شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن جانە مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىنىڭ تۇزەتىلگەن نۇسقاسىن قارادى
ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن، لي يفي قاراۋعا قاتىناستى
شينجياڭ گازەتى انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 9 ـ كۇنى بەيجيڭنەن حابارلايدى. 3 ـ ايدىڭ 9 ـ كۇنى 14 ـ كەزەكتى مەملەكەتتىك حالىق قۇرىلتايى 2 ـ ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن ۇزدىكسىز قارادى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن جانە مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىنىڭ تۇزەتىلگەن نۇسقاسىن قارادى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن، لي يفي قاراۋعا قاتىناستى.
ەڭ جوعارى حالىق پروكۋراتۋراسى پروكۋرورلار القاسىنىڭ ارناۋلى مىندەتتەگى مۇشەسى، 3 ـ پروكۋراتۋرا مەڭگەرمەسىنىڭ باستىعى شى ۋيجۇڭ، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى جانە ٴماجىلىس حاتشىلار باسقارماسىنداعى قاتىستى جولداستار جيىنعا كەلىپ پىكىرلەردى تىڭدادى.
ۋاكىل شوكىرات زاكىر بىلاي دەدى: مەملەكەتتىك حالىق قۇرىلتايى تۇراقتى كوميتەتى قىزمەت بايانداماسىنىڭ ساياسي تۇرعىسى بەرىك، مىندەت وتەۋ ٴتۇيىنى كورنەكتىلەنگەن، ناقتى ىستەۋ باعدارى ايقىن، پارتيانىڭ باسشىلىعىنا تاباندى بولۋدىڭ، حالىقتىڭ وزىنە ـ ٴوزى قوجايىن بولۋىنىڭ جانە مەملەكەتتى زاڭمەن باسقارۋدىڭ ورگانيكالى بىرلىگى تولىق ايگىلەنگەن، بۇكىلدەي قۇپتايمىن. وتكەن ٴبىر جىلدا مەملەكەتتىك حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جانە باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيانىڭ جالپى بەتتىك باسشىلىعىن حالىق قۇرىلتايى قىزمەتىنىڭ تۇتاس بارىسىمەن ساباقتاستىرۋعا تاباندى بولىپ، قاتاڭ تۇردە نەگىزگى زاڭ بويىنشا مىندەت وتەپ، حالىقتى وزەك ەتە وتىرىپ جالپى بارىستىق حالىق دەموكراتياسىن امالياتتا ايگىلەپ، ”ەكىمەن بايلانىس جاساۋدى“ تۇتقا ەتە وتىرىپ، پارتيا مەن مەملەكەتتىڭ حالىق بۇقاراسىمەن بايلانىس جاسايتىن كوپىرى، دانەكەرى بولۋ رولىن ويداعىداي ساۋلەلەندىرىپ، زاڭ شىعارۋ، باقىلاۋ، ۋاكىلدەر سياقتى ٴتۇرلى قىزمەتتە جاڭا ونىمدىلىكتەرگە قول جەتكىزۋدى ىلگەرىلەتىپ، حالىق قۇرىلتايى تۇزىمىنە ويداعىداي تاباندى بولۋعا، ونى ويداعىداي كەمەلدەندىرۋگە، ويداعىداي جۇرگىزۋگە بەلسەنە ۇلەس قوستى. اۆتونوميالى رايوندىق حالىق قۇرىلتايى تۇراقتى كوميتەتى جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋى باعدارىن بەرىك ورناتىپ، زاڭ بويىنشا مىندەت وتەپ، جاۋاپكەرشىلىك ارقالاپ، ىسكەرلىك كورسەتىپ، كورنەكتى ناتيجەلەرگە قول جەتكىزدى. نازاردى جۇڭگو ۇلگىسىندەگى وسىزامانداندىرۋ سىندى وسى ەڭ ۇلكەن ساياسيعا، جوعارى ساپالى دامۋ سىندى جاڭا داۋىردەگى وسى بۇلتارتپاس قيسىنعا، جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىگە شوعىرلاندىرىپ، فۋنكتسيالىق رولدى اناعۇرلىم ويداعىداي ساۋلەلەندىرىپ، كورىكتى شينجياڭ قۇرۋعا حالىق قۇرىلتايىنىڭ كۇش ـ قۋاتىن ارناۋى كەرەك.
