_ شينجياڭنىڭ ”10 تور“ قۇرىلىسى جونىندەگى جەلىلەس حابار (7)
انار بۇلت \ شينجياڭ گازەتىنىڭ ٴتىلشىسى شى شين
شينجياڭ پوچتا اقىسى كوتەرىلەتىن وڭىرگە اينالدى، ”تيانشان“ ٴنومىرلى كوپ ۇلگىدەگى بىرلەسكەن تاسىمال ماركاسىنىڭ تۇڭعىش رەتكى قوس باعىتتا قاراما ـ قارسى اتتانعان كەزەكشى پويەزى ٴساتتى جونەلتىلدى، قازاقستان قاتىناس تاراۋىنىڭ جاۋاپتىسى ۇرىمجىگە ساپارلاي كەلىپ، جۇڭگونىڭ شينجياڭىمەن شەكارا وتكەل قۇرىلىسىن ونان ارى ىلگەرىلەتۋ، ۇلاستىرۋ، تۇتاستىرۋ، زات اينالىمى تاسىمالى سياقتى سەلبەستىك جۇمىستارى جونىندە ىشكەرىلەي پىكىرلەستى...
كوكتەمدە، نازاردى مەملەكەت جالپى جاعدايىنداعى ”بەس ۇلكەن ستراتەگيالىق ورنىنا“ شوعىرلاندىرعان شينجياڭ وڭىرلىك ورىن باسىمدىعىن جانە بايلىق ارتىقشىلىعىن سۇيەنىش ەتىپ، ەۆروپا مەن ازيانى تۇيىلىستىرەتىن، ەل ٴىشىن تۇتاستىراتىن، شينجياڭ ٴىشىن ىركىلىسسىزدەندىرەتىن وسى زامانعى زات اينالىمى تورىن قالىپتاستىرۋدا.
قامداۋ مەن قاجەتسىنۋدىڭ ەكى ۇشىن تۇتاستىرىپ، ينتەرنەت جەلىسىن جانە ينتەرنەت جەلىسى سىرتىن ۇلاستىرىپ، ىشكى جانە سىرتقى اينالىمدى ىركىلىسسىزدەندىرگەن، جوعارى ٴونىمدى ىركىلىسسىز ساۋدا ـ زات اينالىمى تورى قۇرىلىسى شينجياڭنىڭ جوعارى ساپالى دامۋىنا پارمەندى تىرەك ازىرلەيدى.
قوس اينالىمدى ىركىلىسسىزدەندىرۋگە پارمەندى تىرەك ازىرلەدى
جىل باسىنان بەرى، شينجياڭنىڭ زات اينالىمى كاسىبىندە جاقسى حابار تولاستامادى _
1 ـ ايدىڭ 10 ـ كۇنى اقسۋدان چاڭجياڭ اتىراۋىنا باراتىن تۇڭعىش رەتكى شينجياڭ اۋىل ـ قىستاقتى گۇلدەندىرۋ تۇراقتى كەزەكشى پويەزى قاتىنادى، 1250 توننا ماقتا كەزدەمە، ماقتا ٴجىپ كەزەكشى پويەزگە تيەلىپ انحۇي ولكەسىنىڭ ۋحۋ شىعىس ۆوكزالىنا اتتانىپ، جياڭنان بازارىنا كىردى. بۇل اقسۋدىڭ جانە ونىڭ توڭىرەگىندەگى ايماق، وبلىستاردىڭ تۇتاس شينجياڭدى بىرلەسىپ ارەكەتتەندىرەتىن، تۇتاس ەلدى بايلانىستىراتىن ستەرەولدى زات اينالىمى جۇلگەسىن جەدەل ورناتۋىن ونان ارى جەبەيدى.
1 ـ ايدىڭ 18 ـ كۇنى شىحىزى ەكونوميكالىق، تەحنيكالىق اشۋ رايونى نەگىزدىك قۇرىلعىلارىنىڭ ماڭىزدى قۇرامداس بولىگى مەن شەشۋشى سايكەستى ينجەنەرياسى بولعان تەمىر جول ارناۋلى جەلىسى _ تيانزۋ تەمىر جول ارناۋلى جەلىسى رەسمي ىسكە قوسىلدى.
