انار بۇلت \ شينجياڭ گازەتىنىڭ ٴتىلشىسى شى شين 4 ـ ايدىڭ 17 ـ كۇنى ۇرىمجىدەن حابارلايدى. اتقارىلىپ جاتقان جاڭا كەزەكتى مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىندە شينجياڭداعى مەملەكەت مەنشىگىندەگى كاسىپورىندار عىلىم ـ تەحنيكادا جاڭالىق اشۋدى جاڭاشا وندىرگىش كۇشتەردى دامىتۋدىڭ وزەكتى فاكتورى ەتۋگە تاباندى بولىپ، كاسىپورىنداردىڭ وزەكتى باسەكەلىك قۋاتىن ۇزدىكسىز جوعارىلاتتى.
ٴتىلشىنىڭ اۆتونوميالى رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنەن ۇعىسۋىنشا، ونىڭ باقىلاۋ ـ باسقارۋىنداعى كاسىپورىندار ورىستەتىپ جاتقان 422 عىلمي زەرتتەۋ نىسانىنىڭ ىشىندە مەملەكەتتىڭ مينيسترلىك، كوميتەتتەرىنىڭ زەرتتەۋ ـ اشۋ جوسپارىنا ەنگىزىلگەن نىسان 15، اۆتونوميالى رايونداعى تاراۋلاردىڭ زەرتتەۋ ـ اشۋ جوسپارىنا ەنگىزىلگەن نىسان 77 ەكەن.
2023 ـ جىلى اۆتونوميالى رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ باقىلاۋ ـ باسقارۋىنداعى كاسىپورىنداردا ٴبىر توپ عىلىم ـ تەحنيكادا جاڭالىق اشۋ جەتىستىكتەرى جارىققا شىقتى. مۇنىڭ ىشىندە شينجياڭ ٴتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى مەن بەيجيڭ عىلىم ـ تەحنيكا داشۋەسى بىرلەسىپ قامال العان ”كوپ قاينارلى مەتال قورىتۋدا شىعارىلعان جاراقسىز قاتتى زاتتاردان وزىندىك قۇنى تومەن جاسىل قۇرىلىس ماتەريالدارىن دايىنداۋ شەشۋشى تەحنيكاسى جانە ونىڭ قولدانىلۋى“ جۇڭگو ٴتۇستى مەتال ونەركاسىپ عىلىم ـ تەحنيكا سيلىعىنىڭ 1 ـ دارەجەلى سيلىعىن الدى، دەربەس زەرتتەپ جاساعان ”ەلەكتروليزدەنگەن مارگانەتستىڭ انودتىق بالشىقتى بايلىقتان جان ـ جاقتى پايدالانۋ تەحنيكاسى“ كاسىپ سالاسىنىڭ ۇزدىك دەڭگەيىنە جەتىپ، ”اۋىر دانەكەردەن سپودىمان رۋداسىن سۇرىپتاۋ تەحنولوگياسى“ بۇكىل ەل بويىنشا تۇڭعىش رەت تىڭ سەرپىلىستى جۇزەگە اسىردى.
شينجياڭ سۋ يگىلىگى دامۋىنا قارجى قوسۋ (توبى) شەكتى سەرىكتەستىگىنىڭ ”قۇمدى وزەندە سۋ ساقتاۋ، سۋ جەتكىزۋ، جاعالاۋدى قورعاۋ ينجەنەرياسىنداعى قۇمنان قورعانۋ، شايىلۋدان ساقتانۋ شەشۋشى تەحنيكاسىن زەرتتەپ اشۋ جانە قولدانۋ“، ”باتىس سولتۇستىكتەگى ىشكى قۇرلىقتىق وزەن ’تابيعات ـ قوعام ـ ساۋدا‘ سۋ اينالىمى نازارياسى جانە حاۋىپسىزدىكتى رەتتەۋ ـ مەڭگەرۋدىڭ شەشۋشى تەحنيكاسى مەن قولدانىلىمىن زەرتتەۋ“ اۆتونوميالى رايوننىڭ عىلىم ـ تەحنيكا العاباسارلىعى سيلىعىنىڭ 1 ـ دارەجەلى سيلىعىنا يە بولدى.
