شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ قاتىناستى، ۋاڭ حۋنيڭ ٴسوز سويلەدى
3 ـ ايدىڭ 10 ـ كۇنى تۇستەن بۇرىن جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 2 ـ ٴماجىلىسى بەيجيڭ حالىق سارايىندا جابىلدى. سۋرەتتە: شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ ٴتوراعالار مىنبەسىنەن ورىن الدى.
□ سۋرەتتى شينحۋا اگەنتتىگىنىڭ ٴتىلشىسى حۋاڭ جيڭۋىن تۇسىرگەن
3 ـ ايدىڭ 10 ـ كۇنى جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 2 ـ ٴماجىلىسى بەيجيڭ حالىق سارايىندا جابىلۋ جينالىسىن وتكىزدى. مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ جابىلۋ جينالىسىن باسقاردى ٴارى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى. جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 2 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداعاننان كەيىن، 3 ـ ايدىڭ 10 ـ كۇنى تۇستەن بۇرىن حالىق سارايىندا جابىلدى. ٴماجىلىس حالىق ساياسي كەڭەسىنە قاتىناسقان ٴارقايسى ورىنداردى، ٴار دارەجەلى ۇيىمداردى جانە قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر نيەت، ٴبىر تىلەكتە بولىپ، كوپ بولىپ اقىل قوسىپ، كوپ بولىپ كۇش سالىپ جاڭا داۋىردەگى حالىق ساياسي كەڭەسى قىزمەتىنىڭ جاڭا جاعدايىن ۇزدىكسىز اشۋعا ۇندەدى.
ٴماجىلىستى مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ باسقاردى. مەملەكەتتىك ساياسي كەڭەستىڭ ورىنباسار ٴتوراعالارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ٴتوراعالار مىنبەسىنىڭ الدىڭعى قاتارىنان ورىن الدى.
شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى.
تۇستەن بۇرىن ساعات 9دا جابىلۋ جينالىسى باستالدى. ۋاڭ حۋنيڭ جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 2 ـ ماجىلىسىنە قاتىناسۋعا ٴتيىستى مۇشە 2162 ادام، ناقتى قاتىناسقانى 2085 ادام، بۇل بەلگىلەمەدەگى ادام سانىنا ۇيلەسەدى دەپ جاريالادى.
ٴماجىلىس ساياسي كەڭەس 14 ـ كەزەكتى مەملەكەتتىك كوميتەتى 2 ـ ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، ساياسي كەڭەس 14 ـ كەزەكتى مەملەكەتتىك كوميتەتى 2 ـ ٴماجىلىسىنىڭ ساياسي كەڭەس 14 ـ كەزەكتى كوميتەتىنىڭ 1 ـ ماجىلىسىنەن بەرگى ۇسىنىس جوبا قىزمەتى جاعدايىنان بايانداما جونىندەگى قارارىن، ساياسي كەڭەس 14 ـ كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 14 ـ كەزەكتى كوميتەتى 2 ـ ٴماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى بايانداماسىن، ساياسي كەڭەس 14 ـ كەزەكتى مەملەكەتتىك كوميتەتى 2 ـ ٴماجىلىسىنىڭ ساياسي قارارىن ماقۇلدادى.
ۋاڭ حۋنيڭ سوزىندە بىلاي دەدى: مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ٴماجىلىسى تۋدى بيىك ۇستاعان، شىنايى يگەرىپ ناقتى ىستەگەن، ىنتىماقتاسا ەكپىندەي ىلگەرىلەگەن ٴماجىلىس بولىپ، وڭ ەنەرگيا توپتادى، قايرات ـ جىگەردى سەرپىلتتى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ٴماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، مۇشەلەرگە امانداسىپ ٴارى بىرىككەن گرۋپپالار تالقىسىنا قاتىناسىپ، مەملەكەت ٴىسىن مۇشەلەرمەن بىرگە اقىلداستى. بارلىق مۇشەلەر باس شۋجي شي جينپيڭنىڭ جۇڭگو گومينداڭ توڭكەرىستىك كوميتەتى، عىلىم ـ تەحنيكا سالاسى، قورشاعان ورتا، بايلىق سالاسى مۇشەلەرىنىڭ بىرىككەن گرۋپپا جيىنى سياقتىلارعا قاتىناسقانداعى ماڭىزدى سوزدەرىنىڭ رۋحىن مۇقيات ۇيرەنىپ، ۇكىمەت قىزمەتىنەن باياندامانى جانە باسقا دا باياندامالاردى ىشكەرىلەي تالقىلاپ، ساياسي كەڭەس تۇراقتى