ما شيڭرۇي، ەركىن تۇنياز، ٴزۇمىرات وبۇل، شاۋكەت يمىن، لي يفي قاراۋعا قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 10 ـ كۇنى بەيجيڭنەن حابارلايدى. 3 ـ ايدىڭ 10 ـ كۇنى 14 ـ كەزەكتى مەملەكەتتىك حالىق قۇرىلتايى 2 ـ ماجىلىسىندەگى شينجياڭ ۋاكىلدەر ۇيىرمەسى جالپى جيىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت بايانداماسىن ۇزدىكسىز قارادى؛ گرۋپپا جيىنىن وتكىزىپ، ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ سياقتى 3 قارار جوباسىن قارادى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، ەركىن تۇنياز، ٴزۇمىرات وبۇل، شاۋكەت يمىن، لي يفي قاراۋعا قاتىناستى.
ەڭ جوعارى حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار باستىعى حى شياۋرۇڭ، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى جانە ٴماجىلىس حاتشىلار باسقارماسىنداعى قاتىستى جولداستار جيىنعا كەلىپ پىكىرلەردى تىڭدادى.
وسىنىڭ الدىنداعى قاراۋ نەگىزىندە شينجياڭ ۋاكىلدەر ۇيىرمەسىندەگى ٴبىر ٴبولىم مۇشەلەر لەبىز ٴبىلدىرىپ، 3 باياندامانى ارقاۋ ەتە وتىرىپ ىشكەرىلەي تالقى جۇرگىزدى. كوپشىلىك بىلاي دەپ قارادى: 2023 ـ جىل _ 14 ـ كەزەكتى مەملەكەتتىك حالىق قۇرىلتايى تۇراقتى كوميتەتى مىندەت وتەگەن ٴبىرىنشى جىل. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى تۇراقتى كوميتەتى باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، دۇرىس ساياسي بەتالىسقا تاباندى بولىپ، پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتە وتىرىپ زاڭ بويىنشا مىندەت اتقارىپ، جاۋاپكەرشىلىك وتەپ، جالپى بارىستىق حالىق دەموكراتياسىن بەلسەنە امالياتتا ايگىلەپ جانە دامىتىپ، مەملەكەتتىڭ ەڭ جوعارى بيلىك ورگانىندىق رولىن تولىق ساۋلەلەندىردى. ٴبىر جىلدان بەرى مەملەكەتتىڭ زاڭ شىعارۋ ساپاسى ٴۇرتىس جوعارىلاپ، جۇڭگوشا سوتسياليستىك زاڭ جۇيەسى اناعۇرلىم عىلمي دا كەمەلدى، ٴبىر تۇتاس، قۇزىرلى بولىپ، حالىق قۇرىلتايىنىڭ باقىلاۋ قىزمەتىنىڭ باعىتتامالىلىعى، ناقتى ونىمدىلىگى ۇزدىكسىز ارتىپ، ۋاكىلدەر قىزمەتى مەحانيزمى اناعۇرلىم كەمەلدەنىپ، حالىق قۇرىلتايى قىزمەتىنىڭ جوعارى ساپالى دامۋىندا جاڭا بەينەنى، جاڭا ىسكەرلىكتى ايگىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى زاڭمەن باسقارۋ قامتاماسىزدىعىن ازىرلەدى.
ۋاكىلدەر مىنالاردى ٴبىلدىردى: ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا ٴداۋىردىڭ جاڭا جورىعىنداعى پارتيا مەن مەملەكەتتىڭ وزەكتى مىندەتىنە اناعۇرلىم تاباندى، سانالى تۇردە قىزمەت وتەپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن ادالدىقپەن وتەپ، حالىق ٴۇشىن ٴادىليا جۇرگىزۋدى ىشكەرىلەي امالياتتا ايگىلەپ، قوعامدىق ادىلدىكتى، تۋراشىلدىقتى جەبەپ، جوعارى ساپالى، ٴونىمدى ٴادىليا ارقىلى جوعارى ساپالى دامۋدى ىلگەرىلەتىپ، جوعارى ٴونىمدى باسقارۋدى جەبەپ، جوعارى دەڭگەيلى حاۋىپسىزدىكتى قامتاماسىز ەتىپ، زاڭمەن باسقارۋدىڭ ۇزدىك جاۋاپناماسىن تاپسىردى. اسىرەسە، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى قوعام جاپپاي نازار اۋدارىپ وتىرعان قولامتالى دەلولارعا بەتپە ـ بەت كەلىپ، حالىقتىڭ ٴتول مۇددەسىنە ساياتىن ٴتۇيىندى تاقىرىپتارعا بەلسەنە جاۋاپ قايتارىپ، ”ەگەر ارىزدانۋشى مەن بولسام“ قاتارلى ٴادىليا ۇستانىمدارىن العا قويىپ، قوعامداعى ٴار سالانىڭ جوعارى باعاسىنا يە بولدى.
ۋاكىلدەر مىنالاردى ٴبىلدىردى: جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋدا ٴتۇزىم ابزالدىلىعىن باسقارۋ ونىمدىلىگىنە اينالدىرۋ اناعۇرلىم قاجەت، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ٴتيىمدى بولۋ رولىن ساۋلەلەندىرۋ اناعۇرلىم قاجەت. باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن كۇشەيتىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرىپ، حالىق قۇرىلتايى تۇزىمىنە باستان ـ اياق ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، حالىق قۇرىلتايىنىڭ فۋنكتسيالىق رولىن شىن مانىندە ساۋلەلەندىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا قورعان بولۋ كەرەك. شينجياڭدى جاپپاي زاڭمەن باسقارۋدى ٴۇرتىس تەرەڭدەتىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ٴبىر تۇلعالاندىرا ىلگەرىلەتىپ، زاڭمەن باسقارۋ ويىنان جانە زاڭمەن باسقارۋ تاسىلىنەن اناعۇرلىم ويداعىداي پايدالانا وتىرىپ رەفورمانى تەرەڭدەتىپ، دامۋدى ىلگەرىلەتىپ، قايشىلىقتاردى شەشىپ، قوعامدىق ادىلدىكتى، تۋراشىلدىقتى قورعاۋعا اناعۇرلىم ٴمان بەرىپ، ٴار ۇلت بۇقاراسىنا ٴاربىر ٴادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە زاڭمەن باسقارۋدىڭ تاماشا ورتاسى ارقىلى قىزمەت وتەۋ جانە ونى قامتاماسىز ەتۋ كەرەك.
ۋاكىلدەر ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ جونىندەگى 3 قارار جوباسىن ٴبىر اۋىزدان قۇپتادى.
مەملەكەتتىك حالىق قۇرىلتايىنىڭ ۋاكىلدەرى لي شيانفا، چىن ۋيجۇن، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ، ٴدىلشات سايىم، گاۋ جيميڭ قاتارلىلار جيىنعا قاتىناستى. جياڭ شينجۇن، دوۋ حۇڭيان قاتارلىلار جيىنعا سىرتتاي قاتىناستى.
