تيانشان تورى
تيانشان تورى   ›   ۇيرەنۋ   ›   شولۋ

جاڭا سالت لەبى بار الاپتا ەستى

  _ شينجياڭنىڭ رۋحاني وركەنيەت قۇرىلىسى قىزمەتى جونىندە جالپى شولۋ

  □ انار بۇلت \ شينجياڭ گازەتىنىڭ ٴتىلشىسى جاڭ يانفاڭ

  وركەنيەتتى ورىن قۇرۋدى ۇدايىلاندىردى، باياندى ەتتى، ٴمورال ۇلگىلەرى العا ۇمتىلۋعا، ىزگىلىككە باستادى، وركەنيەت امالياتى سۇيىسپەنشىلىك پەن مەيىر جەتكىزدى... قالا ـ قالاشىقتان اۋىل ـ قىستاققا دەيىن، مەكەمە ورىننان وتباسىنا دەيىن، ٴۇش تاۋ، ەكى ويپاتتا وركەنيەت جاڭا سالتى بىرتىندەپ جەتىپ، وركەنيەتتىڭ كۇشى ورەلى ونەگەگە اينالىپ، جۇرت جۇرەگىن نارلەندىردى.

  ادامدا رۋح بولماسا، ەڭسە كوتەرىپ تۇرا المايدى، مەملەكەتتە رۋح بولماسا، قۇدىرەتتەنە المايدى. سوڭعى جىلدارى شينجياڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋدى وراي ەتىپ، وركەنيەتتى جەتىلدىرۋدى، وركەنيەتتى امالياتتا ايگىلەۋدى، وركەنيەتتى ورىن قۇرۋدى ٴبىر تۇتاس جوسپارلاپ ىلگەرىلەتىپ، وركەنيەت گۇلىن تيانشان الابىندا شەشەك اتتىرىپ، جاڭا داۋىردەگى رۋحاني وركەنيەت قۇرىلىسى جوعارى ساپالى دامۋىنىڭ جاڭا كارتيناسىن سالدى.

  يدەيالىق جەتەكشىلىك كۇشەيتىلدى

  وركەنيەت امالياتى سالتقا اينالدى

  جاڭا ٴداۋىر وركەنيەت امالياتى ورتالىعى قۇرىلىسى _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاساعان كەلەلى شەشىمى، ورنالاستىرۋى، پارتيانىڭ جاسامپاز نازارياسىنىڭ جۇرت جۇرەگىنە تەرەڭ ۇيالاۋىن، تامىر تارتىپ ناقتاپ تياناقتانۋىن جەبەۋدىڭ كەلەلى شاراسى.

  اۆتونوميالى رايوننىڭ جاڭا ٴداۋىر وركەنيەت امالياتى قىزمەتىن تەرەڭدەتۋدى ىلگەرىلەتۋ ٴماجىلىسى اشىلدى، اۆتونوميالى رايوننىڭ جاڭا ٴداۋىر وركەنيەت امالياتى بەلگىسى جوبالانىپ جالپىلاستىرىلدى، جاڭا ٴداۋىر وركەنيەت امالياتىنىڭ نەگىزگى تاقىرىپتىق اندەرى شىعارىلىپ كەڭىنەن شىرقالدى، «جاڭا ٴداۋىر وركەنيەت امالياتى ورتالىعىنىڭ فۋنكتسيالىق رولىن شىن مانىندە ساۋلەلەندىرۋ جونىندەگى قىزمەت جوباسى» باسىلىپ تاراتىلدى. كەزەكتە شينجياڭ 96 جاڭا ٴداۋىر وركەنيەت امالياتى ورتالىعىن، 1147 جاڭا ٴداۋىر وركەنيەت امالياتى بولىمشەسىن، 11 مىڭ 835 جاڭا ٴداۋىر وركەنيەت امالياتى پۋنكتىن قۇردى ٴارى 2 جىل ۋاقىتپەن ٴاربىر اۋىل ـ قالاشىقتا (ٴمالى) بىرەۋىن قۇرۋ سان ولشەمى بويىنشا، 1147 جاڭا ٴداۋىر وركەنيەت امالياتى پۋنكتىنىڭ اۆتونوميالى رايوندىق ۇلگى كورسەتۋ ٴتۇيىنىن تۇلعالاپ، تۇتاس رايوننىڭ جاڭا ٴداۋىر وركەنيەت امالياتى قىزمەتىنىڭ جوعارى ولشەممەن ىلگەرىلەۋىنە ۇلگى كورسەتىپ جەتەكتەدى، اسەر ەتىپ باستاماشىلدىق ەتتى.

