_ شينجياڭنىڭ جاڭاشا وندىرگىش كۇشتەرىنىڭ قوزعالىس قۋاتى مىعىم بولدى
□ شينحۋا اگەنتتىگىنىڭ تىلشىلەرى پان يىڭ، باي جىچياڭ
قازىر ٴۇرىمجى مۇناي حيميا سەرىكتەستىگى ارەن بىرلەسكەن ٴوندىرىس قۇرىلعىسى جۇمىس ورنىندا ماشينالار گۇرىلدەپ، قاربالاس جۇمىس جۇرىلۋدە. بۇل جەردە ٴار كۇنى وندىرىلەتىن 2150 توننا PX (پاراكسيلەن) دايىندالىپ كۇبىگە قۇيىلعان سوڭ، جەر ـ جەردەگى بازارلارعا تولاسسىز جەتكىزىلەدى.
ٴۇرىمجى مۇناي حيميا سەرىكتەستىگى ارەن ٴبولىمىنىڭ ورىنباسار مەڭگەرۋشىسى يىن حۇڭپىڭ بىلاي دەپ تانىستىردى: بۇل قۇرىلعى _ سەرىكتەستىكتىڭ اۆتونوميالى رايون العا قويعان ”شينجياڭنىڭ مۇنايىن شينجياڭدا ايىرۋعا، وڭدەلگەن مۇناي ٴوندىرۋ مولشەرىن ازايتىپ، حيميا ونەركاسىپ ونىمدەرىنىڭ سالىستىرماسىن ارتتىرۋعا“ ٴۇن قوسىپ، مۇناي حيميا ونەركاسىبى كاسىپ سالاسى تىزبەگىن ۇزارتقان كەلەلى نىسان، بۇكىل شينجياڭداعى توقىماشىلىق، كيىم ـ كەشەك كاسىپ سالاسىنا اناعۇرلىم كوپ ساپالى شيكىزات ازىرلەيدى.
بايلىق، ساياسات، وڭىرلىك ورىن سياقتى باسىمدىقتارى بار شينجياڭ نازاردى ”سەگىز ٴىرى كاسىپ سالاسى شوعىرىنا“ شوعىرلاندىرىپ، ٴداستۇرلى كاسىپ سالالارىنىڭ ”كومەسكى كۇشىن اشىپ، ونىمدىلىگىن ارتتىرىپ“، جاڭادان گۇلدەنگەن كاسىپ سالالارىن ”دالمە ـ ٴدال ورنالاستىرىپ“، ”ٴبىر بەلدەۋ، ٴبىر جول“ وزەكتى رايونىن تياناق ەتىپ، اناعۇرلىم جوعارى دەڭگەيدەگى اشىق ەكونوميكانى دامىتىپ، جاڭاشا وندىرگىش كۇشتەردى جەتىلدىرۋ ٴۇشىن ۇزدىكسىز جاڭا كومەسكى كۇشتەردى اشىپ، جاڭا قوزعالىس قۋاتىن توپتاپ، جاڭا باسىمدىق تۇلعالادى.
ٴتىلشى تاياۋدا كوپتەگەن جەردەگى كاسىپ سالاسى باقشا رايوندارىن، ٴوندىرىس سەحتارىن، كاسىپ سالاسىندا جاڭالىق اشۋدى زەرتتەۋ ورىندارىن ارالاعاندا ونىمدەردەن، ٴوندىرىس جەلىلەرىنەن، سونداي ـ اق عىلمي زەرتتەۋ قىزمەتكەرلەرىنىڭ الدىنداعى كومپيۋتەر ەكراندارىنان تولاسسىز جارىققا شىققان جوعارى دەڭگەيلى جاسامپازدىق جەتىستىكتەرىن كورىپ، عىلمي زەرتتەۋ قىزمەتكەرلەرىنىڭ دەربەس ٴبىلىم مەنشىك ۇقىعى بار تەحنيكالارعا قاجىماي ـ تالماي جاساعان قۇلشىنىستارىنا قۇلاق سالىپ، شينجياڭنىڭ جاڭاشا وندىرگىش كۇشتەردى جەدەل جەتىلدىرۋىنىڭ، دامىتۋىنىڭ تاسقىنداعان تىرشىلىك تىنىسىن سەزىندى.