بۇل تەمىر جول جەلىسىنىڭ جونەلتەتىن تاۋارى اليۋمين ۇرشىعى، نەگىزىنەن گۋاڭدۇڭ، حىنان، شاڭحاي سياقتى جەرلەرگە تاسىلادى. نىسان سالىنىپ پويەزدىڭ قاتىناۋى جەرگىلىكتى ورىنداعى كاسىپورىنداردىڭ تاسىمال وزىندىك قۇنىن ٴونىمدى تومەندەتىپ قالماي، كوپ تۇتىنىلاتىن زاتتىق ماتەريالدار تاسىمالىنىڭ ”تاس جولدان تەمىر جولعا اۋىسۋىن“ ىلگەرىلەتۋگە دە ٴتيىمدى بولىپ، كوپ ۇلگىدەگى ۇلاسپالى تاسىمالدىڭ اناعۇرلىم جوعارى ٴونىمدى، تاسىمال قۇرىلىمى اناعۇرلىم ساپالى، وزىندىك قۇندى تومەندەتىپ، ونىمدىلىكتى ارتتىرۋى ايرىقشا كورنەكتى بولعان تەمىر جول جيناۋ ـ تاراتۋ تاسىمال جۇيەسىن قالىپتاستىردى.
زات اينالىمى ناقتى ەكونوميكانىڭ ”تامىرى“، ٴوندىرىس پەن تۇتىنۋدى، ىشكى ساۋدا مەن سىرتقى ساۋدانى تۇتاستىراتىن، شينجياڭنىڭ كۇشتى شوعىرلاندىرىپ وسى زامانعى قىزمەت وتەۋ كاسىبىن الۋەتتەندىرەتىن، ساپالىلاندىراتىن ٴتۇيىندى كاسىپ سالالارىنىڭ ٴبىرى. بيىل اۆتونوميالى رايوننىڭ ۇكىمەت قىزمەتىنەن بايانداماسىندا ”جوعارى ٴونىمدى، ىركىلىسسىز زات اينالىمى تورىن قۇرۋدى جەدەلدەتىپ، زات اينالىمىنىڭ وزىندىك قۇنىن ٴونىمدى تومەندەتۋ“ العا قويىلدى.
اۆتونوميالى رايوندىق زات اينالىمى عىلمي قوعامىنىڭ باستىعى گى جۇي مىنالاردى ٴبىلدىردى: وسى زامانعى زات اينالىمى كاسىبى كاسىپ سالاسى تىزبەگىن ۇزارتۋدىڭ، قۇن تىزبەگىن جوعارىلاتۋدىڭ، قامداۋ تىزبەگىن تۇلعالاۋدىڭ ماڭىزدى تىرەگى، وسى زامانعى اينالىم جۇيەسىن تۇلعالاۋدا، قۋاتتى ەل ٴىشى بازارىنىڭ قالىپتاسۋىن ىلگەرىلەتۋدە، وسىزاماندانعان شارۋاشىلىق جۇيەسىن قۇرۋدا، جوعارى ساپالى دامۋدى ىلگەرىلەتۋدە جەتەكشى سيپاتتى، نەگىزدىك سيپاتتى، ستراتەگيالىق سيپاتتى رول ساۋلەلەندىرۋدە.
كوز الدا، شينجياڭ نازاردى ەكونوميكالىق قۇرىلىس سىندى وزەكتى قىزمەتكە جانە جوعارى ساپالى دامۋ سىندى ماڭداي الدى مىندەتكە شوعىرلاندىرىپ، جاڭا دامۋ ارناسىنا بەلسەنە قىزمەت وتەۋدە جانە ونىمەن توعىسۋدا.