  پارتيانىڭ جاسامپاز نازارياسى ”جاي بۇقارا وتباسىنا جەدەل جەتكىزىلدى“.

  ”ٴبىر ايتارىم پارتيانىڭ 20 ـ قۇرىلتايى، ۇمىتپادى اۋەلگى ماقسات پەن بورىشتى؛ ەكى ايتارىم، مىقتى يگەرىپ جاڭا ورايدى، گۇلدەندىرىپ اۋىل ـ قىستاقتى، بۇقارانى بايىتتى...“ شايار اۋدانى شايار قالاشىعى كاڭتاي الەۋمەتتىك اۋماعىندا ”التىن توراڭعى“ ۇگىت لەكسيا ۇيىرمەسىنىڭ مۇشەلەرى ۇگىت لەكسيا مازمۇنىن انگە قوسىپ تۇرعىندارعا جەتكىزدى. ”مۇنداي ۇگىت لەكسيا فورماسى جاقسى، حالىق تۇرمىسىمەن جاناسىمدى، ٴبىز ايرىقشا ۇناتتىق“، ـ دەدى تۇرعىن ۋاڭ ميڭلەي.

  ٴار دارەجەلى باسشىلاردى، كادرلاردى، ٴار دارەجەلى ۇگىت لەكسيا ۇيىرمەسى سياقتى كۇشتەردى ۇيىمداستىرىپ، ”ەڭ ارداقتى ادام“، ”جانىمىزداعى جاقسى ادامدار“ سياقتى ۇگىت لەكسياشىلاردى باۋلىپ، ”قار قالاسى“ دومبىرا بولىمشە اترەتى، ”ماناسشى“ ادەبيەت ـ كوركەمونەر ۇگىت لەكسيا بولىمشە اترەتى سياقتى ەرەكشەلىككە يە ۇگىت لەكسيا قوسىندارىن ۇيىمداستىرىپ، ”جاڭا ٴداۋىر قالتقىلى كولىگى“، ”وركەنيەت امالياتى ۇلكەن بازارى“ سياقتى ەرەكشەلىككە يە قيمىل ماركالارىن سومدادى... جەر ـ جەر شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى باستان ـ اياق ماڭداي الدى مىندەت ەتىپ، پارتيا 20 ـ قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەت نەگىزگى جەلىسىن ارقاۋ ەتىپ، جاڭا ٴداۋىر وركەنيەت امالياتى ورتالىعىنىڭ (بولىمشە، پۋنكت) قىزىل شەپ سيپاتىن ۇزدىكسىز كۇشەيتىپ، بۇقارا قۋانا تىڭداپ، قۇمارتا كورەتىن تاسىلمەن پارتيانىڭ نازارياسىن، باعىت ـ ساياساتتارىن بۇقارانىڭ قۇلاعىنا قۇيىپ، جۇرەگىنە ۇيالاتتى.

  بۇقارانىڭ قاجەتى قايدا بولسا، وركەنيەت اماليات قيمىلى سول اراعا جەتكىزىلدى.

