اشىق شينجياڭنىڭ دۇنيە جۇزىنە ايتار جۇرەك ٴسوزى
□جيە ۋىنجين
3 ـ ايدىڭ 7 ـ كۇنى تۇستەن بۇرىن 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە قاتىناسقان شينجياڭ ۋاكىلدەر ۇيىرمەسى ۇيىرمە ـ گرۋپپالاردى اشىق ۇستاۋ جيىنىن اشتى، بۇل دۇنيە جۇزىندەگى كوپتەگەن مەديالار نازار اۋدارعان قىزۋ تۇيىنگە اينالدى. جيىن حالىق سارايىنىڭ شينجياڭ زالىنا ورنالاستىرىلىپ، ٴار ەل تىلشىلەرى تاڭ بوزىنان زالعا تولىپ، بوس ورىن قالمادى. ورىندىق تيمەگەندەرى جەرگە جايعاستى، نە ٴار جەردە ارالاپ ٴجۇردى، قورىتىپ ايتقاندا، كوپشىلىك ”قاي جەردەن ورىن تيسە دە مەيلى، ايتەۋ زالدىڭ ىشىندە بولساق بولدى“ دەگەن ورتاق تانىمدا بولدى.
ۇيىرمە ـ گرۋپپالاردى اشىق ۇستاۋ جيىنىندا نە ٴۇشىن وسىنشاما زور تارتىمدىلىق بار؟ مۇنىڭ سەبەبى كوپ بولۋى مۇمكىن، الايدا مىنا ٴبىر ٴتۇيىندى كەسىپ ايتۋعا بولادى: تاياۋدا اۆتونوميالى رايوندىق ەكى ٴماجىلىس اشىلىپ، ”3 تۇڭعىش“ سياقتى ٴبىر قىدىرۋ شارالار تاراتقان ەسىك اشۋدىڭ شىت جاڭا سيگنالىن دۇنيە جۇزىندەگى مەديالارداعى دوستار سەزگىرلىكپەن ۇستاي العان. ۇيىرمە ـ گرۋپپالاردى اشىق ۇستاۋ جيىنىن اشۋدىڭ تەتىگى اشىق ۇستاۋدا. كاسىپتەستەر بۇل جولعى جيىندا، ٴسوز جوق، شينجياڭنىڭ ٴتىپتى دە كوپ، ٴتىپتى دە ەگجەي ـ تەگجەيلى، ٴتىپتى دە ناقتى جۇرەك ٴۇنىن ەستي الاتىندىقتارىن مەجەلەدى.
ايتقانداي ـ اق، سول جەردەگى تىلشىلەر مىنانى سەزىندى: مەيلى اۆتونوميالى رايوننىڭ پارتيا، ۇكىمەت ورىندارىنداعى نەگىزگى جاۋاپتىلار بولسىن، الدە نەگىزگى ساتىنىڭ ٴبىرىنشى شەبىنەن كەلگەن ەڭبەكشىلەر بولسىن، ۋاكىلدەردىڭ ايتقاندارى ٴبىر ـ بىرىنە ۇقساماعانىمەن، ولاردىڭ ٴبارى اعىنان اقتارىلىپ وتىر، ولاردىڭ ايتقاندارىنىڭ ٴبارى جۇرەك سوزدەرى، ناعىز شينجياڭنىڭ جۇرەك ٴۇنى. سوندىقتان بۇل جيىننىڭ ماعىناسى وتە باي، الايدا مۇنداعى ەڭ ماڭىزدى ٴبىر ٴتۇيىن، ۋاكىلدەر دۇنيە جۇزىنە مەيلى كىم بولسىن، شىنايى شينجياڭدى بارعان سايىن تولىق تانىعاندا عانا شينجياڭدى اناعۇرلىم تەرەڭ تۇسىنەدى، شينجياڭدى اناعۇرلىم شىن جۇرەكتەن سۇيە الادى دەيتىن بۇگىنگى شينجياڭداعى اسا ماڭىزدى ورتاق تانىمدى جەتكىزبەكشى نەمەسە جۇرت جۇرەگىنە تەرەڭ ۇيالاعان سەنىمدى بەينەلەمەكشى بولدى. مىنە بۇل بۇقارا ايتقانداي، جۇرەكتەگى ٴسوزدى ادال ادامعا ايتقاندىق بولىپ تابىلادى.