ۋاكىل ەركىن تۇنياز بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ قىزمەت باياندامالارىن قۇپتايمىن. مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىندا باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسى باستان ـ اياق ساباقتاستىرىلعان، جۇڭگوشا سوتسياليستىك زاڭمەن باسقارۋ ۇستانىمى ايگىلەنگەن. وتكەن ٴبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل، پارمەندى دايەكتىلەندىرىپ، جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرىپ، جالپى بارىستىق حالىق دەموكراتياسىن ٴۇرتىس دامىتىپ، حالىقتىڭ تاماشا تۇرمىس جونىندەگى ارمان ـ تىلەگىن اناعۇرلىم ويداعىداي قاناعاتتاندىرعاندىعىن تەرەڭ سەزىندىم. شينجياڭدى جاپپاي زاڭمەن باسقارۋعا تاباندى بولىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ٴبىر تۇلعالاندىرا ىلگەرىلەتىپ، حالىق قۇرىلتايىنىڭ باقىلاۋىن سانالى تۇردە قابىلداپ، حالىق قۇرىلتايى ۋاكىلدەرىنىڭ كەڭەستىك جوبالارىنىڭ، ۇسىنىستارىنىڭ ٴبىتىرىلۋ دەڭگەيىن جوعارىلاتامىز. ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىندا شي جينپيڭ زاڭمەن باسقارۋ يدەياسى دايەكتىلەندىرىلىپ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ وزەكتى قىزمەتكە جانە كەلەلى جاعدايعا قىزمەت وتەۋ، ادىلدىكتى، تۋراشىلدىقتى قورعاۋ، ٴادىليا ونىمدىلىگىن جوعارىلاتۋ قىزمەتتەرىنىڭ كورنەكتى تابىستارى تولىق ايگىلەنگەن. ٴادىليا ورگاندارىنىڭ قىزمەت ۇقىعىن زاڭ بويىنشا دەربەس اتقارۋىنا اناعۇرلىم ويداعىداي قولداۋ كورسەتىپ، تىنىش شينجياڭ، زاڭمەن باسقارىلاتىن شينجياڭ قۇرىلىسىندا جاڭا جاعداي اشۋعا قۇلشىنامىز.
ۋاكىل ٴزۇمىرات وبۇل بىلاي دەدى: وتكەن ٴبىر جىلدا مەملەكەتتىك حالىق قۇرىلتايى تۇراقتى كوميتەتى باس شۋجي شي جينپيڭ كەسكىندەگەن جۇڭگو ۇلگىسىندەگى وسىزامانداندىرۋ جوباسىن كوزدەپ، ساياسي بەتالىستى دالمە ـ ٴدال يگەرىپ، مىندەت وتەپ، جاۋاپكەرشىلىكتى ادا ەتۋدى ناقتى يگەرىپ، حالىققا سۇيىسپەنشىلىكتى بەرىك ورناتىپ، ٴوز قۇرىلىسىن كۇشەيتىپ، تاماشا جاۋاپناما تاپسىردى. مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىندا ناقتى ناتيجە تولىق ايگىلەنگەن، ناقتى ونىمدىلىك بەينەلەنگەن، ناقتى ىستەۋ كورنەكتىلەنگەن، بۇكىلدەي قۇپتايمىن. اۆتونوميالى رايوندىق حالىق قۇرىلتايى تۇراقتى كوميتەتى باس شۋجيدىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، زاڭدا بەلگىلەنگەن قىزمەت جاۋاپكەرشىلىگىن مۇقيات اتقارىپ، ساياسي قۇرىلىستا جاڭا ىسكەرلىك كورسەتۋدى، زاڭ بويىنشا مىندەت اتقارۋدا تىڭ تابىستارعا قول جەتكىزۋدى، سىرتپەن بارىس ـ كەلىس جاساۋدا جاڭا جاعداي اشۋدى، ٴوز قۇرىلىسىنىڭ تىڭ ساتىعا كوتەرىلۋىن ىلگەرىلەتىپ، حالىق قۇرىلتايى قىزمەتىنىڭ جوعارى ساپالى دامۋى ارقىلى كورىكتى شينجياڭ قۇرىلىسىنا اناعۇرلىم ويداعىداي قىزمەت وتەيدى. بىلتىر ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، سانالى تۇردە كەلەلى جاعدايعا قىزمەت وتەپ، حالىق ٴۇشىن ٴادىليا جۇرگىزىپ، زاڭمەن باسقارۋدا جاۋاپكەرشىلىك ارقالاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى ٴادىليا قامتاماسىزدىعىن ازىرلەدى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن قۇپتايمىن.
ۋاكىل شاۋكەت يمىن بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن قۇپتايمىن. ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىندا ناتيجەلەر شىندىقتى ٴىس جۇزىنەن ىزدەي وتىرىپ قورىتىندىلانعان، ماسەلەگە وبيەكتيۆ، جان ـ جاقتى تالداۋ جاسالعان، قىزمەتتەر انىق، ايقىن ورنالاستىرىلعان، بۇل تۋدى بيىك ۇستاعان، حالىق ٴۇشىن ناقتى ىستەر ىستەپ، قايراتتانا ۇمتىلۋعا جەبەيتىن تاماشا بايانداما بولدى. وتكەن ٴبىر جىلدا ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، جۇڭگوشا سوتسياليستىك زاڭمەن باسقارۋ جولىمەن مىزعىماي ٴجۇرىپ، ”حالىق بۇقاراسىنا ٴاربىر ٴادىليالىق دەلودان ادىلدىك پەن تۋراشىلدىقتى سەزىندىرۋگە قۇلشىنۋ“ نىساناسىن ارقاۋ ەتىپ، قىزمەت جاۋاپكەرشىلىگىن ادالدىقپەن اتقاردى، ٴادىليانىڭ ساپاسى، ونىمدىلىگى جانە الەۋمەتتىك سەنىمدىلىگى كورنەكتى جوعارىلاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى ٴادىليالىق قىزمەت وتەۋ جانە زاڭمەن باسقارۋ قامتاماسىزدىعىن ازىرلەپ، جۇڭگوشا سوتسياليستىك ٴادىليا ٴتۇزىمىنىڭ اسا زور باسىمدىققا يە ەكەندىگىن تولىق دالەلدەدى.