”وسى زامانعى زات اينالىمى جۇيەسىن جەدەل ورناتۋ شينجياڭ ەكونوميكاسىنىڭ، قوعامىنىڭ ۇزدىكسىز اقاۋسىز دامۋىنا پارمەندى تىرەك ازىرلەيدى“. گى جۇي بىلاي دەدى: ٴبىر جاعىنان، شينجياڭ ”سەگىز ٴىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن قالىپتاستىرۋدا، وسى زامانعى زات اينالىمى جۇيەسى ەل ٴىشى كاسىپ سالاسى تىزبەگىنىڭ، قامداۋ تىزبەگىنىڭ جۇمىس جۇرگىزۋ ونىمدىلىگىن جوعارىلاتىپ، قامداۋ جاعىندا كاسىپ سالاسىنىڭ تيپ وزگەرتىپ، دارەجەسىن جوعارىلاتۋىن جەبەپ، قاجەتسىنۋ جاعىندا تۇتىنۋشىلاردىڭ سەزىنۋىن جوعارىلاتىپ، ”ىشكى اينالىمنىڭ“ ىركىلىسسىزدىگىنە كەپىلدىك ەتەدى؛ ەندى ٴبىر جاعىنان، وسى زامانعى زات اينالىمى كاسىبىنىڭ دامۋىن تەزدەتۋ شينجياڭنىڭ وڭىرلىك ورىن باسىمدىعىن ساۋلەلەندىرىپ، مەملەكەتتىڭ دامۋ ستراتەگياسىنا ىرىقتىلىقپەن قىزمەت وتەۋىنىڭ جانە ونىمەن توعىسۋىنىڭ ماڭىزدى تۇتقاسى، ازيا _ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن بەلسەنە تۇلعالاۋدىڭ ماڭىزدى مازمۇنى، ەل ٴىشى جانە حالىقارا سىندى قوس اينالىمنىڭ ٴبىرىن ـ ٴبىرى جەبەيتىن جاڭا جۇلگەسىنىڭ قالىپتاسۋىن ىلگەرىلەتۋدەگى ماڭىزدى شاراسى.
بۇل اماليات بارىسىندا ۇزدىكسىز دالەلدەنىپ كەلەدى.
كورلا قالاسى وڭتۇستىك ـ سولتۇستىك شينجياڭ جونىنەن ماڭىزدى بولعان زات اينالىمىنداعى ٴتۇيىندى قالا رەتىندە، گولمۋد _ كورلا تەمىر جولى سياقتى ماڭىزدى قاتىناس ارناسىن سۇيەنىش ەتىپ، كورلا قۇرلىقتىق پورت تيبىندەگى مەملەكەتتىك زات اينالىمى تورابى قۇرىلىسىن ىلگەرىلەتتى. 2023 ـ جىلى بۇل توراپ 980 مىڭ توننا ماقتا تاسىمالىن ورىنداپ، استىق قامباسىنىڭ سيىمدىلىق قۋاتىن 100 مىڭ تونناعا جەتكىزىپ، 2 ميلليون 100 مىڭ توننادان جوعارى ٴوندىرىس قۋاتىنا قاجەتتى شيكىزاتتىڭ، ٴونىمنىڭ تاسىمالىن ۇيىمداستىرۋعا تىرەك ازىرلەپ، زات اينالىمى مەن كاسىپ سالاسىنىڭ توعىسپالى دامۋىنىڭ كولەمدى دراماسىن ۇسىندى.
وڭىرلىك زات اينالىمى قۇرىلعىلار بايلىعىن تياناق ەتكەن شينجياڭ قۇمىل قۇرلىقتىق پورت تيبىندەگى مەملەكەتتىك زات اينالىمى تورابى شينجياڭعا كىرەتىن ـ شىعاتىن زاتتىق ماتەريالداردى ٴبولۋ، ۇلەستىرۋ جانە شوعىرلاندىرۋ، تاراتۋ يقۋاتىن بەلسەندىلىكپەن ارقالاپ، شينجياڭعا كىرەتىن ـ شىعاتىن تاۋارلاردىڭ ”شەكارادان ٴوتۋىن“ قۇمىلدا ”شوعىرلاندىرۋ، تاراتۋ، ٴبولۋ، ۇلەستىرۋگە“ وزگەرتتى. 2023 ـ جىلى 8 ميلليون توننا كومىر تاسىمالىن ورىندادى، بۇل ٴوڭىر ىشىندەگى كومىر تاسىمال مولشەرىنىڭ %20تەن استام سالىستىرماسىن ۇستادى.
توراپ قۇرىلىسى ٴونىمدى بولدى
شينجياڭ ازيا مەن ەۆروپانى تۇتاستىراتىن، شىعىس پەن باتىستى ەندەي وتەتىن تابيعي باسىمدىققا يە.
