جالپـى تۇلعالىق مەملەكەت حاۋىپسىزدىگى كوزقاراسىن جۇرت جۇرەگىنە تەرەڭ ۇيالاتايىق
_ جەر ـ جەر، تاراۋلار جالپى حالىقتىق مەملەكەت حاۋىپسىزدىگى تاربيەسى كۇنى ۇگىت تاربيە قيمىلىن كەڭ كولەمدە ورىستەتتى
□ شينحۋا اگەنتتىگىنىڭ ٴتىلشىسى
نەشە مەتر بيىكتىكتەگى نەگىزگى تاقىرىپتىق جارناما كورمە زالىنا ٴىلىنىپتى، ادەمى قيما سۋرەت تۋىندىلارى كورمە قابىرعاسىنا جىپىرلاي جاپسىرىلىپتى، مەملەكەت حاۋىپسىزدىگى ەلەمەنتىنە تولى سۋرەت، ٴمۇسىن، جەلپۋىش قاعازى سياقتى كوركەمونەر بۇيىمدارى كورمە تۇعىرىنا تولتىرا قويىلىپتى... 4 ـ ايدىڭ 15 ـ كۇنى تيانجين قالاسى بينحاي جاڭا رايونىنىڭ مەملەكەت حاۋىپسىزدىگى نەگىزگى تاقىرىپتىق كوركەمونەر كورمەسى قالا تۇرعىندارىمەن ٴوز ۋاعىندا جۇزدەستى.
”بۇل تۋىندىلار توتەنشە تاربيەلىك مانگە يە، جالپى تۇلعالىق مەملەكەت حاۋىپسىزدىگى كوزقاراسىنىڭ ٴار جاعىن ايگىلەيدى ەكەن ٴارى ماعان مەملەكەت حاۋىپسىزدىگىن قورعاۋ بارلىق ادامنىڭ جاۋاپكەرشىلىگى ەكەندىگىن، بارلىق ادام ىستەي الاتىندىعىن ۇعىندىردى“، ـ دەدى تيانجين قالاسىنىڭ تۇرعىنى ياڭ ۋي.
بيىل جالپى تۇلعالىق مەملەكەت حاۋىپسىزدىگى كوزقاراسى العا قويىلعاندىعىنىڭ 10 جىلدىعى، 9 ـ رەتكى جالپى حالىقتىق مەملەكەت حاۋىپسىزدىگى تاربيەسى كۇنى قارساڭىندا جەر ـ جەر، تاراۋلار ”جالپى تۇلعالىق مەملەكەت حاۋىپسىزدىگى كوزقاراسى · جاڭالىق اشۋ ارقىلى جەتەكشىلىك ەتۋدىڭ 10 جىلدىعى“ نەگىزگى تاقىرىبىن ارقاۋ ەتىپ، الۋان فورماداعى ۇگىت ـ تاربيە قيمىلدارىن كەڭ كولەمدە ورىستەتىپ، جالپى تۇلعالىق مەملەكەت حاۋىپسىزدىگى كوزقاراسىنىڭ جۇرت جۇرەگىنە تەرەڭ ۇيالاۋىن، تامىر تارتىپ تياناقتانۋىن ىلگەرىلەتتى.
ٴادىليا مينيسترلىگى، مەملەكەتتىك زاڭ جالپىلاستىرۋ كەڭسەسى ينتەرنەت جەلىسىندە ”جالپى حالىقتىق مەملەكەت حاۋىپسىزدىگى تاربيەسى كۇنى بويىنشا ارناۋلى زەيىن سىناۋ“ قيمىلىن ۇيىمداستىرىپ وتكىزدى؛ كوممۋنيستىك جاستار وداعى ورتالىق كوميتەتى، مەملەكەت حاۋىپسىزدىگى مينيسترلىگى جالپى تۇلعالىق مەملەكەت حاۋىپسىزدىگى كوزقاراسى ۇگىت ـ تاربيەسى بويىنشا نەگىزگى الاڭ ۇلگى كورسەتۋ قيمىلىن وتكىزدى ٴارى ”مەملەكەت حاۋىپسىزدىگىندە جاستاردىڭ جاۋاپكەرشىلىك ارقالاۋى“ نەگىزگى تاقىرىپتىق وداق كۇنى قيمىل اپتالىعىن بىرگە باستادى؛ وقۋ ـ اعارتۋ مينيسترلىگى ” 10 ميلليون جوعارى مەكتەپ وقۋشىسى مەملەكەت حاۋىپسىزدىگى تاربيەسى ساباعىن بىرگە وقۋدى“ ۇيىمداستىرىپ ورىستەتتى... تۇرمىسقا جاناسىمدى مازمۇندار بۇقاراعا جالپى تۇلعالىق مەملەكەت حاۋىپسىزدىگى كوزقاراسىنىڭ كەلەلى ٴمانى مەن باي مازمۇنىن تۇسىنىكتى تىلمەن ٴتۇسىندىرىپ جالپىلاستىردى.
