاۋ ۇقىعىنان ويداعىداي پايدالانىپ، باقىلاۋ قىزمەتىنىڭ باعىتتامالىلىعىن، ونىمدىلىگىن كۇشەيتتى. ”ۇكىمەتتىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ“ 22 بايانداماسىن تىڭدادى جانە قارادى، 5 زاڭنىڭ اتقارىلۋ احۋالىن تەكسەردى، 2 رەت ارناۋلى تاقىرىپتىق سۇراستىرۋدى، 7 ٴتۇرلى ارناۋلى تاقىرىپتىق تەكسەرۋ ـ زەرتتەۋدى ۇيىمداستىرىپ ورىستەتتى، 2 قارار شىعاردى. زاڭ بويىنشا، بەلگىلەمە بويىنشا بۇقارادان كەلگەن 157 مىڭ 212 (رەت) ارىز ـ ارماندى ٴبىتىردى. ٴتورتىنشى، حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىن كۇشەيتىپ، ۋاكىلدەردىڭ زاڭ بويىنشا اناعۇرلىم ويداعىداي مىندەت وتەۋىنە قولداۋ كورسەتتى جانە ونى قامتاماسىز ەتتى. ۋاكىلدەر قىزمەتى كوميتەتىنىڭ قۇرىلۋىن وراي ەتىپ، تۇراقتى كوميتەتتىڭ ۋاكىلدەرمەن بايلانىسىن، ۋاكىلدەردىڭ حالىق بۇقاراسىمەن بايلانىسىن كۇشەيتۋدى تۇتقا ەتىپ، ۋاكىلدەر قىزمەتىن تەرەڭدەتتى جانە كەڭەيتتى. بەسىنشى، مەملەكەتتىڭ جالپى تۇلعالىق ديپلوماتياسىنا بويسۇنىپ جانە وعان قىزمەت كورسەتىپ، حالىق قۇرىلتايىنىڭ شەتەلدەرمەن بارىس ـ كەلىسىن بەلسەنە ورىستەتتى. التىنشى، ”ٴتورت ورگان“ ورىن تۇراقتاندىرۋى جانە تالابى بويىنشا، تۇراقتى كوميتەتتىڭ وزىندىك قۇرىلىسىن جاپپاي كۇشەيتتى.
باياندامادا جاۋ لىجي بىلاي دەپ اتاپ كورسەتتى: ٴبىز قىزمەتتە ٴالى دە ٴىشىنارا پارىقتىڭ جانە جەتەرسىزدىكتەردىڭ بار ەكەندىگىن سەرگەكتىكپەن تانىپ جەتىپ، ۋاكىلدەردىڭ جانە ٴارقايسى جاقتىڭ پىكىرلەرىنە، ۇسىنىستارىنا كىشى پەيىلدىكپەن قۇلاق اسىپ، حالىقتىڭ باقىلاۋىن سانالىلىقپەن قابىلداپ، قىزمەتتەردى ۇزدىكسىز كۇشەيتەمىز جانە جاقسارتامىز.
باياندامادا جاۋ لىجي بىلاي دەپ اتاپ كورسەتتى: 2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى جىل، سونداي ـ اق مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى. مەملەكەتتىك حالىق قۇرىلتايى تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جالپى بارىستىق حالىق دەموكراتياسىن دامىتىپ، نەگىزگى زاڭ مەن زاڭداردا جۇكتەلگەن زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ جانە مىندەتتەن قالدىرۋ ۇقىعىن مۇقيات جۇرگىزىپ، حالىق قۇرىلتايى قىزمەتىنىڭ جوعارى ساپالى دامۋىن ورنىقتىلىق بارىسىندا العا باسا ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن زاڭمەن باسقارۋ قامتاماسىزدىعىن ازىرلەۋى كەرەك.
