اۆتونوميالى رايوننىڭ كەن بايلىعىن بارلاۋ ۇسىنىلىمىن باقىلاۋ ـ باسقارۋ بەلگىلەمەسى (جوبا) جونىنەن زاڭ ەرەجە شىعارۋ اڭگىمە ٴماجىلىسى اشىلدى
زاڭمەن باسقارۋ ارناسىندا شينجياڭنىڭ كەن شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 4 ـ ايدىڭ 23 ـ كۇنى ۇرىمجىدەن حابارلايدى. 4 ـ ايدىڭ 23 ـ كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىنىڭ كەن بايلىعىن بارلاۋ ۇسىنىلىمىن باقىلاۋ ـ باسقارۋ بەلگىلەمەسى (جوبا)» جونىنەن زاڭ ەرەجە شىعارۋ اڭگىمە ٴماجىلىسىن اشىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ 2024 ـ جىلعى قىزمەت ورنالاستىرۋى بويىنشا، زاڭ ەرەجە شىعارۋ تاسىلىمەن رايونىمىزدىڭ كەن بارلاۋ ۇقىعى جاعىنداعى ”قورشاپ قويىپ بارلاماۋ“ ماسەلەسىن شەشۋدى ىلگەرىلەتىپ، اۆتونوميالى رايوننىڭ كەن شارۋاشىلىعىنىڭ جوعارى ساپالى دامۋىن ىلگەرىلەتۋدى زاڭمەن باسقارۋ جاعىنان قامتاماسىز ەتۋدى العا قويدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قاتىناستى ٴارى ٴسوز سويلەدى.
ماجىلىستە اۆتونوميالى رايوندىق جاراتىلىستىق بايلىق مەڭگەرمەسىندەگى، ٴادىليا مەڭگەرمەسىندەگى جانە ۇكىمەت كەڭسەسىندەگى قاتىستى جاۋاپتى جولداستار بەلگىلەمە جوباسىن دايىنداۋ، تەكسەرۋ ـ زەرتتەۋ، دالەلدەۋ، تەكسەرىپ تۇزەتۋ جانە تەكسەرۋ سياقتى جاعدايلاردى جەكە ـ جەكە تانىستىردى، اۆتونوميالى رايوندىق حالىق قۇرىلتايى زاڭ ـ ٴتۇزىم كوميتەتىندەگى، قورشاعان ورتا جانە بايلىقتى قورعاۋ كوميتەتىندەگى جاۋاپتى جولداستار حالىق قۇرىلتايىنىڭ زاڭ ەرەجە شىعارۋ قىزمەتىنە جەتەكشىلىك ەتۋ جانە الدىن الا ارالاسۋ، ىلگەرىلەتۋگە قاتىستى جاعدايلاردى جەكە ـ جەكە تانىستىردى. قورشاعان ورتا جانە بايلىقتى قورعاۋ كوميتەتىنىڭ قۇرامىنداعىلار، حالىق قۇرىلتايى ۋاكىلدەرى، زاڭ ەرەجە شىعارۋعا كەڭەس بەرەتىن ماماندار ٴسوز سويلەدى.
ٴزۇمىرات وبۇل بىلاي دەپ اتاپ كورسەتتى: كەن بايلىعىن بارلاۋ ۇسىنىلىمىن زاڭ بويىنشا باقىلاۋ ـ باسقارۋ، كەن بايلىعىن جانداندىرۋ، ۇيلەسىمدى اشىپ پايدالانۋدى جەبەۋ _ اۆتونوميالى رايوندىق پارتكومنىڭ كەلەلى ورنالاستىرۋى. يدەيالىق تانىمدى بىرلىككە كەلتىرىپ، ساياسي دەڭگەيدى جوعارىلاتىپ، ساياسي جاۋاپكەرشىلىكتى كۇشەيتىپ، ستراتەگيالىق جانە جالپى جاعداي تۇرعىسىنان بەلگىلەمە جاساۋدىڭ كەلەلى ٴمانىن جەتە تانىپ، جاۋاپكەرشىلىك سەزىمدى، بورىشتىلىق سەزىمدى جانە كوكەي تەستىلىك سەزىمدى ونان ارى كۇشەيتۋ كەرەك.