4 ـ ايدىڭ 1 ـ كۇنى حۋبەي ۋحان ”گو ـ ان “ اتتى مەترو ارناۋلى پويەزى حۇڭشان الاڭى مەترو بەكەتىنەن جولعا شىقتى، ۆاگون قابىرعالارىنا ۋحان قالاسىنىڭ مەملەكەت حاۋىپسىزدىگى كارتون IP كەيىپكەرى ”ۋ شياۋ ـ اننىڭ“ انيماتسيالىق وبرازى بۇركىپ تۇسىرىلگەن، ۆاگون ەسىگى، ۆاگون تەرەزەسى سياقتى كورنەكتى ورىنداردا جالپى تۇلعالىق مەملەكەت حاۋىپسىزدىگى كوزقاراسىنا قاتىستى مازمۇندار جازىلىپ، سۋرەتى قوسا سىزىلعان.
سانشي، سىچۋان، گۋاڭدۇڭ سياقتى جەرلەردە ”گو ـ ان“ اتتى نەگىزگى تاقىرىپتىق قالا ارالىق پويەز، الەۋمەتتىك قاتىناس ارناۋلى جەلىسى سياقتىلار ىركەس ـ تىركەس ىسكە قوسىلىپ، جىلجىمالى ”مەملەكەت حاۋىپسىزدىگى بىلىمدەرى عىلىم جالپىلاستىرۋ سارايلارى“ ۇگىت ـ تاربيەنىڭ ماڭىزدى شەبىنە اينالدى.
يۇنناننىڭ دىحۇڭ ماڭشى قالاسى اۋەجايىندا حالىق ساقشىلارى ”شەكارادان شىعۋدان ىلگەرگى مەملەكەت حاۋىپسىزدىگى ساباعىن“ ۇيىمداستىرىپ ورىستەتىپ، جولاۋشىلارعا قازىرگى مەملەكەت حاۋىپسىزدىگى جاعدايىنا، جالپى تۇلعالىق مەملەكەت حاۋىپسىزدىگى كوزقاراسىنا قاتىستى مازمۇنداردى، سونداي ـ اق شەكارادان شىققاننان كەيىن ٴتۇيىندى كوڭىل بولەتىن ىستەردى تانىستىرىپ، شەكارادان شىققان ەلىمىز ازاماتتارىنىڭ شەتەلدەردە باس اماندىعى مەن مال ـ مۇلىك حاۋىپسىزدىگىن قورعاۋ، مەملەكەت مۇددەسىن سانالى تۇردە قورعاۋ تانىمى مەن قابىلەتىن جوعارىلاتتى.
جاستار مەن ورەندەر_ وتاننىڭ بولاشاعى. بىرنەشە كۇننەن بەرى جەر ـ جەر جاستار مەن ورەندەر قۋانا قابىلدايتىن فورمامەن جاستار مەن ورەندەردى جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، زاڭمەن باسقارۋ ويىن، حاۋىپسىزدىك تانىمىن جەتىلدىرۋگە جەتەكتەدى.
ويما سۋرەتتى ۇلكەيتىپ باسۋ، سەكىرمەلى شاحمات سايىسى، سيقىرلى قوبديشاقتا سۋرەت بىرىكتىرۋ... 4 ـ ايدىڭ 11 ـ كۇنى شينجياڭ ٴۇرىمجى شۇيتاشان جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسىندا مەملەكەت حاۋىپسىزدىگىنە قاتىستى بىلىمدەرمەن توعىسقان ىقپالداستىق قيمىل قىرۋار قاتىسۋشىنى باۋرادى.