مۇنى تۇسىنسەك، شينجياڭنىڭ جۇرەك ٴۇنىن شىن مانىندە تۇسىنە الامىز. وسى رەتكى جيىننىڭ مازمۇنى توتەنشە ەگجەي ـ تەگجەيلى، ول حاۋىپسىزدىكتى قامتاماسىز ەتۋ، ەكونوميكانى سەرپىلتۋ، حالىق تۇرمىسى قۇت ـ ىرىسى، مادەنيەت ورەسى، قوعامنىڭ العا باسۋى، سىرتقا ەسىك اشۋ، عىلىم ـ تەحنيكادا جاڭالىق اشۋ سياقتى كوپتەگەن سالالارعا سايادى، الايدا ٴمانى جاعىنان مىناداي ەكى ٴتۇرلى ٴىس: ٴبىرى، شينجياڭ قۇلشىنا ىستەگەن نەمەسە ىستەپ جاتقان ىستەر؛ ەندى ٴبىرى، شينجياڭ قۇلشىنا ىستەۋدى جوبالاعان جانە ىستەۋگە دايىندالعان ىستەر. الدىڭعى ٴبىر ٴىس ۋاكىلدەر قامداعان شينجياڭنىڭ ەكونوميكالىق، قوعامدىق دامۋىنىڭ ەگجەي ـ تەگجەيلى ساندى مالىمەتتەرى مەن شينجياڭ حالقىنىڭ تۇرمىسىنداعى شىنايى وزگەرىستەردەن ايقىن كورىندى؛ سوڭعى ٴبىر ٴىستى شينجياڭ الەمدىك مەديالاردىڭ الدىندا باتىل دا پەيىلدى تۇردە بۇكپەسىز ايتىپ، بىرگە كۋا بولىپ، جاۋاپكەرشىلىك ارقالاۋى مەن جىگەرىن ايگىلەدى. ونىڭ ۇستىنە بۇل ەكى ٴىس وسەك ـ اياڭ تاراتىپ، قارالاپ، شينجياڭدى بىلىقتىرۋعا ۇرىنعان ارسىزدارعا دا ٴبىر ۋاقىتتا پارمەندى سوققى بەردى.
ٴبىز مىنانى ٴتىپتى دە كورە ٴبىلۋىمىز كەرەك: وسى ەكى ٴىستى كۇش سالا جاقسى ىستەۋدەگى ەڭ ٴتۇبىرلىسى، ٴۇش نىسانانى جۇزەگە اسىرۋ: بۇكىل شينجياڭداعى ٴار ۇلت حالقىنىڭ تۇرمىسىن بارعان سايىن جاقسارتۋ؛ جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن بارعان سايىن جاقسارتۋ؛ دۇنيە ٴجۇزىنىڭ جۇڭگو شينجياڭىمەن بارىس ـ كەلىس جاساۋ، اۋىس ـ كۇيىس جاساۋ ساپاسىن بارعان سايىن جاقسارتۋ. ٴۇش نىسانانى ”جاقسى“ دەگەن جالعىز سوزگە جيناقتاۋعا بولادى، شينجياڭ جاقسى، وتانىمىز جاقسى، بۇل بارلىعىمىزدىڭ ارمانىمىز، ونان دا ماڭىزدىسى، ٴبىزدىڭ ورتاق ۋادەمىز، ورتاق جۇرەك ٴۇنىمىز.
سوڭىندا، ەسىڭىزدە بولسىن، شينجياڭدا كەزدەسەيىك، دۇنيە ٴجۇزىن قارسى الامىز.
