جۇڭگونىڭ جاڭا جەلاياعى شينجياڭنان سۋىرىلىپ شىقتى
_ 17 جاستاعى جاس ساڭلاق ٴالىشىردىڭ مەملەكەتتىك رەكوردتى ارت ـ ارتىنان بۇزۋىنىڭ استارى
□ انار بۇلت \ شينجياڭ گازەتىنىڭ تىلشىلەرى ۋاڭ جيڭجيڭ، حۋاڭ شيڭ
باستاپ جۇگىرگەندە جۇزىنەن ەمىن ـ ەركىن بەينەسى بايقالدى؛ ۇمتىلعاندا ايبىندى كورىندى؛ اعا جۇلدەگەر بولعان سوڭ قوس بىلەگىن جازىپ، كوزىن جۇمىپ، الاقايلاۋ مەن شاپالاق داۋىسىنا قۇلاق ٴتۇرىپ، جەڭىستىڭ شاتتىعىنا مەيلىنشە شومدى _ بۇل جۇڭگونىڭ قىسقا ارالىققا جۇگىرۋ جارىسىنىڭ بىرەگەي جاڭا جۇلدىزى ٴالىشىر ٴوماردىڭ 3 ـ ايدىڭ 31 ـ كۇنى 45 سەكۋند 79 تاقىلدىق ناتيجەمەن 2024 ـ جىلعى مەملەكەتتىك بولمە ٴىشى جەڭىل اتلەتيكا جۇلدەلى جارىسىنىڭ 400 مەترلىك جارىسىندا اعا جۇلدەگەر بولعان كەزىندەگى كورىنىسى.
ونىڭ تاماشا بەينەسى ٴوزىنىڭ كەلىستى كەلبەتىنەن اۋمايدى _ ول 17 جاسىندا ”جۇڭگوداعى 400 مەترلىك قىسقا ارالىققا جۇگىرۋدە ٴبىرىنشى ورىندا تۇراتىن شەبەر“ ورنىنا مىقتاپ جايعاستى.
جۇڭگونىڭ جەڭىل اتلەتيكا جارىسىنداعى 400 مەترلىك جارىستا بىرەگەي جاڭا جۇلدىز جارىققا شىقتى
بىلتىر 6 ـ ايدا انار بۇلت \ شينجياڭ گازەتى ”شينجياڭنىڭ تاماشا حيكاياسى“ ستونىندا «17 جاستاعى شينجياڭدىق جەلاياق ورەننىڭ رەكورد بۇزعان بەينەسى كەرەمەت بولدى» سياقتى حابارلاردى ۇسىنىپ، ٴالىشىر سىندى شينجياڭنان كەلگەن جەڭىل اتلەتيكا جاڭا جۇلدىزىنا ەڭ الدىمەن نازار اۋداردى. بيىل 3 ـ ايدان بەرى ٴالىشىردىڭ مەملەكەتتىك رەكوردتى ارت ـ ارتىنان بۇزۋىنا ىلەسە، ول حالىق گازەتى، شينحۋا اگەنتتىگى سياقتى جۇزدەن استام مەديانىڭ نازارىن اۋداردى ٴارى بارعان سايىن كوپ ادامعا تانىمالى بولدى جانە ولاردى ٴسۇيىندىردى.
400 مەتردى 45 سەكۋند 79 تاقىلدا جۇگىرۋ دەگەن قانداي ۇعىم؟ ساعات ٴتىلى سىرت ەتە تۇسكەندە 8.69 مەترگە بارادى! ول تاعى، ٴسوز جوق، 11 سەكۋند 5 تاقىل ىشىندەگى 100 مەترلىك جىلدامدىقتى 400 مەترگە دەيىن ساقتاۋى كەرەك، بۇل ەلدەن ەرەك وتتەكسىزدىككە توزىمدىلىكتى قاجەت ەتەدى. 400 مەترگە جۇگىرەتىن شاباندوز جۇگىرۋ بارىسىندا مۇمكىندىگىنشە ەڭ جوعارى وتتەكسىز بارىس سالىستىرماسىن ساقتاۋ ارقىلى جاقسىراق ناتيجەگە قول جەتكىزە الادى. ۇعىنىقتى ايتقاندا، 400 مەترگە جۇگىرۋدىڭ سوڭعى جارتىسىندا سپورتشىنىڭ دەنە قۋاتى شەككە جەتەدى، اسىرەسە، ەڭ سوڭعى 100 مەترلىك ۇمتىلۋ بارىسى وتتەكسىز دەرلىك جاعدايدا ورىندالادى، ٴتىپتى كەيبىرەۋلەر: ”كاسىپتىك سپورتشىلاردىڭ 400 مەترگە جۇگىرۋى ٴولىم اۋزىنا ٴبىر بارىپ كەلگەنمەن بىردەي!“ دەپ ازىلدەيدى.