  بيىل 3 ـ ايدا كورلا قالاسى ”لەي فىڭنان ۇيرەنۋ . وركەنيەت امالياتىن ورىندايمىن“ نەگىزگى تاقىرىپتىق قيمىلىن باستادى. ”ٴبارىمىز شاش الدىرعالى كەلدىك، ەرىكتىلەردىڭ ونەرى ايتارلىقتاي ەكەن“. قيمىل ورنىندا، ساياسات جونىنەن اقىل ـ كەڭەس سۇراۋ، سالاماتتىق جونىنەن مىندەتتى دياگنوز قويۋ، مادەنيەت جونىنەن قىزمەت وتەۋ سياقتى نەشە 10 ”جايما ورنى“ ”ساۋدالارىن“ باستاپ، بۇقارانىڭ ۇيلەرىنىڭ الدىنداعى وركەنيەت بازارىن بازارشىلاۋىنا، اماليات كەلبەتىنەن ٴلاززاتتانۋىنا مۇمكىندىك جاراتتى. 3 ـ ايدىڭ 5 ـ كۇنىنىڭ وزىندە تۇتاس شينجياڭنىڭ جەر ـ جەرىندە لەي فىڭنان ۇيرەنۋ وركەنيەت امالياتى قيمىلىنان 11 مىڭ الاڭنان (رەت) استام قانات جايدىرىلدى.

  بولماشى نۇردى شوعىرلاندىرىپ، قۇس جولىن نۇرلاندىردى. شينجياڭ سانى جەتكىلىكتى، قۇرىلىمى كوپ نەگىزدى، اۋىل ـ قىستاققا تامىر تارتقان، ومىرشەڭدىك كۇشكە يە ”1+8+N“ وركەنيەت امالياتى ەرىكتىلەر قىزمەت وتەۋ قوسىنىنان 40 مىڭنان استامىن قۇردى، قاتىناسقاندار 3 ميلليون 200 مىڭ ادامنان استى. دالمە ـ دالدىكتى، ەگجەي ـ تەگجەيلىلەندىرۋدى، ماركالىلاندىرۋدى ۇزدىكسىز ىلگەرىلەتكەن جەر ـ جەر قىزمەت وتەۋ نىسانى تىزىمدىگىن دەن قويا جوبالاپ، ەرىكتى قىزمەت وتەۋدىڭ ”تاپسىرىس بەرۋ ـ تاپسىرىس جونەلتۋ ـ تاپسىرىس قابىلداۋ ـ تاپسىرىستى باعالاۋ“ ۇلگىسىن كەمەلدەندىرىپ، وركەنيەت امالياتى ەرىكتى قىزمەت وتەۋ نىسانىنىڭ بۇقارانىڭ قاجەتىمەن دالمە ـ ٴدال ٴتۇيلىسۋىن ىسكە اسىردى.

  سانجى حۇيزۋ اۆتونوميالى وبلىسى ”وركەنيەتتى سانجى، ەرىكتىلەر قالاسى“ جاڭا ٴداۋىر وركەنيەت امالياتى بۇلت تۇعىرىن جاسامپازدىقپەن قۇرىپ، ۇلكەن ساندى مالىمەت تۇعىرىنا سۇيەنىپ، ”بارماق ۇشىنان“ ”قاسىنا“ دەيىنگى ەرىكتى قىزمەت وتەۋدىڭ جاڭا كۇيىن جۇزەگە اسىردى. نازاردى ۇيدە قالعان بالالار، سۇيەنىشسىز قارتتار سياقتى ٴتۇيىندى كومەكتەسەتىن، سۇيەمەلدەيتىن قاۋىمنىڭ سۇرانىسىنا شوعىرلاندىرىپ، ”كەشكى اراي سۇيىسپەنشىلىگى . ورالعان مەيىرىمدىلىك“ سياقتى ٴبىرسىپىرا بۇقارا مويىنداعان، ەرەكشەلىگى ايقىن، ۇلگى كورسەتۋ، باستاماشىلدىق رولى بار ەرىكتى قىزمەت وتەۋ ماركالارى جارىققا شىعىپ، ٴتۇرلى قوعامدىق ەرىكتى قىزمەت وتەۋ بايلىقتارى مەن كۇشتەرىن وركەنيەت امالياتىنا قاتىناسۋعا ٴونىمدى جۇمىلدىردى.

