شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى
ما شيڭرۇي، ەركىن تۇنياز، ٴزۇمىرات وبۇل، شاۋكەت يمىن، لي يفي باياندامانى قاراۋعا قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 8 ـ كۇنى بەيجيڭنەن حابارلايدى. 3 ـ ايدىڭ 8 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى گرۋپپا جيىنىن اشىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى.
مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، ەركىن تۇنياز، ٴزۇمىرات وبۇل، شاۋكەت يمىن، لي يفي قاتارلىلار باياندامانى قاراۋعا قاتىناستى.
باياندامانى قاراۋ بارىسىندا ۋاكىلدەر بەلسەنە ٴسوز سويلەپ، تالقى جۇرگىزدى. ۋاڭ كۇيران، ٴدولاتمان كايمىك، ميناۋار ابيبوللا، قۇربان نياز، زويا باقىت، ٴدىلمۇرات اسميتۇللا، جۋ گۋاڭلان، جىڭ يۇيفىڭ، ما يا ـ نان، ٴومارجان قۇربان، گۇلميرا داۋلەت، لي لان، لي يۇنفي، ٴنۇربيا سەيىت قاتارلى ۋاكىلدەر ٴسوز سويلەدى. ولار مىنالاردى ٴبىلدىردى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىندا شي جينپيڭ زاڭمەن باسقارۋ يدەياسى جانە باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسى تولىق ايگىلەنگەن، پارتيا 20 ـ قۇرىلتايىنىڭ رۋحى جانە ورتالىقتىڭ حالىق قۇرىلتايى قىزمەتى ٴماجىلىسىنىڭ ورنالاستىرۋلارى، تالاپتارى تولىق ايگىلەنگەن، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ جانە مەملەكەتتى زاڭمەن باسقارۋدىڭ ورگانيكالى بىرلىگى تولىق ايگىلەنگەن، كۇشتى ساياسي سيپات، امالياتتىق سيپات، حالىقتىق سيپات ايگىلەنگەن، ٴبىز بۇل باياندامانى بۇكىلدەي قۇپتايمىز. وتكەن ٴبىر جىلدا مەملەكەتتىك حالىق قۇرىلتايى تۇراقتى كوميتەتى پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، حالىق قۇرىلتايى قىزمەتىنىڭ جالپى بەتالىسىن، ۇلكەن پرينسيبىن، ۇلكەن قيسىنىن مىقتاپ يگەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ىرىقتىلىقپەن قىزمەت وتەۋگە تاباندى بولىپ، نەگىزگى زاڭدى تاباندىلىقپەن، پارمەندى دايەكتىلەندىرىپ، اتقارىپ، جوعارى ساپالى زاڭ شىعارۋدى ۇزدىكسىز ىلگەرىلەتتى، زاڭ بويىنشا باقىلاۋى پارمەندى، ٴونىمدى بولدى، ۋاكىلدەر قىزمەتىنىڭ جۇمىس مەحانيزمى اناعۇرلىم كەمەلدەنىپ، حالىق دەموكراتياسىن امالياتتا ايگىلەۋ جانە دامىتۋ بارىسىندا جاڭا جاۋاپكەرلىك ارقالاپ، تىڭ ىسكەرلىك كورسەتىپ، پارتيا مەن مەملەكەت ىستەرىنىڭ دامۋىن ىلگەرىلەتۋگە بەلسەندى ۇلەس قوستى.
ۋاكىلدەر مىنالاردى ٴبىلدىردى: مەملەكەتتىك حالىق قۇرىلتايى ۋاكىلدەرى حالىق جۇكتەگەن داڭقتى مىندەت جاۋاپكەرشىلىگىن ارقالاپ وتىر. ساياسي تۇرعىدا شىنايى بەرىك تۇرىپ، ساياسي جاۋاپكەرشىلىكتى باتىل اتقارىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى ەڭ ۇلكەن ساياسيدى مىقتاپ يگەرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭنىڭ رەفورما، دامۋ، ورنىقتىلىق ٴبىرىنشى شەبىندە ىشكەرىلەي تەكسەرۋ ـ زەرتتەۋ جۇرگىزىپ، حالىقپەن ەتەنە بولىپ، ناقتى جاعدايدى تەكسەرىپ، حالىقتىڭ ۇنىنە قۇلاق اسىپ، شينجياڭنىڭ نەگىزگى ساتىنى باسقارۋ دەڭگەيىن جوعارىلاتۋ، ۇلتتار ىنتىماعىن بەكەمدەۋ، دامىتۋ، ەكونوميكانىڭ جوعارى ساپالى دامۋىن ىلگەرىلەتۋ سياقتى ٴتۇيىندى قىزمەتتەردى ارقاۋ ەتە وتىرىپ مۇقيات زەرتتەۋ جۇرگىزىپ، جوبا جاساپ، اناعۇرلىم كوپ، اناعۇرلىم باعىتتامالى جانە سىندارلى ۇسىنىس ـ پىكىرلەردى العا قويىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن جەدەل ىلگەرىلەتۋگە، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە تىڭ دا اناعۇرلىم زور ۇلەس قوسامىز.
مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، چىن ۋيجۇن، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ، ٴدىلشات سايىم، گاۋ جيميڭ باياندامانى قاراۋعا قاتىناستى، جياڭ شينجۇن، دۋ حۇڭيان قاتارلىلار سىرتتاي قاتىناستى.