جاۋ لىجي باياندامادا الداعى ٴبىر جىلداعى مىندەتتەردى ورنالاستىردى: نەگىزگى زاڭنىڭ اتقارىلۋىن جانە باقىلاۋدى كۇشەيتۋ؛ جۇڭگوشا سوتسياليستىك زاڭ جۇيەسىن كەمەلدەندىرۋ؛ باقىلاۋ قىزمەتىن تىڭعىلىقتى، ٴونىمدى تۇردە ويداعىداي ىستەۋ؛ حالىق قۇرىلتايى ۋاكىلدەرىنىڭ رولىن تولىق ساۋلەلەندىرۋ؛ حالىق قۇرىلتايىنىڭ شەتەلدەرمەن بارىس ـ كەلىسىن كەڭەيتۋ جانە تەرەڭدەتۋ؛ تۇراقتى كوميتەتتىڭ وزىندىك قۇرىلىس دەڭگەيىن جوعارىلاتۋ. مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ قيمىلدارىن دەن قويا ۇيىمداستىرىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرۋ كەرەك.
ەڭ جوعارى حالىق سوتى مەكەمەسىنىڭ باستىعى جاڭ جۇن ەڭ جوعارى حالىق سوتى مەكەمەسىنىڭ قىزمەت بايانداماسىندا بىلاي دەپ اتاپ كورسەتتى: 2023 ـ جىلى ەڭ جوعارى حالىق سوتى مەكەمەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن ادالدىقپەن اتقارىپ، نازاردى ”ادىلدىك جانە ونىمدىلىك“ سىندى قىزمەت نەگىزگى تاقىرىبىنا شوعىرلاندىرىپ، بەلسەندى ٴادىليا جۇرگىزۋگە تاباندى بولىپ، كەلەلى جاعدايعا قىزمەت كورسەتۋدى، حالىق ٴۇشىن ٴادىليا جۇرگىزۋدى ىشكەرىلەي ىستەپ، ناقتى ىستەپ، سوت قىزمەتىنىڭ وسىزاماندانۋعا قاراي نىق قادام تاستاۋىن ىلگەرىلەتتى. ەڭ جوعارى حالىق سوتى مەكەمەسى 21 مىڭ 81 دەلونى قابىلداپ، 17 مىڭ 855 دەلونى قاراپ اياقتاتتى، بۇل بىلتىرعى سايكەس مەزگىلدەگىدەن جەكە ـ جەكە %54.6، %29.5 ارتتى. بۇكىل ەلدەگى ٴار دارەجەلى سوت مەكەمەلەرى 45 ميلليون 574 مىڭ دەلونى قابىلداپ، 45 ميلليون 268 مىڭ دەلونى قاراپ اياقتاتتى، بۇل بىلتىرعى سايكەس مەزگىلدەگىدەن جەكە ـ جەكە %15.6، %13.4 ارتتى.
باياندامادا جاڭ جۇن 2023 ـ جىلعى قىزمەتتەرگە 5 جاقتان قايىرىلا قارادى: ٴبىرىنشى، كەلەلى جاعدايعا قىزمەت كورسەتۋدى ناقتى ىستەپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ىرىقتى ٴادىليا ارقىلى قامتاماسىز ەتتىك؛ ەكىنشى، ٴادىليانى حالىق ٴۇشىن جۇرگىزۋدى ناقتى ىستەپ، حالىق تۇرمىسىنىڭ قۇت ـ ىرىسىن ىرىقتى ٴادىليا ارقىلى قامتاماسىز ەتتىك جانە نىعايتتىق؛ ٴۇشىنشى، الدىڭعى بولىكتى يگەرۋ، اۋرۋدان ساقتانۋدى ناقتى ىستەپ، مەملەكەت پەن قوعامدى باسقارۋدى ىرىقتى ٴادىليا ارقىلى جەبەدىك، ىلگەرىلەتتىك؛ ٴتورتىنشى، سوت ىستەرىن باسقارۋ مەن قوسىن قۇرىلىسىن ناقتى ىستەپ، ٴادىليانىڭ ٴادىل بولۋىن ىرىقتى مىندەت اتقارۋ ارقىلى قامتاماسىز ەتتىك؛ بەسىنشى، باقىلاۋدى سانالىلىقپەن قابىلداپ، جالپى بارىستىق حالىق دەموكراتياسىن ىرىقتى مىندەت اتقارۋ ارقىلى امالياتتا ايگىلەدىك.