  ادامدى وركەنيەتپەن تاربيەلەدى، ادامدى وركەنيەتپەن باۋلىدى، جۇرت جۇرەگىن وركەنيەتپەن نارلەندىردى.

  شينجياڭ وركەنيەت امالياتى قيمىلىن ورىستەتۋدى ٴار ۇلت بۇقاراسىنىڭ بىرگە ىنتىماقتاسا كۇرەس جۇرگىزۋىنىڭ، بىرگە گۇلدەنىپ، دامۋىنىڭ يدەيالىق نەگىزىن بەكەمدەيتىن ماڭىزدى ارناسى ەتىپ، تاريحي ەسكى جۇرتتاردى، وتانشىلدىق تاربيە بازالارىن، قىزىل الاڭ ـ سارايلاردى، ت . ب وركەنيەت امالياتى شەبىنىڭ كاتەگورياسىنا ەنگىزىپ، ٴار ۇلتتىڭ ارالاسقان، ىشتەسكەن، توعىسقان تاريحي شىندىقتارىن، ارحەولوگيالىق ناقتى زاتتارىن ىشكەرىلەي كادەگە جاراتىپ جانە ودان ٴونىمدى پايدالانىپ، ولەڭ، ٴبايت، مۋزيكا، حاتكەرلىك، تەاتر سياقتى تاڭداۋلى جۇڭحۋا مادەنيەتىن اۋىل ـ قىستاققا جەتكىزۋ قيمىلىن ورىستەتۋدى ۇدايىلاندىرىپ، ۇلتتاردىڭ ورتاق رۋحاني مەكەنىن تۇلعالادى.

  بۇگىنگى كۇندە، جاڭا ٴداۋىر وركەنيەت امالياتى ورتالىعىنا (بولىمشە، پۋنكت) سۇيەنىپ، جەر ـ جەردىڭ ٴتۇرلى وركەنيەت اماليات قيمىلدارى دابىرالى ورىستەتىلىپ، بۇقاراعا ۇگىت جۇرگىزەتىن، بۇقارانى تاربيەلەيتىن، بۇقاراعا كوڭىل بولەتىن، بۇقاراعا قىزمەت وتەيتىن ”ەڭ سوڭعى ٴبىر كيلومەترى“ بىرتىندەپ ىركلىسسىزدەندىرىلىپ، وركەنيەتتىڭ جاڭا سالتىن بۇقارانىڭ جۇرەگىنە ۇيالاتۋدى ىلگەرىلەتتى.

  مورالمەن نارلەندىردى

  وزەكتى قۇن كوزقاراسىمەن جاڭا ادام تاربيەلەدى

  الەۋمەتتىك يگىلىك ىستەرىنە 35 جىل بويى قىزۋ ىقىلاس تانىتقان الەۋمەتتىك اۋماقتىڭ شۋجيى لي شياۋچين، جارالانعان ساياحاتشىنى 12 ساعات اتقا ٴمىنىپ تاۋ ەتەگىنە قورعاپ جەتكىزىپ، ٴبىر تيىن اقى الماعان باي اۋدانى حەيىر اۋىلى تيانتاڭحۋ حالىقتىق تۇسەلحانا اۋىل ـ قىستاق دەمالىس ساياحاتى شارۋالار كاسىپتىك سەلبەستىك كووپەراتيۆى اتتىلار اترەتىنىڭ باستىعى احمەت سىمايىل... بيىل 1 ـ ايدا 2023 ـ جىلعى ”شينجياڭنىڭ سوتسياليستىك رۋحاني وركەنيەتىندەگى ونەگەلى ادامدارى، ونەگەلى ىستەرى“ رەسمي جاريالاندى، جانىمىزداعى ونەگەلى ادامدار بولعان 110 ادامنىڭ (گرۋپپا) اسەرلى اڭگىمەلەرى الاڭداعى ٴاربىر كورەرمەندى تەرەڭ اسەرلەندىردى.