شينجياڭ قاتىناس قارجى قوسۋ (توبى) شەكتى جاۋاپكەرشىلىك سەرىكتەستىگى زەرتتەپ اشقان ”كۇردەلى شارت ـ جاعدايدا توپىراق تىندىرۋ قۇرىلىسىنا قولدانىلاتىن بىرىكپەلى ماتەريالدى شىبىق قوسىلعان توپىراق قۇرىلىمىنىڭ جۇيەلى شەشۋشى تەحنيكاسى جانە ينجەنەريالىق قولدانىلىمى“، ”اۋىل ـ قىستاق تۇرعىن ٴۇي قۇرىلىسىن قۇراستىرمالى سالۋ شەشۋشى تەحنيكاسىن زەرتتەۋ جانە كاسىپ سالالاندىرىپ قولدانۋ“ سياقتى جەتىستىكتەر جەكە ـ جەكە اۆتونوميالى رايوننىڭ عىلىم ـ تەحنيكا العاباسارلىعى سيلىعىنىڭ 1 ـ دارەجەلى سيلىعى، مەملەكەتتىك كەڭەس مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ مەملەكەت مەنشىگىندەگى كاسىپورىندار سيفرلى جاعداياتتىق جاڭالىق اشۋ كاسىپتىك جارىسىنىڭ 2 ـ دارەجەلى سيلىعى، ت . ب لارعا يە بولدى.
مۇنان سىرت، شينجياڭ شين ـ يە مەملەكەت مەنشىگىندەگى مال ـ مۇلىك تيجاراتى (توبى) شەكتى جاۋاپكەرشىلىك سەرىكتەستىگى جاڭالىق اشۋ ۇسىنىلىمىنىڭ تۇراقتى ارتۋ مەحانيزمىن تياناقتاندىرىپ، زەرتتەۋ ـ اشۋ زاپاس قورى ٴتۇزىمىن ورناتتى، شينجياڭ ٴتۇستى مەتال توبى الدىمەن سىناق ەتىلەتىن تۇيىندەردە قىزمەتتىك عىلىم ـ تەحنيكا جەتىستىكتەرى بويىنشا ۇقىق بەرۋ رەفورماسىن ورىستەتۋ سياقتى جاڭالىق اشۋ شارالارىن اتقاردى.
ۇعىسۋعا قاراعاندا، 2023 ـ جىلى اۆتونوميالى رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى باقىلاپ ـ باسقاراتىن كاسىپورىنداردىڭ زەرتتەۋ ـ اشۋ قاراجاتى شىعىسى 3 ميلليارد 15 ميلليون يۋان بولعان، مۇنىڭ ىشىندە ونەركاسىپ كاسىپورىندارىنىڭ زەرتتەۋ ـ اشۋ ۇسىنىلىمى 2 ميلليارد 75 ميلليون يۋان، رايونعا قاراستى ونەركاسىپ كاسىپورىندارىنىڭ زەرتتەۋ ـ اشۋ ۇسىنىلىمىنىڭ كۇشەمەلىلىگى %2.53 بولىپ، بۇكىل ەلدىڭ ورتاشا دەڭگەيىنەن 0.36 پايىز اسقان. باقىلاپ ـ باسقارىلاتىن كاسىپورىنداردىڭ تىڭنان ارتقان عىلىم ـ تەحنيكادا جاڭالىق اشۋ تۇعىرى 30 بولىپ، جالپى سانى 156عا جەتكەن، مۇنىڭ ىشىندە مەملەكەت دارەجەلى جاڭالىق اشۋ تۇعىرى 16؛ ولكە دارەجەلى جاڭالىق اشۋ تۇعىرى 124 (ولكە دارەجەلى 4 ٴتۇيىندى تاجىريبەحانانى قامتيدى) بولعان.
