انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 4 ـ ايدىڭ 16 ـ كۇنى تۇستەن بۇرىن ۇرىمجىدە وزبەكستان قارجى قوسۋ، ونەركاسىپ جانە ساۋدا مينيسترلىگىنىڭ ورىنباسار مينيسترى قاسىموۆپەن جانە ونىڭ ساپارلاستارىمەن كەزدەسىپ، جۇڭگونىڭ شينجياڭى مەن وزبەكستاننىڭ جەرگىلىكتى ورىندارى اراسىنداعى ساۋدا، قارجى قوسۋ سياقتى سالالارداعى ٴوزارا پايدا جەتكىزۋ سەلبەستىگىن تەرەڭدەتۋدى توڭىرەكتەي وتىرىپ ىشكەرىلەي اۋىس ـ كۇيىس جاساپ، ناقتى ارەكەتتەرى ارقىلى جۇڭگو _ وزبەكستان ەكى ەل مەملەكەت باسشىلارىنىڭ ماڭىزدى ورتاق تانىمدارىنىڭ تياناقتانىپ ونىمدىلىك كورسەتۋىن ىلگەرىلەتتى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان قاسىموۆتىڭ جانە ونىڭ ساپارلاستارىنىڭ اۋىس ـ كۇيىس جاساۋ، ٴتۇيىلىستىرۋ، سەلبەستىكتى جەبەۋ ٴۇشىن شينجياڭعا كەلگەندىكتەرىن قارسى الاتىندىعىن ٴبىلدىردى. ول بىلاي دەدى: سوڭعى جىلدارى جۇڭگونىڭ شينجياڭى مەن وزبەكستاننىڭ ٴارقايسى جىكتەگىلەرىنىڭ بارىس ـ كەلىس، ىقپالداستىق جاساسۋى، ٴارقايسى سالاداعى اۋىس ـ كۇيىسى، سەلبەستىگى ۇزدىكسىز تەرەڭدەدى، بۇل، باستىسى، ٴتوراعا شي جينپيڭ مەن مىرزيويەۆ زۇڭتۇڭنىڭ ستراتەگيالىق جەتەكشىلىگىنىڭ ارقاسى. جۇڭگو مەن وزبەكستاننىڭ جاڭا داۋىردەگى بارلىق جاعدايدا بىردەي جان ـ جاقتىلى ستراتەگيالىق سەرىكتەستىك قارىم ـ قاتىناسى تەرەڭدەي دامىپ، ەكى ەلدىڭ جەرگىلىكتى ورىندارى اراسىندا سەلبەستىكتى كەڭەيتۋگە تاماشا شارت ـ جاعداي ازىرلەپ، كەڭ ٴورىس اشتى. قازىر جۇڭگو _ قىرعىزىستان _ وزبەكستان تەمىر جولى سياقتى كەلەلى نىساندار بەلسەنە ىلگەرىلەتىلىپ، جۇڭگونىڭ شينجياڭى مەن وزبەكستان سياقتى ورتا ازيا ەلدەرىنىڭ ٴوزارا تيىمدىلىك جەتكىزىپ، تەڭ يگىلىككە كەنەلۋ جاعدايى ۇزدىكسىز جاقسارىپ، اناعۇرلىم جوعارى دەڭگەيدەگى سەلبەستىكتى جۇزەگە اسىرۋدىڭ تاماشا وراي مەزگىلىندە تۇر. ەكى جاقتىڭ ەكى ەل مەملەكەت باسشىلارىنىڭ ماڭىزدى ورتاق تانىمىن ۇزدىكسىز ويداعىداي تياناقتاندىرىپ، بايلانىستى دامىتۋدى جانە سۇرانىستى ٴتۇيىلىستىرۋدى كۇشەيتىپ، ساۋدانى