  نازاردى رۋحاني باعاندى تىكتەۋگە، قۇن ۇلگىسىن ورناتۋعا، ٴداۋىر جاڭا ادامىن تاربيەلەۋگە شوعىرلاندىردى. سوتسياليستىك وزەكتى قۇن كوزقاراسىن جەتەكشى ەتكەن شينجياڭ جاڭا داۋىردەگى ازاماتتاردىڭ ٴمورال قۇرىلىسىن ۇزدىكسىز تەرەڭدەتىپ، قوعامدا جاقسىدان ونەگە الۋعا ۇمتىلعان، قاھارماندى قادىرلەيتىن، ۇزدىك بولۋعا تالپىنعان قويۋ راي قالىپتاستىردى.

  العاباسار تيپتىك ۇلگىلەردىڭ جاندى وڭ ەنەرگياسى جاندى قۇن كوزقاراسى دا سانالادى.

  شينجياڭ ٴبىرسىپىرا ٴمورال ۇلىگىلەرىن، جانىمىزداعى جاقسى ادامداردى، ەڭ ارداقتى ادامداردى تاڭداپ سومدادى، جاساپ ۇسىنعان ”ۇلگىنىڭ كۇشى _“ شينجياڭنىڭ ٴمورال ۇلگىلەرى جەلىلەس ميكرو بەينەجازباسى جاقسى باعا الدى. قازىر جالپى 18 ادام داڭقپەن مەملەكەتتىك ٴمورال ۇلگىلەرى اتاعىنا يە بولدى، 298 ادام (گرۋپپا) ”جۇڭگولىق ىزگى جاندار تىزىمدىگىنەن“ ورىن الدى، 7 ادام مەملەكەتتىك ”جاڭا ٴداۋىردىڭ جاقسى ورەنى“ بولىپ باعالاندى، ولار سوتسياليستىك وزەكتى قۇن كوزقاراسىنىڭ باي مازمۇنىن جاندى ٴتۇسىندىردى.

  50 جىلدى ٴبىر كۇندەي وتكىزىپ، وتاندى ٴسۇيىپ، شەكارانى كۇزەتكەن ”حالىق ونەگەسى“ بۇرماحان مولدو، ٴومىرى ارقىلى ٴپايزاۋات اۋدانىنداعى بۇقاراعا بالداي ٴتاتتى سۋ ىشكىزگەن ”مەملەكەتتىك كەدەيلىكتەن ارىلتۋدان قامال الۋدىڭ ۇلگىسى“ ليۋ حۋ، سۋعا كەتكەن بالانى قۇتقارۋ جولىندا ەرلىكپەن قۇربان بولعان ”ٴداۋىر ونەگەسى“ لاچين بايەكە، بۇكىل ينتەرنەت جەلىسىن اسەرلەندىرگەن ”پارتيا زناگىن تاققان اعاي“ ابدۇجاپار مەڭدى... ولاردىڭ اتى نۇر ـ شۇعىلا شاشىپ، حيكايالارى ادامدى اسەرلەندىرىپ، شينجياڭدىقتاردىڭ كوڭىلىندەگى رۋحاني كوورديناتقا اينالدى.

  ٴمورالدى ادامدى سيلادى، قۇرمەتتەدى. شينجياڭ «اۆتونوميالى رايوننىڭ ٴمورال ۇلگىلەرىن ماداقتاۋ ـ سيلاۋ، يكەمدى باسقارۋ، قۇرمەتتەۋ، كومەكتەسۋ، سۇيەمەلدەۋ ٴادىسىن (سىناق رەتىندە اتقارىلادى)» باسىپ تاراتىپ، ٴمورال ۇلگىلەرىنە قامقورلىق جاساۋدى، كومەكتەسۋدى، سۇيەمەلدەۋدى كۇشەيتىپ، شىن مانىندەگى سيعا سي، سىراعا بال قۇن بەتالىسىن ورناتتى.

