3 ـ ايدىڭ 31 ـ كۇنى ٴبىر جەدەل جولداما جەتكىزۋشى جىگىت موتوتسيكلمەن ٴۇرىمجى قالاسىنىڭ قالا رايونىنداعى نەگىزگى جولدىڭ سۋ جينالعان جەرىنەن ٴوتىپ بارادى.
□ سۋرەتتى انار بۇلت \ شينجياڭ گازەتىنىڭ ٴتىلشىسى حان لياڭ تۇسىرگەن
انار بۇلت \ شينجياڭ گازەتىنىڭ ٴتىلشىسى يۇي مىڭفان، يە شياۋمين 3 ـ ايدىڭ 31 ـ كۇنى ۇرىمجىدەن حابارلايدى. 3 ـ ايدىڭ 31 ـ كۇنى ٴۇرىمجى قالاسى سىركىرەگەن جاڭبىردا 3 ـ ايمەن قوشتاستى. 3 ـ ايدىڭ 31 ـ كۇنى ساعات د18ەن 40 مينۋتقا دەيىن ٴۇرىمجى قالاسىندا بيىل 3 ـ ايداعى جالپى جاۋىن ـ شاشىن مولشەرى 48.5 ميلليمەترگە جەتىپ، 2010 ـ جىلى 3 ـ ايداعى 46.8 ميلليمەترلىك جالپى جاۋىن ـ شاشىن ەڭ جوعارى مانىنەن اسىپ كەتتى. بۇل نوسەردىڭ جالپى جاۋىن ـ شاشىن مولشەرى دە ٴۇرىمجى قالاسىنىڭ 3 ـ ايداعى ٴبىر كۇندىك جاۋىن ـ شاشىن ەڭ جوعارى مانىنەن استى.
قازىر ٴۇرىمجى قالاسىندا وسى جولعى ەڭ جوعارى جاۋىن ـ شاشىن مولشەرى ميدۇڭ رايونىنداعى شيامىنزى اۋا رايى پۋنكتىندە جارىققا شىعىپ، 40.5 ميلليمەترگە جەتتى؛ نەگىزگى قالا رايونىنداعى ەڭ كوپ جاۋىن ـ شاشىن مولشەرى شۋيموگوۋ اۋا رايى پۋنكتىندە جارىققا شىعىپ، 39.3 ميلليمەترگە جەتتى.
ٴۇرىمجى قالالىق اۋا رايى ستانسياسى قامداعان ساندى مالىمەتتە كورسەتىلۋىنشە، 3 ـ ايدىڭ 31 ـ كۇنى ساعات ٴنول مولشەرىندە باستاپ جاۋعان جاۋىننىڭ سول كۇنى ساعات 20عا دەيىن جالپى مولشەرى 37.2 ميلليمەترگە جەتكەن. شينجياڭ كليميات ورتالىعىنىڭ باقىلاۋ ـ ولشەۋ، باعا بەرۋ ىستەرى بويىنشا ورىنباسار باس مامانى ۋ شيۋلان بىلاي دەپ تانىستىردى: وسى رەتكى جاڭبىر ٴۇرىمجى قالاسىنىڭ 3 ـ ايداعى ٴبىر كۇندىك جاۋىن ـ شاشىن مولشەرىنىڭ تاريحتاعى ەڭ جوعارى ٴمانىن جاڭالادى. وسىنىڭ الدىندا ٴۇرىمجى قالاسىنىڭ 3 ـ ايداعى ەڭ ۇلكەن كۇندىك جاۋىن ـ شاشىن مولشەرىنىڭ تاريحتاعى ەڭ جوعارى ٴمانى 2009 ـ جىلى 3 ـ ايدىڭ 20 ـ كۇنى جارىققا شىعىپ، 27.5 ميلليمەتر بولعان ەدى.
بۇل جولعى جاڭبىر قالايشا قاتتى جاۋدى؟ ٴۇرىمجى قالالىق اۋا رايى ستانسياسىنىڭ باس مالىمەتشىسى ۋاڭ جيان بىلاي دەپ تانىستىردى: سۋىق اۋا مەن ىلعالدى اۋا اعىسى ۇرىمجىدە قوسىلىپ جاڭبىر قالىپتاستىردى. نوسەر دەڭگەيىنە جەتۋدەگى سەبەپ، سۋ بۋى وسى وڭىرگە توقتاۋسىز جەتىپ، جاۋىن ـ شاشىن بۇلت جۇيەسىنىڭ شىعىسقا جىلجۋى باياۋ بولىپ، جاڭبىردىڭ جاۋۋىنا ەرەكشە جاقسى شارت ـ جاعداي ازىرلەدى. نوسەر سەبەبىنەن ٴۇرىمجىنىڭ كوپتەگەن جول بولىكتەرىنە سۋ جينالىپ، ٴۇرىمجى سۋ شارۋاشىلىعىنا قارجى قوسۋ، دامىتۋ توبى شەكتى سەرىكتەستىگى سۋ ىعىستىرۋ سەرىكتەستىگىنىڭ ٴارقايسى بولىمشە سەرىكتەستىكتەرىندەگى قىزمەتكەرلەر تولىق جۇمىس ورىندارىندا بولىپ، سول جەرلەردە كوپتەگەن جول بولىكتەرىن ۇزدىكسىز شارلاپ تەكسەرىپ، كەزەكشىلىكپەن كۇزەتىپ، قوزعاۋشى كۇش ناسوس پۋنكتتەرىنەن پايدالانىپ جينالعان سۋلاردى تارتىپ، قالانىڭ سۋ ىعىستىرۋ قۇرىلعىلارىنىڭ سۋدى ىركىلىسسىز ىعىستىرۋىن بار كۇشپەن قامتاماسىز ەتتى.