ازيا _ ەۆروپا قۇرلىعىنىڭ سەنترىنە ورنالاسقان، ”5 وتكەلى 8 ەلگە تۇتاسقان، ٴبىر جولى ەۆروپا _ ازيانى جالعاعان“، ”ٴبىر بەلدەۋ، ٴبىر جول“ وزەكتى رايونى، ەلى ٴىشى جانە حالىقارا سىندى قوس اينالىم ٴبىرىن ـ ٴبىرى جەبەيتىن ماڭىزدى توراپ. 2023 ـ جىلى جۇڭگو (شينجياڭ) ەركىن ساۋدا سىناق رايونىنىڭ ىرگە تەۋىپ ىسكە قوسىلۋى جوعارى ٴونىمدى، ىركىلىسسىز زات اينالىمى تورابى قۇرىلىسىنا ٴتىپتى دە شەكسىز وراي سيلادى.
وسى زامانعى زات اينالىمى جۇيەسىن ورناتۋ ارنا تىرەگىنەن ايرىلا المايدى.
2023 ـ جىلى شينجياڭ قۇرلىقتىق ارنا قۇرىلىسىن تىڭعىلىقتى ىلگەرىلەتتى _ لانجوۋ _ شينجياڭ تەمىر جولىنىڭ جىڭنان الاتاۋ ساعاسىنا دەيىنگى بولىگىنىڭ 2 ـ جەلىسى سياقتى تەمىر جولداردا رەسمي پويەز قاتىنادى، گولمۋد _ كورلا تەمىر جولى تاسىمال قۋاتىن ارتتىرىپ جاڭالاۋ جۇرگىزدى، لوپنۇر _ چارقىلىق تەمىر جولى جەدەل قۇرىلىس جۇرگىزۋ ۇستىندە، جۇڭگو _ قىرعىزستان _ وزبەكستان تەمىر جولى، جۇڭگو _ قازاقستان شاۋەشەك _ اياكوز تەمىر جولى بەلسەنە ىلگەرىلەتىلۋدە. G0711 ۇرىمجىدەن لوپنۇرعا دەيىنگى جوعارى قارقىندى تاس جولى سياقتى ٴبىر توپ تاس جول ٴىرى ارنالارىنىڭ قۇرىلىسى جەدەل جۇرگىزىلۋدە.
”اۋەدەگى جىبەك جولى“ ۇزدىكسىز كەڭەيتىلدى _ شونجى جانبۇلاق اۋەجايىنىڭ، حىجيڭ بايىنبۇلاق اۋەجايىنىڭ قۇرىلىسى اياقتادى، ٴۇرىمجى اۋەجايىن جاڭالاۋ، كەڭەيتىپ سالۋ قۇرىلىس نىسانى جەدەل جۇرگىزىلۋدە، تۇتاس رايون كولەمىندە جالپى سالىنىپ بىتكەن حالىقتىق اۋەجاي 27گە جەتتى.
ەنەرگيا ارناسى قۇرىلىسى جەدەلدەتىلدى _ قىرعىزستانمەن ەلەكتر قۋاتى نەگىزدىك قۇرىلعىلارىن ۇلاستىرۋدى، تۇتاستىرۋدى كۇشەيتۋ جونىندەگى تۇسىنىستىك ەسكەرتپە حاتىنا قول قويىستى، شينجياڭ مەن ورتا ازياداعى 5 ەلدىڭ ەنەرگيا سەلبەستىگىن ورناتۋ جونىندەگى قىزمەت مەحانيزمىنە قاتىستى قىزمەتتەر باستالدى.
...
”شينجياڭ زات اينالىمى تورابى قۇرىلىسىندا جاڭا ونىمدىلىكتەرگە قول جەتكىزدىك“، ـ دەدى اۆتونوميالى رايوندىق دامۋ جانە رەفورما كوميتەتى ەكونوميكا ـ ساۋدا باسقارماسىنىڭ باستىعى ليۋ ۋيدۇڭ.
مەملەكەتتىك زات اينالىمى تورابى _ زات اينالىمى جۇيەسىنىڭ وزەكتى نەگىزدىك قۇرىلعىسى، بۇكىل ەلدىڭ زات اينالىمى تورابىندا شەشۋشى بۋىن، ماڭىزدى تۇعىر جانە تىرەكتىك توراپ رولىن اتقارۋدا.
