شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ ٴتوراعالار القاسى 3 ـ ايدىڭ 10 ـ كۇنى تۇستەن كەيىن بەيجيڭ حالىق سارايىندا 3 ـ جيىنىن وتكىزدى.
ٴتوراعالار القاسىنىڭ تۇراقتى ٴتوراعاسى جاۋ لىجي جيىندى باسقاردى.
جيىنعا قاتىناسۋعا ٴتيىستى 181 ادام، قاتىناسقانى 177 ادام، 4 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
3 ـ ايدىڭ 9 ـ كۇنى تۇستەن بۇرىن ۋاكىلدەر ۇيىرمەلەرى مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىنىڭ تۇزەتىلگەن نۇسقاسىن مۇقيات قارادى. مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى ۋاكىلدەر ۇيىرمەلەرىنىڭ قاراۋ پىكىرىنە ساي، وزگەرىس ەنگىزۋ جوباسىنىڭ تۇزەتىلگەن نۇسقاسىن قاراپ، وزگەرىس ەنگىزۋ جوباسىنىڭ داۋىسقا سالۋ نۇسقاسىن ورتاعا قويدى. ٴتوراعالار القاسىنىڭ جيىنى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىنىڭ تۇزەتىلگەن نۇسقاسىنا وزگەرىس ەنگىزۋ پىكىرى جونىندەگى بايانداماسىن تىڭدادى. جيىن داۋىسقا سالۋ ارقىلى جوعارىداعى باياندامانى جانە وزگەرىس ەنگىزىلگەن جوبانىڭ داۋىسقا سالۋ نۇسقاسىن ماقۇلداپ، وزگەرىس ەنگىزىلگەن جوبانىڭ داۋىسقا سالۋ نۇسقاسىن ٴماجىلىس جالپى جيىنىنىڭ داۋىسقا سالۋىنا ۇسىنۋدى ۇيعاردى.
3 ـ ايدىڭ 8 ـ كۇنى تۇستەن كەيىن جانە 3 ـ ايدىڭ 10 ـ كۇنى تۇستەن بۇرىن ۋاكىلدەر ۇيىرمەلەرى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن مۇقيات قارادى. ۋاكىلدەر مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، الداعى ٴبىر جىلداعى قىزمەت ورنالاستىرۋلارىن قۇپتايتىندىقتارىن ٴبىلدىردى. قاراۋ بارىسىندا ۋاكىلدەر بايانداما جانە حالىق قۇرىلتايى قىزمەتى جونىندە كەيبىر پىكىرلەر مەن ۇسىنىستاردى ورتاعا قويدى. كوميتەت باستىقتارى ٴماجىلىسى ۋاكىلدەردىڭ قاراۋ پىكىرلەرىن مۇقيات اقىلداسىپ، بايانداماعا وزگەرىس ەنگىزدى. ٴتوراعالار القاسىنىڭ تۇراقتى ٴتوراعالارى ۋاكىلدەر ۇيىرمەلەرىنىڭ قاراۋ پىكىرىنە جانە بايانداماعا وزگەرىس ەنگىزۋ جاعدايىنا نەگىزدەلىپ، تۇراقتى كوميتەتتىڭ قىزمەت بايانداماسىن بەكىتۋدى ۇسىنىس ەتتى ٴارى تۇراقتى كوميتەتتىڭ قىزمەت بايانداماسى جونىندەگى قارار جوباسىن وكىلەتتى دايىندادى. جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
3 ـ ايدىڭ 9 ـ كۇنى تولىق كۇن جانە 3 ـ ايدىڭ 10 ـ كۇنى تۇستەن بۇرىن ۋاكىلدەر ۇيىرمەلەرى ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات قارادى. ۋاكىلدەر ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ وتكەن ٴبىر جىلداعى قىزمەتىن تولىق تۇراقتاندىرىپ، الداعى ٴبىر جىلداعى قىزمەت ورنالاستىرۋلارىن قۇپتايتىندىقتارىن ٴبىلدىردى. قاراۋ بارىسىندا ۋاكىلدەر كەيبىر پىكىرلەر مەن ۇسنىستاردى دا ورتاعا قويدى. ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى ۋاكىلدەردىڭ قاراۋ پىكىرىنە نەگىزدەلىپ، بايانداماعا وزگەرىس ەنگىزدى. ٴتوراعالار القاسىنىڭ تۇراقتى ٴتوراعالارى ۋاكىلدەر ۇيىرمەلەرىنىڭ قاراۋ پىكىرىنە جانە بايانداماعا وزگەرىس ەنگىزۋ جاعدايىنا نەگىزدەلىپ، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋدى ۇسىنىس ەتتى ٴارى ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 2 قارار جوباسىن وكىلەتتى دايىندادى. جيىن داۋىسقا سالۋ ارقىلى وسى 2 قارار جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