ٴداستۇرلى كاسىپ سالالارىنىڭ ”جاڭا كومەسكى كۇشىن“ كادەگە جاراتتى
ۇلۋ جىلعى كوكتەمدە ”اجال تەڭىزى“ تاكلاماكان قۇمدى شولىندەگى جۇڭگو مۇنايى تارىم مۇناي الابى شىندي تاكى 1 ـ ٴنومىرلى ۇڭعىماسى جەر استىندا 10 مىڭ مەتردەن ٴساتتى اسىپ، ەلىمىزدىڭ تۇڭعىش 10 مىڭ مەتر تەرەڭ ۇڭعىماسىنىڭ دۇنيەگە كەلگەندىگىن جاريا ەتتى. وسى ٴبىر تىڭ باستاما سول جەردىڭ جاڭاشا وندىرگىش كۇش ارقىلى جوعارى ساپالى دامۋعا پارمەندى قىزمەت كورسەتۋىنىڭ جاندى كورىنىسى بولدى.
ٴداستۇرلى ٴوندىرىس تاسىلىنەن قول ٴۇزىپ، تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ ارقىلى ونەركاسىپ قۇن تىزبەگىنىڭ دەڭگەيىن كوتەرۋ _ شينجياڭنىڭ عىلىم ـ تەحنيكادا جاڭالىق اشۋ ارقىلى جاڭاشا وندىرگىش كۇشتەردى دامىتۋ ٴۇشىن كاسىپ سالاسىنىڭ نەگىزىن ۇزدىكسىز ”بەكەمدەۋىنىڭ“ ىقشام كورىنىسى بولدى.
”قازىر ونەركاسىپ ينتەرنەتى بەلگىسىمەن ساراپتالعان 2 ـ دارەجەلى 2 ٴتۇيىن سالىنىپ، مۇناي، بولات تەمىر، جابدىق سياقتى سالالاردا 3 ونەركاسىپ ينتەرنەتى تۇعىرى سالىنىپ، ٴبىر توپ جوعارى ساپالى ونەركاسىپ APPى كومىر، كومىر حيميا ونەركاسىبى، مۇناي جانە حيميا ونەركاسىبى، ەنەرگيا، جابدىق سياقتى كاسىپتەردە تولىق قولدانىلدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى چىڭ دوفۋ بىلاي دەدى: شينجياڭ جاساندى زەردە، ۇلكەن ساندى مالىمەت، ونەركاسىپ زات ينتەرنەتى سياقتى جاڭا ٴبىر ۇرپاق ينفورماتسيا تەحنيكالارىنىڭ جاساۋ كاسىبىنىڭ ٴار سالاسىمەن تەرەڭدەي توعىسۋىن جەدەل ىلگەرىلەتۋدە.
سيفرلانۋعا، زەردەلىلەنۋگە قاراي جەدەل ويىستىرۋ _ ٴتىپتى دە كوپ كاسىپورىننىڭ ورتاق تالعامى.
”بيىل جىل باسىنان بەرى كاسىپورىنداردىڭ جاڭا ٴوندىرىس جەلىسىن ۇسىنۋ جاعىنداعى سەرپىنى وتە زور ەكەندىگىن انىق سەزىندىك“. ٴۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) عىلىم ـ تەحنيكا مەكەمەسى پارتيا باسشىلىق گرۋپپاسىنىڭ شۋجيى چىن پىڭ جاقىندا كاسىپورىندارعا تەكسەرۋ جۇرگىزگەندە، ”ەلدىڭ ٴبارى زەردەلىلەندىرۋ، جاسىلداندىرۋ بويىنشا تۇرلەندىرۋگە تالپىنىس جاساپ، كاسىپ سالاسى جۇمىس ٴبولىسى جاعىندا كاسىپ سالاسى تىزبەگىنىڭ وزىق بولۋىنا تىپتەن بەيىمدەلىپ وتىرعاندىعىن“ بايقادى.