كەزەكتە شينجياڭدا 7 جەر مەملەكەتتىك زات اينالىمى تورابى قۇرىلىسى تىزىمدىگىنە ەنىپ، جوعارى ٴونىمدى، ىركىلىسسىز بولعان شينجياڭ ىشىندەگى وسى زامانعى زات اينالىمى تورابىن قۇرۋ، ەل ىشىندەگى ماڭىزدى بۋىنداردىڭ زات اينالىمى ارناسىن ۇلاستىرۋ، ازيا _ ەۆروپانىڭ شەكارا اتتاعان زات اينالىم تورابىن تەرەڭدەي ٴتۇيىلىستىرۋ سياقتى جاقتاردا بەلسەندى رول اتقارىپ كەلەدى.
”مەملەكەتتىك زات اينالىمى تورابى يقۋاتىن جوعارىلاتۋ ينجەنەرياسىن اتقارىپ، توراپتىڭ كوتەرىمدىلىك قۋاتىن كۇش سالا جوعارىلاتۋ كەرەك“. ليۋ ۋيدۇڭ بىلاي دەپ تانىستىردى: 2023 ـ جىلدان بەرى اۆتونوميالى رايوندىق دامۋ جانە رەفورما كوميتەتى جاراتىلىستىق بايلىق، قازىنا قاتارلى تاراۋلارمەن بىرگە جەردەن پايدالانۋ، قازىنا سياقتىلاردى قازىنا جاقتان قامتاماسىز ەتۋ تەبىنىن ارتتىرىپ، مەملەكەتتىك زات اينالىمى تورابى ىشىندەگى ماڭىزدى زات اينالىمى نەگىزدىك قۇرىلعى قۇرىلىسىن ىلگەرىلەتىپ، الاتاۋ ساعاسى تاس جول شەكارا وتكەلىنىڭ كوپ ۇلگىدەگى بىرلەسىپ تاسىمالداۋ ورتالىعى، ٴۇرىمجى جۇڭگو _ ەۆروپا كەزەكشى پويەزىن شوعىرلاندىرۋ ورتالىعىنىڭ سۋىق تىزبەكتى زات اينالىم قۇرىلعىسى، كورلا قاتەرلى حيميالىق بۇيىمداردى قامبالاۋ سياقتى نەگىزدىك قۇرىلعى قۇرىلىستارىن ٴتۇيىندى تۇردە قولدادى.
2023 ـ جىلى شينجياڭ مەملەكەتتىك زات اينالىمى تورابىنىڭ كەلەلى نىسانىنا قوسىلعان قارجى تۇڭعىش رەت ”10 ميلليارد يۋاندىق“ ۇلكەن وتكەلدەن ٴوتىپ، جالپى قوسىلعان قارجى 11 ميلليارد 780 ميلليون يۋانعا جەتتى. قازىر شينجياڭ تورابى ىشىندە سالىنىپ بىتكەن تەمىر جول ارناۋلى جەلىسى 120عا جەتتى، توراپتىڭ كوتەرىمدىلىك قۋاتى اناعۇرلىم جوعارىلادى. قۇمىل، كورلا، قورعاس، الاتاۋ ساعاسى تورابىنىڭ جۇك قابىلداۋ ـ جونەلتۋ مولشەرى 10 ميلليون توننا دارەجەسىنە جەتىپ، شينجياڭ ىشىندەگى وسى زامانعى زات اينالىمى جۇيەسى قۇرىلىسىن ٴونىمدى قولدادى.
زات اينالىمى جۇيەسى جەدەل قالىپتاستىرىلادى
قۇرلىقتان اۋەگە دەيىن، ودان قۇبىر تورابىنا دەيىن؛ شينجياڭنىڭ ىشىنەن بۇكىل ەلگە دەيىن، ودان بۇكىل جەر شارىنا دەيىن؛ ٴاربىر زات اينالىمى دانەكەرىنىڭ ٴوزى ٴبىر ـ بىرلەگەن شارپۋ ٴتۇيىنى بولىپ، شينجياڭنىڭ ”دوستار شەڭبەرىن“ ۇلعايتۋعا دەم بەردى.