ەرلەردىڭ 400 مەترگە جۇگىرۋى ەجەلدەن جۇڭگو اتلەتيكاسىنداعى ٴالسىز ٴتۇر بولاتىن، وليمپيادا سپورت جارىسى، دۇنيە جۇزىلىك جۇلدەلى جارىس سياقتى دۇنيە جۇزىلىك ۇلكەن جارىستاردا جۇڭگو ساڭلاقتارى كوپ كوزگە تۇسپەيدى. بۇگىنگى تاڭدا وسى ٴبىر جارىس جولىندا بولاشاعى شەكسىز شاباندوز جارىققا شىقتى، بۇل جۇڭگو اتلەتيكا سپورتشىلارىن قالايشا قۋاندىرماسقا؟
45 سەكۋند 79 تاقىلدىق ناتيجە ٴالىشىردىڭ جارتى ايدىڭ الدىندا جاراتقان مەملەكەتتىك بولمە ٴىشى ەرلەردىڭ 400 مەترلىك قىسقا ارالىققا جۇگىرۋ رەدكوردىن دا جاڭالادى. وسىنىڭ الدىندا، مەملەكەتتىك بولمە ىشىندەگى وسى رەكورد 17 جىل جاڭالانباعان ەدى. سونىمەن بىرگە ول تاعى جۇڭگو تاريحىنداعى تۇڭعىش، ازيا تاريحىنداعى ٴۇشىنشى بولىپ، بولمە ىشىندەگى جارىستا 400 مەترگە جۇگىرۋدە 46 سەكۋند ىشىنە كىرگەن سپورتشى بولدى.
كاسىپتىك جاتتىعۋمەن اينالىسقان 2 جىلعا جەتپەيتىن ۋاقىتتا وسى جۇگىرمەك جۇگىرگەن سايىن ەسەيىپ، بۇكىل شينجياڭداعى، بۇكىل ەلدەگى ٴتۇرلى رەكوردتى جاڭالاپ ۇلگەردى. 18 جاسقا تولماعان ول تاڭعالارلىق تالانت + عىلمي جاتتىعۋ + قاجىرلى تارتىپشەڭدىك سىندى ۇشەۋىنىڭ بىرگە جەبەۋىمەن جۇڭگو اتىنان، ٴتىپتى، ازيا اتىنان دۇنيە ٴجۇزى اتلەتيكا ساحناسىنا كوتەرىلۋدەن ٴۇمىت بايقاتتى.
ايتسەدە ٴالىشىر جونىنەن ايتقاندا، الدىڭعى جاق ٴالى دە سايىسقا تولى، دۇنيە جۇزىندە بىرەگەي ناتيجەگە جەتۋدەن ٴالى دە تىم شالعاي جاتىر.
پاريج وليمپيادا سپورت جارىسىنداعى ەرلەردىڭ 400 مەترگە جۇگىرۋىنىڭ ولشەمگە جەتۋ بوساعاسى 45 سەكۋند 00 تاقىل، توكيو وليمپيادا سپورت جارىسىنداعىمەن سالىستىرعاندا 0.1 سەكۋند تومەندەدى، دەگەنمەن ەلىمىزدىڭ رەكوردىنان ٴالى دە تەز. ادەتتەگى جاعدايدا الاڭنىڭ جوبالانۋى سەبەبىنەن بولمە سىرتىنداعى جارىس ناتيجەسى بولمە ىشىندەگى جارىس ناتيجەسىنەن جاقسىراق بولادى. ەندى ون نەشە كۇننەن كەيىن ٴالىشىر دۋبايعا بارىپ ازيا جاستار جەڭىل اتلەتيكا جۇلدەلى جارىسىنا قاتىناسادى، بۇل ونىڭ بولمە سىرتىنداعى جارىستاعى بەينەسىن سىناقتان وتكىزەتىن بولادى.
