انار بۇلت \ شينجياڭ گازەتىنىڭ ٴتىلشىسى رىن حۋا 4 ـ ايدىڭ 23 ـ كۇنى ۇرىمجىدەن حابارلايدى. 4 ـ ايدىڭ 23 ـ كۇنى اۆتونوميالى رايون ازىق ـ تۇلىك حاۋىپسىزدىگى سالاسىنداعى حاۋىپ ـ قاتەردەن ساقتانۋ جانە بازار باعاسىن باقىلاۋ ـ باسقارۋدى كۇشەيتۋ قىزمەتىن ىلگەرىلەتۋ ٴماجىلىسىن اشىپ، كەزەكتەگى قىزمەت جاعدايىنا جانە ساقتالعان ماسەلەلەرگە، حاۋىپ ـ قاتەرلەرگە تالداۋ جاساپ، حابارلاندىرۋ شىعارىپ، ازىق ـ تۇلىك، ٴدارى ـ دارمەك حاۋىپسىزدىگى جانە باعانى باقىلاۋ ـ باسقارۋ قىزمەتى جونىندە ارناۋلى ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: ساياسي دەڭگەيدى جوعارىلاتىپ، حاۋىپ ـ قاتەردەن ساقتانۋ، حاۋىپسىزدىككە كەپىلدىك ەتۋ، دامۋدى جەبەۋ جاۋاپكەرشىلىك سەزىمى مەن كوكەي تەستىلىك سەزىمىن اناعۇرلىم كۇشەيتىپ، شينجياڭ ساياحاتى دامۋىنىڭ التىن مەزگىلىن مىقتاپ يگەرىپ، ماسەلەلەردى، كومەسكى قاتەرلەردى ٴجىتى قاداعالاپ، ٴار جاقتىڭ جاۋاپكەرشىلىگىن بەكەمدەپ، پارمەندى شارالاردى شىعارىپ، باقىلاۋ ـ باسقارۋدى، زاڭ اتقارۋدى قاتايتىپ، ازىق ـ تۇلىك، ٴدارى ـ دارمەك حاۋىپسىزدىگىن جانە بازار باعاسىنىڭ ورنىقتىلىعىن بار كۇشپەن قامتاماسىز ەتۋ كەرەك.
ٴماجىلىس مىنالاردى تالاپ ەتتى: كەشەندى شارا قولدانۋعا تاباندى بولىپ، ازىق ـ تۇلىك حاۋىپسىزدىگى قىزمەتىندە ورىن تەپكەن كورنەكتى ماسەلەلەردى كۇش سالا شەشۋ كەرەك. تومەنگى شەك تانىمىن بەرىك ورناتىپ، تۋ باسىنان وڭاۋ مەن كەشەندى وڭاۋدى كۇشەيتىپ، نازاردى زيانى زور، قاتەرى جوعارى، بۇقارانىڭ اڭىسى كۇشتى بولىپ وتىرعان ٴتۇيىندى سالالارعا شوعىرلاندىرىپ شوعىرلى رەتتەۋ ـ وڭاۋ ورىستەتىپ، جالعان، جارامسىز تاۋارلاردى جاساۋ، ساتۋ، كۋالىكسىز ٴوندىرۋ، بەلگىلەمەگە قايشى زاتتار قوسۋ سياقتى زاڭعا قايشى ارەكەتتەرگە قاتاڭ سوققى بەرىپ، حالىق بۇقاراسىنىڭ ازىق ـ تۇلىك، ٴدارى ـ دارمەك حاۋىپسىزدىگى جاعىنداعى تىلەگىنە ٴتىپتى دە جاقسى جاۋاپ قايتارۋ كەرەك.
ٴماجىلىس مىنالاردى باسا دارىپتەدى: حالىقتى وزەك ەتۋگە تاباندى بولىپ، باعانى باقىلاۋ ـ باسقارۋ، اسىرەسە، ساياحات باعاسىن باقىلاۋ ـ باسقارۋ قىزمەتىن بار كۇشپەن ويداعىداي ىستەۋ كەرەك. جەر ـ جەر، قاتىستى تاراۋلار قىزمەت بىرىككەن كۇشىن قالىپتاستىرىپ، ”ٴبىر نيەتپەن ساياحاتتى قورعاۋ“ ارناۋلى ارەكەتىن ونان ارى تەرەڭدەتىپ، باعا ٴتارتىبىن قاتاڭ ارناعا ٴتۇسىرىپ، باعاسىن اشىق جازباۋ، جارامسىزىن جاقسى دەۋ، باعادا ٴتىل بىرىكتىرىپ الۋ، زات باعاسىن قىمباتتاتۋ، الارماندى الداۋ، الارماندى اۋرە ـ سارساڭعا سالۋ سياقتى ارەكەتتەردى قاتاڭ تەكسەرىپ ٴبىر جاقتى ەتىپ، تاماشا تۇتىنۋ ورتاسىن، بازار ورتاسىن، ساياحات ورتاسىن بىرگە قالىپتاستىرۋ كەرەك.