الايدا شينجياڭنىڭ زات اينالىمى كاسىبىنىڭ دامۋى دا ٴبىر قىدىرۋ سىن ـ سايىستارعا ٴدوپ كەلۋدە.
”ەرەكشە جەر ٴپىشىنى، جەر بەدەرى شينجياڭنىڭ قاتىناس ـ تاسىمال تورابىنىڭ قۇرىلىمى، تىعىزدىعى جانە تۇتاسۋ سيپاتى سياقتى جاقتارىندا ولقىلىقتاردىڭ ورىن تەبۋىن بەلگىلەگەن، اسىرەسە، شينجياڭعا كىرەتىن، شىعاتىن ارنامەن شەتەلمەن تۇتاساتىن ارنا سانىنىڭ جەتكىلىكتى بولماۋى كەزەكتەگى دامۋ تالابىن قاناعاتتاندىرا الماي وتىر“. گى جۇي بىلاي دەدى: بۇدان سىرت، زات اينالىمى تورابى بۋىنىنداعى زات اينالىمى قۇرىلعىلارىنىڭ يقۋاتى كەمەلدى ەمەس، اۋىل ـ قىستاقتاردىڭ جانە كاسىپ سالاسى باقشا رايوندارىنىڭ ”ەڭ سوڭعى ٴبىر كيلومەترىنىڭ“ سوڭعى ۇشىنداعى زات اينالىمى ماسەلەلەرى كورنەكتى بولۋدا، زات اينالىمىنىڭ ولشەمدەنۋ، سيفرلانۋ دەڭگەيى دە جوعارىلاتۋدى كۇتىپ تۇر.
بولاشاق جونىنەن شينجياڭنىڭ كوز اياسى مەن جوسپارى كەڭ دە ايبىندى _
ازيا _ ەۆروپا قۇرلىعى زات اينالىمى تورابىن ۇلاستىراتىن ـ تۇتاستىراتىن كەشەندى زات اينالىمى تورابىن قۇرۋدى ىلگەرىلەتۋ جەتەكشى ەتىلىپ، مەملەكەتتىك زات اينالىمى تورابىن جوبالاۋ قۇرىلىسى ۇزدىكسىز ىلگەرىلەتىلىپ، توراپتى قولداۋ، زات اينالىمىن كۇشەيتۋ قۇرىلعىلار بايلىعى بىرىكتىرىلىپ، اقسۋ ايماعىندا ٴبىر توپ وڭىرلىك زات اينالىمى تورابى جەتىلدىرىلىپ، قۇرىلىپ، ”ارنا + توراپ + ينتەرنەت“ زات اينالىمى جۇيەسى جەدەل قالىپتاستىرىلادى.
سايكەستى قىزمەتتەر الدەقاشان باستالدى.
نازاردى ”ٴبىر پورتتىڭ“ ەسىكتى اشىق ۇستاعان توراپتىق فۋنكتسيالىق ورنىنا شوعىرلاندىرعان ٴۇرىمجى حالىقارالىق قۇرلىقتىق پورتى اۋماعى قوس باعىتتا ەسىكتى اشىق ۇستاعان شينجياڭ حالىقارالىق قۇرلىقتىق پورتى جۇيەسىنىڭ وزەكتى توراپ پورتىن بەلسەنە قۇرۋدا.
