3 ـ ايدىڭ 15 ـ كۇنى مەملەكەتتىك مۇناي، تابيعي گاز قۇبىر تورابى توبى باتىس بولىك قۇبىر شەكتى جاۋاپكەرشىلىك سەرىكتەستىگىنىڭ ٴۇشتۇرپان اۋدانىندا تۇراتىن قىزمەت اترەتى شينجياڭ اۋىل شارۋاشىلىق داشۋەسى ورمان شارۋاشىلىعى جانە باعبانشىلىق شۋەيۋانىنىڭ ماماندارىن ۇسىنىس ەتىپ، اشاتاۋ اۋىلى توقسۇنجار قوتان قىستاعىنداعى، يىڭسار قىستاعىنداعى 45 ەگىمشىلىكتەن ۇلگى كورسەتۋ وتباسىنا ەگىمشىلىكتەن ساباق ٴوتىپ تاربيەلەدى.
تاربيەلەۋ كۋرسىندا پروفەسسور قاراپايىم دا ۇعىنىقتى، كوكەيگە قونىمدى سوزدەر ارقىلى قالىڭ بۇقاراعا جەمىس اعاشتارىن بۇتاۋ، تەلۋ، دەرت - دەربەزدەن، زياندى جاندىكتەردەن ساقتانۋ، تىڭايتقىش بەرۋ، سۋارۋ سياقتى جەمىس باقشاسىن باپتاۋ - باسقارۋ تەحنيكاسىن ٴتۇسىندىردى ٴارى جەمىس ورمان شارۋاشىلىعىن باپتاۋ - باسقارۋ، دەرت - دەربەزدەن، زياندى جاندىكتەردەن ساقتانۋ جانە ونى جونگە سالۋ، سونداي - اق قاتىستى قيىن تۇيىندەر، ماڭىزدى تۇيىندەر جونىندە كۋرستاعىلارمەن پىكىر اۋىستىرىپ، تۇيتكىلدى ماسەلەلەرگە جاۋاپ بەردى.
وسى رەت اۋىل شارۋاشىلىق داشۋەسىنىڭ ماماندارىن قىستاققا بارىپ ساباق وتۋگە ۇسىنىس ەتۋ، ەگىمشىلىكتەن ۇلگى كورسەتەتىن وتباسىلارىن يگىلىككە كەنەلتىپ قانا قويماي، ونان دا ماڭىزدىسى، ٴتىپتى دە كوپ قىستاق تۇرعىندارىنىڭ اۋقاتتانۋ، كىرىستى ارتتىرۋ جولىنا تۇسۋىنە نەگىز قالادى. (ماقالاسىن ەرىكتى تىلشىلەر ما يۇڭ، ما بينگو دايىنداعان)