  ٴمورال ارقىلى تاربيەلەپ، جاستار مەن ورەندەردىڭ جۇرەگىنە سەنىمنىڭ ۇرىعىن سەپتى.

  4 ـ ايدىڭ 3 ـ كۇنى ٴۇرىمجى قۇربانداردىڭ ىزگى ىستەرى كورمە سارايىندا ٴۇرىمجى قالالىق 89 ـ باستاۋىش مەكتەپتەن كەلگەن 30دان استام وقۋشى تاربيەشىلەرىنىڭ باستاۋىندا، قاھارمانداردىڭ جان سۇيىنتەرلىك اڭگىمەلەرىنە ەلىتتى. اتالعان مەكتەپتىڭ 4 ـ جىلدىق وقۋشىسى فاتيحا شيرالي بىلاي دەدى: ”ٴبىزدىڭ بۇگىنگى باقىتتى تۇرمىسىمىز سانسىز قۇربانداردىڭ ىستىق قانىنىڭ، اۋەلى، ٴومىرىنىڭ بوداۋىمەن كەلگەن، ٴسوزسىز، قاستەرلەۋىمىز كەرەك“.

  چيڭميڭدە قاھارمان قۇرباندارعا ازا ٴبىلدىرۋ، ”مەملەكەت تۋىنىڭ استىندا ەسەيۋ“ جاستار مەن ورەندەردىڭ مەملەكەت تۋىن شىعارۋ جانە وتانشىلدىق ۇگىت لەكسياسى سياقتى قىمىلداردى بەلسەنە ورىستەتتى؛ ”شينجياڭنىڭ جاڭا داۋىردەگى جاقسى ورەندەرىنىڭ وتانعا ساپارى“ شاندۇڭ، جىجياڭ سياقتى جەرلەرگە بارىپ، جاقسى ورەندەر ۇمىتىلماس ۇيرەنۋ ساپارىن باستان كەشىردى؛ تۇتاس رايونداعى 936 اۋىل ـ قىستاق مەكتەبىنىڭ ورەندەر سارايى ەگىن، مال شارۋاشىلىق وڭىرلەرىندەگى بالالارعا كوز سۇرىندىرەتىن دۇنيەنىڭ ەسىگىن اشىپ بەردى... شينجياڭ ازامات جاسىنا تولماعان جەتكىنشەكتەردىڭ يدەيالىق ٴمورال قۇرىلىسىن تاباندىلىقپەن ىلگەرىلەتتى، 2023 ـ جىلى جەر ـ جەر، تاراۋلار 22 مىڭ جاس پەن ورەندى بەيجيڭ سياقتى جەرلەرگە زەرتتەۋ ـ ۇيرەنۋ جازعى لاگەر قيمىلىن ورىستەتۋگە ۇيىمداستىرىپ جىبەرىپ، پارتيانى ٴسۇيۋ، وتاندى ٴسۇيۋ، سوتسياليزمدى ٴسۇيۋ سەزىمىن ولاردىڭ جۇرەگىنە تامىر تارتتىرىپ، وركەن جايدىردى.

  بۇگىنگى شينجياڭدا قاراپايىم ادامنىڭ ىزگى ىستەرى، جاي حالىق قاھارماندارى ىركەس ـ تىركەس جارىققا شىقتى، ”جاقسى ادامدى ارداقتايتىن، جاقسى ادامنان ۇيرەنەتىن، جاقسى ادام بولۋعا ۇمتىلاتىن“ ۇستانىم جۇرت جۇرەگىنە تەرەڭ ۇيالاپ، تۇتاس قوعامدا ورگە، ىزگىلىككە ۇمتىلعان قۋاتتى كۇش ۇيىستى.

