انار بۇلت \ شينجياڭ گازەتىنىڭ ٴتىلشىسى جاڭ لەي 3 ـ ايدىڭ 31 ـ كۇنى ۇرىمجىدەن حابارلايدى. 3 ـ ايدىڭ 31 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 9 ـ ٴماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.
تۇراقتى كوميتەت قۇرامىنداعىلاردان 54 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس «شينجياڭ ۇيعۇر اۆتونوميالى رايونىنىڭ جۇڭي ٴدارى ـ دارمەك ەرەجەسىن»، «شينجياڭ ۇيعۇر اۆتونوميالى رايونىنىڭ قاشقار بايىرعى قالاسىن قورعاۋ ەرەجەسىن»، «شينجياڭ ۇيعۇر اۆتونوميالى رايونىنىڭ قوعامدىق سەنىمدىلىك ەرەجەسىن»، «شينجياڭ ۇيعۇر اۆتونوميالى رايونىنىڭ ەگىنجاي جارعاعىن باسقارۋ ەرەجەسىن» داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ «ٴۇرىمجى قالالىق حالىق قۇرىلتايى تۇراقتى كوميتەتىنىڭ ‹ٴۇرىمجى قالاسىنىڭ كوكونىس بازالارىن قورعاۋ ەرەجەسى> سياقتى 3 جەرگىلىكتى زاڭ ەرەجەنى كۇشىنەن قالدىرۋ جونىندەگى قاۋلىسىن»، «ىلە قازاق اۆتونوميالى وبلىستىق حالىق قۇرىلتايىنىڭ ‹شاۋەشەك قالاسىنىڭ شەكارا ەكونوميكالىق سەلبەستىك رايونىن باسقارۋ ەرەجەسىن> كۇشىنەن قالدىرۋ جونىندەگى قاۋلىسىن»، «سانجىنىڭ جوعارى، جاڭا تەحنيكا كاسىپ سالاسىن اشۋ رايونىن باسقارۋ ەرەجەسىن»، «باركول قازاق اۆتونوميالى اۋدانىنىڭ قالا، اۋىل ورتاسىن جالپىلىق وڭاۋ ەرەجەسىن»، «شاپشال سىبە اۆتونوميالى اۋدانىنىڭ كۇرىش كاسىپ سالاسىنىڭ دامۋىن جەبەۋ ەرەجەسىن»، «شاپشال سىبە اۆتونوميالى اۋدانىنىڭ زاڭ ەرەجە شىعارۋ ەرەجەسىن»، «موري قازاق اۆتونوميالى اۋدانىنىڭ زاڭ ەرەجە شىعارۋ ەرەجەسىن»، «يانجي حۇيزۋ اۆتونوميالى اۋدانىنىڭ زاڭ ەرەجە شىعارۋ ەرەجەسىن»، «تاشقورعان تاجىك اۆتونوميالى اۋدانىنىڭ زاڭ ەرەجە شىعارۋ ەرەجەسىن»، «قوبىقسارى موڭعۇل اۆتونوميالى اۋدانىنىڭ زاڭ ەرەجە شىعارۋ ەرەجەسىن»، «قوبىقسارى موڭعۇل اۆتونوميالى اۋداندىق حالىق قۇرىلتايىنىڭ ‹قوبىقسارى موڭعۇل اۆتونوميالى اۋدانىنىڭ سازدىقتى قورعاۋ ەرەجەسىن> كۇشىنەن قالدىرۋ جونىندەگى قاۋلىسىن» جانە «قوبىقسارى موڭعۇل اۆتونوميالى اۋداندىق حالىق قۇرىلتايىنىڭ‹قوبىقسارى موڭعۇل اۆتونوميالى اۋدانىنىڭ جايلىم ەكولوگياسىن قورعاۋ ەرەجەسىن> كۇشىنەن قالدىرۋ جونىندەگى قاۋلىسىن» بەكىتۋ جونىندەگى قاۋلىنى داۋىسقا سالىپ ماقۇلدادى.
ٴماجىلىس كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ٴارى نەگىزگى زاڭ الدىندا سەرت بەرۋ سالتى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، توحتى ياقۇپ، مۇقيات جارمۇقامەت، پيڭ شينلاي، ۋاڭ گوحى، ٴمامتىمىن قادىر، باس حاتشى ٴمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ٴتوراعاسى جۋ ليفان، اۆتونوميالى رايوندىق جوعارى حالىق سوتى مەكەمەسىنىڭ باستىعى ٴدىلشات سايىم، اۆتونوميالى رايوندىق باقىلاۋ ـ تەكسەرۋ كومتەتىنىڭ جانە اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى قاتارلىلار ماجىلىسكە سىرتتاي قاتىناستى.
ماجىلىستەن كەيىن ”جوعارى ولشەمدى، جوعارى ساپالى ەركىن ساۋدا سىناق رايونى قۇرىلىسىن زاڭمەن باسقارۋدى قامتاماسىز ەتۋ“ ارناۋلى تاقىرىپتىق لەكسياسى وتكىزىلدى، بۇكىل شينجياڭداعى ٴار دارەجەلى حالىق قۇرىلتايلارى بەينە بايلانىس تاسىلىمەن ٴبىر ۋاقىتتا ۇيرەندى.
3 ـ ايدىڭ 30 ـ كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 28 ـ رەتكى مەڭگەرۋشىلەر ٴماجىلىسى تۇراقتى كوميتەت ٴماجىلىسىنىڭ ٴتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتتى تىڭداپ، تۇراقتى كوميتەت جالپى ٴماجىلىسىنىڭ داۋىسقا سالۋىنا تاپسىرىلاتىن كەڭەستىك جوبالاردى بەكىتتى.
