جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ قامال الۋ شايقاسىن كۇش بىرىكتىرە ويداعىداي جۇرگىزەمىز
_ ٴتوراعا شي جينپيڭنىڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىندە سويلەگەن ماڭىزدى ٴسوزى بۇكىل ارمياداعىلاردى ارميانى قۇدىرەتتەندىرۋ ىستەرىنىڭ جاڭا جاعدايىن قۇلشىنا اشۋعا ىنتالاندىردى
□ شينحۋا اگەنتتىگىنىڭ تىلشىلەرى جاڭ ميمي، مەي چاڭۋي، ليۋ ي
3 ـ ايدىڭ 7 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندەگى ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ٴارى ماڭىزدى ٴسوز سويلەدى، بۇل بۇكىل ارمياداعى وفيتسەر ـ اسكەرلەر اراسىندا كۇشتى اڭىس قوزعادى.
قالىڭ وفيتسەر ـ اسكەرلەر مىنالاردى ٴبىلدىردى: ٴتوراعا شي جينپيڭ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ بيىگىنەن، جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتۋ جونىندە ماڭىزدى ورنالاستىرۋ جاساپ، بورىش، جاۋاپكەرشىلىك ارقالاۋدى كۇشەيتىپ، رەفورمانى، جاڭالىق اشۋدى تەرەڭدەتۋدى ايقىن تالاپ ەتتى، بۇل جاڭا داۋىردەگى ارميانى قۇدىرەتتەندىرۋ ىستەرىن ىلگەرىلەتۋگە ٴتۇبىرلى بويسۇنۋ ولشەمىن ازىرلەدى، ونى، ٴسوز جوق، ىشكەرىلەي ۇيرەنىپ، ٴتۇسىنىپ، جاپپاي دايەكتىلەندىرەمىز، تياناقتاندىرامىز.
بورىش، جاۋاپكەرشىلىك ارقالاۋدى كۇشەيتىپ، وسكەلەڭ يدەيالىق سانالىلىق ارقىلى ەرىك ـ جىگەردى ۇيىستىرامىز
اسكەري ىستەر كوميتەتى ورگانىنىڭ ٴارقايسى تاراۋ ـ كوميتەتىندە، اسكەري ىستەر كوميتەتىنە توتە قاراستى قۇرىلىمداردا، اسكەري ىستەر كوميتەتىنىڭ بىرلەسكەن قولباسشىلىق ورتالىعىندا، ٴارقايسى سوعىس رايونىندا، ٴارقايسى ارميا، اسكەر تۇرلەرىندە، اسكەري ىستەر كوميتەتىنە توتە قاراستى ورىنداردا، قارۋلى ساقشى بولىمدەرىندە، مەملەكەتتىك ەكى ماجىلىسكە قاتىناسقان ارميا ۋاكىلدەرى مەن مۇشەلەرى تۇرعان جەرلەردە كوپشىلىك دەرەۋ ۇيرەنىپ، تالقى جۇرگىزىپ، ٴتوراعا شي جينپيڭنىڭ دۇنيە ٴجۇزىنىڭ جالپى اۋقىمىن تەرەڭ باعامداپ، ٴداۋىر ورايىن سەزگىرلىكپەن يگەرىپ، جاڭادان گۇلدەنگەن سالالاردىڭ ستراتەگيالىق قابىلەتىن جوعارىلاتۋ جونىندە جان ـ جاقتى ورنالاستىرۋ جاساۋى اسا كۇشتى ساياسي باستاماشىلىق سيپاتقا، يدەيالىق نەگىز قالاۋ سيپاتىنا جانە ستراتەگيالىق جەتەكشىلىك سيپاتقا يە ەكەنىن تەرەڭ سەزىندى.
”وسى تەرەڭ تولعانىس پەن عىلمي شەشىم ٴداۋىردىڭ اعىمىنا ۇيلەسۋمەن بىرگە، ٴداۋىردىڭ وزگەرىسىنە دە سايكەسكەن، كەڭ كوز ايانى ايگىلەگەن، وندا قامتىلعان تەرەڭ تولعانىس، ٴسوز جوق، مەملەكەتتى قۇدىرەتتەندىرۋ، ارميانى قۇدىرەتتەندىرۋ ۇلى ىسىنە تىڭ دا قۋاتتى قوزعاۋشى كۇش ۇستەيدى“، ـ دەدى مەملەكەت قورعانىسى داشۋەسىنەن كەلگەن مەملەكەتتىك حالىق قۇرىلتايىنىڭ ۋاكىلى حۋ گاڭفىڭ.
”قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جاڭا كەزەكتى عىلىم ـ تەحنيكا توڭكەرىسى، كاسىپ سالاسى توڭكەرىسى جانە اسكەري ىستەر توڭكەرىسى قاۋىرت دامىپ، جاڭادان گۇلدەنگەن سالالار ٴىرى ەلدەردىڭ دامۋ جاعىندا بەلدەسەتىن جارىس الاڭىنا اينالدى، ونان دا ماڭىزدىسى، اسكەري ىستەر ستراتەگيالىق باسەكەسىنىڭ ٴتۇيىنى بولدى“. قۇرلىق ارمياسىنان كەلگەن مەملەكەتتىك ساياسي كەڭەستىڭ مۇشەسى مان كايحۇڭ بىلاي دەپ قارادى: جاڭادان گۇلدەنگەن سالالاردىڭ ستراتەگيالىق قابىلەتى ەلىمىز ەكونوميكاسىنىڭ، قوعامىنىڭ جوعارى ساپالى دامۋىنا سايادى، مەملەكەتتىڭ حاۋىپسىزدىگى مەن اسكەري كۇرەستەگى ىرىقتىلىققا سايادى، ٴتوراعا شي جينپيڭنىڭ ماڭىزدى سوزىندە مەملەكەتتى قۇدىرەتتەندىرۋ، ارميانى قۇدىرەتتەندىرۋ ٴبىر تۇلعالانا جوسپارلانعان تەرەڭ تولعانىس قامتىلعان، ول بيىكتە تۇرىپ الىستى بولجاعان، ادامدى ەكپىندەي ىلگەرىلەۋگە جەبەيدى.
”جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتۋ _ مەملەكەت قورعانىسىنا جۇمىلدىرۋ جۇيەسى جونىنەن العا قويىلعان جاڭا تاقىرىپ، جۇكتەگەن جاڭا بورىش“. مەملەكەت قورعانىسىنا جۇمىلدىرۋ جۇيەسىنەن كەلگەن مەملەكەتتىك حالىق قۇرىلتايىنىڭ ۋاكىلى جاۋ جۇن بىلاي دەدى: ٴبىز، ٴسوز جوق، تەرەڭ ٴتۇسىنىپ، باتىلدىقپەن جاۋاپكەرشىلىك ارقالاپ، ەرلىكپەن العا باسىپ، نازاردى جاڭادان گۇلدەنگەن سالالارداعى شەشۋشى بايلىققا شوعىرلاندىرىپ، مەملەكەت قورعانىسىنا جۇمىلدىرۋ جۇيەسىنىڭ ارميا مەن جەرگىلىكتى ورىندى سايكەستىرۋ، ٴۇش ارمياعا بەت الۋ فۋنكتسيالىق رولىن تولىق ساۋلەلەندىرىپ، مەملەكەتتىڭ ستراتەگيالىق باسەكەلىك قۋاتىنىڭ، قوعامدىق وندىرگىش كۇشىنىڭ، ارميانىڭ جاۋىنگەرلىك قۋاتىنىڭ جوعارى ساپالى بايلانىسۋىن ىلگەرىلەتەمىز.
شىعىس بولىك سوعىس رايونىنان كەلگەن مەملەكەتتىك حالىق قۇرىلتايىنىڭ ۋاكىلى ۋاڭ حۇڭيان مىنالاردى ٴبىلدىردى: سوعىس رايونى بۇرىنعىعا مۇراگەر، كەيىنگىگە بۇيداگەر بولىپ، ستراتەگيالىق شەشىمدەردى دايەكتىلەندىرۋدىڭ، سوعىس جۇرگىزۋ ارەكەتىنە قولباسشىلىق ەتۋدىڭ شەشۋشى بۋىنى رەتىندە، وزىق تەحنيكا مەن ساپالى بايلىقتى اناعۇرلىم تولىق قابىلداپ جانە پايدالانىپ، كۇش ـ قۋاتتى بىرىكتىرىپ، بىرلەسىپ سوعىس جۇرگىزۋدىڭ پارمەندى، جوعارى ٴونىمدى قولباسشىلىق قۇرىلىمىن قۇرىپ، سوعىس رايونىنىڭ نەگىزگى سوعىس جۇرگىزۋ فۋنكتسياسىن بار كۇشپەن ويداعىداي اتقارادى.
