قازىر شەريا اۋدانىنىڭ تاۋلى رايونىنداعى اۋىل - قالاشىقتار كوكتەمگى ەگىس دايىندىعىنىڭ ەڭ جاقسى مەزگىلىنە ءوتتى، 3 - ايدىڭ 10 - كۇنى ٴتىلشى وسى اۋداننىڭ نۇري اۋىلىنىڭ اتىز باسىنا بارعاندا، قىستاق تۇرعىندارىنىڭ قاربالاس ەڭبەك ىستەپ جاتقان بەينەسىن كەز - كەلگەن جەردەن كەزدەستىردى، ەگىستىك جەرگە تىڭايتقىش بەرۋ، اتىزدى سۋارۋ، جەمىس اعاشتاردى بۇتاۋ، قالتقى سالۋ... ءبىر قىس بەكەر تۇرعان اۋىل شارۋاشىلىق ماشينالارى دا ىسكە قوسىلا باستادى.
نۇري اۋىلى جارباق قىستاعىنىڭ 60 مۋ جەرىندەگى ورىك باعى بازاسىندا ماشينا داۋىسى گۇرىلدەپ، جەر جىرتۋ ماشيناسى ارلى - بەرلى جۇمىس ىستەپ، قىستاقتا تۇراتىن قىزمەت اترەتى مەن قىستاق ”ەكى كوميتەتى“ قىستاق تۇرعىندارىمەن بىرگە اتىزدا تىڭايتقىش بەرىپ، جەر جىرتىپ، قىر شىعارىپ، مايسا جەتىلدىرۋمەن قاربالاستاۋدا.
بيىل نۇري اۋىلى توپىراق، كليمات جانە بازار جاعدايىنا نەگىزدەلىپ، بۇقارانىڭ 60 مۋلىق ورىك باقشاسىنىڭ توپىراعىن اۋدارۋىنا، تىڭايتقىش بەرۋىنە، بۇرشاق مايساسىن ەگۋىنە جەتەكشىلىك ەتتى.”ٴبىز ەككەن بۇرشاقتى 7 ـ ايدا ٴۇزىپ الۋعا بولادى، پەريودى ٴبىرشاما قىسقا، باپتالۋى دا ٴبىرشاما وڭاي، ونىڭ ۇستىنە جىلىنا 2 رەت ەكسەك، ونىمدىلىگى ەرەكشە جاقسى بولادى، ٴار كيلوگرامىن 8 يۋان اينالاسىندا ساتامىز “، ـ دەدى قىستاق تۇرعىنى ٴانيپىقان ٴماتتۇردى.
كوكتەمگى ەگىس جۇمىسىنىڭ باستالۋىمەن كۇللى تىرشىلىك جانداندى. شەريا اۋدانىنىڭ اۋىل ـ قىستاقتارىنىڭ بارلىق جەرىندە اۋىل شارۋاشىلىعى ماشينالارىنىڭ كوكتەمگى ەگىس جۇمىسىنىڭ قاربالاستىعى باستالىپ، اۋىل شارۋاشىلىعى ماشينا تەحنيكتەرى دە ابىگەرگە ءتۇستى، قاراستىلىعىنداعى ٴارقايسى اۋىل ـ قالاشىقتارعا كوكتەمگى ەگىس جۇمىسىنا تەحنيكالىق جاقتان جەتەكشىلىك ەتىپ، قىزمەت وتەپ، قىستاق تۇرعىندارىنىڭ قينشىلىعىن شەشىپ، كوكتەمگى ەگىس ٴوندىرىسىنىڭ ءساتتى جۇرىلۋىنە كەپىلدىك ەتتى.
(شەريا اۋداندىق توعىسپالى اقپارات قۇرالدارى ورتالىعىنىڭ ٴتىلشىسى سۇن حۇڭحۇڭ، ەرىكتى ٴتىلشى لۇي ياڭياڭ)
