□ انار بۇلت \ شينجياڭ گازەتىنىڭ ٴتىلشىسى ۋاڭ نا
”اجە، اۋا رايى مالىمەتىندە تاياۋدا بوز بوران سوعادى دەپ جاتىر، تىنىس جولى جۇيەسىنە جامان عوي، مۇمكىندىكتىڭ بارىنشا سىرتقا شىقپاڭىز...“ 3 ـ ايدىڭ 13 ـ كۇنى حالىق ساقشىسى ۋ پىڭشياڭ مەن قىزمەتتەستەرى ونسۋ اۋدانى تۇمسىق قالاشىعىنىڭ لانگار قىستاعىن ارالاپ اۋاحان اشىم قارتتىڭ ۇيىنە كەلدى، ولار ەسىك ـ تەرەزەنى تەكسەرىپ، قارتقا بوز بوراندى اۋا رايىندا كوڭىل بولۋگە ٴتيىستى ىستەردى قۇلاققاعىس ەتتى.
اۋاحان ۋ پىڭشياڭ مەن قىزمەتتەستەرىنىڭ ٴوزىنىڭ بارلىق جۇمىستارىنا كومەكتەسكەنىن كورىپ، اجىم باسقان جۇزىنەن رازىلىق كۇلكىسى ەستى.
ۋ پىڭشياڭ شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتىنىڭ اقسۋ شەكارا باسقارۋ تارماق اترەتى تۇمسىق شەكارا ساقشى بولىمشەسى لانگار قىستاعى ساقشى ىستەرى كەڭسەسىنىڭ حالىق ساقشىسى. قىستاقتا ”95 ـ جىلدان كەيىن تۋعان“ ۋ پىڭشياڭ مەن 95 جاستاعى اۋاحان جاقىن تۋىس بولماسا دا، ەكەۋى دە كوممۋنيستىك پارتيا مۇشەسى، ولار جاي كۇندەرى ىنتىماقتاسا قارايلاسىپ، تاتۋ ٴوتىپ، ۇلتتار ىنتىماعىنىڭ تارتىمدى حيكاياسىنا اينالدى.
2 جىلدىڭ الدىندا ۋ پىڭشياڭ ەندى عانا ساقشى بولىمشەسىنەن لانگار قىستاعى ساقشى ىستەرى كەڭسەسىنە اۋىسىپ كەلگەندە قىستاق كادرلارىنان قىستاقتا 90 جاستان اسقان اۋاحان اتتى قارت پارتيا مۇشەسى بار ەكەندىگىن، كەزىندە قىستاقتىڭ كىشى اترەت باستىعى بولعاندىعىن، توسەلگەن، ىنتالى، مول بۇقارالىق قىزمەت تاجىريبەسى بار ەكەندىگىن ەستىگەن ەدى.
ۋ پىڭشياڭ قىزىعۋشىلىقپەن، ۇستاز تۇتىپ، ونەر ۇيرەنەيىن دەگەن ويمەن دەرەۋ امانداسا باردى. سول كۇنى اۋاحان ۋ پىڭشياڭدى قوناعۋارلىقپەن قارسى الدى، ول ٴوز بىلگەنىن اقتارىلا ايتتى ٴارى ساقتاپ جۇرگەن ”پارتيا قۇشاعىنداعى داڭقتى 50 جىل“ زناگىن الىپ شىعىپ، ۋ پىڭشياڭعا كوپ اڭگىمە ايتىپ بەردى.
تەرەڭ سۇيىسپەنشىلىككە تولى اڭگىمە بارىسىندا ۋ پىڭشياڭ اۋاحاننىڭ جاس كەزىندە ـ اق ”جايدارى جان“ ەكەندىگىن بىلەدى، ىلعي باستاماشىلدىقپەن قىستاق تۇرعىندارىن ۇيىمداستىرىپ، قيىنشىلىعى بار وتباسىلارىنا كومەكتەسىپ ەگىس جۇمىستارى، تازالىق ىستەۋ، مالعا جەم سالۋ سياقتى جۇمىستاردى ىستەيدى ەكەن، باسقالاردىڭ نازارىندا ونىڭ بويىندا سارقىلماس كۇش بارداي ەدى. بەينەسى كورنەكتى بولعاندىقتان، اۋاحان 1960 ـ جىلى داڭقپەن پارتياعا مۇشە بولىپتى.