جاڭ جۇن باياندامادا مىنانى ٴبىلدىردى: 2024 ـ جىلى حالىق سوتى مەكەمەسى شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، جۇڭگو ۇلگىسىندەگى وسىزامانداندىرۋعا سوت قىزمەتىنىڭ وسىزاماندانۋى ارقىلى قۇلشىنا تىرەك بولۋ جانە قىزمەت كورسەتۋى كەرەك. ىرىقتى ٴادىلياعا تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋمەن تىعىز ۇشتاستىرىپ مىندەت وتەپ، جاۋاپكەرشىلىكتى ادا ەتۋ كەرەك؛ ساپاسىن جوعارىلاتىپ، ونىمدىلىگىن ارتتىرۋدى مىقتى يگەرىپ، سوت قىزمەتىنىڭ وسىزاماندانۋىن جەدەل ىلگەرىلەتۋ كەرەك؛ باقىلاۋ جۇيەسىن كەمەلدەندىرىپ، اۋىر مىندەت ارقالاي الاتىن سوت مەكەمەسى قۇرىش قوسىنىن كۇش سالا سومداۋ كەرەك. سەنىمدى بەكەمدەۋ، ٴورىس اشا العا ىلگەرىلەۋ، شىندىققا جۇگىنىپ ناقتى ىستەۋ، جاۋاپكەرشىلىك ارقالاپ ىسكەرلىك كورسەتۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.
ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ ەڭ جوعارى حالىق پروكۋراتۋراسىنىڭ قىزمەت بايانداماسىندا بىلاي دەپ اتاپ كورسەتتى: 2023 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى نەگىزگى زاڭ مەن زاڭداردا جۇكتەلگەن زاڭدىق باقىلاۋ قىزمەت جاۋاپكەرشىلىگىن ادالدىقپەن اتقارىپ، ٴاربىر دەلونى جوعارى ساپامەن، جوعارى ونىمدىلىكپەن ويداعىداي ٴبىتىرىپ، پروكۋراتۋرا قىزمەتتەرىندە تىڭ ىلگەرىلەۋشىلىككە قول جەتكىزدى. بۇكىل ەلدىڭ پروكۋراتۋرا ورگاندارى جيىنى 4 ميلليون 253 مىڭ ٴار ٴتۇرلى دەلونى ٴبىتىردى، بۇل بىلتىرعى سايكەس مەزگىلدەگىدەن %28.9 جوعارىلادى.
باياندامادا يىڭ يۇڭ 2023 ـ جىلعى قىزمەتتەرگە قايىرىلا قارادى: ٴبىرىنشى، كەلەلى جاعدايعا قىزمەت كورسەتىپ، پروكۋراتۋرانىڭ قىزمەت فۋنكتسياسىن تولىق اتقارىپ، ورنىقتىلىقتى قورعاپ، دامۋدى جەبەدىك؛ ەكىنشى، حالىق ٴۇشىن ٴادىليا جۇرگىزىپ، پروكۋراتۋرانىڭ مىندەت وتەۋى بارىسىندا حالىق تۇرمىسىن قامتاماسىز ەتتىك جانە جاقسارتتىق؛ ٴۇشىنشى، زاڭمەن باسقارۋدا جاۋاپكەرشىلىك ارقالاپ، پروكۋراتۋرانىڭ باقىلاۋى ارقىلى قوعامدىق ادىلدىكتى، تۋراشىلدىقتى جەبەدىك؛ ٴتورتىنشى، حالىقتىڭ باقىلاۋىن قابىلداپ، پروكۋراتۋرا ۇقىعىنىڭ زاڭ بويىنشا، دۇرىس اتقارىلۋىنا شىنايى كەپىلدىك ەتتىك؛ بەسىنشى، وزىندىك قۇرىلىستى كۇشەيتىپ، جاڭا داۋىردەگى پروكۋراتۋرا قۇرىش قوسىنىن سومدادىق.