مەملەكەت جالپى جاعدايىنداعى ستراتەگيالىق ورىندى بۇلجىماي كوزدەپ، وزىندىك ارتىقشىلىعى مەن قازىر بار شارت ـ جاعدايىن تياناق ەتىپ، بىلتىر جىل باسىنان بەرى شينجياڭ مۇناي ـ تابيعي گاز ٴوندىرۋ، وڭدەۋ، كومىر، كومىر ەلەكتر، كومىر حيميا ونەركاسىبى، جاسىل كەن كاسىبى، استىق، ماي، ماقتا جانە توقىماشىلىق، كيىم ـ كەشەك، جاسىل ورگانيكالى جەمىس ـ جيدەك، كوكونىس، ساپالى مال شارۋاشىلىق ونىمدەرى، جاڭا ەنەرگيا، جاڭا ماتەريال سىندى ”سەگىز ٴىرى كاسىپ سالاسى شوعىرى“ قۇرىلىسىن جەدەل ىلگەرىلەتىپ، ٴداستۇرلى كاسىپ سالالارىن بەلسەنە جاڭالاپ، دەڭگەيىن كوتەرىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، ەرەكشەلىكتى، باسىمدىقتى ايگىلەيتىن وسىزاماندانعان كاسىپ سالاسى جۇيەسىن جەدەل قالىپتاستىرىپ، ەرەكشەلىككە، باسىمدىققا يە كاسىپ سالالارىنىڭ كومەسكى كۇشىن ونان ارى اشىپ، كاسىپ سالالارىنا ۇزدىكسىز باسەكەلىك قۋات قوستى.
استىقتىڭ جاڭادان قوسىلعان ٴونىم مولشەرى بۇكىل ەل بويىنشا ٴبىرىنشى بولدى، مۇناي ـ تابيعي گاز بالاماسى ٴۇرتىس 3 جىل بويى بۇكىل ەل بويىنشا بىرىنشىلىكتى بەرمەدى ... 2024 ـ جىلى شينجياڭنىڭ ۇكىمەت قىزمەتىنەن بايانداماسىندا بىلاي دەپ جازىلدى: 2023 ـ جىل _ سوڭعى جىلداردان بەرگى شينجياڭنىڭ ەكونوميكالىق، قوعامدىق دامۋىنىڭ ساپاسى مەن ونىمدىلىگى ەڭ جاقسى بولعان ٴبىر جىل بولدى.
جاڭادان گۇلدەنگەن كاسىپ سالالارىنىڭ ”جاڭا قوزعالىس قۋاتىن“ توپتادى
شينجياڭ ٴداستۇرلى كاسىپ سالالارىنىڭ ”قورىن“ مىقتى يگەرۋمەن قاتار، تاباندى تۇردە جەرگىلىكتى جاعدايعا قاراي ىستەپ، ٴۇرىمجى ـ قارامايلى ـ سانجى، وڭتۇستىك شينجياڭ، شىعىس شينجياڭ، سولتۇستىك شينجياڭ سياقتى ٴتورت ٴوڭىردىڭ جوعارى ساپالى دامۋىنىڭ ”جارىس جولىن“ جۇيەلى جوسپارلاپ، جاڭادان گۇلدەنگەن كاسىپ سالالارىن دامىتۋدى، زورايتۋدى جانە بولاشاق كاسىپ سالالارىن جەتىلدىرۋدى جەدەلدەتتى.
وڭتۇستىك شينجياڭ اۋماعىنىڭ اقسۋ قالاسىندا ەل ىشىندەگى تۇڭعىش ٴبىر رەتتە پىشىندەنەتىن ەرەن جۇقا، يىلگىش ەلەكتروندى اينەك ٴوندىرىس جەلىسى وندىرىسكە قوسىلدى؛ شىعىس شينجياڭ اۋماعىنىڭ قۇمىل قالاسىندا شينجياڭنىڭ دۇنيە جۇزىندەگى ەڭ ۇلكەن جەكە تۇلعاسى 20 توننالىق بىلپىلداق تيتان تۇيىرتپەگىن دەربەس جاسامپازدىقپەن ٴساتتى زەرتتەپ جاسادى؛ سولتۇستىك شينجياڭ اۋماعىنىڭ شىحىزى قالاسىندا مەملەكەت دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ”شاعىن قۋاتتى“ كاسىپورىن دەربەس ٴبىلىم مەنشىك ۇقىعى بار تەحنيكاسىنا سۇيەنىپ قالىڭدىعى نەبارى 120 ميكرومەتر كەلەتىن ەلەكترود جاپىراقشاسىن ٴوندىرىپ شىعاردى ...