شينجياڭ ەلىمىزدىڭ دەنە تاربيە ساڭلاقتارىن تاڭداۋداعى كەنىشتى رايون
ٴالىشىر باي اۋدانىندا دۇنيەگە كەلگەن، كىشكەنە كەزىنەن دەنە قۋاتى ٴالسىز ول شەشەسىنىڭ سيىر ٴسۇتىن، جۇمىرتقا بەرىپ، ٴتۇرلى سورپامەن جانە كەپتەر سورپاسىمەن سورپالاۋىندا بىرتىندەپ كۇشەيەدى. ورتالاۋ مەكتەپتە ول مەكتەپ سپورت جارىسىندا اعالاپ العا شىعادى، العاشقى جاتتىقتىرۋشىسى ۋاڭ جيجۇڭ ونىڭ جۇگىرگەن كەزدەگى العا ۇمتىلۋىنىڭ وتە جاقسى ەكەنىن، تالانتتى بالا ەكەنىن بايقايدى.
2022 ـ جىلدىڭ باسىندا مەملەكەتتىك دەنە تاربيە باس مەكەمەسىنىڭ قاتىستى تالابىنا ساي، اۆتونوميالى رايوندىق دەنە تاربيە مەكەمەسى ”ۇلكەن جۇرەك جوسپارى بويىنشا شەبەر تاڭداۋ“ ورىستەتىپ، بۇكىل شينجياڭداعى قوسالقى ٴۇستىرت، ٴۇستىرت وڭىرىندەگى 22 اۋدان، قالادا 15 جاستان 18 جاسقا دەيىنگى وقۋ جاسىنداعى وقۋشىلاردان ساڭلاق تاڭدادى. مۇنىڭ ىشىندە توزىمدىلىك قۋاتى __ وزەكتى فيزيولوگيالىق كورسەتكىش.
”ۇلكەن جۇرەك جوسپارى بويىنشا ساڭلاق تاڭداۋدىڭ“ ٴبىرىنشى ساتىسىندا بۇكىل شينجياڭ بويىنشا 746 وقۋشى تاڭدالدى، ىلە ـ شالا دەنساۋلىق ساندى مالىمەتىن سۇرىپتاۋ جانە جاتتىقتىرۋشىلار زەرتتەۋ ارقىلى اراسىنان 96 وقۋشى تاڭدالدى. ٴالىشىر وسى 96 ادامنىڭ ىشىندەگى ەرەكشە مىسال. ونىڭ توزىمدىلىك قۋاتى اعالاپ العا شىقپاعانىمەن، ٴبىراق جالپىلىق تەبىنى، دەنە بۇلشىق ەتىنىڭ سالىستىرماسى جانە توزىمدىلىك دەڭگەيى جاعىنان 400 مەترلىك ٴتۇردىڭ تاپتىرماس تالانتتى ساڭلاعى.
ٴدال وسى رەتكى ساڭلاق تاڭداۋ قىزمەتى بولعاندىقتان، ٴالىشىر اۆتونوميالى رايوندىق دەنە تاربيە مەكەمەسى دەنە تاربيە 1 ـ ۇلكەن اترەتىنىڭ جاتتىقتىرۋشىسى جاڭ ياڭنىڭ كوزىنە تۇسەدى. كاسىپتىك قىسقا ارالىققا جۇگىرۋ جاتتىعۋىن قابىلداعان ٴبىر جىلدان استام ۋاقىتتا ٴالىشىردىڭ جاتتىعۋ ناتيجەسى وتە تەز دامىدى.
الىشىرمەن ۇقساس مەزگىلدەگى كوپتەگەن سپورتشىلار دا تەز سىرعاناۋ، ورتا، ۇزاق ارالىققا جۇگىرۋ، ۆەلوسيپەد، دالالىق شاڭعى تەبۋ، جارىس قايىعى سياقتى توزىمدىلىك قۋاتى سيپاتتى جارىس تۇرلەرىنە اپارىلدى.