وڭتۇستىكتەگى تەرەڭ تاۋ قويناۋىندا زىمىران ارمياسى بەلگىلى ٴبولىمى وفيتسەر ـ اسكەرلەردى ٴتوراعا شي جينپيڭنىڭ ماڭىزدى ٴسوزىن ۇيرەنۋگە ۇيىمداستىردى، كوپشىلىك ٴبىر اۋىزدان مىنالاردى ٴبىلدىردى: ”وتكەن ٴبىر جىلدا پارتيا، مەملەكەت جانە ارميا ىستەرىندە كەرەمەت تابىستارعا قول جەتىپ، بىزگە ’ەكىنى تۇراقتاندىرۋدىڭ‘ شەشۋشى ٴمانىن اناعۇرلىم تەرەڭ ۇعىندىردى. جاڭا ٴبىر جىلدا ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن جاپپاي ىشكەرىلەي دايەكتىلەندىرىپ، بورىشقا ادال بولىپ، باتىلدىقپەن جاۋاپكەرشىلىك ارقالاپ، پارتيا ورتالىق كوميتەتىنىڭ، ٴتوراعا شي جينپيڭنىڭ شەشىمدەرى مەن ورنالاستىرۋلارىن ناقتى تياناقتاندىرىپ، بولاشاقتاعى سوعىستا جەڭىسكە جەتۋدىڭ تەگەۋرىندى ناقتى قۋاتىن سومداۋعا قۇلشىنامىز“.
دامۋ ٴتۇيىنىن كورنەكتىلەندىرىپ، شىنايى يگەرىپ ناقتى ىستەۋ ستيلىمەن بار كۇشپەن قامال الامىز
ٴتوراعا شي جينپيڭ بىلاي دەپ باسا دارىپتەدى: دامۋ ٴتۇيىنىن كورنەكتىلەندىرىپ، جاڭادان گۇلدەنگەن سالالاردىڭ ستراتەگيالىق قابىلەت قۇرىلىسىنا قاتىستى ستراتەگيالار مەن جوبالاردىڭ تياناقتانۋىن ويداعىداي يگەرۋ كەرەك. تەڭىزدەگى اسكەري كۇرەس دايىندىعىن، تەڭىز ـ مۇحيت ۇقىق ـ مۇددەسىن قورعاۋ مەن تەڭىز ـ مۇحيت ەكونوميكاسىنىڭ دامۋىن ٴبىر تۇتاس جوسپارلاپ، تەڭىز ـ مۇحيتتى مەڭگەرۋ قابىلەتىن جوعارىلاتۋ كەرەك. عارىش ىستەرىنىڭ ورنالاسىمىن ساپالىلاندىرىپ، ەلىمىزدىڭ عارىش جۇيەسى قۇرىلىسىن ىلگەرىلەتۋ كەرەك. ينتەرنەت كەڭىستىگى قورعانۋ جۇيەسىن ورناتىپ، مەملەكەتتىڭ ينتەرنەت حاۋىپسىزدىگىن قورعاۋ قابىلەتىن جوعارىلاتۋ كەرەك. زەردەلى عىلىم ـ تەحنيكا كەلەلى نىساندارىن ٴبىر تۇتاس جوسپارلاپ اتقارۋدى كۇشەيتىپ، وزىق جەتىستىكتەردەن پايدالانۋ سەرپىنىن ارتتىرۋ كەرەك.
”تەڭىز ارمياسىنىڭ جاڭا ساپالى سوعىستىق كۇشىنىڭ تيپتىك ۋاكىلى رەتىندە، ٴبىز ٴتوراعا شي جينپيڭنىڭ ماڭىزدى نۇسقاۋى بويىنشا، ىسىلعان قابىلەتتى جەدەل شىڭداپ، بورىش پەن مىندەتتى ٴونىمدى اتقارىپ، تەڭىز ـ مۇحيتتا قۋاتتى ەل قۇرۋعا كۇش ـ قۋاتىمىزدى ارنايمىز“، ـ دەدى تەڭىز ارمياسىنان كەلگەن مەملەكەتتىك حالىق قۇرىلتايىنىڭ ۋاكىلى چي ۋيگۋاڭ.