كوميتەتىنىڭ قىزمەت بايانداماسى جانە ۇسىنىس جوبا قىزمەتىنىڭ جاعدايى جونىندەگى بايانداما سياقتى حۇجاتتاردى مۇقيات قاراپ، ۇكىمەت ىسىنە بەلسەنە قاتىناسىپ، اقىل ـ كەڭەس بەرىپ، كەڭ كولەمدە ورتاق تانىم ۇيىستىرىپ، ۇكىمەت ٴىسىن كەڭەسۋدە سۇبەلى جەتىستىكتەرگە قول جەتكىزدى. بارلىق مۇشەلەر وتكەن ٴبىر جىلدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قايسارلىقپەن كۇرەس جۇرگىزىپ، ەرلىكپەن العا باسىپ، ەكونوميكالىق، قوعامدىق دامۋدىڭ باستى مەجەلى نىسانالارىن تابىسپەن جۇزەگە اسىرىپ، ”جۇڭگو اتتى“ الىپ كەمەنى تولقىن جارىپ، باتىلدىقپەن العا ىلگەرىلەۋگە جەتەكتەگەندىگىن جوعارى باعالادى. بارلىق مۇشەلەر ”ەكىنى تۇراقتاندىرۋدىڭ“ ٴبىزدىڭ ٴتۇرلى حاۋىپ ـ قاتەرلەرگە، سىن ـ سايىستارعا توتەپ بەرۋىمىزدە، پارتيا مەن مەملەكەت ىستەرىنىڭ دامۋىن ىلگەرىلەتۋىمىزدە شەشۋشى ماڭىز الاتىندىعىن اناعۇرلىم تەرەڭ ٴتۇسىندى.
ۋاڭ حۋنيڭ مىنالاردى ٴبىلدىردى: بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، سونداي ـ اق حالىق ساياسي كەڭەسى قۇرىلعاندىعىنىڭ 75 جىلدىعى. 75 جىلدان بەرى جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى جاڭا جۇڭگو قۇرۋ، جاڭا جۇڭگونى گۇلدەندىرۋ، رەفورما جولىن قاراستىرۋ، جۇڭگو ارمانىن جۇزەگە اسىرۋ ۇلى امالياتىنا بەلسەنە ات سالىسىپ، شۇعىلالى بارىستى باسىپ ٴوتتى. حالىق ساياسي كەڭەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ٴتۇسىنىپ، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباي، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، تاڭداۋلى ٴداستۇردى ساۋلەلەندىرىپ، ساياسي جاۋاپكەرشىلىكتى ەستە بەرىك ساقتاپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ٴىسىن كەڭەسۋ ورەسىن جوعارىلاتىپ، باستان ـ اياق پارتيا مەن مەملەكەت قىزمەتىنىڭ كەلەلى جاعدايىندا قىزمەتتى جوسپارلاپ جانە ورىستەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتە وتىرىپ فۋنكتسياسىن اتقارىپ، زەيىن ـ زەردەنى، كۇش ـ قۋاتتى ۇيىستىرۋى كەرەك. ساياسي دەڭگەيدى جوعارىلاتىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىنا تاباندى بولۋدى ساياسي كەڭەس قىزمەتىندە تياناقتاندىرىپ، ٴىس جۇزىندىك ارەكەتتە ايگىلەپ، حالىق ساياسي كەڭەسىنە قاتىناسقان پارتيا ـ توپتاردى، ۇيىمداردى، ٴار ۇلت، ٴار سالا قايراتكەرلەرىن پارتيانىڭ سوزىنە بۇلجىماي قۇلاق اسۋعا، پارتياعا ىلەسۋگە ىنتىماقتاستىرۋ، جەتەكتەۋى كەرەك. نازاردى ٴتۇيىندى مىندەتتەرگە شوعىرلاندىرىپ، جوعارى ساپالى ۇسىنىس قويىپ، جۇڭگو ۇلگىسىندەگى وسىزامانداندىرۋعا دەم بەرۋى كەرەك. ۇلى ىنتىماققا، ۇلى بىرلىككە تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە زەيىن ـ زەردەنى، كۇش ـ قۋاتتى كەڭ كولەمدە ۇيىستىرۋى كەرەك.
ۋاڭ حۋنيڭ مىنالاردى ٴبىلدىردى: ٴبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ناقتى ٴىس ىستەۋدى، جاۋاپكەرشىلىكتى، جاۋاپكەرشىلىك ارقالاۋدى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جازۋىمىز، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك.
ما شيڭرۇي، ۋاڭ ي، يىن لي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ۋ جىڭلۇڭ، شىن يچين، جاڭ جۇن، يىڭ يۇڭ قاتارلى باسشى جولداستار دا جابىلۋ جينالىسىنا قاتىناستى.
جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جينالىسىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەردەگى حۋاچياۋلار، ت . ب ۇسىنىس بويىنشا جابىلۋ جينالىسىنا قاتىناستى.
ٴماجىلىس ايبىندى مەملەكەت انىمەن جابىلدى.