شينجياڭ ەجەلدەن بەرى ەلىمىزدىڭ دەنە تاربيە ساڭلاقتارىن تاڭداۋداعى كەنىشتى رايون. مەملەكەتتىك دەنە تاربيە باس مەكەمەسى ورىستەتكەن ۇلكەن جۇرەك، بويشاڭ جانە دەنەلى ساڭلاقتاردى تاڭداۋدان سىرت، سالا اتتاپ، ٴتۇر اتتاپ ساڭلاق تاڭداۋ شينجياڭداعى كوپتەگەن كىشكەنتاي ساڭلاقتاردىڭ باسكەتبول، فۋتبول، قار ـ مۇز، جەڭىل اتلەتيكا سياقتى تۇرلەردە اعالاپ العا شىعۋىنا مۇمكىندىك جاراتتى. بەيجيڭ قىسقى وليمپيادا سپورت جارىسىنىڭ اشىلۋ سالتىنداعى ەڭ سوڭعى الاۋگەر، جۇڭگونىڭ دالالىق قار شاڭعى سپورتشىسى دىلنيگار يىلھامجان 2017 ـ جىلى سالا اتتاپ ساڭلاق تاڭداعان كەزدە جەڭىل اتلەتيكانىڭ ۇزاققا جۇگىرۋ تۇرىنەن دالالىق شاڭعى تەبۋگە اۋىسقان.
2021 ـ جىلدىڭ سوڭىنان باستاپ، اۆتونوميالى رايوندىق دەنە تاربيە مەكەمەسى بۇكىل شينجياڭداعى 14 ايماق، وبلىس، قالانىڭ 22 اۋدان، قالاسىندا، 150 ورتا مەكتەپتە جانە كاسىپتەن سىرتقى دەنە تاربيە مەكتەبى سىندى ناقتى ورىندا دەنە ٴبىتىمى، دەنە قۋاتى، دەنە ساپاسى سياقتى جاقتاردا سىناق ورىستەتىپ، ەڭ سوڭىندا كوپتەگەن دەنە تاربيە سپورت جەتكىنشەكتەرىن تاۋىپ، شينجياڭنىڭ دەنە تاربيە ىستەرىنە جاڭا قان قۇيىپ، مەملەكەتكە تاڭداۋلى دەنە تاربيە دارىندىلارىن دايىندادى، جۇڭگونىڭ دەنە تاربيە كارتاسىنا باتىس سولتۇستىك بۇرىشتىڭ ماڭىزدى كۇشىن قوستى. بولاشاقتا ٴالىشىر سياقتى كوپتەگەن ۇزدىك ساڭلاقتار ٴارقايسى تۇرلەردە جارىققا شىعۋى مۇمكىن.
سپورتتى قىزۋ سۇيەتىن جەتكىنشەكتەر شينجياڭدا تامىر تارتىپ وركەن جايدى
باسەكەلىك دەنە تاربيە مۇنارانىڭ ۇشى، بۇقارالىق دەنە تاربيە مۇنارانىڭ تاعانى. تارتىمدىلىعىن ايگىلەيتىن باسەكەلىك دەنە تاربيە اناعۇرلىم كوپ بۇقارانىڭ دەنە تاربيە سپورتىنا ٴمان بەرۋىنە مۇمكىندىك جاساسا، ال بۇقارالىق دەنە تاربيەنىڭ جالپىلاسۋى باسەكەلىك دەنە تاربيەنىڭ اناعۇرلىم كوپ زاپاس دارىندىلاردى باۋلىپ شىعۋىنا كۇش ۇستەيتىن بولادى.
جەڭىل اتلەتيكا ٴتۇرلى دەنە تاربيە سپورتىنىڭ نەگىزى، دەنە تاربيە سپورتىنىڭ اناسى. دەنە تاربيە جاتتىعۋى بالالاردىڭ تەجەمدىك ادەت قالىپتاستىرۋىنا، قايسار جىگەر، قاسيەت جەتىلدىرۋىنە پايدالى ٴارى ولاردىڭ ۇيرەنۋ بارىسىندا قامال الىپ، قيىندىقتى جەڭۋىنە دە سەپتىگىن تيگىزەدى.