ۇلعايتۋ، قارجى قوسۋدى كەڭەيتۋ سىندى ەكى جاقتى توڭىرەكتەي وتىرىپ كومەسكى قۋاتتى تەرەڭدەي اشىپ، ٴوزارا تولىقتاۋ سيپاتىنداعى سەلبەستىكتىڭ ٴتۇيىندى سالاعا شوعىرلانۋىن ىلگەرىلەتىپ، جاڭا ەنەرگيا كاسىپ سالاسىن دامىتۋ، ەگىن، مال شارۋاشىلىعى تەحنيكاسى اۋىس ـ كۇيىسى جانە ەگىن، مال شارۋاشىلىق ونىمدەرى ساۋداسى، گۋمانيتارلىق ساياحات، وقۋ ـ اعارتۋ جانە دارىندىلاردى باۋلۋ، اۆياتسيا جەلىسىن كەڭەيتۋ سياقتى جاقتاردا ۇزدىكسىز كۇش سالىپ، سەلبەستىك نىساندارىنىڭ تياناقتانىپ ونىمدىلىك كورسەتۋىن نىق قاداممەن ىلگەرىلەتىپ، ەكى جاقتىڭ ەكونوميكالىق، قوعامدىق دامۋىنا جانە حالىقتىڭ قۇت ـ ىرىسىن ارتتىرۋعا دەم بەرۋىن ٴۇمىت ەتەمىن.
قاسىموۆ جۇڭگو شينجياڭىنىڭ تاياۋ جىلداردان بەرى قول جەتكىزگەن جاڭا دامۋ تابىستارىن بارىنشا القادى. ول بىلاي دەدى: ەكى ەل باسشىلارىنىڭ ايرىقشا ٴوزارا سەنىمى جانە زور كۇشپەن قولداۋىندا وزبەكستان مەن جۇڭگو شينجياڭىنىڭ بارىس ـ كەلىسى، اۋىس ـ كۇيىسى كۇن سايىن جيىلەپ، ەكونوميكا ـ ساۋدا سياقتى سالالارداعى سەلبەستىگى ۇزدىكسىز دامىدى. قازىر ەكى جاقتىڭ كوپ ٴتۇرلى سەلبەستىك نىسانى جەدەل ٴتۇيىلىستىرىلىپ، بار كۇشپەن ىلگەرىلەتىلۋدە. ەكى جاقتىڭ سەلبەستىكتى الدىڭعى ورىنعا قويۋ بەتالىسىن ارقاۋ ەتە وتىرىپ، كاسىپورىنداردىڭ قوس باعىتتى قارجى قوسۋىن، دامۋىن ونان ارى ىلگەرىلەتىپ، سەلبەستىك اياسىن كەڭەيتىپ، سەلبەستىكتىڭ ساپاسىن، ونىمدىلىگىن ارتتىرىپ، ەكى جاقتى دوستىق قارىم ـ قاتىناسىنىڭ جاڭا دەڭگەيگە كوتەرىلۋىنە دەم بەرۋىن ٴۇمىت ەتەمىن. وزبەكستان جۇڭگو شينجياڭىنىڭ قارجى قوسۋشىلارىنا بار كۇشپەن تاماشا قىزمەت وتەۋ قامتاماسىزدىعىن ازىرلەپ، ەكى جاقتى سەلبەستىك نىساندارىنىڭ جەدەل اتقارىلۋىن، ونىمدىلىك كورسەتۋىن ىلگەرىلەتەدى.
چىن ۋيجۇن، سۇن حۇڭمەي، اۆتونوميالى رايوننىڭ قاتىستى تاراۋلارىنىڭ جانە ورىندارىنىڭ نەگىزگى جاۋاپتى جولداستارى، وزبەكستان قاراقالپاقستان رەسپۋبليكاسى، قارجى قوسۋ، ونەركاسىپ جانە ساۋدا مينيسترلىگىنىڭ قاتىستى قىزمەتكەرلەرى كەزدەسۋگە قاتىناستى.
