انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 8 ـ كۇنى بەيجيڭنەن حابارلايدى. 3 ـ ايدىڭ 8 ـ كۇنى تۇستەن كەيىن مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسىپ جاتقان مەملەكەتتىك ساياسي كەڭەستىڭ شينجياڭدا تۇراتىن مۇشەلەرى جەكە ـ جەكە ٴارقايسى سالالىق گرۋپپالاردا ەڭ جوعارى حالىق سوتى مەكەمەسىنىڭ قىزمەت بايانداماسىن جانە ەڭ جوعارى حالىق پروكۋراتۋراسىنىڭ قىزمەت بايانداماسىن تالقىلادى. مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن گرۋپپا تالقىسىنا قاتىناستى.
مۇشەلەر بىلاي دەپ قارادى: ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت بايانداماسىنا شي جينپيڭ زاڭمەن باسقارۋ يدەياسى باستان ـ اياق سىڭىرىلگەن، ناتيجەلەردى وبيەكتيۆ، جان ـ جاقتى قورىتىندىلاعان، ماسەلەلەرگە شىندىقتى ٴىس جۇزىنەن ىزدەي وتىرىپ تالداۋ جاساعان، قىزمەتتەردى عىلمي، ناقتى ورنالاستىرعان، ساياسي دەڭگەيى، زاڭمەن باسقارۋ تەبىنى، حالىق تۇرمىسىنا پايداسى بار جاقسى بايانداما بولدى. وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، نەگىزگى زاڭ مەن زاڭداردا جۇكتەلگەن قاسيەتتى مىندەت جاۋاپكەرشىلىگىن ادالدىقپەن وتەپ، جۇڭگو ۇلگىسىندەگى وسىزامانداندىرۋمەن ىرىقتىلىقپەن توعىسىپ جانە وعان قىزمەت وتەپ، جوعارى ساپالى دامۋ مەن جوعارى دەڭگەيلى حاۋىپسىزدىكتى بەلسەنە قامتاماسىز ەتىپ، حالىقتى وزەك ەتۋگە تاباندى بولىپ، نازاردى ٴادىليانى حالىق ٴۇشىن جۇرگىزۋگە شوعىرلاندىرىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشىپ، ٴادىليا ٴتۇزىلىسى رەفورماسىن ىشكەرىلەي ىلگەرىلەتىپ، ىسىلعان ٴادىليا قوسىنىن شىڭداپ، ٴتۇرلى قىزمەتتەردە تىڭ ىلگەرىلەۋشىلىككە قول جەتكىزىپ، جوعارى ساپالى ”ٴادىليا جاۋابىن“ تاپسىردى.
مۇشە دوۋ گاڭگۇي بىلاي دەپ قارادى: ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ قىزمەت بايانداماسى شىندىقپەن سويلەۋگە، ساندى مالىمەتتى تىرەك ەتۋگە، دەلو مىسالىمەن تۇسىندىرۋگە باسا ٴمان بەرىپ، جاڭا داۋىردەگى زاڭمەن باسقارىلاتىن جۇڭگو قۇرىلىسىنىڭ جاڭا تابىستارىن كورسەتىپ، بەلسەندى ٴادىليا ۇستانىمىن ايگىلەدى. اسىرەسە، ەلىمىز شەكاراسى ىشىندەگى تۇڭعىش جەكەگە ساياتىن كۇيرەۋ دەلوسىن قاراپ اياقتاتۋ، اتقارىپ اياقتاتۋ، ساتىلعان تاۋار ٴۇيدى ٴبىتىرىپ تاپسىرۋ قيىن بولۋ داۋ ـ شارىندا قارىز تولەتۋ ۇقىعى بويىنشا تولەم الۋ ٴتارتىبىن ايقىنداۋ سياقتىلاردا ٴادىليانىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىردى.
