اۆتونوميالى رايوندىق ساياحات كاسىپ سالاسىن دامىتۋ باسشىلىق گرۋپپاسى ٴماجىلىس اشتى
التىن مەزگىلدى مىقتى يگەرىپ، ساياحات كاسىبىندە تىڭ سەرپىلىستى جۇزەگە اسىرۋدى بار كۇشپەن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 14 ـ كۇنى ۇرىمجىدەن حابارلايدى. 3 ـ ايدىڭ 14 ـ كۇنى تۇستەن بۇرىن اۆتونوميالى رايوندىق ساياحات كاسىپ سالاسىن دامىتۋ باسشىلىق گرۋپپاسى ٴماجىلىس اشىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىردى، تياناقتاندىردى، مەملەكەتتىك ەكى ٴماجىلىستىڭ رۋحىن جانە اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ رۋحىن دايەكتىلەندىردى، تياناقتاندىردى، 2024 ـ جىلى 1 ـ ايدان 2 ـ ايعا دەيىنگى ساياحاتتى دامىتۋ قىزمەتى جاعدايى جونىندەگى باياندامانى تىڭدادى، قاتىستى حۇجاتتاردى قارادى، رايونىمىزدىڭ ساياحات كاسىبىنىڭ جوعارى ساپالى دامۋىن ىلگەرىلەتۋدى اقىلداستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى ٴارى ٴسوز سويلەدى.
ٴماجىلىس مىنالاردى اتاپ كورسەتتى: بىلتىر بۇكىل رايوندا جوعارىدان تومەنگە دەيىن ساياحات ارقىلى شينجياڭدى گۇلدەندىرۋ ستراتەگياسى ىشكەرىلەي اتقارىلدى، بايتاق، كوركەم شينجياڭنىڭ باۋراعىشتىعى، ىقپالى ٴۇرتىس ارتىپ، ساياحات كاسىبى تەبىنى كۇشەيىپ، جانداندى. بيىل رايونىمىز 300 ميلليون ساياحاتشى (رەت) قابىلداۋعا كۇش سالادى، ٴسوز جوق، اۆتونوميالى رايوندىق پارتكوم مەن ۇكىمەتتىڭ ورنالاستىرۋىنا، تالابىنا ساي، شينجياڭنىڭ ساياحاتتى دامىتۋداعى ماڭىزدى التىن مەزگىلىن جاپپاي يگەرىپ، باسىمدىقتى ونان ارى كەڭەيتىپ، ولقىلىقتاردى تولىقتاپ، رايونىمىز ساياحات كاسىبىندە تىڭ سەرپىلىستى جۇزەگە اسىرۋدى، جاڭا تابىستارعا قول جەتكىزۋدى ىلگەرىلەتۋ كەرەك.
ٴماجىلىس مىنالاردى باسا دارىپتەدى: يدەيانى ازات ەتىپ، داعدىنى بۇزىپ، ساياحات كاسىپ كۇيىن ونان ارى بايىتىپ جانە وندا جاڭالىق اشىپ، ”تاماقتانۋ، جاتىن ورىن، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ“ كاسىپ سالاسى تىزبەگىن ۇزارتىپ، ساياحات ونىمدەرىمەن قامداۋدى ۇزدىكسىز مولايتىپ، ساياحاتشىلاردىڭ اسەرىن جوعارىلاتۋ كەرەك. ”ٴبىر ورىندا ٴبىر شارا“، ”ٴبىر ماۋسىمدا ٴبىر شارا“ بولۋعا تاباندى بولىپ، مەرەكە كۇنىن، مەرەكە ٴتۇيىنىن قولدان جىبەرمەي، ساياحاتقا جالعا العان ۇشاقتىڭ، ساياحات ارناۋلى پويەزىنىڭ ”ساياحاتشىلاردى شينجياڭعا اكەلۋ“ سەرپىنىن ارتتىرىپ، ٴتۇرلى مەديالاردان جانە شينجياڭعا كومەكتەسۋ تۇعىرىنان ٴبىر تۇتاس جوسپارلاپ ويداعىداي پايدالانىپ، ۇگىتتەۋ، تانىستىرۋ سەرپىنىن ارتتىرىپ، ”شينجياڭ جاقسى جەر“ تانىسقىسىن جارقىراتىپ، شينجياڭ ساياحاتىنىڭ تانىمالىلىعىن جانە داڭقىن ۇزدىكسىز اسىرۋ كەرەك. ساياحات نىسانى قۇرىلىسىن جەدەل ىلگەرىلەتىپ، ٴتۇيىندى كورىنىس وڭىرلەرىنىڭ، نەگىزگى ساياحات جەلىلەرىنىڭ تاس جول اينالما جەلىسى قۇرىلىسىن ىلگەرىلەتىپ، ساياحات دارەتحاناسى، ماي قۇيۋ پۋنكتى، اۆتو تۇراق، حابارلاسۋ بازالىق ستانسياسى سياقتى نەگىزدىك قۇرىلعىلار دارەجەسىن جوعارىلاتىپ، جاڭالاپ، ”3 قيىن، ٴبىر ىركىلىسسىز بولماۋ“ سياقتى ماسەلەلەردى كۇش سالا شەشۋ كەرەك. ”ساياحاتتىق قىزمەت وتەۋ ساپاسىن جوعارىلاتۋ جىلىن“ تۇتقا ەتە وتىرىپ، ”ٴبىر نيەتپەن ساياحاتتى قورعاۋ“ ارناۋلى ارەكەتىن ونان ارى تەرەڭدەتىپ، ساياحات بازارى ورتاسىن ٴۇرتىس ساپالىلاندىرىپ، باعانى ارزانداتۋ الدامكوستىگى، زات ساتىپ الۋعا ماجبۇرلەۋ سياقتى بازار بىلىقپالىعىنا قاتاڭ سوققى بەرىپ، كەڭەس سۇراۋ، شاعىم ايتۋ ارناسىن ىركىلىسسىزدەندىرىپ، ساياحاتشىلاردىڭ اڭىسى كۇشتى، شينجياڭنىڭ ساياحات وبرازىنا ىقپال تيگىزەتىن قيىن تۇيىندەر، بوگەتتى تۇيىندەر ماسەلەسىن كۇش سالا شەشۋ كەرەك.
ٴماجىلىس مىنالاردى باسا دارىپتەدى: وڭتۇستىك شينجياڭ ساياحاتىن اشىق ۇستاۋ سەرپىنىن ارتتىرىپ، ”جالپى وڭىرگە، تۇتاس ماۋسىمعا، جالپى حالىققا، جالپى كاسىپ كۇيىنە، جالپى فاكتورعا“ قاراي دارەجەسىن جوعارىلاتۋدى ىلگەرىلەتىپ، مادەنيەت پەن ساياحاتتى توعىستىرۋ سىندى ۇلكەن ٴىستى ويداعىداي ىستەپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ كەرەك. ساياحاتتىڭ ”ٴبىر كاسىپتى گۇلدەندىرۋ ارقىلى سان سالالى كاسىپتى وركەندەتۋدەي“ كوبەيتكىش اسەرىنەن ويداعىداي پايدالانىپ، اناعۇرلىم كوپ جەرگىلىكتى بۇقارانى كورىنىس ٴوڭىرى قۇرىلىسىنا، جۇمىس جۇرگىزۋگە، باسقارۋعا ات سالىسۋعا تارتىپ، بۇقارانىڭ ساياحاتتى دامىتۋ ارقىلى كىرىستى ارتتىرىپ، بايۋىنا، وسى زامان وركەنيەتىن سەزىنۋىنە شىن مانىندە مۇمكىندىك جاساۋ كەرەك.
ٴماجىلىس مىنالاردى اتاپ كورسەتتى: جۋىقتا رايونىمىزدا اۋا تەمپەراتۋراسى تومەندەدى، مادەنيەت ـ ساياحات، اۋا رايى، قوعام حاۋىپسىزدىگى، شۇعىل جاعدايعا توتەپ بەرۋ، قاتىناس قاتارلى تاراۋلار اۋا رايىنىڭ تاس جول قاتىناسىنا، مادەنيەت ـ ساياحات قيمىلىنا اكەلگەن ٴتيىمسىز ىقپالىن ٴجىتى قاداعالاپ، حاۋىپسىزدىككە ساياتىن كومەسكى كىناراتتاردى اشالاي تەكسەرىپ، جونگە سالۋدى ٴونىمدى ورىستەتۋى كەرەك. ٴوندىرىس حاۋىپسىزدىگى تومەنگى شەگىن ساقتاپ، ٴوندىرىس حاۋىپسىزدىگى جاۋاپكەرشىلىگىن نىعايتىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك.
ۋاڭ جيانشين، ٴيۇسۇپجان مامەت، سۇن حۇڭمەي، شۋە بين، ۋاڭ گاڭ قاتارلىلار ماجىلىسكە قاتىناستى.