ٴزۇمىرات وبۇل بىلاي دەپ باسا دارىپتەدى: ماسەلەنى باعدار ەتۋدەن جازباي، زاڭمەن باسقارۋ وي جەلىسىنەن جانە زاڭمەن باسقارۋ تاسىلىنەن پايدالانىپ، كەن بايلىعىن بارلاۋ ۇسىنىلىمنىڭ ماڭىزدى، قيىن، بوگەتتى تۇيىندەرىندەگى ماسەلەلەردى شەشىپ، زاڭ ەرەجە شىعارۋ شەشىمىن رەفورما، دامۋ شەشىمىمەن اناعۇرلىم ويداعىداي ۇشتاستىرىپ، جۇيەلى باسقارۋ، زاڭ بويىنشا باسقارۋ، جان ـ جاقتى باسقارۋ، تۋ باستان باسقارۋ دەڭگەيىن جوعارىلاتۋ كەرەك. ساپانى ٴبىرىنشى ورىنعا قويۋعا تاباندى بولىپ، جوعارى مارتەبەدەگى زاڭنىڭ زاڭ ەرەجە شىعارۋ ماقساتىن، باس ماقساتىن جانە تارماقتارىنىڭ ماعىناسىن دۇرىس ٴتۇسىنىپ، ”قايشى كەلمەۋدىڭ“ تومەنگى شەگىن باتىل ساقتاپ، اماليات بارىسىندا قالىپتاسقان جاقسى تاجىريبەلەردى، جاقسى ادىستەردى تولىق قابىلداپ، وسى جەتىستىكتەردى زاڭ ەرەجە شىعارۋ فورماسىمەن تۇراقتاندىرىپ، قۇنىتتاپ بايانداپ، دالمە ـ ٴدال ارناعا ٴتۇسىرىپ، بەلگىلەمە جوباسىنىڭ سارالاۋدان وتۋىنە، تابان تىرەپ تۇرۋىنا، اتقارىلۋىنا، ناقتى كادەگە جاراۋىنا شىنايى كەپىلدىك ەتۋ كەرەك. اشىق زاڭ ەرەجە شىعارۋعا تاباندى بولىپ، جالپى بارىستىق حالىق دەموكراتياسىن دايىنداۋ، دالەلدەۋ، تەكسەرۋ، قاراۋ سياقتى ٴتۇرلى قىزمەتتەردە ىشكەرىلەي دايەكتىلەندىرىپ، قوعام جاعدايىن، حالىق رايىن اڭىس ەتۋ جانە بەينەلەۋ ارناسىن ىركىلىسسىزدەندىرىپ، زاڭ ەرەجە شىعارۋدى زەرتتەۋ قۇرىلىمى، زاڭ ەرەجە شىعارۋعا كەڭەس بەرەتىن ماماندار اقىل ـ پاراسات قويماسى سياقتىلاردىڭ رولىن تولىق ساۋلەلەندىرىپ، قاتىستى كاسىپ سالاسىنداعى حالىق قۇرىلتايى ۋاكىلدەرىنىڭ، مامان ـ وقىمىستىلاردىڭ پىكىرلەرىن تولىق تىڭداپ، بەلگىلەمەنى ويداعىداي جاساۋعا اقىل ـ پاراسات جاعىنان پارمەندى قولداۋ كورسەتۋ كەرەك.
ٴزۇمىرات وبۇل مىنالاردى تالاپ ەتتى: عىلمي ٴبىر تۇتاس جوسپارلاپ، دەن قويا ۇيىمداستىرىپ، قارقىندى تەزدەتىپ، حالىق قۇرىلتايىنىڭ جەتەكشىلىك رولىن ساۋلەلەندىرىپ، سايكەسۋگە، سەلبەسۋگە ٴمان بەرىپ، زاڭ ەرەجە شىعارۋ قىزمەتىنىڭ ٴتارتىپتى ىلگەرىلەۋىنە شىنايى كەپىلدىك ەتىپ، جەرگىلىكتى زاڭ ەرەجە شىعارۋدىڭ رەفورمانى ىلگەرىلەتۋدەگى، دامۋدى قامتاماسىزداندىرۋداعى رولىن اناعۇرلىم ويداعىداي ساۋلەلەندىرۋ كەرەك.
پيڭ شينلاي قاتىناستى.