ٴۇرىمجى جوعارى، جاڭا تەحنيكالىق كاسىپ سالالارىن اشۋ رايونىندا (جاڭا قالا رايونى) دىلانشۇي تەحنيكا شەكتى جارنا سەرىكتەستىگىنىڭ سۋ وڭدەۋ تاجىريبەحاناسىندا جاڭا تيپتەگى ورگانيكالىق ۇيىتقىش زەرتتەۋ جاساۋ ٴۇشىن عىلمي زەرتتەۋ قىزمەتكەرلەرى جاساۋلى ٴدارى ـ دارمەك رەتسەبىن قايتا ـ قايتا رەتتەپ، قىزدىرعىش ستاكانداعى ۇيىتقىشتىڭ تۇندىرۋ اسەرىن باقىلادى؛ ەندى ٴبىر جاقتاعى تالشىققا اينالدىرۋ سەحىندا بيولوگيالىق جوعارى مولەكۋلالى ماتەريالداردان جاسالعان ەرەكشە ٴسۇزۋ جارعاقتارى ٴوندىرىس جەلىسىنەن شىعىپ، كوپ وتپەي ـ اق سوزىلعان ٴشي كەسپەدەي توبەگە ٴىلىندى.
”بۇل ’ٴشي كەسپەلەرگە‘ جاي قاراماڭىز، ٴار شارشى ميلليمەترىندە نەشە ٴجۇز ميلليون تەسىك بار“. سەرىكتەستىكتىڭ جاۋاپتىسى زىڭ فانفۋ مىنانى ٴبىلدىردى: جاڭاشا وندىرگىش كۇشتەردىڭ كاسىپورىننىڭ ۇزدىكسىز العا باسۋىن ىلگەرىلەتكەن قۇدىرەتتى قوزعاۋشى كۇشىن انىق سەزىندىك. ”سەرىكتەستىك 3 اكادەميكتى قوسىلۋعا ۇسىنىس ەتىپ، جالپى كىرىستىڭ %15ىن زەرتتەۋ ـ اشۋ شىعىندارىنا جۇمساپ، ٴبىر قىدىرۋ جاڭالىق اشۋ تەحنيكالارىن شىعارىپ، ٴونىمنىڭ وتاندىق بولۋىن جەدەلدەتتى، قازىر كاسىپورىن دەربەس زەرتتەپ اشقان ەرەكشە ٴسۇزۋ جارعاعى شەتەلدىڭ وسى تەكتەس ٴونىمىنىڭ ورنىن باستى، كوپتەگەن كومىر حيميا ونەركاسىبى جانە مۇناي حيميا ونەركاسىبى كاسىپورىندارىندا قولدانىلدى“.
بۇگىنگى تاڭداعى تيانشان الابىندا كومىر نەگىزدى جاڭا ماتەريال، ليتي باتارەيا ماتەريالدارى سياقتى جاڭا ەكونوميكالىق ارتۋ تۇيىندەرى جەرگىلىكتى جاعدايعا قاراي جەتىلدىرىلىپ، جاڭا ەنەرگيا، جاڭا ماتەريال سياقتى جاڭادان گۇلدەنگەن كاسىپ سالالارىنىڭ شوعىرلانۋ اسەرى جەدەل ايگىلەندى.
سونىمەن قاتار شينجياڭ عىلىم ـ تەحنيكالىق جاڭالىق اشۋ تۇعىرى قۇرىلىسىن جانە فاكتورلاردى شوعىرلاندىرۋدى جەدەلدەتىپ، جاڭالىق اشۋ تىزبەگى، كاسىپ سالاسى تىزبەگى، قارجى تىزبەگى، دارىندىلار تىزبەگى سىندى ”تورت تىزبەكتىڭ“ تەرەڭدەي توعىسۋىن ىلگەرىلەتىپ، بۇكىل قوعامدا عىلمي زەرتتەۋگە قارجى قوسۋعا ٴمان بەرەتىن راي قالىپتاستىردى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ازىرلەگەن ساندى مالىمەتتەردە كورسەتىلۋىنشە، 2023 ـ جىلى شينجياڭداعى كولەمنەن جوعارى ستراتەگيالىق جاڭادان گۇلدەنگەن كاسىپ سالالارىنىڭ ارتقان قۇنى %7.8 مولايدى، مۇنىڭ ىشىندە جاڭا ماتەريال، جاڭا ەنەرگيا، وزىق جابدىق جاساۋ، بيولوگيالىق ٴدارى ـ دارمەك سياقتىلاردا جىلدام ارتۋ جاعدايى جارىققا شىقتى.