3 ـ ايدىڭ 7 ـ كۇنى كەشتە شانشيدە تۇراتىن اسكەري ٴبولىمنىڭ بەلگىلى بازاسى وفيتسەر ـ اسكەرلەردى ٴتوراعا شي جينپيڭنىڭ ماڭىزدى ٴسوزىن مۇقيات ۇيرەنۋگە ۇيىمداستىردى، كوپشىلىك ايرىقشا شابىت الدى: ”ٴبىز عارىش ىستەرىنىڭ ورنالاسىمىن ساپالىلاندىرۋدىڭ، ەلىمىزدىڭ عارىش جۇيەسى قۇرىلىسىن ىلگەرىلەتۋدىڭ العا باسۋ بەتالىسىن بويلاپ، جۇلدىزدى الەمدە ارمانعا قۇلاش سەرمەۋ ساپارىندا جەلكەن جايىپ، ۇدەرە العا تارتامىز“.
اسكەري ىستەر عىلىم اكادەمياسىنان كەلگەن مەملەكەتتىك حالىق قۇرىلتايىنىڭ ۋاكىلى ياۋ داڭناي مىنانى ٴبىلدىردى: اسكەري ىستەر عىلمي زەرتتەۋ قۇرىلىمدارى وزىندىك باسىمدىعىن ساۋلەلەندىرىپ، ارميا مەن جەرگىلىكتى ورىننىڭ عىلمي زەرتتەۋ ۇيىمدىق قابىلەتىن كۇشەيتىپ، تەڭىز ـ مۇحيت، الەم كەڭىستىگى، ينتەرنەت كەڭىستىگى، جاساندى زەردە سياقتى سالالارداعى تەحنيكالىق قامداۋدى كۇشەيتىپ، جاڭادان گۇلدەنگەن سالالارداعى الدىڭعى لەكتىك تەحنيكانى، دارىندىلاردى، قۇرىلعىلاردى تەز ارادا جاڭا ساپالى جاۋىنگەرلىك قۋاتقا اينالدىرۋدى جەبەۋ كەرەك.
رەفورما جاساۋدى، جاڭالىق اشۋدى تەرەڭدەتىپ، جاڭا ساپالى وندىرگىش كۇشتەردىڭ جاڭا ساپالى جاۋىنگەرلىك قۋاتپەن جوعارى ٴونىمدى توعىسۋىن، قوس باعىتتا جەبەۋىن ىلگەرىلەتەمىز
پارتيانىڭ 18 ـ قۇرىلتايىنان بەرى ستراتەگيالىق جاڭادان گۇلدەنگەن كاسىپ سالالارى مەن جاڭاشا سوعىس جۇرگىزۋ كۇشتەرىنىڭ دامۋى ٴبىر تۇتاس جوسپارلاپ ىلگەرىلەتىلىپ، ٴبىر قىدىرۋ كەلەلى جەتىستىكتەرگە قول جەتكىزىلدى. پارتيانىڭ 20 ـ قۇرىلتايىنان كەيىن، پارتيا ورتالىق كوميتەتى، ٴتوراعا شي جينپيڭ جوعارى ساپالى دامۋدى ىلگەرىلەتۋ جالپى جاعدايىن شىعار ٴتۇيىن ەتىپ، جاڭا ساپالى وندىرگىش كۇشتەردى جەدەل دامىتۋدى ايقىن العا قويدى. بۇل جاڭادان گۇلدەنگەن سالالاردىڭ ستراتەگيالىق قابىلەت قۇرىلىسىنا تاپتىرماس وراي ازىرلەدى. ماجىلىسكە قاتىناسقان ۋاكىلدەر مىنالاردى ٴبىلدىردى: جاڭادان گۇلدەنگەن سالالاردىڭ دامۋ ەرەكشەلىگى مەن زاڭدىلىعىن يگەرىپ، رەفورما جاساۋدى، جاڭالىق اشۋدى تەرەڭدەتىپ، جاڭا ساپالى وندىرگىش كۇشتەردىڭ جاڭا ساپالى جاۋىنگەرلىك قۋاتپەن جوعارى ٴونىمدى توعىسۋىن، قوس باعىتتا جەبەۋىن ىلگەرىلەتەمىز.