جيىن ٴماجىلىستىڭ ورىنباسار باس حاتشىسى ليۋ جۇنچىننىڭ 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسى حاتشىلار باسقارماسىنىڭ ۋاكىلدەر العا قويعان كەڭەستىك جوبالاردى ٴبىر جاقتى ەتۋ پىكىرى جونىندە جاساعان بايانداماسىن تىڭدادى. ليۋ جۇنچىن بىلاي دەدى: 3 ـ ايدىڭ 8 ـ كۇنى ساعات 12گە دەيىن ٴماجىلىس حاتشىلار باسقارماسى جالپى 298 كەڭەستىك جوبانى تاپسىرىپ الدى، مۇنىڭ ىشىندە 26 كەڭەستىك جوبانى ۋاكىلدەر ۇيىرمەسى ورتاعا قويعان، 272 كەڭەستىك جوبانى 30دان استام ۋاكىل بىرلەسىپ ۇسىنعان. وسى كەڭەستىك جوبالاردىڭ اراسىندا زاڭ شىعارۋ جاعىنا قاتىستىسى 294، مۇنىڭ ىشىندە 292 زاڭ جوباسى، 2 قاتىستى قارار بار؛ باقىلاۋ جاعىنداعىسى4. مازمۇنى، باستىسى، مىنالارعا شوعىرلاندى: حالىقتىڭ وزىنە ـ ٴوزى قوجايىن بولۋ ٴتۇزىم جۇيەسىن اقاۋسىزداندىرىپ، جالپى بارىستىق حالىق دەموكراتياسىن دامىتۋ؛ جوعارى ساپالى دامۋدى ىلگەرىلەتىپ، جاڭا ساپالى وندىرگىش كۇشتەردى جەدەل دامىتۋ؛ اكىمشىلىكتى زاڭ بويىنشا جۇرگىزۋ مەن ٴادىليانى ٴادىل جۇرگىزۋدى تىڭعىلىقتى ىلگەرىلەتۋ؛ حالىق تۇرمىسىن قامتاماسىز ەتۋ جانە جاقسارتۋ؛ جوعارى ساپالى دامۋ مەن جوعارى دەڭگەيلى حاۋىپسىزدىكتى ٴبىر تۇتاس جوسپارلاۋ؛ عىلىم ـ تەحنيكا، وقۋ ـ اعارتۋ ارقىلى مەملەكەتتى گۇلدەندىرۋ ستراتەگياسى مەن دارىندىلار ارقىلى مەملەكەتتى قۇدىرەتتەندىرۋ ستراتەگياسىن اتقارىپ، مادەنيەتتە قۋاتتى ەل قۇرۋ؛ جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ٴومىر ٴسۇرۋىن جەبەۋ. ٴماجىلىس حاتشىلار باسقارماسى ۋاكىلدەر ورتاعا قويعان كەڭەستىك جوبالارعا ٴبىر ـ بىردەن مۇقيات تالداۋ جاساپ، زەرتتەۋ جۇرگىزىپ، وسى رەتكى ٴماجىلىستىڭ قاراۋىنا ەنگىزۋگە قاجەتتى كەڭەستىك جوبا جوق دەپ قارادى. ٴماجىلىس حاتشىلار باسقارماسى ۋاكىلدەر ورتاعا قويعان كەڭەستىك جوبالاردى جەكە ـ جەكە مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرۋدى ۇسىندى. قاتىستى ارناۋلى كوميتەتتەر جوعارىدا ايتىلعان كەڭەستىك جوبالاردى قاراعاننان كەيىن، مەملەكەتتىك حالىق قۇرىلتايى تۇراقتى كوميتەتىنە قاراۋ ناتيجەسى جونىندە بايانداما تاپسىرادى، مەملەكەتتىك حالىق قۇرىلتايى تۇراقتى كوميتەتى قاراپ ماقۇلداعاننان كەيىن، 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە باسىپ تاراتادى. ٴماجىلىس حاتشىلار باسقارماسى ۋاكىلدەردىڭ كەڭەستىك جوبالارىن قاراۋ جانە قاتىستى قىزمەتتەر جونىندە تومەندەگىدەي ۇسىنىستاردى العا قويدى: شي جينپيڭ جاڭا ٴداۋىر جۇڭگوشا سوتسياليزم يدەياسىمەن زاڭ شىعارۋ قىزمەتىنە بۇلجىماي جەتەكشىلىك ەتۋ؛ پارتيانىڭ زاڭ شىعارۋ قىزمەتىنە جاپپاي باسشىلىعىنا تاباندى بولىپ، پارتيا ورتالىق كوميتەتى بەكىتكەن مەملەكەتتىك حالىق قۇرىلتايى تۇراقتى كوميتەتىنىڭ زاڭ شىعارۋ جوباسىن مۇقيات تياناقتاندىرىپ، پارتيا ورتالىق كوميتەتى بەلگىلەگەن كەلەلى زاڭ شىعارۋ مىندەتتەرىنىڭ دايەكتىلەنۋىن، تياناقتانۋىن شىنايى ويداعىداي يگەرۋ؛ جالپى بارىستىق حالىق دەموكراتياسىن ىشكەرىلەي امالياتتا ايگىلەپ، ۋاكىلدەردىڭ زاڭ شىعارۋ قىزمەتىنە قاتىناسۋىن كەڭەيتۋ جانە تەرەڭدەتۋ؛ مەملەكەت جاعدايى مەن ٴىس جۇزىندىكتى شىعار ٴتۇيىن ەتۋدەن جازباي، زاڭ جۇيەسى قۇرىلىسى مەن زاڭ شىعارۋ قىزمەتىنىڭ زاڭدىلىعىن زەرتتەۋدى كۇشەيتىپ، ورنىقتىلىق بارىسىندا ىلگەرىلەۋ ارقىلى زاڭ شىعارۋ قىزمەتىنىڭ جوعارى ساپالى دامۋىن جەبەۋ كەرەك.
جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسى حاتشىلار باسقارماسىنىڭ ۋاكىلدەر ورتاعا قويعان كەڭەستىك جوبالاردى ٴبىر جاقتى ەتۋ پىكىرى جونىندەگى بايانداماسىن ماقۇلدادى.
ٴماجىلىس ٴتوراعالار القاسىنىڭ تۇراقتى ٴتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي جيىنعا قاتىناستى.