  حالىق ٴۇشىن ىستەۋگە، حالىققا تيىمدىلىك جەتكىزۋگە تاباندى بولدى

  وركەنيەتتى ورىن قۇرۋ باقىتتىڭ نەگىزگى ٴتۇسىن ايشىقتادى

  وركەنيەت _ ٴبىر قالانىڭ ىشكى قاسيەتى ٴارى باقىتتىڭ نەگىزگى ٴتۇسى.

  قارامايلى قالاسى قارامايلى رايونى تۇڭشۇن شاعىن اۋماعىنىڭ كوۋداي باقشاسىنا كىرسەڭىز، ٴشوپ ـ اعاشتار كوكتەپ، كوكتەم لەبى ەسىپ، كولىكتەر رەتىمەن توقتاتىلىپ، جول بەتىنىڭ، قابىرعا تامدار جاڭالانىپ، الەۋمەتتىك اۋماق تۇرعىندارىنىڭ جۇزدەرىنەن باقىت لەبىنىڭ ەسكەنىن كورەرسىز. بۇل ارانىڭ كەزىندە ورتا تازالىعى ناشار، كولىكتەر بەتالدى توقتاتىلاتىن ماسەلەسى بار الەۋمەتتىك اۋماق ەكەندىگىنە سەنۋىڭىز قيىن. وزگەرىس قارامايلى قالاسىنىڭ مەملەكەتتىك وركەنيەتتى قالا قۇرۋدى ۇدايىلاندىرۋ ورايىنان پايدالانىپ، قالانى جاڭارتۋ ارەكەتىن اتقارىپ، قالانىڭ ”ميكرو جاڭالانۋى“ ارقىلى بۇقارانىڭ ”زور باقىتىنا“ قول جەتكىزۋىنەن كەلگەن.

  اۋىل سالتى وركەنيەتى _ اۋىل ـ قىستاقتى گۇلدەندىرۋدىڭ رۋحى.

  جيىنتىق نومىرمەن سيلىق اۋىستىرۋ، العاباسارلاردى باعالاۋ، ۇزدىكتەردى باعالاۋ، سيلاۋ، ماراپاتتاۋ... اقسۋ قالاسى وركەنيەت جيىنتىق ٴنومىرىن باسقارۋ (وركەنيەت امالياتى جيىنتىق ٴنومىر ەرەن بازارى) ۇلگىسىن جالپىلاستىرۋ جونىندە ىزدەنىس جاساپ، قونىس ورتاسى، ەسكى سالت ـ سانانى وزگەرتۋ، ەرىكتى قىزمەت وتەۋ سياقتى جاقتاردا جيىنتىق ٴنومىر اۋىستىرۋ جۇرگىزدى، ٴار ۇلت بۇقاراسىنىڭ اۋىل ـ قىستاقتى باسقارۋعا ات سالىسۋ بەلسەندىلىگى اناعۇرلىم ورلەپ، اۋىل ـ قىستاقتىڭ وركەنيەت جاڭا بەينەسىنىڭ تاسقىنداۋىن ىلگەرىلەتتى.

  وركەنيەتتى قالادان، وركەنيەتتى اۋىل ـ قالاشىقتان وركەنيەتتى ورىنعا، وركەنيەتتى وتباسىنا، وركەنيەتتى مەكتەپ اۋلاسىنا دەيىن، ”ٴبىر ورىننىڭ اسەمدىگىنەن“ ”ءبىر اۋماقتىڭ اسەمدىگىنە“ دەيىن، ”اسەم ورتادان“ ”اسەم تۇرمىسقا“ دەيىن، ”سىرتقى اسەمدىكتەن“ ”ىشكى اسەمدىككە“ دەيىن، شينجياڭنىڭ جەر ـ جەرى حالىق ٴۇشىن ىستەۋ، حالىققا تيىمدىلىك جەتكىزۋ ۇستانىمىنا تاباندى بولىپ، رۋحاني وركەنيەتتى ورىن قۇرۋدى تەرەڭ ىلگەرىلەتىپ، بۇقارانىڭ تۇرمىس ساپاسىن ۇزدىكسىز جاقسارتىپ، ولاردىڭ تابىس سەزىمىن، باقىت سەزىمىن، حاۋىپسىزدىك سەزىمىن ونان ارى كۇشەيتتى.