”رەفورما جاساۋ، جاڭالىق اشۋ _ ارميا قۇرىلىسى دامۋىنىڭ ٴتۇبىرلى قوزعاۋشى كۇشى، ونان دا ماڭىزدىسى، جاڭادان گۇلدەنگەن سالالاردى دامىتۋدا، كوركەيتۋدە، ٴسوزسىز، باسىپ وتەتىن جول“. قارۋلى ساقشى بولىمىنەن كەلگەن مەملەكەتتىك حالىق قۇرىلتايىنىڭ ۋاكىلى جاڭ يۇڭچياڭ بىلاي دەدى: ”جاڭادان گۇلدەنگەن سالالار رەفورماسىن رەفورمانى اناعۇرلىم جاپپاي تەرەڭدەتۋدىڭ ٴتۇيىنى رەتىندە كورنەكتىلەندىرۋ بىزدەن رەفورما جاساۋدى، جاڭالىق اشۋدى كۇشەيتىپ، ساپا مەن ونىمدىلىكتى جوعارىلاتىپ، ماسەلەنى باعدار ەتۋدەن جازباي، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋ، حالىقتىڭ تاماشا تۇرمىسىن قورعاۋ قىزمەت جاۋاپكەرشىلىگى مەن بورىشىن اتقارۋدى تالاپ ەتەدى“.
”ناعىز وزەكتى، شەشۋشى تەحنيكانى كۇتىپ وتىرۋعا، ساتىپ الۋعا كەلمەيدى، ٴسوز جوق، دەربەس جاڭالىق اشۋ ارقىلى ىرىقتىلىقتى يگەرۋ كەرەك“. اۋە ارمياسىنان كەلگەن مەملەكەتتىك حالىق قۇرىلتايىنىڭ ۋاكىلى گۋ چيڭيۋە بىلاي دەپ قارادى: ارميانىڭ عىلىم ـ تەحنيكا قىزمەتكەرلەرى جاڭالىق اشۋ سەنىمىن كۇشەيتىپ، ”ون جىل شىڭدالۋ“ جىگەرى، ”قاراڭعى تۇندە ٴجۇرۋ“ باتىلدىعى، ”ەلەۋسىزدى ەلگە تانىتۋ“ سەنىمى ارقىلى كوز ايانى كەڭەيتىپ، بوگەتتەردى تالقانداپ، ٴتول جاسامپازدىق پەن دەربەس جاڭالىق اشۋ جاعىندا ٴتىپتى دە كوپ جەتىستىكتەرگە قول جەتكىزۋگە تالپىنۋى كەرەك.
”دارىندىلار _ ارميامىزدىڭ جوعارى ساپالى دامۋىن ىلگەرىلەتۋدەگى، اسكەري باسەكە مەن بولاشاقتاعى سوعىستا ىرىقتىلىققا قول جەتكىزۋدەگى شەشۋشى فاكتور“. مەملەكەت قورعانىسى عىلىم ـ تەحنيكا داشۋەسىنەن كەلگەن مەملەكەتتىك حالىق قۇرىلتايىنىڭ ۋاكىلى لۋ دانيۇن مىنانى ٴبىلدىردى: اسكەري مەكتەپتىڭ وقىتۋشىسى رەتىندە، جاڭا داۋىردەگى اسكەري ىستەر وقۋ ـ اعارتۋ باعىتىن جاپپاي تياناقتاندىرىپ، بولاشاق سوعىس مايدانىن كوزدەپ، جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتۋعا جوعارى ساپالى، ماماندانعان جاڭاشا اسكەري ىستەر دارىندىلارىن باۋلۋىمىز كەرەك.