يىڭ يۇڭ باياندامادا بىلاي دەپ اتاپ كورسەتتى: 2024 ـ جىلى بۇكىل ەلدەگى پروكۋراتۋرا ورگاندارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، ساياسي جاقتى كوزدەپ، زاڭمەن باسقارۋ جاعىنان كۇش سالىپ، شي جينپيڭ زاڭمەن باسقارۋ يدەياسىنىڭ پروكۋراتۋرا امالياتىن ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋعا پروكۋراتۋرا قىزمەتىنىڭ وسىزاماندانۋى ارقىلى تىرەك بولۋى جانە قىزمەت كورسەتۋى كەرەك. پارتيانىڭ پروكۋراتۋرا قىزمەتىنە شارتسىز باسشىلىعىنا باستان ـ اياق تاباندى بولىپ، مەملەكەت حاۋىپسىزدىگىن، قوعام ورنىقتىلىعىن، حالىقتىڭ تىنىشتىعىن باتىل قورعاپ، جوعارى ساپالى دامۋ سىندى جاڭا داۋىردەگى بۇلجىماس قيسىنعا زاڭ بويىنشا قىزمەت كورسەتىپ، زاڭدىق باقىلاۋ قىزمەت جاۋاپكەرشىلىگىن جوعارى ساپامەن، جوعارى ونىمدىلىكپەن اتقارىپ، حالىق بۇقاراسى تيىمدىلىكتى سەزىنە الاتىن پروكۋراتۋرانىڭ حالىق ٴۇشىن ىستەۋىن ناقتىلاندىرىپ، زاڭدىق باقىلاۋ قابىلەتىن بۇلجىماس تاباندىلىقپەن جوعارىلاتىپ، حالىق پروكۋراتۋراسى ىستەرىنىڭ جاڭا جاعدايىن اشۋعا قۇلشىنۋى كەرەك.
جيىنعا قاتىناسۋعا ٴتيىستى ۋاكىل 2956، قاتىناسقان ۋاكىل 2877، 79 ۋاكىل قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى لي حۇڭجۇڭ باسقاردى.
بۇگىن ” 8 ـ ناۋرىز“ حالىقارالىق ەڭبەكشى ايەلدەر مەرەكەسى، جيىن ٴماجىلىس ٴتوراعالار القاسى اتىنان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ٴار ۇلت، ٴار سالاداعى ايەلدەرگە، دۇنيە جۇزىندەگى ٴار ەلدەگى ايەلدەرگە مەرەكەلىك قۇتتىقتاۋ جانە تاماشا تىلەك جولدادى.
ٴماجىلىستىڭ اتقارۋشى ٴتوراعالارى يۇي ۋيگو، ۋاڭ نيڭ، ۋاڭ شياۋحۇي، ۋاڭ مىڭحۇي، بايىنچاۋلۋ، فىڭ في، ليۋ يلياڭ، سۇن شاۋچىڭ، دۋ جياحاۋ، لي شيۋليڭ، ياڭ شياۋچاۋ، جاڭ يوۋشيا، چىڭ گاڭ، لين ۋ، ي ليانحۇڭ، جوۋ زۋ ـ ي، جاۋ يدى، ٴزۇمىرات وبۇل، ني يۋەفىڭ، حۋاڭ ليشين، حۋاڭ چۋپيڭ، جيڭ جۇنحاي، لو شۋگاڭ ٴتوراعالار مىنبەسىندەگى اتقارۋشى ٴتوراعالار ورنىنا جايعاستى.