ۋاكىل ٴدىلشات سايىم بىلاي دەدى: ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىندا نازار پارتيا مەن مەملەكەت قىزمەتىنىڭ كەلەلى جاعدايىنا شوعىرلاندىرىلىپ، بۇكىل ەلدەگى ٴار دارەجەلى سوت، پروكۋراتۋرا ورگاندارىنىڭ زاڭمەن باسقارۋ كۇشى ارقىلى جۇڭگو ۇلگىسىندەگى وسىزامانداندىرۋعا قىزمەت وتەۋدەگى جاڭالىق اشۋ امالياتى شوعىرلى ايگىلەنگەن، بۇكىلدەي قۇپتايمىن. شينجياڭنىڭ سوت جۇيەسى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ارقاۋ ەتە وتىرىپ، ساياسي دەڭگەيدى جوعارىلاتىپ، ىرىقتى ٴادىليانى امالياتتا ايگىلەپ، حالىقتىق تۇرعىدا بەرىك تۇرىپ، ٴادىليانىڭ جاۋاپكەرشىلىك ارقالاۋىن ايگىلەپ، سوت ىستەرى جوعارى ساپالى دامۋىنىڭ ٴىس جۇزىندىك ونىمدىلىگى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ٴادىليا كۇش ـ قۋاتىن ارنايدى.
ۋاكىل گاۋ جيميڭ بىلاي دەدى: ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتكەن، ساياسي دەڭگەيگە، زاڭمەن باسقارۋ سەرپىنىنە، حالىق تۇرمىسى جىلۋلىعىنا يە، بۇكىلدەي قۇپتايمىن. ەڭ جوعارى حالىق پروكۋراتۋاسىنىڭ ورنالاستىرۋلارىن، تالاپتارىن باتىل دايەكتىلەندىرىپ، لاڭكەستىككە قارسى تۇرۋ، بولشەكتەۋشىلىككە قارسى تۇرۋ كۇرەسىن ورىستەتۋدى ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋمەن ۇشتاستىرىپ، ٴاربىر دەلونى جوعارى ساپامەن جانە ونىمدىلىكپەن ويداعىداي ٴبىتىرىپ، ”ٴبىر بەلدەۋ، ٴبىر جول“ وزەكتى رايونى قۇرىلىسىنا اناعۇرلىم ويداعىداي قىزمەت وتەپ، ارىز ـ شاعىمدى تۋ باسىنان باسقارۋ ارقىلى قوعامدىق باسقارۋعا دەم بەرىپ، كورىكتى شينجياڭ قۇرىلىسىنا پارمەندى ٴادىليا قامتاماسىزدىعىن ازىرلەيمىز.
رۋحيام ٴماتسايدى، ۋ ۋىنشيۋ، ابدۇمامەت وبۇل، قانىمبۇ ايسا، مۇسا مامەت، ٴدىلشات پارحات، مين شياۋچيڭ، پاڭ زىجيان، مامەت جۇما، مىڭ نان، ٴزاينۇرا تالعات، ياڭ ليچياڭ، ٴجۇرات قۇربان، ليۋ حۇڭتاۋ قاتارلى ۋاكىلدەر لەبىز ٴبىلدىرىپ، شينجياڭنىڭ نەگىزگى ساتى ٴادىليا امالياتى جاعدايىمەن ۇشتاستىرىپ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىنداعى ٴادىليا ۇستانىمىن، ۇزدىك دەلو مىسالدارىن جانە ٴتۇرلى مىندەتتەردى، شارالاردى ارقاۋ ەتە وتىرىپ پىكىر اۋىستىرىپ، ەكى باياندامانى قۇپتادى ٴارى پىكىر ـ ۇسىنىس بەردى. ۋاكىلدەر تاعى ىشكەرىلەي تالقى جۇرگىزىپ، مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىنىڭ تۇزەتىلگەن نۇسقاسىن قۇپتايتىندىقتارىن ٴبىلدىردى.
مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، چىن ۋيجۇن، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ قاتارلىلار جيىنعا قاتىناستى. جياڭ شينجۇن، دوۋ حۇڭيان قاتارلىلار جيىنعا سىرتتاي قاتىناستى.