”تاياۋ جىلداردان بەرى شەكارا قورعانىس اسكەري بولىمدەرى ينفورماتسيالانعان شەكارانى قورعاۋ، شەكارانى مەڭگەرۋ قابىلەتى قۇرىلىسىنىڭ اياق الىسىن ۇزدىكسىز جەدەلدەتىپ، عىلىم ـ تەحنيكا ارقىلى قۋات ۇستەۋدى، عىلىم ـ تەحنيكا ارقىلى شەكارانى بەكەمدەۋدى جۇزەگە اسىرۋدى ىلگەرىلەتتى“. قۇرلىق ارمياسىنان كەلگەن مەملەكەتتىك حالىق قۇرىلتايىنىڭ ۋاكىلى ايدىن تۇرسىنبەك بىلاي دەدى: نەگىزگى ساتىنىڭ ٴبىرىنشى شەبىندە اسكەر باستاۋشى رەتىندە، ٴتوراعا شي جينپيڭنىڭ ماڭىزدى ٴسوزىنىڭ رۋحىن شەكارانى قورعاۋدىڭ الدىڭعى شەبىنە جەتكىزىپ، وفيتسەر ـ اسكەرلەردى جاڭا تەحنيكامەن، جاڭا قولدانىسپەن ۇشتاستىرىپ، سوعىس تاسىلىندە جاڭالىق اشۋدى، تەحنيكادا جاڭالىق اشۋدى بەلسەنە ورىستەتۋگە جۇمىلدىرىپ، جاڭا ساپالى جاۋىنگەرلىك قۋاتتىڭ ونىمدىلىگىن شەكارانى قورعاۋ، شەكارانى مەڭگەرۋ بارىسىندا ساۋلەلەندىرىپ، وتاننىڭ شەكاراسىن اناعۇرلىم ويداعىداي قورعايمىن.
”ارميانىڭ سوعىسقا دايىندالۋىن، سوعىس جۇرگىزۋىن ىشكەرىلەي ىلگەرىلەتۋ جاڭا ساپالى جاۋىنگەرلىك قۋاتتىڭ تىرەك بولۋىن قاجەت ەتەدى“. بىرلەسكەن ارتقى شەپ قامتاماسىزداندىرۋ اسكەري بولىمىنەن كەلگەن مەملەكەتتىك حالىق قۇرىلتايىنىڭ ۋاكىلى تاڭ لينحۇي بىلاي دەدى: ”ٴتوراعا شي جينپيڭنىڭ ماڭىزدى ٴسوزى جاڭا ساپالى جاۋىنگەرلىك قۋاتتى تولىق ازات ەتۋدىڭ جانە دامىتۋدىڭ ىشكى زاڭدىلىعىن اشىپ كورسەتتى، ٴبىز ەكولوگيا قالىپتاستىرۋ، ٴبىر تۇتاس جوسپارلاۋدى يگەرۋ، ولشەم بەلگىلەۋ، قامداۋدى كۇشەيتۋ ٴادىسى مەن تاكتيكاسى بويىنشا، جاڭا ساپالى جاۋىنگەرلىك قۋاتپەن قامداۋدى جەدەلدەتۋدى جەتەكشى ەتىپ، ٴبىر تۇلعالانعان بىرلەسىپ قامتاماسىز ەتۋ قابىلەتىن جوعارىلاتىپ، كەز كەلگەن ۋاقىتتا شايقاسقا شىعا الۋعا، اتويلاپ شىعا الۋعا، ويداعىداي قامتاماسىزداندىرۋعا شىنايى كەپىلدىك ەتەمىز“.
جىلدىڭ باسى كوكتەمدە، ٴارقانداي ىستە ارەكەت الدىڭعى ورىندا تۇرادى. قالىڭ وفيتسەر ـ اسكەرلەر مىنالاردى ٴبىلدىردى: يدەيا مەن ارەكەتتى پارتيا ورتالىق كوميتەتىنىڭ، ٴتوراعا شي جينپيڭنىڭ كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، بورىش، جاۋاپكەرشىلىكتى كۇشەيتىپ، رەفورمانى، جاڭالىق اشۋدى تەرەڭدەتىپ، جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتىپ، ارميا قۇرىلعاندىعىنىڭ 100 جىلدىعى كۇرەس نىساناسىن كوزدەپ قۇلشىنا قامال الىپ، پارتيا مەن حالىق جۇكتەگەن بورىش پەن مىندەتتى باتىل ورىندايمىز.
(شينحۋا اگەنتتىگىنىڭ 3 ـ ايدىڭ 8 ـ كۇنى بەيجيڭنەن بەرگەن حابارى)