اكەسىمەن بىرگە جارناما سۋرەتتى قۇراستىرعاننان كەيىن ٴۇرىمجى قالالىق 35 ـ باستاۋىش مەكتەپتىڭ وقۋشىسى فەرنا الىمجان ”وتباسىمىز ٴاربىر ادامنىڭ دەن قويا قورعاۋىنا مۇقتاج، سول سياقتى مەملەكەتىمىزدىڭ دە حاۋىپسىزدىگى ٴبىز ٴاربىر ادامنىڭ دەن قويا قورعاۋىنا مۇقتاج“، ـ دەدى.
4 ـ ايدىڭ 12 ـ كۇنى تاڭەرتەڭ حالىق ساقشىلارى جيلين ولكەسى چاڭچۇن قالالىق 53 ـ ورتا مەكتەپكە كەلىپ، ”بىرگە قۇرۋدى توعىستىرىپ مەكتەپتى قورعاۋ، ساقشى مەن مەكتەپ بىرگە ارەكەتتەنىپ تىنىشتىقتى قورعاۋ“ نەگىزگى تاقىرىبىنداعى مەملەكەت حاۋىپسىزدىگى تاربيەسىن مەكتەپتەرگە جەتكىزۋ قيمىلىن ورىستەتتى.
ناقتى زاتتاردى كورمەلەۋ، مىسال دەلو ارقىلى ساقتاندىرۋ، كورىنىستى ۇقساتۋ سياقتى تاسىلدەر ارقىلى ساقشى وفيتسەرى ەسىرتكى، مەكتەپتەگى زورەكەرلىك، تەلەگراف الدامكوستىگى سياقتىلاردىڭ زالالىن ٴتۇسىندىرىپ، بالالاردىڭ ٴوزىن قورعاۋ تانىمى مەن حاۋىپسىزدىك بويىنشا ساقتانۋ قابىلەتىن شىن مانىندە جوعارىلاتتى.
”شاتتىققا بولەپ تاربيەلەۋ ٴتاسىلى ارقىلى حاۋىپسىزدىك كوزقاراسىن وقۋشىلاردىڭ جۇرەگىنە تەرەڭ تامىر تارتقىزۋدى ٴۇمىت ەتەمىز“، ـ دەدى چاڭچۇن قالالىق 53 ـ ورتا مەكتەپتىڭ ساياسي تاربيە مەڭگەرۋشىسى ليۋ يانلي.
وزىندىك جاسامپازدىققا يە ۇگىت جارناماسى، جاڭالىققا تولى زەيىن سىناۋ، ٴتۇرى مول مادەنيەت جاسامپازدىعى... 4 ـ ايدىڭ 14 ـ كۇنى حاربين ونەركاسىپ داشۋەسىنىڭ مەكتەپ اۋلاسىندا ٴبىر قىدىرۋ نەگىزگى تاقىرىپتىق قيمىلدار ورىستەتىلىپ جاتتى.
”ٴبىز ينتەرنەت حاۋىپسىزدىگىن ارقاۋ ەتە وتىرىپ جارناما مەن ۇگىت كىتاپشاسىن الدىن الا جوبالاۋمەن بىرگە، قىزىقتى زەيىن سىناۋ سياقتى ٴتۇرلى قيمىلداردى دا جوبالادىق“. حيلۇڭجياڭ ولكەلىك پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى ينتەرنەت حاۋىپسىزدىگى باسقارماسىنىڭ باستىعى سۇن يانفىڭ بىلاي دەپ تانىستىردى: قيمىل جوبالاۋ جاعىندا ىقپالداستىققا اناعۇرلىم باسا ٴمان بەرىپ، جالپى تۇلعالىق مەملەكەت حاۋىپسىزدىگى كوزقاراسى مەن ينتەرنەت حاۋىپسىزدىگى ۇستانىمىن جۇرت جۇرەگىنە تەرەڭ ۇيالاتامىز.
كەيبىر ولكەلەر جەرگىلىكتى جاعدايعا قاراي ىستەپ، جەرگىلىكتى ورىننىڭ ٴىس جۇزىندىك جاعدايىمەن جانە ەرەكشەلىگىمەن ۇشتاستىرىپ، ۇگىت فورماسىندا جاڭالىق اشىپ، تاربيەنىڭ ناقتى ونىمدىلىگىن جوعارىلاتتى.
