انار بۇلت \شينجياڭ گازەتىنىڭ ٴتىلشىسى سۇي يۇنيان 4 ـ ايدىڭ 15 ـ كۇنى ۇرىمجىدەن حابارلايدى. 4 ـ ايدىڭ 15 ـ كۇنى ٴۇرىمجى جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسىنىڭ ماڭدايشالىعى ٴۇرىمجى قالاسى شۇيموگوۋ باقشاسىنداعى (شۇيتاشان) ”يپاۋ چىڭگۇڭ“ الاڭىندا اشىلدى. وسى رەتكى قيمىلدى اۆتونوميالى رايوندىق پارتكوم كەڭسەسى مەن ٴۇرىمجى قالالىق پارتكوم كەڭسەسى ۇيىمداستىرىپ، ٴۇرىمجى قالاسى شۇيموگوۋ رايوندىق پارتكوم كەڭسەسى وتكىزدى، سول كۇنى باي مازمۇندى، الۋان ٴتۇرلى جالپى حالىقتىق مەملەكەت حاۋىپسىزدىگى تاربيەسى كۇنى بايلانىسمەن سول جەردىڭ ورىندە ۇگىت ـ تاربيە قيمىلى وتكىزىلدى.
بىرنەشە كۇننەن بەرى، ٴۇرىمجى قالاسى، ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، بۇراتالا موڭعۇل اۆتونوميالى وبلىسى، قاشقار ايماعى سياقتى جەرلەر ”جالپى تۇلعالىق مەملەكەت حاۋىپسىزدىگى كوزقاراسى· جاڭالىق اشۋ ارقىلى جەتەكشىلىك ەتۋدىڭ 10 جىلدىعى“ نەگىزگى تاقىرىبىن ارقاۋ ەتىپ، وزىندىك ەرەكشەلىككە يە، فورماسى الۋان ٴتۇرلى جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسىن اشىق ۇستاۋ كۇنى قيمىلىن ورىستەتتى.
ٴۇرىمجى جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسى ”ورتامەن توعىسۋ، ويىن ارقىلى تاربيەلەۋ، ەرەكشەلىگى كورنەكتى بولۋ“ ۇستانىمى بويىنشا جوبالانىپ قۇرىلعان، ”يپاۋ چىڭگۇڭنىڭ“، مەملەكەت قورعانىسى ورمانىنىڭ، جاستار ورمانىنىڭ مەملەكەت حاۋىپسىزدىگى تاربيەسىندەگى ماڭىزدى رولىن ساۋلەلەندىرىپ، مەملەكەت حاۋىپسىزدىگى ەلەمەنتتەرىن ۇگىت ۇراندارىمەن، بەلگى تاقتالارىمەن جانە ٴتۇرلى پىشىندەرمەن توعىستىردى، شارباق جولداردىڭ، الاڭداردىڭ بارلىق جەرىنەن بۇقارانىڭ اجۋا سۋرەت تۋىندىلارىن، تاريحي ايگىلى ادامداردىڭ اقىليا سوزدەرىن كورۋگە بولادى، قالا تۇرعىندارى سەيىل ـ سەرۋەن قۇرۋمەن، كورىنىستەردى تاماشالاۋمەن بىرگە، مەملەكەت حاۋىپسىزدىگى بىلىمدەرىن بىرتىندەپ ٴسىڭىرۋ ارقىلى كوكەيىنە تەرەڭ ۇيالاتادى.
سول كۇنى شۇيتاشان كۇننىڭ شۇلەن شۇعىلاسىنا شومىپ، قۇستار سايراپ، گۇلدەر جاينادى، كوپتەگەن قالا تۇرعىنى تاڭ بوزىنان وسى اراعا كەلىپ، ورمان اراسىندا سەيىلدەدى. ”ٴبىر جاعىنان، كوكتەم لەبىنەن ٴلاززاتتانىپ، ەندى ٴبىر جاعىنان، مەملەكەت حاۋىپسىزدىگى بىلىمدەرىن ۇيرەندىك، مۇنداي ٴتاسىل وتە تاماشا ەكەن. قايتىپ بارعان سوڭ نەمەرەمدى ەرتىپ كەلىپ، وعان مەملەكەت حاۋىپسىزدىگىن قورعاۋدىڭ ماڭىزدىلىعىن ۇعىندىرامىن“، ـ دەدى قالا تۇرعىنى ليۋ حۇي.
”يپاۋ چىڭگۇڭ“ الاڭىنا مەملەكەت حاۋىپسىزدىگى بىلىمدەرى ۇگىت كورمە تاقتاسى قويىلىپ، سەكىرمەلى شاحماتتا وتكەلدەن ٴوتۋ ويىنى، ويما سۋرەتتى ۇلكەيتىپ باسۋ، مودەلمەن گۇل باسۋ، مەملەكەت حاۋىپسىزدىگى نەگىزگى تاقىرىبىنداعى سيقىرلى قوبديشا سياقتى باي مازمۇندى، الۋان ٴتۇرلى بۇقارالىق ىقپالداستىق، سەزىنۋ قيمىلدارى ورىستەتىلدى.
”مەن جايشىلىقتا مەملەكەت حاۋىپسىزدىگى جونىندەگى اقپاراتتىق حابارلارعا ەرەكشە نازار اۋدارامىن، بۇل جولى 5 سۇراۋعا تۇگەلدەي دۇرىس جاۋاپ بەردىم“، ـ دەدى قالا تۇرعىنى ۋاڭ يۇيكاڭ قۋانا. ول جاڭا عانا قۇپيالىقتى ساقتاۋ زاڭىنا ەكىلىكتى جايمالاپ جاۋاپ قايتارۋ قيمىلىنا قاتىناسىپ، حاتكەرلەردىڭ سول ورىندا ارناۋ ٴسوز جازعان جەلپۋىشىن جەڭىپ الدى.
قالا تۇرعىنى اليا مامەت دوستارىمەن بىرگە زوزۇڭتاڭ تاس ٴمۇسىنىنىڭ الدىندا سۋرەتكە ٴتۇسىپ ەستەلىك قالدىردى. ”الگىندە شينجياڭداعى ٴار ۇلت ارميا مەن حالقىنىڭ شەتەل شاپقىنشىلارىنا قارسى اتتانىپ، مەملەكەتتىڭ تەرريتوريا تۇتاستىعىن قورعاۋ تاريحىن ەگجەي ـ تەگجەيلى ٴتۇسىنىپ، ەرەكشە اسەرلەندىم. ٴبىز مەملەكەت حاۋىپسىزدىگى بىلىمدەرىن كوبىرەك ۇيرەنىپ، ساقتانۋ تانىمىمىزدى جوعارىلاتىپ، مەملەكەت حاۋىپسىزدىگىن قورعاۋىمىز كەرەك“، ـ دەدى اليا.
