شينجياڭ ساياحاتتىق قىزمەت وتەۋ ساپاسىن جوعارىلاتۋ ارەكەتىن ورىستەتەدى
زات باعاسى، دارەتحانا، ۇيىرمەگە قاراماي كەتۋ سىندى 3 ۇلكەن ماسەلەنى ارناۋلى رەتتەپ ـ وڭايدى
انار بۇلت \ شينجياڭ گازەتىنىڭ ٴتىلشىسى ياۋ گاڭ 3 ـ ايدىڭ 26 ـ كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، بيىل _ شينجياڭنىڭ ساياحاتتىق قىزمەت وتەۋ ساپاسىن جوعارىلاتۋ جىلى، رايونىمىز زات باعاسى، دارەتحانا، ۇيىرمەگە قاراماي كەتۋ سىندى 3 ۇلكەن ماسەلەگە ارناۋلى رەتتەۋ ـ وڭاۋ جۇرگىزىپ، اس ـ سۋ، جاتىن ورىن، قاتىناس، شەكارادان كىرىپ ساياحاتتاۋ، ايگىلى ماركالاردىڭ ىقپالى، ٴوندىرىس حاۋىپسىزدىگى سياقتى 6 ۇلكەن جاقتى ارقاۋ ەتىپ، ساياحاتتىق قىزمەت وتەۋ ساپاسىن جوعارىلاتۋ ارەكەتىن ورىستەتىپ، ساياحاتتىق قىزمەت وتەۋ ساپاسىنا ىقپال جەتكىزەتىن كورنەكتى ماسەلەلەردى شەشىپ، شينجياڭنىڭ مادەنيەت ـ ساياحاتىنىڭ داڭقى مەن ىقپالىن ۇزدىكسىز جوعارىلاتادى ەكەن.
ارناۋلى رەتتەۋ ـ وڭاۋ كورىنىس وڭىرلەرىنىڭ ەسىك بەلەتى، اس ـ سۋ، جاتىن ورىن سياقتىلاردىڭ باعاسىن باقىلاۋ ـ باسقارۋدى كۇشەيتىپ، تۇتىنۋشىلار مەن شارۋاشىلىق جۇرگىزۋشىلەردىڭ زاڭدى ۇقىق ـ مۇددەسىن قورعاپ، ساياحاتشىلاردىڭ كورىنىس وڭىرلەرىندە ساياحاتتاۋداعى جالپىلىق اۋىرتپالىعىن ۇيلەسىمدى تومەندەتەدى؛ A دارەجەلى كورىنىس وڭىرلەرىنىڭ ساياحات دارەتحانالارى قۇرىلىسىنىڭ دەڭگەيىن جوعارىلاتۋدى، قىزمەت وتەۋ ساپاسىن جوعارىلاتۋدى ”قاتاڭ كورسەتكىش“ ەتىپ، بۇكىل رايونداعى بارلىق A دارەجەلى كورىنىس وڭىرلەرىنە قايتادان تەكسەرۋ جۇرگىزىپ، تۇتاس جىلدا 171 ساياحات دارەتحاناسىن جاڭادان سالىپ، 510 كونە، ەسكى دارەتحانانى جاڭالاپ، دارەجەسىن جوعارىلاتادى، مايتاۋ ـ كۇشار تاس جول بويى، S101 بويى، سايرام كولى كورىنىس ٴوڭىرى، قاناس كورىنىس ٴوڭىرى، كوكتوعاي كورىنىس ٴوڭىرى سياقتى جەرلەردە كەم دەگەندە 280 جىلجىمالى دارەتحانانى (قۇراستىرمالى دارەتحانا) كوبەيتىپ سالادى؛ كوپتەگەن تاراۋلار تىعىز سايكەسىپ، ارىز ـ شاعىم ايتىلىپ، اشكەرەلەنگەن ”ۇيىرمەگە قاراماي كەتۋ“ دەرەكتەرى مەن ۇيلەسىمسىز ارزان باعالى ساياحات، جالعان ۇگىت جۇرگىزۋ سياقتى زاڭعا، بەلگىلەمەگە قايشى ارەكەتتەرگە تۇبەگەيلى تەكسەرۋ جۇرگىزەدى؛ الداپ ـ ارباۋ نەمەسە زورلىقپەن زات ساتىپ العىزۋ سياقتى ارەكەتتەرگە قاتاڭ سوققى بەرىپ، ساياحات، زات ساتىپ الۋ ورىندارىنىڭ شارۋاشىلىق ٴتارتىبىن ارناعا ٴتۇسىرىپ، الاڭسىز، ۋايىمسىز، جايلى تۇتىنۋ ورتاسىن قالىپتاستىرادى.
ساياحاتتىق قىزمەت وتەۋ ساپاسىن 6 ۇلكەن جاقتان جوعارىلاتۋ ارەكەتى اس ـ سۋ كاسىبىن باسقارۋدى كۇشەيتىپ، اس ـ سۋ بازارىنىڭ ٴتارتىبىن ارناعا تۇسىرەدى؛ ساياحاتتىق جاتىن ورىن كاسىبىنىڭ ساپاسىن كوتەرىپ، دارەجەسىن جوعارىلاتادى؛ ساياحات جولاۋشى تاسىمالىن باسقارۋدى كۇشەيتىپ، ساياحات جولاۋشى تاسىمال بازارىنىڭ ٴتارتىبىن ارناعا ٴتۇسىرىپ، ساياحاتشىلاردىڭ شينجياڭداعى ساياحاتىنىڭ قولايلىلانۋ دەڭگەيىن جوعارىلاتادى؛ ”شات كۇلكىگە تولى شينجياڭ“ ماركاسىن جاراتىپ، ساياحاتشىلاردىڭ رازىلىعىن جوعارىلاتادى؛ حالىقارالىق بازارعا بەت العان ٴتىپتى دە كوپ ساياحات ونىمدەرىن اشادى؛ ٴوندىرىس حاۋىپسىزدىگىن كۇشەيتىپ، ساياحاتشىلارعا ساپالى، حاۋىپسىز ساياحات ورتاسىن ازىرلەيدى.
بيىل شينجياڭ تاعى ”مادەنيەت، ساياحاتتى باستان كەشىرۋشى ٴمانساپتىلار“ ٴتۇزىمىن سىناق رەتىندە اتقارىپ، مادەنيەت، ساياحاتتى باستان كەشىرۋشى ٴمانساپتىلاردى تۇتقيىل، جاسىرىن ارالاپ باستان كەشىرۋگە جىبەرۋ ٴتاسىلى ارقىلى ساياحاتشىلاردىڭ اڭىسى كۇشتى بولعان كورنەكتى ماسەلەلەردى شەشۋدى بەلسەنە ىلگەرىلەتەدى.