اۆتونوميالى رايوندىق عىلىم ـ تەحنيكا مەڭگەرمەسىنىڭ تانىستىرۋىنا قاراعاندا، 2023 ـ جىلى شينجياڭ كاسىپورىندارى زەرتتەۋ مەن سىناق ەتۋدىڭ دامۋىنا جيىنى 7 ميلليارد 17 ميلليون يۋان قارجى قوسقان، جوعارى، جاڭا تەحنيكالىق كاسىپورىندار 1900دەن اسىپ، عىلىم ـ تەحنيكالىق ورتا، شاعىن كاسىپورىندار 2256عا جەتتى.
وڭىرلىك دامۋدىڭ ”جاڭا باسىمدىعىن“ تۇلعالادى
كوكتەمنىڭ ورتاسىندا اعاش بۇرلەپ، شوپتەر كوكتەي باستايدى. جۇڭگو مەن قازاقستان شەكاراسىنداعى قورعاس شەكارا وتكەلىندە ارى ـ بەرى وتكەن كولىكتەر قايشالىسىپ جاتىر.
”شينجياڭ ەركىن ساۋدا سىناق رايونى قۇرىلۋدان بۇرىن، سەرىكتەستىك ٴار كۇنى 30دا 50 اۆتوكولىك ەكسپورت ەتەتىن. قازىر شەكارادان وتكىزۋ ٴتارتىبى بۇرىنعى 13 تۇردەن 3 تۇرگە قىسقارتىلىپ، ٴار كۇنى ەكسپورت ەتىلەتىن اۆتوكولىك 100دە 150گە جەتتى“. قورعاس جين ـ ي حالىقارالىق ساۋدا (توبى) شەكتى سەرىكتەستىگىنىڭ باسالقاسى يۇي چىڭجۇڭ بىلاي دەدى: ەركىن ساۋدا سىناق رايونى ساياساتتارىنىڭ تياناقتانۋى اكەلگەن تىڭ وزگەرىستەردى شىنداپ سەزىندىك.
قورعاس كەدەنى بىلاي دەپ تانىستىردى: بيىل جىل باسىنان بەرى، سىرتقى ساۋدادا ەكسپورت ەتۋ ۇزدىكسىز تەبىندەپ، 3 ـ ايدىڭ 1 ـ كۇنىنە دەيىن قورعاس تاس جول شەكارا وتكەلىنەن ەكسپورت ەتىلگەن تاۋارلىق اۆتوكولىك 20 مىڭنان اسىپ، سايكەس مەزگىلدەگىدەن %381 ارتتى.
شينجياڭ ”ٴبىر بەلدەۋ، ٴبىر جول“ وزەكتى رايونىنىڭ، شينجياڭ ەركىن ساۋدا سىناق رايونى قۇرىلىسىنىڭ كەلەلى ورايىن يگەرىپ، سىرتپەن اۋىس ـ كۇيىس تاسىلىندە ۇزدىكسىز جاڭالىق اشىپ، اشىق ەكونوميكانى ٴتىپتى دە جوعارى دەڭگەيدە دامىتىپ، عىلمي دا ۇيلەسىمدى وڭىرلىك ەكونوميكا مەن كەڭىستىك ورنالاسىمىن جەدەل قۇرۋ ارقىلى جاڭاشا وندىرگىش كۇشتەردى دامىتۋعا تىڭ باسىمدىقتار جاسادى.
جولاڭ شينجياڭ زەردەلى ماشينا شەكتى سەرىكتەستىگىنىڭ ٴوندىرىس سەحىندا ٴار ٴوندىرىس بۋىندارى جوعارى ونىممەن جۇمىس جۇرگىزىپ، وزىق توقىماشىلىق ماشينالارىن ٴوندىرىپ، ەل ٴىشى ـ سىرتىنا ساتتى. سەرىكتەستىكتىڭ ورىنباسار باس ديرەكتورى ياڭ چياۋيۇن بىلاي دەدى: جولاڭ زەردەلى تەحنيكا شەكتى جارنا سەرىكتەستىگىنىڭ الەمدىك زەرتتەۋ ـ اشۋ جاسامپازدىق ورتالىعى بىلتىر ۇرىمجىگە ىرگە تەپتى، بۇل جولاڭ شينجياڭ سەرىكتەستىگىنىڭ بۇدان كەيىن ورتا، باتىس ازيا، وڭتۇستىك ازيا جانە ەۆروپا بازارىن ونان ارى شارپۋىنا پارمەندى عىلىم ـ تەحنيكالىق تىرەك ازىرلەيدى.