4 ـ ايدىڭ 13 ـ كۇنى كەشكى ساعات 8 مولشەرىندە حىناننىڭ جىڭجوۋىنداعى رۋ ـ يحۋ مادەنيەت الاڭىندا قالىڭ ادام قايشالىسىپ، كولەمدى ۇشقىش اپپارات شام ـ شىراق سالتاناتى ٴوتىپ جاتتى. مىڭ ۇشقىش اپپارات تۇنگى كەڭىستىكتە كوپ ٴتۇرلى ورنەكتەردى قۇراپ، قالىڭ قالا تۇرعىنىنىڭ كوز مەيىرىن قاندىرۋمەن بىرگە، جالپى تۇلعالىق مەملەكەت حاۋىپسىزدىگى كوزقاراسىن بىلۋگە، سەزىنۋگە، تاراتۋعا مۇمكىندىك جاسادى.
شيزاڭدا جالپى حالىقتىق مەملەكەت حاۋىپسىزدىگى تاربيەسى ”شەكارادا كۇش جالعاۋ ساپارى“ 10 اۋدان، قالاعا جەتكىزىلىپ، جەرگىلىكتى بۇقاراعا جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتۋدىڭ كەلەلى ماڭىزىن ٴتۇسىندىرىپ، وتانىمىزدىڭ باتىس وڭتۇستىك شەكارا ٴوڭىرىن قورعاۋدىڭ حاۋىپسىزدىك قورعانىس شەبىن بەكەمدەدى.
”ٴاربىر ٴىس ـ ارەكەتكە ناعىز سۇيىسپەنشىلىك ٴسىڭىرىپ ، جالپى تۇلعالىق مەملەكەت حاۋىپسىزدىگى كوزقاراسىن تىلگە تيەك ەتەمىز. 4 ـ ايدىڭ 15 ـ كۇنى مەملەكەت حاۋىپسىزدىگى كۇنى، مۇنى بارشا جۇرت تەگىس بىلەدى...“ شاندۇڭ جينيڭ ۋيشان اۋدانى ياڭسۇن قىستاعىنداعى مەملەكەت حاۋىپسىزدىگى تەاترحاناسىندا دۋانگۋچياڭ، شاندۇڭ كۇيلى اڭگىمەسى، جەلدىرمە سياقتى ٴان ـ كۇي فورماسىمەن ۇشتاستىرعان ادەبيەت ـ كوركەمونەر كونسەرتى ساياحاتشىلار مەن قىستاق تۇرعىندارى اراسىندا قىزۋ اڭىس قوزعادى.
جياڭشيدىڭ گانجوۋىندا 10 مىڭنان استام جەدەل جەتكىزۋشى مەملەكەت حاۋىپسىزدىگى ۇگىتشىسى بولىپ، ۇگىت ماتەريالدارىن الا ٴجۇرىپ، جالپى تۇلعالىق مەملەكەت حاۋىپسىزدىگى كوزقاراسى ۇگىت جارناماسى جاپسىرىلعان جەدەل جەتكىزۋ كولىگىن جۇرگىزىپ، كۇندەلىكتى جەتكىزۋ قىزمەتىنە كىرىسىپ، قالىڭ بۇقاراعا جالپى تۇلعالىق مەملەكەت حاۋىپسىزدىگى كوزقاراسىن ۇگىتتەپ، مەملەكەت حاۋىپسىزدىگى بىلىمدەرىن جالپىلاستىردى.
”مەملەكەتتىڭ حاۋىپسىزدىگى ٴاربىر اداممەن تىعىز بايلانىستى، ٴبىز قىزمەت بارىسىندا جەدەل جەتكىزۋ كاسىبىنىڭ تۇيىندەرى، سالالارى كوپ بولۋداي ەرەكشەلىگىنەن پايدالانىپ، مەملەكەت حاۋىپسىزدىگى ۇگىتشىسى مىندەتىن قوسىمشا ويداعىداي وتەپ، جالپى حالىقتىڭ مەملەكەت حاۋىپسىزدىگى تانىمى مەن ساپاسىن كۇشەيتۋگە كۇش ـ قۋاتىمىزدى ارنايمىز“، ـ دەدى جۇڭگو پوچتا توبى شەكتى سەرىكتەستىگى گانجوۋ قالاسى جاڭگۇڭ رايونى بولىمشە سەرىكتەستىگىنىڭ جەدەل جەتكىزۋشىسى ساي جيانجۇن.
(شينحۋا اگەنتتىگىنىڭ 4 ـ ايدىڭ 15 ـ كۇنى بەيجيڭنەن بەرگەن حابارى)