ٴۇرىمجى حالىقارالىق قۇرلىقتىق پورتى اۋماعى دامۋعا قىزمەت وتەۋ ورتالىعىنىڭ مەڭگەرۋشىسى جۇڭ حىحۋا بىلاي دەپ تانىستىردى: 2024 ـ جىلى ٴۇرىمجى قۇرلىقتىق پورت تيبىندەگى مەملەكەتتىك زات اينالىمى تورابى مەن جۇڭگو _ ەۆروپا كەزەكشى پويەزىن (ءۇرىمجى) شوعىرلاندىرۋ ورتالىعىنىڭ ۇلگى كورسەتۋ ينجەنەريا قۇرىلىسىن تۇتقا ەتىپ، كوپ ۇلگىدەگى ۇلاسپالى تاسىمال جۇك شوعىرلاندىرۋ اۋماعى 2 ـ مەرزىمى، سۋىق تىزبەكتى زات اينالىمى سياقتى ٴتۇيىندى نىسانداردىڭ جىل سوڭىنان بۇرىن سالىنىپ ٴبىتىپ ىسكە قوسىلۋىن ىلگەرىلەتىپ، جۇڭگو _ ەۆروپا كەزەكشى پويەزى شوعىرلاندىرۋ ورتالىعىنىڭ فۋنكتسيالىق قۇرىلعىلارىن كەمەلدەندىرەمىز؛ ”بەيدوۋ + تيانجي زات اينالىمى تورابىنىڭ“ جاڭالىق اشۋدان ۇلگى كورسەتۋ، قولدانۋ جۇيەسىن ينفورماتسيالاندىرۋ نىسان قۇرىلىسىن جەدەلدەتىپ، زەردەلى قۇرلىقتىق پورت قۇرىلىسىنىڭ اياق الىسىن ىلگەرىلەتەمىز.
شينجياڭ ساۋدا ـ زات اينالىمى (توبى) شەكتى سەرىكتەستىگىنىڭ قۇرىلۋى شينجياڭنىڭ ازيا _ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن تۇلعالاۋعا بەلسەنە ات سالىسىپ، جىبەك جولى ەكونوميكالىق بەلدەۋى وزەكتى رايونى ساۋدا ـ زات اينالىمى ورتالىعى قۇرىلىسىن ىلگەرىلەتۋدەگى تۇتقالارىنىڭ ٴبىرى.
اتالعان سەرىكتەستىكتىڭ پارتكوم شۋجيى، باسالقاسى شىن جينشىڭ مىنالاردى ٴبىلدىردى: بيىل پورت ماڭايى قۇرىلىسىن جەدەلدەتىپ، اۋە پورتىن ورنالاستىرىپ، ازيا _ ەۆروپا شەكارا اتتاعان ەلەكتروندى ساۋدا جونىنەن كەشەندى قىزمەت وتەۋ ورتالىعى، اۋىل شارۋاشىلىعى ونىمدەرى ساۋدا ورتالىعى سياقتىلاردى تۇلعالاپ، ەل ٴىشى جانە حالىقارالىق اۋە قاتىناس جۇك تاسىمالىن، ۇشقىش اپپاراتى كاسىپ سالاسىن جانە تومەن كەڭىستىك اۋە قاتىناسى كاسىپ سالاسىن ٴبىر تۇتاس جوسپارلاپ ىلگەرىلەتىپ، تاس جولدى، تەمىر جولدى، تەڭىز جولىن، اۋە جولىن ٴبىر تۇلعالاندىرعان كوپ ۇلگىدەگى ۇلاسپالى تاسىمالعا كەشەندى قىزمەت وتەۋ جۇيەسىن ورناتامىز.
الاتاۋ ساعاسى شەكارا وتكەلىنىڭ ورنالاستىرۋ ورتالىعىنا كىرسەڭىز، توراپتىڭ قابىلداۋ ـ جونەلتۋ شاماسى، كەزەكشى پويەزدەردىڭ قاتىناۋ مولشەرى، تاسىمال مولشەرىنىڭ بەتالىسى، كەزەكشى پويەزدەر قاتىناۋىنىڭ ناقتى ديناميكالىق كۇيى سياقتى احۋالدار تايعا تاڭبا باسقانداي انىق كورىنىپ تۇرادى. سيفرلى تەحنيكانىڭ قولدانىسقا ٴتۇسۋى شينجياڭنىڭ وسى زامانعى زات اينالىمى جۇيەسىنە قۋات ۇستەۋدە.
...
توراپ قۇرىلىپ، تىزبەك كۇشەيدى، ”نەگىزگى ارتەريا“ ۇلاستىرىلىپ، سوڭعى ۇشىنىڭ ”ميكرو اينالىمى“ ىركىلىسسىزدەندىرىلدى، ”ٴبىر بەلدەۋ، ٴبىر جولدىڭ“ وزەكتى رايونى بولعان شينجياڭدا زات اينالىمى ىركىلىسسىز بولىپ، بارلىق جەرگە تۇتاسقان تاماشا تىلەك تەز قارقىنمەن تاماشا رەالدىققا اينالۋدا.