زاڭمەن باسقارۋ _ ەڭ جاقسى شارۋاشىلىق ـ ساۋدا ورتاسى. مۇشە ليۋ ۋي ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ وزدەرىنىڭ مىندەت جاۋاپكەرشىلىگى مەن بورىشىن تياناق ەتىپ، زاڭمەن باسقارىلاتىن شارۋاشىلىق ـ ساۋدا ورتاسىن كۇش سالا قالىپتاستىرعاندىعىنا نازار اۋداردى. ەڭ جوعارى حالىق سوتى مەكەمەسىنىڭ قىزمەت بايانداماسىنداعى حالىقتىق كاسىپورىنداردىڭ مال ـ مۇلىك ۇقىعى مەن كاسىپورىنشىلاردىڭ زاڭدى ۇقىق ـ مۇددەسىن زاڭ بويىنشا قورعاۋ، ورتا، شاعىن كاسىپورىنداردىڭ شۇعىل قيىنشىلىعىن كۇش سالا شەشۋ جونىندەگى شاراسى ليۋ ۋيدى ەرەكشە جەلپىندىردى. ”ەڭ جوعارى حالىق سوتى مەكەمەسى زاڭمەن باسقارۋ ورتاسىن ساپالىلاندىرىپ، حالىقتىق شارۋاشىلىقتىڭ دامۋىن، زورايۋىن جەبەۋ جونىندەگى 27 تارماقتى پىكىردى جاساپ، زاڭ بويىنشا تەڭ تۇرعىدا قورعاۋ پرينسيبىن ٴادىليالىق ساياساتتارمەن توعىستىرىپ، جەكە دەلولاردى ٴبىر جاقتى ەتۋدە تياناقتاندىرىپ، حالىقتىق كاسىپورىنداردىڭ جوعارى ساپالى دامۋىن شىنايى سۇيىسپەنشىلىكپەن، ناقتى شارالارمەن جەبەپ، حالىقتىق كاسىپورىندار مەن حالىقتىق كاسىپكەرلەردى ٴوز ادامدارىنداي كورىپ، كاسىپكەرلەردىڭ بار زەيىنىمەن شارۋاشىلىق قۇرۋىنا، الاڭسىز قارجى قوسۋىنا، الاڭسىز شارۋاشىلىق جۇرگىزۋىنە مۇمكىندىك جاسادى“. ول مىنالاردى ٴبىلدىردى: ورايدى مىقتى يگەرىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، شينجياڭ سىندى وسىناۋ قارجى قوسىپ، شارۋاشىلىقتى شالقىتاتىن ىرىستى توپىراقتا ۇزدىكسىز دامىپ، زورايىپ، ەكونوميكانىڭ جوعارى ساپالى دامۋىنا كۇش قوسامىز.
مۇشە مۇقتابار ابدۇل بىلاي دەدى: ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى ”ەگەر ارىزدانۋشى مەن بولسام“ ۇستانىمىن بەرىك ورناتىپ، ٴبىر قىدىرۋ ٴادىليالىق جاسامپاز شارالاردى العا قويىپ، قوعامدىق ادىلدىك پەن تۋراشىلدىقتى قورعاۋدىڭ قۇن تالپىنىسىن ايگىلەدى. اسىرەسە، ازاماتتىق زاڭنامانى دايەكتى اتقارىپ، ەمدەۋ قۇرىلىمدارىنىڭ ەمدەۋ بورىشىن مۇقيات وتەسە نەمەسە سول كەزدەگى ەمدەۋ ورەسىنىڭ شەكتەمەلىلىگىنەن ەمدەي الماسا جاۋاپكەرشىلىك ارقالامايتىنىن ايقىنداپ، شيپاگەرلەردىڭ زاڭدى ۇقىق ـ مۇددەسىن زاڭ بويىنشا قورعاپ، قالىڭ ەمدەۋ قىزمەتكەرلەرىن ايرىقشا مەيىرگە بولەدى.
مۇشە ما حۋادۇڭ ەل ىشىندەگى زاڭمەن باسقارۋ مەن شەتەلگە ساياتىن زاڭمەن باسقارۋدى ۇشتاستىرۋ ماسەلەسىنە ايرىقشا نازار اۋداردى. ەڭ جوعارى حالىق سوتى مەكەمەسىنىڭ قىزمەت بايانداماسىندا حالىقارالىق ساۋدا ىستەرى داۋ ـ شارىن كوپ نەگىزدى شەشۋ تۇعىرى قۇرىلىسىن تەرەڭدەتىپ، ارىز ـ شاعىم مەن تورەلىك ايتۋدىڭ، جاراستىرۋدىڭ ورگانيكالى ۇشتاسۋىن جەبەۋ اتاپ كورسەتىلدى. ما حۋادۇڭ بىلاي دەپ قارادى: ەلىمىزدىڭ رەفورمانى جاپپاي تەرەڭدەتۋىنە جانە ەسىك اشۋدى كەڭەيتۋىنە بايلانىستى، كاسىپورىنداردىڭ حالىقارادا زاڭمەن باسقارۋ مەن ەرەجەلەردەن پايدالانىپ ٴوزىنىڭ زاڭدى ۇقىق ـ مۇددەسىن قورعاۋ قاجەتى ٴتىپتى دە شۇعىل بولىپ وتىر. شەتەلگە ساياتىن ٴادىليانىڭ ونىمدىلىگىن اناعۇرلىم جوعارىلاتىپ، ساۋدانىڭ دامۋ بەتالىسىنا ۇيلەسەتىن شەتەلگە ساياتىن اناعۇرلىم كوپ زاڭمەن باسقارۋ الەۋمەتتىك ونىمدەرىن ازىرلەۋدى ۇسىنامىن.
مەملەكەتتىك ساياسي كەڭەستىڭ مۇشەسى ليۋ ۋانلۇڭ، ەلزات احمەتجان، قادىلبەك قامزا، جاروللا يسامدين، ابدۇرىقىپ ٴتومۇرنياز، ليۋ جيانميڭ، حالمۇرات ابدىراحمان قاتارلىلار گرۋپپالاردا جەكە ـ جەكە تالقىعا قاتىناستى.