شينجياڭنىڭ ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن، اسىرەسە، ورتا ازياداعى 5 ەلمەن بارىس ـ كەلىسى كۇن سايىن قويۋلادى، سەلبەستىگى كۇن سايىن كەڭەيە ٴتۇستى، سونىمەن قاتار توڭىرەكتەگى ولكەلەرمەن جانە شينجياڭعا كومەكتەسەتىن ولكە ـ قالالارمەن بايلانىسى، ىستەستىگى دە ۇزدىكسىز تەرەڭدەدى، ناقتىلاندى.
بيىل 1 ـ ايدىڭ 22 ـ كۇنى جۇڭگو _ وزبەكستان جەرگىلىكتى ورىندار سەلبەستىگى تالقى مىنبەرى ۇرىمجىدە وتكىزىلدى. ٴتىلشى ٴماجىلىس ورنىنان مىنانى كوردى: جۇڭگو _ وزبەكستان ەكى جاقتىڭ نەشە ٴجۇز كاسىپورىن سالاسى ۋاكىلدەرى قاتىناستى ٴارى كاسىپورىنداردى ٴتۇيىلىستىرۋ جۇمىس باسىندا كەڭەس ورىستەتتى، ورتا قىزۋ مەرەيلى بولدى. شينجياڭ، شاندۇڭ، گانسۋ سياقتى جەرلەردەن كەلگەن كوپتەگەن كاسىپورىندار وسى تۇعىردا ويىنداعىداي سەلبەستىك سەرىكتەرىن تاۋىپ، سول جەردە سەلبەستىك كەلىسىمىنە قول قويىستى.
”جوعارى دەڭگەيدە سىرتقا ەسىك اشۋ _ جاڭاشا وندىرگىش كۇشتەردى دامىتۋدىڭ ماڭىزدى ورتاسى بولىپ، فاكتور بايلىعىنىڭ اناعۇرلىم زور كولەمدە ىركىلىسسىز اينالىس جاساۋىن جەبەپ، شينجياڭدى ەل ٴىشى، حالىقارا سىندى قوس اينالىممەن توعىستىراتىن ماڭىزدى توراپ قالىپتاستىرۋعا ٴتيىمدى“، ـ دەدى شينجياڭ قازىنا ـ ەكونوميكا داشۋەسى ەكونوميكا شۋەيۋانىنىڭ وقىتۋشىسى جاۋ جۇنفىڭ.
ٴۇرىمجى كەدەنىنىڭ ساندى مالىمەتتەرىندە كورسەتىلۋىنشە، 2023 ـ جىلى شينجياڭنىڭ سىرتقى ساۋدا يمپورت ـ ەكسپورتىنىڭ جالپى قۇنى 357 ميلليارد 330 ميلليون يۋان حالىق اقشاسى بولىپ، سايكەس مەزگىلدەگىدەن %45.9 ارتتى. مۇنىڭ ىشىندە ورتا ازياداعى 5 ەلگە يمپورت ـ ەكسپورت قۇنى 283 ميلليارد 670 ميلليون يۋانعا جەتىپ، شينجياڭنىڭ سىرتقى ساۋدا جالپى قۇنىنىڭ %79.4ىن يەلەدى.
”شينجياڭنىڭ ەكونوميكالىق جاعدايى ۇزدىكسىز جاقسارىپ، دامۋ تىنىسى بارعان سايىن قۋاتتى بولدى“. وسى جۋىردا عانا شينجياڭعا بارىپ، جۇڭگو _ وزبەكستان جەرگىلىكتى ورىندار سەلبەستىگى تالقى مىنبەرىنە قاتىناسقان كەزدە جۇڭگو حالىقارالىق ساۋدانى جەبەۋ كوميتەتىنىڭ ورىنباسار باستىعى لي چيڭشۋاڭ مىنانى ٴبىلدىردى: شينجياڭنىڭ وڭىرلىك ورىن باسىمدىعى مەن ەركىن ساۋدا سىناق رايونىنىڭ باسقارۋدا جاڭالىق اشۋ باسىمدىعى قاباتتاسىپ، ۇلعايىپ، شينجياڭنىڭ ”ٴبىر بەلدەۋ، ٴبىر جول“ وزەكتى رايونى قۇرىلىسىنىڭ ومىرشەڭدىگىن ونان ارى قاۋلاتتى.
(شينحۋا اگەنتتىگىنىڭ 3 ـ ايدىڭ 21 ـ كۇنى ۇرىمجىدەن بەرگەن حابارى)