”ٴار جىلى ٴبىز جاستار مەن ورەندەردىڭ جەڭىل اتلەتيكا جۇلدەلى جارىسىن وتكىزەمىز، بۇكىل شينجياڭنىڭ جەر ـ جەرىندەگىلەر تۇگەلدەي بەلسەنە تىزىمدەلىپ قاتىناسادى. وسى جارىستار ارقىلى ٴبىز ٴۇمىتتى جەتكىنشەكتەردى بايقاۋمەن بىرگە، جاستار مەن ورەندەردى، مەكتەپتى جانە اتا ـ انالاردى دا جەڭىل اتلەتيكا جارىسىنا كوڭىل بولۋگە جۇمىلدىرىپ، اناعۇرلىم كوپ ادامداردىڭ وسى سپورت تۇرىنە ات سالىسۋىنا مۇمكىندىك جاسايمىز“، ـ دەدى اۆتونوميالى رايوندىق دەنە تاربيە مەكەمەسى دەنە تاربيە جاتتىعۋى 1 ـ ۇلكەن اترەتىنىڭ ورىنباسار باستىعى شياۋ يۋەگۇي.
بيىل 1 ـ ايدا 2024 ـ جىلعى شينجياڭ ”سپورت لاتارياسى لوڭقاسى“ دوۋي . جاستار مەن ورەندەر بولمە ٴىشى جەڭىل اتلەتيكا جارىسى وتكىزىلىپ، جالپى 673 ساڭلاق قاتىناسىپ، 2023 ـ جىلداعىدان 373 ادام كوبەيدى. ”ٴبىز 500 ادام قاتىناسادى دەپ مەجەلەگەنبىز، ادام سانىنىڭ وسىنشا اسىپ كەتەرىن ويلاماپپىز. ەگەر دە جوعارى شەك بەلگىلەنبەگەن بولسا، تىزىمدەلگەن ادام سانى تاعى دا ارتۋشى ەدى“، شياۋ يۋەگۇي بىلاي دەدى: قاتىناسقان ساڭلاقتاردىڭ وسىنشاما كوپ بولۋى بۇكىل شينجياڭنىڭ جەر ـ جەرىنىڭ تۇگەلدەي نەگىزگى ساتىدا دەنە شىنىقتىرۋعا ەرەكشە ٴمان بەرگەندىگىن دالەلدەدى. شينجياڭدا ٴالىشىر سياقتى وسىنداي تاڭداۋلى ساڭلاقتاردىڭ شىعۋى ٴمالىم تۇرعىدان العاندا، شينجياڭ جەڭىل اتلەتيكا مۇناراسى تاعانىنىڭ بارعان سايىن بەكەمدەلگەننەن كەيىنگى سوزسىزدىك تە بولىپ تابىلادى.
ٴالىشىر ەڭ جاقسى كورەتىن سپورتشى سۋ بيڭتيان. توكيو وليمپيادا سپورت جارىسىنىڭ ەرلەر 100 مەترلىك جارتىلاي شەشۋشى جارىسىندا سۋ بيڭتيان 9 سەكۋند 83 تاقىلدىق ناتيجەمەن ازيا رەكوردىن جاڭالاپ، وليمپيادا سپورت جارىسىنىڭ ەرلەر 100 مەترلىك شەشۋشى جارىسىنا كىرگەن العاشقى جۇڭگولىققا اينالدى. ”مەن وليمپيادا سپورت جارىسىنىڭ سيلىق تۇعىرىنان كورىنگىم كەلەدى، بۇل مەنىڭ ارمانىم“. ٴالىشىر ٴوزىن 400 مەترگە جاتتىعۋعا جارالعانداي سەزىنەدى، سوڭعى جارتى بولىك جۇگىرىستە ”جايسىزدانبايمىن“. ٴوسپىرىم بولعان ول نىساناسىن 4 جىلدان كەيىنگى لوس ـ انجەلەسكە، 8 جىلدان كەيىنگى بريسبەنگە تۋرالاپ وتىر. ال ٴالىشىردىڭ ارتىنان اناعۇرلىم كوپ بالانىڭ جەڭىل اتلەتيكانى ۇناتىپ قالاتىندىعى ٴشۇباسىز.