  تۇتاس رايوندا ”وركەنيەت جاڭا سالتىن سان مىڭ وتباسىنا جەتكىزۋ، التى ۇلكەن ادەتتى قالىپتاستىرۋ“ ارناۋلى وركەنيەت قيمىلىن ىشكەرىلەي جالپىلاستىرىپ، ەگىنشىلەردى، مالشىلاردى ”سالاماتتى ازىقتانۋ، مادەنيەتتى كيىنۋ، تازالىقتى دارىپتەۋ، مادەنيەتتى، ادەپتى، ادال، سەنىمدى بولۋ، ەرەجەگە، زاڭعا بويسۇنۋ، عىلىمدى قاستەرلەۋ“ تاماشا ادەتىن قالىپتاستىرۋعا جەتەكتەدى؛ «اۆتونوميالى رايوننىڭ اس ـ سۋ سىراپشىلدىعى ماسەلەسىن ارناۋلى وڭاۋ ارەكەتىن ورىستەتۋ جونىندەگى اتقارۋ جوباسىن» باسىپ تاراتتى، بۇگىنگى كۇندە، تاعامدى لايىقتى بۇيىرتاتىن، اسقان تاعامدى الىپ كەتەتىن ادامداردىڭ قاتارى مولايا ٴتۇستى... شينجياڭ نازاردى جاڭا ٴداۋىر وركەنيەت سالتىن جەتىلدىرۋگە شوعىرلاندىرىپ، وسى زامانعى وركەنيەتتى تۇرمىس ۇستانىمىن، ٴتاسىلىن بىرتىندەپ سانالىلىققا اينالدىرۋدى ۇزدىكسىز ىلگەرىلەتىپ، ”سىرتقى وزگەرىستىڭ“ ”ادەت سانالىلىعىنا“ وزگەرۋدەي ۇلكەن بۇرىلىسىن جۇزەگە اسىردى.

  شينجياڭ رۋحاني وركەنيەتتى ورىن قۇرۋدىڭ بۇقارالىق سيپات العان ٴمانى مەن تالابىن مىقتى ۇستاپ، وركەنيەتتى ورىن قۇرۋ قىزمەتى ارقىلى رۋحاني وركەنيەت قۇرىلىسىنىڭ وزەكتى ٴمانى مەن العاشقى ماقساتىن اناعۇرلىم ويداعىداي بەينەلەدى، 2023 ـ جىلعى اۆتونوميالى رايوننىڭ ”بەس ۇلكەن قۇرۋدى“ باعالاۋ مەن قايتا تەكسەرۋ قىزمەتىن ۇيىمداستىرىپ ورىستەتىپ، اۆتونوميالى رايوندىق 21 وركەنيەتتى قالانى، 12 وركەنيەتتى اۋىل ـ قالاشىقتى، 160 وركەنيەتتى ورىندى، 30 وركەنيەتتى وتباسىن، 148 وركەنيەتتى مەكتەپ اۋلاسىن باعالاپ شىعىپ، ٴار جاقتىڭ رۋحاني وركەنيەتتى بىرگە قۇرۋىن ىلگەرىلەتتى.

  وركەنيەت گۇلى بار الاپتا شەشەك اتتى، مۇراتتاستىق لەبى بار الاپتا ەستى. جاڭا باستامادا، شي جينپيڭ مادەنيەت يدەياسىن جەتەكشى ەتكەن شينجياڭنىڭ رۋحاني وركەنيەت قۇرىلىسى اناعۇرلىم شۇعىلالى ساۋلەسىمەن جاڭا ساپاردا اناعۇرلىم كوركەم شينجياڭ قۇرۋعا قۋاتتى رۋحانى كۇش ازىرلەيدى.

جاۋاپتى رەداكتور : ريزا حاميت قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.