«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ٴىرى پارتياعا عانا ٴتان قيىن ماسەلەلەردى شەشۋ سەرگەكتىگى مەن باتىلدىعىن قاي ـ قاشان دا ساقتاپ، پارتيانىڭ وزىنە ـ ٴوزى ۇلى توڭكەرىس جاساۋىن سوڭىنا دەيىن جالعاستىرۋ كەرەك
شينحۋا اگەنتتىگىنىڭ 3 ـ ايدىڭ 15 ـ كۇنى بەيجيڭنەن بەرگەن حابارى. 3 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 6 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «ٴىرى پارتياعا عانا ٴتان قيىن ماسەلەلەردى شەشۋ سەرگەكتىگى مەن باتىلدىعىن قاي ـ قاشان دا ساقتاپ، پارتيانىڭ وزىنە ـ ٴوزى ۇلى توڭكەرىس جاساۋىن سوڭىنا دەيىن جالعاستىرۋ كەرەك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: مەملەكەتتى باسقارۋدا، ٴسوز جوق، الدىمەن پارتيانى باسقارۋ كەرەك، پارتيا گۇلدەنگەندە عانا، مەملەكەت قۇدىرەتتەنەدى. پارتيا 20 ـ قۇرىلتايى پارتيانى جاپپاي قاتاڭ باسقارۋدىڭ تاباندىلىقپەن تابىسقا جەتكەن تاريحي سيپاتتى تابىستارىن تەرەڭ قورىتىندىلاپ، بۇكىل پارتيادان ٴىرى پارتياعا عانا ٴتان قيىن ماسەلەلەردى شەشۋ سەرگەكتىگى مەن باتىلدىعىن قاي ـ قاشان دا ساقتاۋدى ونان ارى تالاپ ەتتى. بۇل _ پارتيامىزدىڭ تۇرعان تاريحي ورنىن، ارقالاعان بورىشى مەن مىندەتىن، ٴدوپ كەلگەن كۇردەلى ورتانى شىعار ٴتۇيىن ەتىپ، پارتيانىڭ ٴتۇبىرلى سيپاتى مەن پارتيا جاعدايىنىڭ دامۋىن، وزگەرىسىن تەرەڭ يگەرىپ، جاڭا داۋىردەگى جاڭا جورىقتا پارتيانى جاپپاي قاتاڭ باسقارۋ جونىندە العا قويعان تىڭ دا كەلەلى تاقىرىبى.
ماقالادا مىنالار اتاپ كورسەتىلدى: پارتيامىز _ ماركسيزمدىك پارتيا قۇرۋ ٴىلىمىنىڭ جەتەكشىلىگىندە، دەموكراتيالىق ورتالىقتاندىرۋ ٴتۇزىمى پرينسيبى بويىنشا قۇرىلعان دۇنيە جۇزىندەگى ەڭ ۇلكەن ساياسي پارتيا، دۇنيە جۇزىندەگى جان سانى ەڭ كوپ مەملەكەتتە ۇزاق ۋاقىت بيلىك جۇرگىزەتىن، تاريحى ۇزاق، ادام سانى كوپ، كولەمى كەڭ، ٴىرى ٴىس تىندىراتىن، ۇلى ٴىس تىندىراتىن وراسان زور باسىمدىققا يە بولۋمەن بىرگە، پارتيانى باسقارۋداعى، مەملەكەتتى باسقارۋداعى ەرەكشە قيىن ماسەلەلەرگە دە ٴدوپ كەلدى. ەڭ كەمىندە مىناداي بىرنەشە قيىن ماسەلەنى ىشكەرىلەي زەرتتەپ شەشۋگە تۋرا كەلەدى: قايتكەندە باستان ـ اياق اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا بولادى، قايتكەندە باستان ـ اياق يدەيانى بىرلىككە كەلتىرۋگە، ەرىك ـ جىگەردى بىرلىككە كەلتىرۋگە، ارەكەتتى بىرلىككە كەلتىرۋگە بولادى، قايتكەندە باستان ـ اياق قۋاتتى بيلىك جۇرگىزۋ قابىلەتى مەن باسشىلىق دەڭگەيىن ازىرلەۋگە بولادى، قايتكەندە باستان ـ اياق ٴىس تىندىرىپ، ناتيجە شىعارۋدىڭ رۋحاني كۇيىن ساقتاۋعا بولادى، قايتكەندە باستان ـ اياق وزىمىزدە ورىن تەۋىپ وتىرعان ماسەلەلەردى دەر كەزىندە بايقاۋعا جانە شەشۋگە بولادى، قايتكەندە باستان ـ اياق ستيلى پاك، سالتى دۇرىس ساياسي ەكولوگيانى ساقتاۋعا بولادى؟ جوعارىداعى قيىن ماسەلەلەردى ويداعىداي شەشۋ جاڭا داۋىردەگى جاڭا جورىقتا پارتيانىڭ بورىشىن، مىندەتىن جۇزەگە اسىرۋدا، ٴسوزسىز، باسىپ وتەتىن وتكەل، پارتيانى جاپپاي قاتاڭ باسقارۋدىڭ جاڭا جاعدايعا، جاڭا تالاپقا ۇيلەسۋىندە، ٴسوزسىز، شەشەتىن قيىن ماسەلەلەر. ٴىرى پارتياعا عانا ٴتان قيىن ماسەلەلەردى شەشۋ، ارينە، ۇزاق ۋاقىتتىق ٴارى جاپالى بارىس، بۇل پارتيانى جاپپاي قاتاڭ باسقارۋدىڭ ماڭگى جالعاساتىندىعىن، پارتيانىڭ وزىنە ـ ٴوزى توڭكەرىس جاساۋىنىڭ ماڭگى جالعاساتىندىعىن بەلگىلەدى. ٴبىز، ٴسوز جوق، پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، امان ـ ەسەن بولۋىنا ساياتىن تۇرعىدان پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى باعدار ەتۋدەن باستان ـ اياق جازباي، ستراتەگيالىق تاباندىلىقتى ساقتاپ، وزىنە ـ ٴوزى تۇبەگەيلى توڭكەرىس جاساۋ رۋحىن ساۋلەلەندىرىپ، اتوي دابىلىن ماڭگى قاعىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانىڭ وزىنە ـ ٴوزى ۇلى توڭكەرىس جاساۋىن سوڭىنا دەيىن جۇرگىزۋىمىز كەرەك.
ماقالادا مىنالار باسا دارىپتەلدى: بۇكىل پارتيانىڭ ”ٴۇش، ٴسوز جوقتى“ ەستە بەرىك ساقتاۋدى، پارتيانىڭ نەگىزگى ماقساتىن امالياتتا ايگىلەۋدى جەبەۋىن، ٴسوزسىز، ٴتۇبىرلى بەتالىس ەتىپ، قاتاڭ باسقارۋ ـ باقىلاۋدى جانە جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋدى وسكەلەڭ بىرلىككە كەلتىرىپ، سول ارقىلى اناعۇرلىم پارمەندى باسشىلىق كۇش سومداپ، اناعۇرلىم كەڭ كولەمدى كۇرەس جۇرگىزۋ كۇشىن ۇيىستىرۋ كەرەك. پارتيانى جاپپاي قاتاڭ باسقارۋدىڭ ماقساتى ادامدى تىرپ ەتكىزبەي قويۋ، ادامدى جاسقانشاق، جالتاقوي، جىگەرسىز، ەشتەڭە تىندىرا المايتىن قاتىپ ـ سەمگەن كۇيگە ٴتۇسىرۋ ەمەس، قايتا بەتالىستى ايقىنداۋ، قاعيدا ورناتۋ، ستيلدى دۇرىستاۋ، قارسىلىق قۋاتىن كۇشەيتۋ ارقىلى بەلسەندى، اقاۋسىز، ٴىس تىندىرىپ، شارۋاشىلىق قۇراتىن ساياسي ەكولوگيا مەن تاماشا ورتا جاراتۋ بولىپ تابىلادى. پارتيانى جاپپاي قاتاڭ باسقارۋدىڭ ٴونىمدى شارالارى جونىندە ۇزدىكسىز ىزدەنىس جاساپ جانە ونى كەمەلدەندىرىپ، ”ٴۇشتى ايىرۋعا“ تاباندى بولىپ، قاتاڭ باسقارۋ مەن ايرىقشا قامقورلىق جاساۋدى ۇشتاستىرۋعا، شابىتتاندىرۋ مەن تەجەۋگە تەڭ ٴمان بەرۋگە تاباندى بولىپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم ويداعىداي جۇمىلدىرىپ، جاڭا جورىقتا ەكپىندەي ىلگەرىلەۋدىڭ، جاڭا داۋىردە ەسە قوسۋدىڭ قويۋ رايى مەن جالىندى جاعدايىن ۇزدىكسىز قالىپتاستىرۋ كەرەك.