پارتياعا مۇشە بولعاننان كەيىن اۋاحان ٴۇرتىس 10 جىل قىستاقتا كىشى اترەت باستىعى مىندەتىن وتەيدى، وسى ارالىقتا ول باستاماشىلدىقپەن كوللەكتيۆ ەڭبەككە قاتىناسىپ، قىستاق كادرلارىن باستاپ وتباسىلارىن ارالاپ، پارتيانىڭ ساياساتىن ۇگىتتەپ، ٴتۇرلى قايشىلىقتار مەن داۋ ـ شارلاردى شەشۋگە بەلسەنە ات سالىسىپ، اۋىلداستاردىڭ سان ـ ساناقسىز قيىن ىستەرىن شەشىپ بەردى.
”اجە، ٴسىزدىڭ سونشاما كوپ بۇقارالىق قىزمەت تاجىريبەڭىز بار، بۇدان كەيىن ماعان كوبىرەك ۇيرەتىڭىز“. اۋاحان ۋ پىڭشياڭعا اڭقىلداي ماقۇل بولدى. ول بىلاي دەدى: ”مەيلى قاي جىلداردا بولسىن، بۇقارالىق قىزمەتتى جاقسى ىستەۋ ٴۇشىن، ەڭ اۋەلى، بۇقاراعا ىقىلاس قويىپ، بۇقارانىڭ ٴىسىن ٴوز ٴىسىم دەپ ٴبىلۋ كەرەك“.
اۋاحان قازىر كىشى ۇلىمەن بىرگە تۇرادى، دەنساۋلىعى جاقسى، كۇندىز ۇيىندەگىلەر قىزمەتپەن سىرتقا شىعىپ كەتكەندە، قاريا جاي ٴۇي شارۋاسىن ىستەپ ۋاقىت وتكىزەدى. ۋ پىڭشياڭ اۋاحانمەن ىرىقتى تۇردە جۇپ قۇراپ، تۋىس بولىپ، ۇنەمى ونىمەن اڭگىمەلەسىپ، كوكونىس اتىزىن باپتاپ، مەرەكە ـ مەيرامداردا تارتۋ ـ تارالعى الىپ تۋىسشىلاي بارىپ تۇرادى.
ارالاسۋ بارىسىندا اۋاحان ۋ پىڭشياڭعا ”قازىنالى اجەدەي“ سەزىلدى، ونىڭ جاسى ەگدەلەپ قالعانىمەن، ويى ۇشقىر، بۇقارالىق قىزمەت جاعىنداعى وزگەشە كوزقاراسى ادامدارعا وي سالادى. اۋاحاننىڭ ۇسىنىسىن تىڭداعاننان كەيىن، ۋ پىڭشياڭ قىستاق كادرلارىمەن بىرگە پارتيا مۇشەلەرىنىڭ قىزمەت وتەۋ اترەتىن قۇرىپ، قىستاق تۇرعىندارىنىڭ قايشىلىقتارىن، داۋ ـ شارلارىن جانە تۇرمىس قيىنشىلىقتارىن ٴونىمدى شەشۋىنە كومەكتەستى.
اۋاحان جاستاردىڭ قىستاق تۇرعىندارى ٴۇشىن ناقتى، يگى ىستەر ىستەۋگە قۇلشىنعاندىعىن كورىپ، جاس كەزىندەگى ٴوزىن كورگەندەي بولادى، قاراپ وتىرا المايتىن ول شاماسىنىڭ جەتىسىنشە، قالعان كۇشىن سارقا جۇمساپ قىستاققا ۇلەس قوسادى.
ٴبىر جولى، قىستاق تۇرعىنى تۋXX جاڭعاقتىڭ باعاسىنا رازى بولماي، ساتىپ الۋشى نۋXXپەن رەنجىسىپ قالادى. ۋ پىڭشياڭ مەن كومەكشى ساقشىلار الگى ادامدى ەندى عانا راقايلاسۋعا كوندىرگەندە، تاعى بىرەۋى ايعايعا باسادى. اۋاحان كەلىسىمەن، ونىڭ بويىنداعى وزگەشە ايبار تۋXX، نۋXXتەردىڭ ايعايلاعان داۋىستارىن ەرىكسىز باسەيتەدى، ولار ىرىقتىلىقپەن ۋ پىڭشياڭنان قايشىلىقتى راقايلاستىرۋدى تالاپ ەتەدى.
2 جىلدان بەرى اۋاحان مەن ۋ پىڭشياڭ اجەلى ـ نەمەرەلى ەكەۋىنىڭ حالىق ٴۇشىن قىزمەت ىستەۋ جولىنداعى مەيىرلى ساتتەرى تولىپ جاتىر. ”اۋاحان اجەيگە كەزىگۋ مەنىڭ باقىتىم، ونىڭ بويىندا مەنىڭ ۇيرەنۋىمە تاتيتىن نارسە وتە كوپ“، ـ دەدى ۋ پىڭشياڭ.
